~~~~~~~~~~~~~~~~







2014年4月11日 星期五

黃道益活絡油



黃道益活絡油

22歲的Joanna是健身連鎖店的接待員,她在銅鑼灣上班。Joanna長得五官精緻,經常被健身教練「撩」。健身教練中,有醜樣、有自大、有粗鄙、有乸型,結果Joanna在云云健身教練中,揀了樣貌最「四正」的Rocky做男朋友。


25歲的Rocky在銅鑼灣租了一個單位,不久,Joanna為了方便返工,搬入一起同居。兩人一起上班下班,開始甜蜜的情侶生活。

Rocky除了教學生的時候,工餘時都會在健身室內做運動,操到自己肌肉一嚿嚿,省靚自己個body做生招牌。Rocky做運動前後,都喜歡塗黃道益活絡油,舒緩肌肉疼痛。是Rocky的健身師傅教他用黃道益,Rocky沿用至今。

每次Rocky回家,Joanna都聞到黃道益的獨有氣味。起初Joanna極度討厭黃道益陣味,但愛屋及污之下,久而久之,Joanna變得喜歡聞黃道益的氣味。

好景不常,Joanna被調去中環分店工作。因為輪班關係,RockyJoanna聚少離多,加上性格不合,兩人終於唔夾,多次商討後,兩人在和平氣氛下分手。Joanna拖著行李喼,離開了Rocky的單位。

        * * * * *

Joanna在中環分店,繼續被四肢發達的健身教練「撩」。Joanna在云云健身教練中,揀了30Keith做新男友。成熟的Keith沒有Rocky般有型,不過勝在細心。Keith在上環租了一個單位,不久,Joanna為了方便返工,搬入一起同居,兩人一起上班下班,開始另一段同居生活。

30歲的Keith,為人比Rocky成熟,懂得照顧和關心女友,噓寒問暖。又會給Joanna吃一些健康食品,迫她戒煙,早睡早起,假期捉她一起到郊區踏單車。跟Rocky只自顧打機、睇波和落酒吧不同。但Keith就有時長氣咗少少,令Joanna有點吃不消。Keith始終大自己8年,唔多唔少都有點代溝吧。

健身教練Keith喜歡在做運動前後,塗上曼秀雷敦摩擦膏,舒緩肌肉疼痛。每次Keith回家,Joanna都聞到曼秀雷敦摩擦膏的獨有氣味。Joanna極度討厭曼秀雷的氣味,開始懷念黃道益的氣味。Joanna決定游說Keith用黃道益活絡油,從中可以懷緬一吓跟Rocky一起的日子。

        * * * * *

這晚下班回家,JoannaKeith看電視,Joanna好不經意咁講:「我睇過今期《選擇》月刊,中國古方嘅黃道益活絡油,含有冬青、樟腦、靈仙、當歸嘅藥材成份,功效好過西方藥廠製造嘅曼秀雷敦,化學嘢真係無益架。」JoannaKeith試用黃道益活絡油。Keith為了想Joanna開心,一口答應。

第二晚,Keith放工回家,他在運動袋中取出一支黃道益活絡油,向Joanna說:「我買咗嚟用啦!」Joanna見到Keith咁聽話,心都甜了。Keith說:「我俾錢嗰陣,casher送咗支L'Oreal潤膚霜俾我,話係贈品試用裝。Joanna接過潤膚霜。Keith繼續補充:「講開又講,其實妳用『雪完美潤膚霜』,對皮膚唔好架,不如改用L'Oreal啦,上兩期《選擇》月刊講過,L'Oreal最滋潤。」

JoannaKeith開心,一口答應作為回報。感激地說:「我知你細心。連咁細微嘅嘢都有留意到。」自這晚起,Joanna可以在Keith家裡聞到Rocky的黃道益的氣味。懷念那段通宵打機煲煙飲酒的日子。

        * * * * *

兩星期後,某個早上,兩人上班前先到茶餐廳吃早餐。Joanna突然醒起:「呀!我支潤膚霜噚晚啱啱用哂,一陣買過支先。Keith點頭。

結帳後,兩人由餐廳步行到健身室,路經「屈臣氏」,Joanna入去買潤膚霜。正當Joanna想步入之際,一個OL模樣的少女向Keith打招呼:「嗨!Keith,乜咁啱呀!」
Keith尷尬地:「係呀!乜咁啱呀!」
OL少女:「我今朝咁啱過嚟呢面見個客之嘛。」
Keith:「最近點呀?……..
Joanna從兩人的對話內容中,猜想到OL少女是Keith的前度女友。

Keith 介紹Joanna給少女認識,Joanna跟少女握手,Joanna聞到一陣L'Oreal潤膚霜的氣味。Joanna今天早上沒有塗潤膚霜,很明顯,潤膚霜的香味是由OL少女手上傳到自己手上。

終於真相大白,Keith Joanna到郊區踏單車、塗L'Oreal潤膚霜、不吸煙等表面上為她身體好的事情,其實只不過是想將Joanna複製成自己前度女友,找她做替代品。

Joanna沒有很大的情緒波動,畢竟他也有找KeithRocky的替身,你找我找你做替身,妳找我找妳做代替品。

Joanna步入「屈臣氏」買了一支「黃道益活絡油」和一支「雪完美潤膚霜」後,繼續如常,和Keith一起上班工作去。



二少爺說︰活著受罪但是又離不開。

8 則留言:

  1. 卡臣:

    兩個人都係戀物狂,睹「物、味」思前度,不在乎性格.嘻嘻!

    回覆刪除
    回覆
    1. 卡臣:

      專家話,好多戀物狂男人最鍾意女人高跟鞋。你千奇唔好講粗口,我知你諗緊乜。咁又唔見男人偷女人高跟鞋?我都喺咁諗。嘻嘻!

      刪除
    2. 我諗高跟鞋同黑絲襪有得fight
      都是男人心頭好

      刪除
  2. 我地尼度曼秀雷敦就有,黃道益就未听过,应该系港产;余仁生活血镇痛油都几使得架,要新加坡先至有得卖,香港应该都有嘅!

    回覆刪除
    回覆
    1. 香港有余仁生活血镇痛油呀,曼秀雷敦都有,我用「萬應止痛膏」新加坡出品

      刪除
  3. 遲咗嚟睇添,老老實實,黃道益同埋L'Oreal畀咗幾錢贊助費你先? :p

    Keith同埋Joanna都喺搵緊替代品,Keith可唔可以搵番前度女友就唔肯定。但照睇落去,Joanna應該可以搵番Rocky復合吖,既然佢咁掛住Rocky,點解唔試試呢。

    回覆刪除

LinkWithin

Blog Widget by LinkWithin