~~~~~~~~~~~~~~~~







2010年1月31日 星期日

侍應生

侍應生

香港叫Waiter做「侍應生」,大陸則叫做「服務員」。今次數一數侍應生最經常說的十句說話。
補充:我甚少幫趁高級餐廳,所以呢十句只在一般餐廳聽到。而高級餐廳侍應生講的十句,還是交由 具消費力的 閣下去寫吧。


第十位:「今日我哋啲咩好靚好新鮮喎!」
食客在落單時,侍應生落力向食客推銷本店當天的貴價食物,唔理食客衣著如何寒酸,侍應生照搬出廚師推介:「今日我哋啲黑松露好靚喎!」、「今日我哋啲北海道毛蟹好新鮮喎!」食客聽完推介後,不被打動,甚至詐聽唔到,侍應生只有死死地氣:「咁我覆你一次:腿蛋丁、涷檸茶少甜……」

第九位:「一有卡位我再轉俾你。」
情侶吃飯時希望多一些私人空間,最喜歡卡位對坐。但餐廳邊有咁多卡位吖?侍應生帶領食客到普通餐枱坐低後,安撫食客:「一有卡位我立即轉俾你。」有些食客食食吓,怕搬嚟搬去麻煩,便放棄轉卡位的念頭,也有一些死硬派食客唔order住,誓要等到有卡位為止。

第八位:「麻煩邊一位埋咗張單先吖!」
晚間食肆行「兩場制」:6時至8:30、830至11時。不讓食客食完就係咁傾偈,霸住張枱,坐足一晚。到8:30左右,侍應生收哂枱面所有碗碟,拿著一疊帳單,
巡迴到各張枱,要求客人埋單,侍應生有禮貌地說:「麻煩邊一位埋咗張單先吖!」
務求盡快騰出空枱,給站在門口外的下一批食客們。

第七位:「有無興趣做會員?」
有些具規模的食店或集團連鎖店,都設有會員制度。食客付款成為會員後,享有更多折扣回贈和優惠。埋單時,侍應生問食客:「有無興趣做會員?即時享有折扣喎。」有些精打細算的食客願意入會,有些食客唔會再光顧所以唔打開入會,有些食客雖然join了,但會員卡轉頭便遺失了,或者再光顧時忘記帶會員卡。

第六位:「有啲優惠券送返俾你。」
為了鼓勵「返頭客」,食客在結帳時,侍應生:「有啲優惠券送返俾你。」食客獲送贈優惠券後,當下次光顧時出示,便可享有discount:三人同行二人價錢、送多一碟頭盤、開酒八折、食客於生日月幫趁有生日蛋糕送,啲優惠券塞到個銀包脹卜卜,但通常輪到使用優惠券的時候,才發覺它剛好過了期,變成無效廢紙。

第五位:「Sorry!你叫嘅啱啱賣哂。」
一心諗著去某餐廳吃一道它馳名的菜式,山長水遠去到。落單後,一心諗著:一陣間端上來的色香味美,口水已流。怎料,侍應生抱歉上前,誠意道歉說:「Sorry!你叫嘅啱啱賣哂。」吓?想食的菜式賣哂!心情直插谷底。雖然侍應生問你改叫其他東西,但那份失望,早已令你胃口大減了。

第四位:「我幫你教細啲冷氣。」
香港食肆的冷氣特別強勁,可能希望食客食完後快啲埋單,騰空張枱出嚟。或者希望客人見涷,叫啲熱湯熱飲暖暖身。食客叫侍應生將冷氣調細一點,侍應生:「我幫你教細啲冷氣。」其實中央冷氣無得調細,不過食客有侍應生應一應,心理上就覺得冷氣真係好似教細咗啲啲咁。

第三位:「甜品送哂啦!」
中式食肆,有一個俗成慣例:食客飯後問侍應生有無糖水送?中國人有平宜唔怕攞。侍應生笑著道歉:「甜品送哂啦!……不如俾個甜品餐牌你睇吓。」其實食客不是真心想食甜品,只不過如果有糖水唔收錢,唔食又點對著自己呢?

第二位:「等等,我叫人幫你。」
在餐廳內提供服務的侍應生,並非全部都是有經驗的侍應生,有些年資較短的實習生、只負責斟水、出菜、收碟、執枱等輕閒工作。當你找這些實習生落單或問問題時,他們便細細聲說:「等等,我叫人幫你。」轉頭急忙找個senior侍應生,回應客人。

第一位:「應該整緊,我即刻入廚房追!」
食飯點菜,總有一味菜式姍姍來遲,食哂其他飯菜,它都未到。食客追問侍應生:「個餸好耐啦!如果漏單,同我cancel佢!」侍應生搶答:「唔會漏單!應該整緊,我即刻入廚房追!」一入廚房,大嗌:「四號枱爭碟嘢!快馬呀!」五分鐘後,侍應生端出一碟:「啱啱炒起,新鮮熱辣,各位趁熱食啦!」侍應生一聽到食客話要cancel order時,才會認真極速處理食客的要求。




點解會揀Human League的《Don't you want me》?因為呢首歌講一名女侍應,飛上枝頭,五年後又放棄,重新生活。

Don't you want me - Human League

You were working as a waitress
In a cocktail bar
When I met you
I picked you out
I shook you up
And turned you around
Turned you into someone new

Now five years later on
you've got the world at your feet
Success has been so easy for you
But don't forget
It's me who put you where you are now
And I can put you back down too

Don't, don't you want me
You know I can't believe it
When I hear that you won't see me
Don't, don't you want me
You know I don't believe you
When you say that you don't need me
It's much too late to find
You think you've changed your mind
You'd better change it back
Or we will both be sorry

Don't you want me, baby
Don't you want me, oh
Don't you want me, baby
Don't you want me, oh

I was working as a waitress
In a cocktail bar
That much is true
But even then I knew I'd find
A much better place
Either with or without you
The five years we have had
Have been such good times
I still love you
But now I think it's time
I lived my life on my own
I guess it's just what I must do

Don't, don't you want me
You know I can't believe it
When I hear that you won't see me
Don't, don't you want me
You know I don't believe you
When you say that you don't need me
It's much too late to find
You think you've changed your mind
You'd better change it back
Or we will both be sorry

Don't you want me, baby
Don't you want me, oh
Don't you want me, baby
Don't you want me, oh

2010年1月29日 星期五

這麼近 那麼遠

這麼近 那麼遠

鬧鐘響起,Gary一人躺在床上,張開惺忪的雙眼,望著白色的天花板,又是早上八時十分,是時候起床,換衫上班。又要展開一天刻板沉悶的白領生活。

* * * * *

Gary一人住在灣仔一個小單位內。家居擺設很淨色簡約,反映屋主的性格是乏味和枯燥。唔靚仔又唔有錢的Gary,很久沒有愛情滋潤,他甚至沒有什麼朋友。

Gary每天只是營營役役上班下班。木無表情咁搭港鐵、木無表情咁吃早餐、木無表情咁工作、木無表情咁去洗手間、木無表情咁回家對電視吃外賣飯盒、木無表情咁沖涼、木無表情咁熄燈瞓覺。每天不斷重複,年中無休。他已忘記了自己上一次捧腹大笑是什麼時候了。

Gary在觀塘某工業大廈的出版社做校對。自己的坐位靠在落地玻璃窗邊,望到對面的樓景和街景。Gary的工作間被高高的partition包圍著,私隱度算很高。Gary對著電腦密麻麻的文字工作,眼睛一乾澀,便會望出窗外,眺望遙遠景物,來舒緩自己疲倦的眼睛。

十一月,天氣開始沒有那麼火熱,某個早上,Gary剛校對一段冗長文字後,眼睛乾涸,他轉身遠望窗外,伸一伸懶腰,休息片刻。

Gary雙眼無目的地,往窗外遊視。突然被對面工業大廈某扇窗內一位少女的側面所吸引。心諗:「咦!從來無發現到對面大廈有位靚女喎,可能佢今日第一日返工。」Gary偷望對面那輪廓鮮明的少女至入呆。自此,Gary一休息時,眼睛必鎖定對面大廈那少女。

第二天,Gary在公司吃完早餐後,想偷望少女一眼才開工,怎料Gary一轉頭,發現那少女早已在遙望著自己,嚇得Gary立即逃避少女目光,望回電腦屏幕。但Gary心諗這樣做太小家了,不如鼓起勇氣,跟少女打招呼,仲可以落得磊落大方。

當Gary再望那少女時,那少女已先向Gary微笑,嘩!Gary心如鹿撞,立即微笑示好。Gary傻笑後,無以為繼,立即想辦法,他用箱頭筆在環保廢紙背面寫:「妳好!我叫Gary!」把紙張貼在窗前。少女見後,馬上照板煮碗,在廢紙背面寫:「你好!我叫Judy!」貼在窗前。就這樣,Gary和Judy開始了這種low tech的文字溝通。

傾了一陣之後,Gary覺得周圍的事物都漂亮了,生活的色彩豐富起來。以前公司蒸溜水的味道是淡而無味,如今蒸溜水竟然有甜味。一想起Judy便不自禁地笑了起來,行步路都輕快起來。連起床都十分興奮,因為返工又可以見到Judy。

第二天下午,Gary寫紙示:「可否告訴妳的msn號碼?」Judy考慮一吓後便舉紙回答:「Sorry!我沒有登記msn」。Gary雖然有點失望,但繼續若無其事地傾偈,了解對方口味和喜好、玩吓無聊IQ題、畫吓公仔、做啲低能嘢引吓對方笑,替沉悶辦公室生活塗上色彩。

Gary覺得Judy很投契,很約她出來見面。Gary想了一晚之後,決定開口約她見面。第二天早上,Gary在窗邊寫紙示:「今天中午,我可否請妳吃lunch?」Judy見後舉紙回覆:「Sorry!今午我已有約,再揾日吧。」。Gary很失望,因覺得Judy故意跟自己保持距離。Gary吃了Judy的檸檬,心雖酸咗,但亦不強人所難。

雖然Gary和Judy只是一街相隔,但兩人並沒有在上班、午飯或下班時間,在街上相遇過。兩人好似好近,但其實又好似好遠。

* * * * *

Gary晚上在家中上網,無意中看到一篇女作家寫的文章,叫【懷念】。內容以王菲的一首歌《懷念》出發,講香港有一些女仔,因為長期使用電腦,出現溝通障礙,就算遇上心儀對象時,也只喜歡享受思念對方的過程,而恐懼親身接觸到有血有肉的真人,婉拒對方邀請的約會,保持「有距離有空間的相處」。

Gary看完那篇文章後,恍然大悟。可能Judy不想彼此關發展得太快,留有點餘地。又可能是Judy討厭了通訊密集的cyber年代,反而喜歡簡簡單單的低調相處,有空間去幻想對方,驚一見面就可能幻滅一切想像,所以Judy避而不見。Gary一想到這裡,便尊重Judy的想法和決定。

第二天,Gary見到Judy穿上花裙又化了妝,份外漂亮,便寫紙問她今晚去邊?Judy示紙回答:「今晚出席校慶紀念活動。」Gary再追問是那一間學校?Judy之吾以對,反說另一些話題而輕輕帶過。Gary估Judy又在保持距離,所以沒有再三追問。

當天六時,Gary下班,落到大廈G/F。下班時間碰巧觀塘大塞車,人車爭路。正當Gary要橫過馬路,雖然亮起「行人綠燈」,但斑馬線中央被一輛二十尺貨櫃長車阻擋著,Gary只好再等待下一盞綠燈,才橫過馬路。

當貨櫃車緩緩駛走後,對面馬路站著一少女,她也正等候過馬路,她就是Judy。命運終於安排他們在這時這地偶然相遇。Judy見今次無得避,靦腆地笑,嘗試掩飾心中緊張。

Gary半走半跑的橫過馬路,來到Judy跟前,點頭打招呼,Judy很難為情地從手袋中取出紙和筆,鼓起勇氣在筆記薄上寫:「其實我是失聰。」

原來Judy逃避跟Gary相見,並非故意玩什麼「保持距離空間」,而是她因失聰而產生自卑感,恐怕Gary知道自己身體有缺憾而嫌棄自己。她今晚要出席聾啞學校校慶活動,所以迴避回答Gary追問是那間學校。

Judy表白後,垂下頭,心中萌起轉身走的念頭。Gary突然輕拍Judy的膊頭,用手語示意:「其實我是啞的。」吓!又會咁橋?兩人在紅綠燈下,用熟練的手語交談起來。

Gary真的是啞的,所以他從事不用出聲的文字校對工作。他之前過著沉悶的生活,只因他顧慮自己身體缺憾而封閉自己社交圈子。自從他被到Judy吸引後,Gary決定要改變自己,克服社交恐懼,主動踏出第一步,去結識女仔,打破往日故步自封的框框。

如今兩人有他鄉遇故知的感覺。相請不如內偶遇,一起去吃晚飯,兩人的雙手整夜不停興奮地揮舞着。一條街之距離,終於縮短至咫尺之間。




故事改編自短片《Signs》
故事靈感源於王菲的《懷念》,上年跟友人去卡拉OK,才第一次聽到這首歌,十分動聽,所以借題發揮吓。

王菲 懷念
作詞:黃偉文 
作曲:Robin Guthrie/Elizabeth Fraser/Simon Raymonde

關起滿室 不足的氧氣 點著煙蒂 回味你的呼吸
搜索腦裡 未完的齟齬 對著空氣 還擊著你的問題
推辭每次 真實的相聚 困著自己 渴望著你的消息
沾沾自喜 拒絕的魅力 不著痕跡 享受著與你的距離

也許喜歡懷念你 多於看見你
也許喜歡想像你 不需要抱著你

關起滿室 不足的氧氣 點著煙蒂 回味你的呼吸
散落一地 斷續的謎語 對著空氣 還擊著你的問題
推辭每次 真實的相聚 困著自己 渴望著你的消息

翻來覆去 甜蜜的懷疑 故作神秘 延續著你的好奇

也許喜歡懷念你 多於看見你
我也許喜歡想像你 不需要抱著你

啊.....

也許喜歡懷念你 多於看見你
我也許喜歡想像你 受不了真的一起

2010年1月27日 星期三

飛車.毒蛇.迫擊砲 -10

飛車.毒蛇.迫擊砲

眼鏡蛇繼續踩油,按下左邊車窗,右手按著呔盤,左手揸槍,瞄準窗外的直昇機,第一槍missing!再補多一槍,直昇機機身中彈,冒出黑煙,向下急墜……

* * * * *

眼鏡蛇坐在電影院內,正欣賞一套荷里活C級動作電影《飛車.毒蛇.迫擊砲》。劇情講到一名號稱「毒蛇」的殺手,殺人後正逃避一大班仇家的追殺,駕著紅色跑車在洛杉磯的高速公路上飛馳,左穿右插,險象環生!仇家仲出動到直昇機,直昇機上的一支迫擊砲,正瞄準公路上毒蛇的紅色跑車。

坐在螢幕下的眼鏡蛇看得十分無癮,心問自己:「唉!人哋係殺手,我又係殺手,點解我從來未試過咁激!連一個飛車槍戰場面都未試過呀!」

散場後,眼鏡蛇走到銀行櫃員機,Check吓自己戶口剩餘。咦!上個月嗰單生意仲有十皮嘢剩,不如換架街頭戰車玩吓,喺香港高速公路「片吓」,自我滿足一吓都好吖!

眼鏡蛇撳了幾萬現金去土瓜灣找「車房森」,阿森同眼鏡蛇相識十年,以前兩人都是行家,飛簷走壁,專做「老爆」。後來阿森揍夠錢後開車房,從此便金盤洗手。

阿森正在車房抽雪茄,眼鏡蛇好型咁跟阿森揮一揮手。阿森見老友到訪,想和眼鏡蛇嚟過「兄弟式擁抱」,但眼鏡蛇巧妙地側身避開,因為阿森套車房開工衫實在太污漕。

眼鏡蛇講明來意後,兩人入去元朗二手車場揀車,眼鏡蛇用5萬買了一架戰車,叫阿森幫手改車,從新執過避震、呔鈴、死氣喉、煞車皮、加包圍、尾翼、再加3萬,前後8萬蚊埋單,十日後可以攞車。眼鏡蛇如小學生般興奮地等待他的新玩具落地。

十天後,眼鏡蛇到土瓜灣車房取車時,眼鏡蛇第一眼望見架戰車,嘩!眼珠都突埋出嚟!原來阿森私自替眼鏡蛇揸了個主意,在車身上拉花:「無限、極速、暴走、鬥魂、米芝蓮、熊出沒注意、藤原豆腐店」等貼紙,貼滿成架車身都係。

眼鏡蛇第一眼望見,嘩!嗌了出來!真係開心到不得了!感激地說:「好威呀!果然係好兄弟!知我想要乜!」跟著和花碌碌的新寵,沿整個新界疾飛了幾轉。

一周後,眼鏡蛇接了一單大生意,要殺死某賭場的大老板。中午時分,眼鏡蛇把他的戰車泊在灣仔某名人飯堂外,手持裝了滅聲器的手槍進內,在洗手間內一槍搞掂賭場大老板,極速逃離飯堂,一出門口,就見到架戰車被「咖啡妹」抄緊牌,眼鏡蛇唔理咁多,推開咖啡妹,跳上車,踩油向銅鑼灣方向逃走。

賭場老板手下發覺東窗事發!叫救護車之餘,三架寶馬撻匙,極速追殺眼鏡蛇!戰車上了東區走廊,中午時分,公路車多繁忙,眼鏡蛇左穿右插,大呼過癮!終於一嚐荷里活電影式的飛車滋味!尾隨的三架寶馬亦非善男信女,超速緊貼眼鏡蛇,幸而眼鏡蛇平時打慣PSP的Ridge Racers 2,餐餐都打爆機,技術己經超凡入聖。

在東區走廊上追逐,「砰!」第一架寶馬喺天后撞石壆。「砰!」第二架喺炮台山撞到部雞記貨van。「砰!」最後一架喺北角炒埋部冷氣巴士。眼鏡蛇滿足地大笑。哇哈哈!終於飽嚐荷里活式飛車的味道!

怎料好戲在後頭,眼鏡蛇在左邊車旁的倒後鏡見到一部直昇機緊追而至,絕非幻覺!估唔到死鬼賭場老板咁把炮,出動埋直昇機添!嘩!非常荷里活B級片的情節呀!下一步,應該會有迫擊砲出場架!

直昇機在東區走廊旁疾飛,將至鯉景灣時,眼鏡蛇按下左邊車窗,右手按著呔盤,左手揸槍,瞄準窗外的直昇機,第一槍missing!再補多一槍,「嘭!」直昇機機身中彈,冒出黑煙,向下急墜,被擊中的直昇機,在眼鏡蛇的倒後鏡中失去踪影。嘩!呢一槍真係畢生代表作!眼鏡蛇瘋狂大笑,戰車擺脫所有海陸空追截,駛向柴灣入到石澳。

駛到石澳某一偏僻處停車,眼鏡蛇剛才殺了賭場老板未行「完成任務signature」,銀包內找不到現鈔,只好把咖啡妹發出的告票撕毀,隨手一揚!紙碎四揚。下一步是把戰車毀屍滅跡,因為東區走廊的攝錄機,一定已經拍下這輛超速戰車。

眼鏡蛇向車身淋上電油後,眼鏡蛇點一口煙,忍痛將香煙扔向戰車,「嚯」一聲,火光熊熊。把這輛剛落地七天的8萬銀新寵,親手燒毀。離開石澳時,眼鏡蛇致電報失車輛,報告自己的車輛被人偷走,相信汽車被拿去做不法勾當。

當夜回家,眼鏡蛇第一時間睇電視新聞報導。咦?只報導東區走廊三部寶馬超速引致連環車禍,關於直昇機失事,隻字不提!點解咁轟動的新聞,政府要全面封鎖?難道直昇機跟賭場和香港政府?有著不可告人的秘密?但咁大件事,一定有大批目擊者,政府點可以封鎖呢?Youtube又無片上載,眼鏡蛇百思不得其解。

翌日,眼鏡蛇隻身到鯉景灣,嘗試找出直昇機墜機之謎。但現場半點蛛絲馬跡也沒有,眼鏡蛇見到有兩個中年男士,一高一矮,迎面行過,邊行邊講:
矮佬:「吓?唔係呀?你咁唔好彩?」
高佬:「係囉!尋日我架機 飛飛吓,突然出煙,跌埋落海,執都執唔返!」
矮佬:「我諗…燒咗副engine啩?」

原來眼鏡蛇喺東區走廊旁見到嗰部直昇機,是面前這位高佬的遙控直昇機模型,原本好地地 飛飛吓,就俾眼鏡蛇的無情一槍,擊毀墮海。

眼鏡蛇獲悉真相後,苦笑一吓,仲以為自己咁勁;一槍搞掂架直昇機。不過算啦,曾經興奮過總好過從未興奮過。眼鏡蛇決定下午2:30入戲院睇《飛車.毒蛇.迫擊砲》的續集《飛刀.蜥蝪.雷射砲》。相信眼鏡蛇今次再睇荷里活式的飛車場面時,必定另有一番滋味在心頭。


有「夢工場」之稱的「荷里活」,影響全世界的電影潮流。眼鏡蛇在香港嚐過荷里活的飛車場面,死而無憾。有人漏夜趕科場,也有人辭官歸故里。Billy Joel就有首歌叫《Say Goodbye to Hollywood》。

Say Goodbye to Hollywood - Billy Joel

Bobby's drivin' through the city tonight
Through the lights in a hot new rent-a-car
He joins the lovers in his heavy machine
It's a scene down on Sunset Boulevard
Say goodbye to Hollywood
Say goodbye to my baby
Say goodbye to Hollywood
Say goodbye to my baby

Johnny's takin' care of things for a while
And his style is so right for troubadours
They got him sitting with his back to the door
Now he won't be my fast gun anymore
Say goodbye to Hollywood
Say goodbye to my baby
Say goodbye to Hollywood
Say goodbye to my baby

Movin' on is a chance that you take
Any time you try to stay together
Whoa
Say a word out of line
And you find that the friends you had
Are gone forever
Forever

So many faces in and out of my life
Some will last
Some will just be now and then
Life is a series of hellos and goodbyes
I'm afraid it's time for goodbye again
Say goodbye to Hollywood
Say goodbye to my baby
Say goodbye to Hollywood
Say goodbye to my baby

Movin' on is a chance that you take
Any time you try to stay together
Whoa
Say a word out of line
And you find that the friends you had
Are gone forever
Forever

So many faces in and out of my life
Some will last
Some will just be now and then
Life is a series of hellos and goodbyes
I'm afraid it's time for goodbye again
Say goodbye to Hollywood
Say goodbye to my baby

2010年1月25日 星期一

局長‧殺局 - 下集 - 9

局長‧殺局 – 下集

馬德鐘用手指拉回手槍的保險掣,並把手槍放下。眼鏡蛇緩緩張開雙眼,用迷惑的目光回應。

馬德鐘先開聲:「你走啦!」
眼鏡蛇問:「點解放我走?」
馬德鐘:「因為……我都係倒閉銀行嘅苦主…..你同我殺咗個狗官!」
眼鏡蛇:「咁…點解你頭先咁搏命追我?」
馬德鐘:「因為我下個月見broad,有機會升職,所以我咪要喺上司面前爭取表現囉!頭先我要大聲嗌:『企喺度!咪走!』係驚死無人知我去追你吖嘛!」
眼鏡蛇點頭同意。

馬德鐘從他的耳朵通訊器取得情報:「個狗官而家喺B2-A出口,你快啲去啦!」
眼鏡蛇:「B2-A出口?會唔會係一個陷阱?點解我要信你?」
馬德鐘:「哈哈!因為如果我要殺你,一分鐘前我已經可以殺死你!」
眼鏡蛇向馬德鐘交出一個感謝和肯定的眼神後,向B2-A出口跑去。

眼鏡蛇行動前,早已熟讀酒店的各個出入通道,趕來B2-A出口見到一眾警員護送錢局長上房車。目標人物背向眼鏡蛇,相隔10米左右,在射程範圍之內,眼鏡蛇正想一槍了斷他。

眼鏡蛇舉起手槍瞄準錢局長的後腦,開槍之際突然又響起「♫ 沒有得你的允許.我都會愛下去,互相祝福心軟之際或者准我吻下去 ♪」Oh my God!擾亂心神,「砰嘭」一聲,子彈誤中錢局長身旁一名警員後腦,當場斃命!眼鏡蛇知道今天欠缺運氣,兩顆子彈都落空,又有兩個黐線來電,行動注定失敗。眼鏡蛇立即跳入冷氣糟逃走,逃離酒店。

走在街上的眼鏡蛇,神情落寞,殺不到應殺的人,反而誤殺一名警員;製造孤兒寡婦,不免受到良心責備。前面有一班路人駐足看商場牆上的戶外大電視,特別新聞報導:「20分鐘前,錢局長於酒店遭獨行殺手槍殺,送院途中,證實不冶。」吓?乜唔係誤殺警員咩?眼鏡蛇心裡一堆問號。

原來錢局長是荷里活電影fans,他逃走時突然想起某一套電影橋段,叫一名警員把制服跟自己的西裝對調更換,分散殺手注意力。結果眼鏡蛇錯有錯著,誤殺副車變命中紅心。錢局長唔衰攞嚟衰,聰明反被聰明誤,死於命運的作弄。而部分路人是銀行苦主,知道此好消息後,紛紛對身邊陌生人互相握手、擁抱、甚至親吻,遊客唔知仲以為香港提早除夕倒數,嘖嘖稱奇。

眼鏡蛇知道後,心情大喜!這時他才醒起要找出打那兩個索命電話的真凶。來電顯示是太太Coody打出,眼鏡蛇又不能向她表露殺手身份,只好覆電給Coody。太太提醒他今天回家前,要到信用卡禮品換領中心,換部抽濕機回來。眼鏡蛇應了Coody。此時,是時候做「完成任務signature」,眼鏡蛇在口袋中取出一張銀紙撕碎它,手一揚碎片四飛!自己freeze咗個pose,好型啊!

咦?頭先撕爛果張好似係「信用卡禮品換領通知書」喎!有色盲的眼鏡蛇,雖然返去實會被老婆鬧,但能夠符符碌碌咁完成一單驚險的任務,總算執返身彩。



鬧香港政府高官嘅歌,腦中第一時間想起:黃貫中 Feat. LMF的《香港一定得》。呢個版本有粗口架,不喜勿聽。

香港一定得(黃貫中、LMF合唱)
作曲:黃貫中
填詞:LMF

睇你又攪啲乜 又話香港一定得
我地就乜都得 睇你又攪啲乜

趕頭趕命趕到落黎P記 土瓜灣
大懶堂大隻講講完又講講到尾 好得閒
哪呢個社會就越黎越難睇 我地懶得理
睇你班高官無手尾 日日坐係立法會做戲

有啲廢柴一行埋就剩係講是講非
噏三噏四唔去做娛記就真係嘥Q咗你
貪婪醜怪 行為變態 我哋係睇你唔起
一朝揭發 畏罪自殺 你真係累人累己

你咪係處巴巴閉
你有米去攪嘢 好多鬼計
你咪係處巴巴閉 我有我攪嘢 好多手勢

家陣呢一代啲靚仔就越種越壞
古靈精怪 未夠秤又以為自己大哂
學人行古惑 英雄主義 盲目祟拜
我地大懶堂忍唔住企出黎嗌

喎個社會攪喎 係邊個出錯
有錯又邊個肯企出嚟認錯
唔係好清楚 唔去問清楚
你講錯唔認喎 出咗事 你推我
有冇攪歪咗 狼披羊皮當
星斗巿民就似羔羊咁 俾你鉗鬼住
我選得你 係想你幫吓我
但係你將啲利益代鬼咗

局長‧殺局 - 上集 - 8

局長‧殺局 - 上集

酒店的宴會廳內企滿記者和賓客,攝影機和相機鏡頭對準台上預備祝酒的「錢局長」。穿上侍應制服的眼鏡蛇,早已混入會場。他的右手托著放了香檳酒的銀盆,腰間藏了一柄改細size的手槍,暗殺的目標,就是距離他三米以外的錢局長。

* * * * * *

這天中午,錢局長出席一個私人金融機構搞的周年午餐會,錢局長是這機構的榮譽顧問。近日全港市民和傳媒的矛頭都直指向錢局長,成了眾矢之的。事源上週某一間美資銀行出現擠提恐慌,錢局長站出來呼籲市民要鎮定,保證銀行業運作絕對正常健全。部份存戶信以為真,結果兩日後,這間美資銀行真的倒閉了!幾萬名存戶的血汗錢化為烏有。結果有部分苦主懷恨在心,集資聘請殺手暗殺錢局長,以洩心頭之恨。眼鏡蛇接了這宗賣買。今晚就要在眾目睽睽之下,置錢局長於死地。

當錢局長高舉酒杯之際,一顆銀色子彈,朝他的眉心射去。「嘭冷」一聲,香檳杯擋了子彈的去路,應聲裂開。錢局長嚇至雙腳一軟,伏低在地上。在旁的警察立即擁上,包圍著錢局長。眼鏡蛇見行動失敗,立即混入慌亂的人群中離開。

由於錢局長呢排太惹火頭,出入都遇上示威者抗議,扔爛蕉扔臭蛋。所以警方特別安排了警員給錢局長,維持秩序。一位戴著耳朵通訊器的持槍威猛警員,拔槍朝眼鏡蛇逃走方向追去。可能睇得電視劇太多,該名貌似馬德鐘的勇探一邊追眼鏡蛇、一邊大嗌:「企喺度!咪走!」的無聊多餘對白。看來勇探馬德鐘也難逃電視劇的荼毒。馬德鐘緊隨眼鏡蛇,追到四周無人的酒店地牢內。

眼鏡蛇躲在木箱後,伺機制服馬德鐘。當馬德鐘背向眼鏡蛇,兩人相距只是一米,這一刻是眼鏡蛇落手的最佳時機!突然響起「♫ 沒有得你的允許.我都會愛下去,互相祝福心軟之際或者准我吻下去 ♪」原來眼鏡蛇的電話ringtone好唔通氣,喺呢個咁關鍵時刻響起!

馬德鐘立即回頭一槍指正眼鏡蛇的眉心,眼鏡蛇又衰一鑊。兩人好型咁freeze對峙咗三秒。馬德鐘拉開手槍的保險掣,眼鏡蛇閉上眼晴迎接死亡,不過他真的真的很想在死之前,知道那個索命電話是由誰打來的?

眼鏡蛇聽到馬德鐘拉開手槍保險掣「咔」一聲,估唔到自己殺手的生涯,在今天要畫上句號。想起未找的信用卡數,恐怕是留給太太Coody的最後禮物,馬德鐘把指頭按下……

待續

人遇到危險,總希望能夠安全逃走。今次眼鏡蛇似乎難逃一劫。今次揀A Flock of Seagulls 的《I Ran》,MV中的女model,化上80年代的濃妝艷抹(即是電影少林足球中的趙薇),好具時代代表性架!

I Ran - A Flock of Seagulls

I walked along the avenue.
I never thought I’d meet a girl like you;
Meet a girl like you.
With auburn hair and tawny eyes;
The kind of eyes that hypnotize me through;
Hypnotize me through.

And I ran, I ran so far away.
I just ran, I ran all night and day.
I couldn’t get away.

A cloud appears above your head;
A beam of light comes shining down on you,
Shining down on you.
The cloud is moving nearer still.
Aurora borealis comes in view;
Aurora comes in view.

And I ran, I ran so far away.
I just ran, I ran all night and day.
I couldn’t get away.

Reached out a hand to touch your face;
You are slowly disappearing from my view;
Disappearing from my view.
Reached out a hand to try again;
I’m floating in a beam of light with you;
A beam of light with you.

And I ran, I ran so far away.
I just ran, I ran all night and day.
I couldn’t get away.

2010年1月23日 星期六

穿心殺手 -7

穿心殺手

眼鏡蛇拿著一張咭片,循咭片上的地址,來到一幢商業大廈門口。正想踏進門口時突然給人攔腰截著,一個受過訓練的專業殺手,立即退後,伸手入腰間準備拔槍還擊。睇真啲原來只是一個手揸宣傳單張的肥阿嬸:「先生,三樓眼鏡直銷中心,上去參觀吓!全部貨品八折。」眼鏡蛇鬆一口氣,近日他成了驚弓之鳥,因為有另一個超級殺手要置他於死地!

* * * * * *

七日前,眼鏡蛇接了一宗生意,殺死了一名大耳窿。大耳窿的親大佬要買起眼鏡蛇條命報仇。兩日前,眼鏡蛇在便利店買煙時,首次遭另一名超級殺手埋伏,他綽號叫「穿心」。點解叫穿心?因為他懂得「穿心術」:只要兩人四目交投,穿心便可以看穿對方心裡面想什麼,所有目標的心意想法都給穿心看穿,殺人易如反掌。

眼鏡蛇在便利店遇伏時,腦裡盤算用什麼方法反擊、用什麼途徑逃走、都一一被穿心看穿而攔截。最後眼鏡蛇全靠幸運才能逃出生天。

眼鏡蛇向殺人組織打聽一吓,知道穿心的來頭和背景後,心裡發毛。遇上比自己高強百倍的對手,今次條命仔涷過水。但眼鏡蛇不會坐以待斃,他問殺人組織介紹了一個心理醫生,去睇吓有無方法可以破解穿心的「穿心術」?希望找出穿心的破綻和對付方法。

眼鏡蛇上到診所,向護士說:「約咗Dr. Lo三點正。」眼鏡蛇入房見到Dr. Lo,問如何對付「穿心術」?Dr. Lo在書架找出幾本參考書,翻兩翻之後,好有自信咁提議:若要避免給對方看穿自己心意,一於避開對方的目光便可。

眼鏡蛇點頭,追問:「如果我心裡面專登諗著一個錯誤嘅答案,咁可唔可以用嚟誤導對方,等佢信以為真呢?」Dr. Lo:「應該係……唔得!因為對方嘅閱心術,會睇得出你係存心『煽佢』,而唔會被你呃到。」

眼鏡蛇:「咁~我有無辦法可以令到……」突然「嘭」一聲巨響,劃破寧靜的診所。嚇得Dr. Lo連本書都跌落地,目瞪口呆!

醫生房外傳來一吓槍聲,眼鏡蛇好敏捷、碌地滾到房另一端,拔出曲尺手槍,躲在屏風後。房門被一腳大力踢開,持槍的穿心,殺氣騰騰、慢鏡頭步入房間。可惜沒有白鴿從左右飛出作陪襯,增加氣氛。
穿心一望Dr. Lo雙眼,運用「穿心術」已知道眼鏡蛇躲在屏風後,穿心立即轉身送出一槍,眼鏡蛇閃身避過子彈,順勢碌出醫生房外。

房外早已空無一人,剛才穿心闖入診所,向天花板開了一槍。嚇到護士病人雞飛狗走。眼鏡蛇拾起地上一副病人逃生時遺留下來的太陽墨鏡,衝出診所。經後樓梯朝大廈天台奔去。

穿心的追殺對象只是眼鏡蛇,他不會對Dr. Lo浪費多餘的子彈。穿心隨眼鏡蛇往天台跑。兩人走到烈日當空的天台,上面有大廈水箱、電梯機房、泵房、衛星碟型天線等等設施,成為兩人追遂的屏障。互相向對方開槍及還撃。

「嘭!」「嘭!」「嘭!」「嘭!」「嘭!」……作為一個專業殺手的眼鏡蛇,他每開一槍都要用心數著自己有幾多發子彈報銷。結果眼鏡蛇數了13吓,換言之,他槍膛內的13發子彈已全數耗盡。

一輪槍戰後,兩人都無中槍。穿心神出鬼沒突然出現在眼鏡蛇面前,兩名殺手立即互相用手槍指著對方的額頭;大家都Freeze咗。眼鏡蛇知道今次死梗!

穿心哈哈大笑:「你唔使出聲!你心問緊我支槍仲有無子彈吖嘛?」
「你點知架?……」
「你唔使講!你仲想問明明戴著黑超,點解都可以睇穿你個心吖嘛?」
「係呀……」
「因為我嘅閱心術係可以睇穿黑超…吓?你鬧緊頭先個心理博士?哈哈!鬧都無用啦!」
「咁你仲睇到乜呀?」
「哈哈!你個心話俾我聽你支槍仲無哂子彈!」
「Shit!」
「你仲好驚喎!哈哈!受死啦!」

眼鏡蛇下意識退後,右腳踩到地上一盒紙包檸檬茶的空盒,唔覺意踩爆紙盒「嘭!」一聲!穿心應聲倒下,一顆子彈穿過穿心的胸膛。穿心痛苦地抽搐,用顫抖微弱的聲音問眼鏡蛇:點解…會…咁架?

眼鏡蛇好招積、嘴藐藐咁回答:「哼!乜都俾你估到?你玩哂咩!」穿心死不冥目斷了氣,眼鏡蛇確保他死後,無力跌坐地上,全身乏力,也問自己:「點解…會咁架…?」

原來眼鏡蛇一向數口唔好,開了12槍,仲以為自己已經開咗13槍,無哂子彈。而他的手槍改裝成「聲音操控」,一聽到「嘭」一聲(踩爆檸檬茶紙盒)便會自動開槍。穿心就這樣一個唔好彩被眼鏡蛇的最後一顆子彈,打進他的心窩。

黎明曾經講過「要贏人,先要贏自己。」估唔到眼鏡蛇就「要呃人,先要呃自己。」穿心估唔到眼鏡蛇「真亦假時 假亦真」的做人哲學。真係死咗都唔知為咗乜嘢事。

眼鏡蛇解決了殺手界一哥,自己在殺手排行榜排名又高咗,咁接生意時可以叫高價啲。忍不住哈哈哈大笑起來。既然今次咁威,一於乘「大廈抹窗的吊船」落樓。咁先叫做「型」呀嘛!

咁啱有幾隻白鴿飛過,眼鏡蛇好型咁點起一支煙,睇吓四周的樓景,風涼水冷,大地在我腳下。又喺時候做「完成任務的signature」,咦!現金又用完,袋中只有阿嬸派過的眼鏡直銷中心宣傳單張,照撕可也,散於風中。

「轟隆」抹窗吊船震一震。
「哎呀!點解隻吊船遲唔壞早唔壞,係都要揀係呢個時候嚟壞呀!?」

前面一嚿大片濃厚的黑雲漸漸飄近,睇嚟將會來一場大暴雨,眼鏡蛇叫天不應,叫地不聞,超無奈。一隻黑色烏鴉,由左至右,慢速飛過眼鏡蛇的頭頂,發出「哇~哇~」的乾澀叫聲。

Dr. Lo 前傳

如果能夠學會「閱心術」,看穿對方心意,諗落都幾痛苦。因為對方心裡嗰句真話,可能會係毫無保留的尖酸刻薄,真係唔知好過知。送上Sting的反戰歌曲《Shape Of My Heart》。

Shape of My Heart - Sting

He deals the cards as a meditation
And those he plays never suspect
He doesn't play for the money he wins
He don't play for respect

He deals the cards to find the answer
The sacred geometry of chance
The hidden law of a probable outcome
The numbers lead a dance

I know that the spades are the swords of a soldier
I know that the clubs are weapons of war
I know that diamonds mean money for this art
But that's not the shape of my heart

He may play the jack of diamonds
He may lay the queen of spades
He may conceal a king in his hand
While the memory of it fades

I know that the spades are the swords of a soldier
I know that the clubs are weapons of war
I know that diamonds mean money for this art
But that's not the shape of my heart

And if I told you that I loved you
You'd maybe think there's something wrong
I'm not a man of too many faces
The mask I wear is one

Well, those who speak know nothing
And find out to their cost
Like those who curse their luck in too many places
And those who fear are lost

I know that the spades are the swords of a soldier
I know that the clubs are weapons of war
I know that diamonds mean money for this art
But that's not the shape of my heart
That's not the shape, the shape of my heart
That's not the shape, the shape of my heart

2010年1月21日 星期四

點指兵兵 -6

點指兵兵

黃大仙某老字號茶樓的二樓,晨運客正在嘆早茶,一盅兩件。眼鏡蛇扮成茶客,一人獨坐一張檯。表面上他正睇緊蘋果日報的豪情版,實則用眼尾監視在三米以外的一對母子茶客。兒子四十歲,一副江湖人物的衣著服飾和打扮,母親七十歲,一名慈祥的福氣婆婆。兒子正替母親酙上熱騰騰的鐵觀音。

* * * * * *

呢位江湖大佬叫「黑人Ray」,因他愛曬到膚色似黑人。佢平時出入至少有六七個保鑣和隨從跟著。但呢位大佬好孝順,每個星期三早上八時,都會陪阿媽到黃大仙某茶樓飲早茶。只有這一小時,黑人Ray才會使開哂所有保鑣跟班,只剩一位保鑣留喺身邊,唔想一棚人騷擾兩母子靜靜地品茗。有人要買起黑人Ray條命,這一小時就是眼鏡蛇落手的最佳時機。

眼鏡蛇拿著點心紙,行去黑人Ray張枱對開那架點心車,他向點心阿姐講:「唔該一籠蝦…」「砰嘭」一聲!一槍先「辣」低旁邊的保鑣,再舉槍指向黑人Ray個頭,江湖大佬個名唔係浪得虛名,黑人Ray極速拔出腰間手槍,向眼鏡蛇還擊,「砰嘭」一聲!眼鏡蛇如Matrix般拗腰,緊緊避過子彈,在鼻尖前擦過,黑人Ray乘機發足逃走。

兩吓槍聲巨響,全場茶客恐慌嘩然,茶客趁機唔使找數埋單,「嗱嗱林」蜂擁而逃,有人更趁亂,對女茶客乘機抽水揩油,場面十分混亂。

眼鏡蛇狂追黑人Ray,跑到茶樓後巷,黑人Ray回身開一槍,眼鏡蛇又好彩避過。黑人Ray已經跑到人來人往的大街。眼鏡蛇繼續追呀追,隨黑人Ray跑進一個公園內。公園內樹高又多遊樂設施,一時間失去黑人Ray蹤影。眼鏡蛇立即握緊手槍,提高警覺。因為不知道黑人Ray會在哪一個角落,突然跳出來偷擊自己。

同一時間,警員杜燦明一人在黃大仙下邨行「單咇」,突然通訊器calling:「PC24601,有人報案,目睹一名中國藉男子,手持擬似手槍物體,進入黃大仙公園,你去睇睇,over。」

杜燦明:「Roger,不過你記得要派多啲增援嚟呀!」杜燦明暗自嘆氣:「吓!對方有槍咁大鑊?今晚仲買咗飛睇演唱會添架,千祈唔好有事啊!」死死地氣向黃大仙公園走去。

報案的人叫「球叔」,是管轄公園的康文署合約園丁。球叔剛才淋花時,見到眼鏡蛇持槍跑入公園,富偵探頭腦的球叔立即報警;並守在公園門口等待警員到場。當杜燦明抵達公園,球叔第一時間帶著杜燦明,進入公園尋找眼鏡蛇。

眼鏡蛇在公園內尋找黑人Ray,但毫無發現。眼鏡蛇在鞦韆架前遇上一名手持玩具槍的四歲男童,突然聽到背後的杜燦明大嗌:「差人咪郁!」嚇得眼鏡蛇失去重心向前仆,撞倒該名小男孩,兩人倒跌在地上。一支真槍和一支玩具槍同時掉在地上。

杜燦明拔出配槍,好緊張又口震震叫眼鏡蛇:「雙手舉起,慢慢起身,將地下支手槍踢過嚟!」眼鏡蛇照辦。踢了四歲男童的玩具槍去杜燦明腳旁,給他拾起檢查,眼鏡蛇:「阿Sir,我同個小朋友玩『點指兵兵』啫。」

杜燦明叫四歲男童拾起地上另一支真手槍拎過來。眼鏡蛇趁他們視線轉移之際,高舉的雙手施展「彈指神功」,兩枚五蚊銀挾勁射出,樹枝上兩隻白鴿被擊中墮地。

杜燦明正快要接過男童遞上的真手槍時,眼鏡蛇:「阿Sir,有兩隻死白鴿呀!禽流感呀!H5N1呀!」眼鏡蛇指著地上兩隻昏死的白鴿大嗌。嘩!禽流感?死人嗰喎!自己命仔緊要呀!打工啫,唔使搵命搏呀。

杜燦明唔再check手槍啦,立即大步後退,並call台:「黃大仙公園發現兩隻死白鴿,懷疑禽流感呀。」疏散所有人。眼鏡蛇趁亂速閃,又一次化險為夷。

眼鏡蛇下一步需要找回男童,換番支真槍。但一時間又唔見咗個男童,屢尋不獲。

突然傳來「砰嘭」一聲……

原來男童喺搖搖板前,一槍隊冧咗黑人Ray。剛才黑人Ray匿埋喺搖搖板打電話班馬時,遇上持真槍的男童。男童見黑人Ray又揸槍,天真地舉槍大叫一聲「嘭」!怎料眼鏡蛇改裝了自己的手槍作「聲音操控」,叫聲「嘭」便會自動開槍。黑人Ray倒地,雙眼睜開,死得不明不白。

杜燦明聽到槍聲趕到搖搖板,需要逮捕男童。男童的爺爺更接近精神崩潰:「點解我帶個孫仔嚟公園打韆鞦,會搞到殺死人架?!」杜燦明更自言自語:「唉!呢份口供點落呀?今晚實睇唔到演唱會啦!」球叔經過今次警民合作,成功輯拿兇手,日後更加疾惡如仇。

眼鏡蛇得意洋洋咁逃離現場,黑人Ray已除。又係到「完成任務signature」的時候,咦?乜銀包內所有現金都用光哂喇?又唔記得撳機添,袋中只有一張茶樓點心紙,一於照撕啦。

紙碎四散後,眼鏡蛇聽到背後一名衛生幫辦說:「先生,唔該身分證」。眼鏡蛇上得山多,終於要奉獻1,500元給政府庫房。

球叔前傳

* * * * *

故事中的大佬叫「黑人Ray」,無非都係因為我想tag去呢首英文歌啫,我知我係夾硬咗啲,但無計啦。

Black Man Ray - China Crisis

Are we believing
Black man ray
Are we not happy
In our own way
And we the people
Who reason why
Forever change
As time goes by

Yes, yes, I could be wrong
Why, why, should I pretend
God only knows in the end

Are we believing
The heavenly survive
Faith the future
Big life on their side
And we the people
Who can but try
Forever learn
As time goes by

Yes, yes, I could be wrong
Why, why, should I pretend
God only knows in the end

Are we believing
Black man ray
Persuasive danger
In everything you say
And we the people
Who answer you why
Forever doubt
As time goes by

2010年1月19日 星期二

我愛萬人迷 -5

我愛萬人迷

下午5時,眼鏡蛇懸身掛在18樓大廈的外牆水渠上。他把手提電話放在某單位的玻璃氣窗外,偷拍室內的一對正在交歡的男女。男的賤肉橫生:叫「豬肉榮」,女的是湖南妓女,叫「圍圍」。他們之間的關係,只是妓女和嫖客的買賣。

* * * * * *

這名湖南妓女,原名叫淑慧,持雙程證來港做「一樓一鳳」。她在「叫雞指南網頁」上,刊登自已驕人的三圍相片,所以改了個下海藝名做「噴血圍圍」。

今天早上,圍圍的門鐘響起,原來是女同鄉「清清」上門造訪。「清清」明天回湖南,圍圍託清清帶些現金回鄉給自己父母。圍圍藉詞到港當餐廳侍應,給父母賺錢起屋。

清清也是鳳姐,她坐低後猶有餘悸;原來她昨天險些給嫖客打劫。幸而該名嫖客大盜十分騰雞,連刀都揸唔實,跌埋把刀,立即走人!

清清攞出一份報紙,頭條寫「鳳姐殺手,再奪一命」近日有「鳳姐連環殺手」出現,已連奪三命。清清叫圍圍打醒十二分精神。圍圍暗嘆:希望快些儲夠錢告別皮肉生涯。愛看愛情小說的圍圍,經常幻想終有一天,一個精壯猛男,會從天而降,從火坑中拯救她過來,埋街食井水。

* * * * * *

眼鏡蛇接了一單生意,目標人物叫「豬肉榮」,超級雞蟲一名,每日都有性需要,每日傍晚時候都要召妓。眼鏡蛇跟蹤豬肉榮,知道他正幫襯「噴血圍圍」。眼鏡蛇未做殺手前當過爆竊匪,最拿手爬大廈水渠。

眼鏡蛇的太太Coody剛送了一部新的手提電話給他,這部電話有高解像拍攝短片功能。眼鏡蛇起了歪念,不如臨殺死豬肉榮前,偷拍他們交歡片段作自娛之用。

眼鏡蛇懸身掛在18樓大廈外牆的水渠上。他把手提電話放在某單位的玻璃氣窗外,偷拍室內的圍圍和豬肉榮的肉搏,嘩!好激呀!

突然,豬肉榮攞起床邊的皮帶,想勒死圍圍!眼鏡蛇雖然是殺手,但如果目標是女人和小孩,就唔會接。盜亦有道,眼鏡蛇亦有正義感,立即破窗而入,從天而降。跟豬肉榮搏鬥。三兩吓手勢就將豬肉榮勒死。

圍圍感動到熱淚盈眶,夢想中的英雄終於出於了。仲喺自己命懸一線、千鈞一髮之際出現,救咗自己條命! 圍圍用半鹹半淡廣東話問眼鏡蛇:「先生,你叫乜嘢名呀?」眼鏡蛇見豬肉榮放在床邊的T-shirt球衣,印著「Beckham 23」,眼鏡蛇想起碧咸有萬人迷之稱,隨口說:「妳可以叫我:萬人迷」,跟著好型咁奪窗而出,再經另一氣窗跳入大廈後樓梯逃走。

眼鏡蛇又到時候做「完成任務signature」,咁啱袋中無現鈔,只好拾起後樓梯地下的報紙的豪情版,撕碎四揚,好有型啊!跟著好cool咁去會合老婆到演藝學院看舞台劇。

* * * * * *

圍圍報警,向警方詳述事情經過,警方懷疑豬肉榮就是鳳姐連環殺手。因為始終搞出人命,圍圍為了保護眼鏡蛇,向警方亂咁描述眼鏡蛇的身型外貌和身材。

眼鏡蛇晚上7時半去到演藝學院,會合太太看陳寶珠和甘國亮的舞台劇《我愛萬人迷》。在大堂見到怒氣沖沖的太太Coody,眼鏡蛇問過究竟?

Coody:「點解我打咁多次電話俾你,你都唔聽呀?」眼鏡蛇摸一摸褲袋,弊傢伙!電話應該在跟豬肉榮搏鬥時,跌咗喺圍圍房間內。眼鏡蛇不能直說,只好推說:「應該留咗喺office,聽朝返工攞番。」看畢舞台劇後,兩人回家。

打開大門,眼鏡蛇倒坐在沙發上,開了電視機。Coody發現家居電話的紅燈閃呀閃,有一段未聽的電話錄音留言。Coody按掣:一把嬌嗲嗲女聲,用半鹹半淡廣東話:「你好呀,萬人迷,我係圍圍,你個手機留咗喺我度,你聽日過嚟攞番,我等你,唔……我愛萬人迷!啜啜~拜拜~」

原來圍圍在房間內找到眼鏡蛇的手電,在電話通訊錄找出「Home」的電話,致電留口訊。 眼鏡蛇聽罷電話留言,心臟差點跳了出來!心諗咀咒:「妳愛萬人迷?我今次俾妳個『賣淫圍』害死喇!」

Coody望著眼鏡蛇,眼睛噴火。兩人渡過了一個畢生難忘的熱鬧紛擾的晚上。

賣淫不是罪,嫖妓不俾錢才是大罪,嫖妓不俾錢再要攞人條命,就是罪大惡極。 電影《1984》的主題曲《Sexcrime》,Big Brother is watching us!

Sexcrime - Eurythmics

Can I take this for granted
With your eyes over me?
In this place
This wintery home
I know there's always someone in

Sexcrime
Sexcrime
Nineteen eighty four

And so I face the wall
Turn my back against it all
How I wish I'd been unborn
Wish I was unliving here

Sexcrime
Sexcrime
Nineteen eighty four

I'll pull the bricks down
One by one
Leave a big hole in the wall
Just where you are looking in

2010年1月17日 星期日

滅火戰車 -4

滅火戰車

交通警員把一張告票遞到眼鏡蛇面前,眼鏡蛇跟戴著Ray-Ban太陽眼鏡的阿Sir激烈地爭辯。鐵面無私的阿Sir無你咁好氣,把告票拋進眼鏡蛇的車窗內,轉身就走。眼鏡蛇誓言要向「警察投訴科」投訴呢位騎警……

* * * * * * *

事緣是今天早上10:01分,眼鏡蛇駕著他的戰車「日產Skyline」,送太太Coody到銅鑼灣購物,眼鏡蛇在「7時至10時禁區」內落客,之後眼鏡蛇駛到街尾,就遭一名交通警截停,要票控眼鏡蛇於禁區內違例上落客,阿Sir話見到眼鏡蛇喺9:59分落客。眼鏡蛇堅持是10:01分,兩人爭吵起來。最後眼鏡蛇決定要向「警察投訴科」投訴,立即記低該警員編號:PC25922。如果「投訴科」無合理解釋,眼鏡蛇一定會再投訴,投訴到「一哥」為止。

眼鏡蛇在車廂內,要盡快平伏心情;因他中午奉命去殺一個黑社會頭目「粗碌哥」,不能讓波動的情緒,影響到自己執行任務的水準。

* * * * * * *

停車場內傳來「嘭」一吓槍聲!

眼鏡蛇趁「粗碌哥」在停車場獨自去攞車之際落手。可能受到今早不快事情影響,眼鏡蛇一出手便「撻Q」。擊不中粗碌哥之餘,更讓粗碌哥跳上他的「三菱Evolution」逃走。眼鏡蛇隨即跳進「日產Skyline」,兩部街車於烈日之下,在鬧市中追逐起來。

180咪的「Evolution」駛上觀塘繞道,漸漸拋離「Skyline」,怎料警方竟然咁啱得咁蹺,於高速公路擺「路Block」捉快車,「Evolution」見到前面有警察擺路障,無奈當時粗碌哥身上藏有毒品,只好直衝過去!三名執勤的警員險遭「Evolution」輾斃。「Skyline」離遠見到有路障,已經開始收油,並剛剛駛到路障前停低。

一名險遭輾斃的警員,名叫「阿火」,他本來是CID,因做事太魯莽太急躁,闖了大禍,被上頭燉佢冬菇做制服交通警。阿火其實是患了燥狂症,又睇得太多Hollywood警匪片,當咗自己係「奇諾李維斯」,幻想自己係辣手幹探,嫉惡如仇。

阿火剛才險遭車死,身心受到刺激,突然病發。一手截停了眼鏡蛇的「Skyline」,因為在云云路過的汽車中,只有「Skyline」才可跟「Evolution」匹敵!阿火拔出配槍,指著眼鏡蛇大叫:「而家警方徵用你架車,你立即爬過去隔離位,我坐司機位!等我揸!」

眼鏡蛇原本追殺緊粗碌哥,突然殺出一名勇猛幹探,幫手揸車,一齊飛車追截粗碌哥。阿火手車認真辣!如果阿火唔做交通警,做「黑市車手」或者做「打劫駁腳」,應該餓佢唔死之餘,仲有一番作為添呀!

由觀塘繞道駛到西貢公路,「Skyline」緊緊追貼「Evolution」。阿火跟「Skyline」車人合一,喺西貢公路,搵啱機會,踩油狠狠一嘢隊埋「Evolution」車尾,令粗碌哥再撞埋石壆停低,阿火終於成功攔截了部「Evolution」。

阿火跳落車,拔槍指向粗碌哥,青筋暴現,喝令:「雙手放喺頭度,慢慢行出嚟,蹲底!」阿火正想用手銬鎖起粗碌哥之際,粗碌哥身為黑社會頭目,點會唔反抗?起腳踢開手銬,阿火和粗碌哥拳來腳往,兩人失去重心滾在地上,更相相碌落山坡下。兩分鐘後,山坡下傳來一吓破空的槍聲……

山坡下,粗碌哥胸口中槍,血流如注,奄奄一息。阿火則昏迷在一邊,阿火手中拿著的配槍,槍嘴仍有白煙冒出,很明顯是剛剛發射過。眼鏡蛇在「Skyline」等待隨後趕來增援的衝鋒車和鐵騎。眼鏡蛇舉手,示意山坡下,還有兩名傷者。

粗碌哥送院途中證實不治,稍後阿火亦甦醒過來,遭警方扣留,涉嫌誤殺。阿火只記得搏鬥中遭粗碌哥一拳打暈,之後便失去意識。對於自己一時錯手殺人,而可能需要入獄,感到十分後悔。經此一役,阿火已經撲滅了心中那團撲滅罪惡的烈火。

* * * * * * *

其實殺死粗碌哥的兇手點會係阿火吖!眼鏡蛇見兩人碌落山坡,隨後趕至,剛好見到兩人互中對方一記重拳後,相相暈倒昏迷在地上。眼鏡蛇上前,用阿火的手槍向粗碌哥的胸部開一槍。抹去配槍上自己的指模後,放回昏迷的阿火手中。最後眼鏡蛇爬上山坡,返回車廂內,等待警方到來。警方邀請眼鏡蛇回差館落口供,晚上十時才可離開。

眼鏡蛇這一招「借刀殺人」,借阿火的手槍解決了粗碌哥。又係時候做「完成任務signature」。咁啱銀包中無現鈔,只好從袋中拿出今朝收到的交通告票,撕成碎片,按下車窗,黑夜中紙屑四揚,好有型啊!

翌日,報紙頭條廣泛報導這一單警方濫權,徵用市民汽車去追賊,險象環生,為求捉人,罔顧車主安全。而Skyline的車頭亦被撞毀,市民的財產遭破壞。眼鏡蛇於下午收到「警察公共關係科」的電話,問眼鏡蛇有什麼需要或賠償要求?

眼鏡蛇說有兩個要求。第一:要「一哥」親筆寫一封道歉信給自己。第二:要PC25922交通警員,親身向眼鏡蛇道歉,並撤銷昨天的違例票控。

結果,警方買了眼鏡蛇怕,私底下答應了眼鏡蛇,但警方唯一的條件就是道歉內容和過程,要絕對保密,不得向外界透露。眼鏡蛇同意。他昨天吃了那一口的冤屈氣,終於在這一刻得以宣洩。

眼鏡蛇的戰車,稱得上是一輛「Fast car」。Tracy Chapman的《Fast Car》,講一對戀人因不滿現狀,跳上快車離開面前的一潭死水,務求展開新生活。但故事的結局,仍然是找不到出路。

Fast Car - Tracy Chapman

You got a fast car
I want a ticket to anywhere
Maybe we make a deal
Maybe together we can get somewhere

Anyplace is better
Starting from zero got nothing to lose
Maybe we'll make something
But me myself I got nothing to prove

You got a fast car
And I got a plan to get us out of here
I been working at the convenience store
Managed to save just a little bit of money
We won't have to drive too far
Just 'cross the border and into the city
You and I can both get jobs
And finally see what it means to be living

You see my old man's got a problem
He live with the bottle that's the way it is
He says his body's too old for working
I say his body's too young to look like his
My mama went off and left him
She wanted more from life than he could give
I said somebody's got to take care of him
So I quit school and that's what I did

You got a fast car
But is it fast enough so we can fly away
We gotta make a decision
We leave tonight or live and die this way

I remember we were driving driving in your car
The speed so fast I felt like I was drunk
City lights lay out before us
And your arm felt nice wrapped 'round my shoulder
And I had a feeling that I belonged
And I had a feeling I could be someone, be someone, be someone

You got a fast car
And we go cruising to entertain ourselves
You still ain't got a job
And I work in a market as a checkout girl
I know things will get better
You'll find work and I'll get promoted
We'll move out of the shelter
Buy a big house and live in the suburbs

You got a fast car
And I got a job that pays all our bills
You stay out drinking late at the bar
See more of your friends than you do of your kids
I'd always hoped for better
Thought maybe together you and me would find it
I got no plans I ain't going nowhere
So take your fast car and keep on driving

You got a fast car
But is it fast enough so you can fly away
You gotta make a decision
You leave tonight or live and die this way

2010年1月15日 星期五

曼谷瑪利亞 -3

曼谷瑪利亞

穿上乾濕大褸的眼鏡蛇,站在保齡球場的儲物櫃前,在櫃中取出一個雞皮紙袋,拆開A4雞皮紙袋後,把入面的相片、資料、機票等逐一細看。把機票袋好後,然後把其餘的紙張和信封用打火機燒毀。把火舌高舉到天花板的「防火感應器」,「喳」一聲!噴水聲連消防鐘響起。眼鏡蛇一早已穿上防水的乾濕褸,趁混亂之際,好型咁離開了保齡球場。

* * * * * *

眼鏡蛇今次的任務是要飛去曼谷殺死一位富商太太:Maria瑪利亞,落order的人正是Maria的丈夫:馬先生,因為Maria背夫偷漢,馬先生難忍這頂綠帽。

Maria這個周未會飛去曼谷拜神,實情跟情夫偷情渡假。馬先生選擇這個外遊機會,叫眼鏡蛇送這對姦夫淫婦歸西。馬先生包埋眼鏡蛇酒店連機票,入住Maria投宿的那間五星級酒店,方便下手。

眼鏡蛇打電話到travel agent,買多一張飛曼谷機票給太太Coody。他貪平宜,出多一張機票便可以跟太太來個曼谷短假期,橫豎有食宿供應。再者,有太太同行,減低他獨行殺手的形象和可疑性。

Coody不知自己丈夫的職業是殺手,以為老公咁疼錫自己。二人於周未出發,眼鏡蛇一路暗中跟蹤Maria和姦夫。

眼鏡蛇和Coody抵達曼谷市中心,於酒店check in後,如尋常夫妻般外出遊覽。其實眼鏡蛇已經暗中做嘢:他跟蹤目標人物,Maria和姦夫進入一餐廳,眼鏡蛇照跟。

眼鏡蛇未做殺手之前,曾做過扖手和爆竊犯,他跟蹤姦夫入洗手間,再用閃電手法,神不知鬼不覺之間,便偷走了姦夫的酒店房間的門鎖咭。姦夫和Maria在曼谷吃喝玩樂了一整天,就這樣渡過他們生命的最後一天。

當晚凌晨一時,眼鏡蛇在房間內,望着講「嘰喱咕嚕」泰文的電視機,望一望手錶,是時候落手了!他預計需要15分鐘左右,便可完成任務。

眼鏡蛇向Coody藉詞說落街抽煙、順道去便利店買幾支啤酒回來飲。Coody正忙於在鏡前試著戰利品,一床都是衫褲鞋襪,她隨口應了眼鏡蛇一聲後,便繼續埋頭試衫。

眼鏡蛇帶著姦夫的房間門鎖咭,先經lobby去便利店,故意給酒店接待員看見自己,替自己製造不在酒店的人證後,再從後門潛入酒店返上房間。

眼鏡蛇根據姦夫的房間門鎖咭,來到Maria房間,先打聽房間內的動靜,咦?好靜喎!畢竟Maria和姦夫都50幾歲,都凌晨一點啦,都唔後生啦,仲有鬼力咩?門縫又沒有透出燈光,相信房內的人已經關燈入睡。

眼鏡蛇用咭輕聲開門,潛入漆黑的房間,憑他多年專業訓練和豐富經驗,他察覺到房內只有Maria,姦夫不見了。如今只好先殺死Maria,容後再殺姦夫。

他打算慳番粒子彈,乾脆用枕頭焗死Maria了事。眼鏡蛇一個飛身跳起,凌空責落Maria身上。

Maria突然紥醒大嗌:「打我喇!快啲姦我喇!姦死我喇!唔好停呀!」
眼鏡蛇大驚!乜Maria當咗自己係姦夫呀?咁……好唔好先乘機抽水,然後再殺Maria呢?

咦!?但係,點解...點解會係Coody把聲?!

就是因為這一秒鐘猶豫,眼鏡蛇被Coody反客為主,她一個大翻身反壓著眼鏡蛇,仲好快手咁用兩個手扣,黑暗中將眼鏡蛇的雙手鎖係兩邊床柄;眼鏡蛇動彈不得!之後Coody在床邊取出皮鞭,狠狠招呼眼鏡蛇,大笑大喊又大叫!打到眼鏡蛇半死之後,再跟他交歡。

我諗你哋都估到喇啩,眼鏡蛇搞錯自己跟姦夫兩張門鎖咭,摸翻入自己間房。

Coody看女性雜誌,話如果兩公婆外遊,提議在性方面玩得大膽啲突破啲,增加彼此性趣!增進夫妻感情。所以當眼鏡蛇外出後,Coody立即收起衣物,關燈跳上床,拿出帶來的皮鞭手扣,等待給予丈夫一個big surprise!

可憐的眼鏡蛇在床上呻吟,全身都是傷痕,Coody也不知道原來自己平日抑壓的性暴力,一旦爆發出嚟的效果,會是如此超乎想像!

第二朝早上,眼鏡蛇醒過來,後悔錯過昨夜落手機會。今天中午Maria和姦夫便會check out,飛去布吉小島。唉~ 原本只需15分鐘的簡單任務,搞到要大費周章,再飛去布吉,找機會落手。

眼鏡蛇和Coody梳洗、包紮傷口後,落街去吃早餐。嘩!Lobby塞滿泰國警員和酒店保安,究竟發生了什麼事?唔通自己的行蹤暴露?
眼鏡蛇向bell boy打聽之下,原來酒店昨夜發生意外,兩名中國藉遊客喪命於房中。

2014號房,一對中年男女心臟病發,全身赤裸暴斃在床上。一名泰國妓女則被手扣鎖在床上,是該名女妓清醒後,報警求救。

原來,昨夜Maria和姦夫叫了一名女妓回酒店房玩3P。Maria和姦夫服食軟性毒品助慶,怎料年齡已經唔細,平日食嘢唔節制早已血管閉塞。結果負荷不了,引致隱蔽心臟病發,兩人香艷地,雙雙死去。

而他們的sex toy「泰藉女妓」則被手扣鎖在床上,早上起床才驚覺嫖客全身冰冷。
她落口供時說:昨夜應該還有一名「大隻泰鴨」正趕往上址一齊玩4P,不過那男妓在途中突然肚痛,失場無到。

眼鏡蛇知道事情經過後,抹一額汗。如果他昨夜潛入Maria房,一定被誤當係那隻泰鴨,仲鎖埋喺床上玩4P,咁而家落緊口供嗰位就變咗係自己囉。

兩人步出酒店,走在曼谷街上的眼鏡蛇,從心裡大笑起來。Maria和姦夫已死,酬金照收,慳水慳力,自己又安然無事,執番身彩。真想向身邊的Coody講聲多謝。

咦!又係時候進行「任務完成signature」了,他在口袋中取出一張泰國鈔票,撕毀後順手一揚,紙碎隨風四飄!好型咁freeze咗自己呢個pose幾秒。

Coody碌大雙眼,望實眼鏡蛇:「傻咗呀你?做乜撕爛自己張回程機票呀!」




可能你會估我揀Shine的《曼谷瑪利亞》,結果我選了Murry Head的《One Night in Bangkok》,畢竟我是80年代的懷舊份子。

One Night in Bangkok - Murry Head

Bangkok, Oriental setting
And the city don't know that the city is getting
The creme de la creme of the chess world in a
Show with everything but Yul Brynner

Time flies -- doesn't seem a minute
Since the Tirolean spa had the chess boys in it
All change -- don't you know that when you
Play at this level there's no ordinary venue

It's Iceland -- or the Philippines -- or Hastings -- or --
or this place!

One night in Bangkok and the world's your oyster
The bars are temples but the pearls ain't free
You'll find a god in every golden cloister
And if you're lucky then the god's a she
I can feel an angel sliding up to me

One town's very like another
When your head's down over your pieces, brother

It's a drag, it's a bore, it's really such a pity
To be looking at the board, not looking at the city

Whaddya mean? Ya seen one crowded, polluted, stinking town --

Tea, girls, warm, sweet
Some are set up in the Somerset Maugham suite

Get Thai'd! You're talking to a tourist
Whose every move's among the purest
I get my kicks above the waistline, sunshine

One night in Bangkok makes a hard man humble
Not much between despair and ecstasy
One night in Bangkok and the tough guys tumble
Can't be too careful with your company
I can feel the devil walking next to me

Siam's gonna be the witness
To the ultimate test of cerebral fitness
This grips me more than would a
Muddy old river or reclining Buddha

And thank God I'm only watching the game -- controlling it --

I don't see you guys rating
The kind of mate I'm contemplating
I'd let you watch, I would invite you
But the queens we use would not excite you

So you better go back to your bars, your temples, your massage
parlours --

One night in Bangkok and the world's your oyster
The bars are temples but the pearls ain't free
You'll find a god in every golden cloister
A little flesh, a little history
I can feel an angel sliding up to me

One night in Bangkok makes a hard man humble
Not much between despair and ecstasy
One night in Bangkok and the tough guys tumble
Can't be too careful with your company
I can feel the devil walking next to me

2010年1月13日 星期三

我唔係「東亞病夫 !」- 2

我唔係「東亞病夫 !」

「巴渣」倒在地上痛苦地抽搐著,在鮮血泊中呻吟,一名熱心的洗碗阿嬸施予援手;幫手叫救護車。巴渣用微弱的聲音說:「背脊……有……Killer紋身……」跟著昏迷了。

* * * * * *

「巴渣」是一名在港出生的巴基斯坦藉人士,因他得罪了有勢力人士,眼鏡蛇接了這宗生意去殺死「巴渣」。眼鏡蛇跟蹤巴渣至旺角某商業大大廈之後巷,在鬧市中落手。為免引人注意,眼鏡蛇棄槍改用刀。見後巷四周無人,正當眼鏡蛇打算落手之際,自己的手提電話突然響起!是太太Coody打嚟,她上星期剛剛考到車牌,現在揸車周圍兜吓認吓路。
Coody:「喂!你喺邊呀?我揸車過嚟接你呀?」
眼鏡蛇:「我而家喺旺角,妳到咗call我呀!」
眼鏡蛇諗著任務完成後,有車接走,方便離開現場,叫Coody揸車嚟旺角。

眼鏡蛇立即落手,揮刀就上。巴渣亦非善男信女,憑雙拳在重慶大廈打出「巴渣」這個霸道名堂。眼鏡蛇低估了巴渣的反抗力,兩人在後巷作困獸肉搏鬥。

混亂中,巴渣扯爛眼鏡蛇上衫,見到眼鏡蛇背脊的紋身:「K I L L E R ..C O B R A」的十一個英文字母中,頭六個英文字母:「K I L L E R」。巴渣大叫「Killer」!眼鏡蛇趁機一刀拮落巴渣大脾大運脈,此時給後巷洗碗阿嬸撞破,阿嬸驚叫!後巷是掘頭路,出路被阿嬸擋住,眼鏡蛇只好調頭,逃進商業大廈內,往樓上跑。

「巴渣」倒在地上痛苦地抽搐著,熱心的洗碗阿嬸幫手叫救護車。巴渣用微弱的聲音說:「背脊……有…Killer紋身…」跟著昏迷了。五分鐘之後,警員PC24601杜燦明碰巧在附近巡邏,接到call第一時間抵達現場。洗碗阿嬸立即向燦明轉述巴渣那句「背脊有killer紋身」的情報。燦明將情報報台後,立即進入商業大廈,在一樓後樓梯跟眼鏡蛇,一上一落,撞個正著。

杜燦明緊張地大喝:「企喺度!身分證!你嚟呢度做乜?」
眼鏡蛇:「阿Sir,我啱啱去三樓間Hip Hop舖買CD咋!」

眼鏡蛇把身分證、CD和CD發票遞給杜燦明。杜燦明立即call回電台check身分證,再檢查CD發票,咦!收銀機發票日期時間是四分鐘前。珍珠都無咁真!那間Hip Hop舖於商業大廈三樓,店主是一名MC Rapper,夜間在disco打碟,日間開舖賣滑板、自家錄製CD、Hip Hop衫褲、搞吓UFO外星人講座等。

電台總部回覆:「無案底」。眼鏡蛇取回東西想轉身走之際,杜燦明喝停他。「扯高件衫俾我睇吓你背脊!」眼鏡蛇聽後,額角流下一滴汗。

眼鏡蛇:「我要有多一個警員在場,我先肯除衫。」
杜燦明拔出胡椒噴霧「除唔除呀!」
眼鏡蛇只好就範,除去上衣,展示他的背脊紋身……
「I’ M ..N O T ...S I C K ..I L L E R」
杜燦明問:「乜意思?」
「阿Sir,『我不是東亞病夫』囉!」
「Sick iller解病夫咩?乜英文嚟架?」
「我唔識英文架.....阿Sir.…個紋身師傅寫錯咗咩?」

原來眼鏡蛇逃走到三樓,見到有間Hip Hop舖,走入去俾500蚊Hip Hop店主,叫他用箱頭筆在自己背脊的「KILLER」之前加「I’M NOT SIC」,變成「I’M NOT SICK ILLER.我不是東亞病夫」!Hip Hop店主鐘意李小龍、又叻Graffiti,收錢後用黑色箱頭筆,寫上美術字體,成為眼鏡蛇的新紋身。眼鏡蛇買件T-shirt穿在身上,及買多隻CD製造「在場原因」。

杜燦明按工作指引,沒有足夠証據,只好放眼鏡蛇走。眼鏡蛇現在擔心的,就是如果巴渣及時送院搶救,今次任務便會宣佈失敗。

此時,電話響起,是Coody來電:「老公呀!我撞車啊!呀!唔係,我俾人撞呀!」原來Coody已經駛入旺角區,人車爭路,突然有隻失魂流浪狗衝出馬路,Coody急煞車,尾隨的救護車煞車不及,一嘢隊入Coody車尾。這部救護車正正就是奉命來救巴渣。

根據工作指引,醫務人員需要call回總部,再派第二部救護車前來。就是這一阻,巴渣在血泊中流血過多,返魂乏術。任務終告完成。

係時候又到眼鏡蛇作「完成任務signature」。銀包內的700元現金已付給了Hip Hop店主,只好把CD發票撕過粉碎,隨手一揚,好型咁慢動作緩慢前行。離開現場。

眼鏡蛇去找Coody,雖然車尾的「bumper」被救護車撞到「吊吊fing」,但眼鏡蛇決定不跟醫管局追究。登記資料後揸車走人。

在車上眼鏡蛇說要送Coody一件首飾。Coody問點解?眼鏡蛇笑答:送禮不需理由。Coody笑了。眼鏡蛇心諗:難道要我說出真相:「妳協助我殺死巴渣,所以我分番啲酬金俾妳咩?」

眼鏡蛇把新買的CD插入汽車Hi-Fi,播出強勁的Hip Hop音樂,繼續於公路飛馳,在強勁音樂下,眼鏡蛇十分亢奮,唔覺唔覺不斷踩油,車速飊升。

「轟隆!」「哎呀!條bumper直情甩咗!shit~~」


杜燦明前傳

眼鏡蛇聽到Rapping音樂,郁身郁勢,踩油加速。為了人車安全,提議各位飲酒後或聽Hip Hop歌時,咪揸車呀。

Lose Yourself - Eminem

Look, if you had one shot, one opportunity
To seize everything you ever wanted…One moment
Would you capture it or just let it slip?

His palms are sweaty, knees weak, arms are heavy
There’s vomit on his sweater already, mom’s spaghetti
He’s nervous, but on the surface he looks calm and ready
To drop bombs, but he keeps on forgettin
What he wrote down, the whole crowd goes so loud
He opens his mouth, but the words won’t come out
He’s chokin, how everybody’s jokin now
The clock’s run out, time’s up over, bloah!
Snap back to reality, Oh there goes gravity
Oh, there goes Rabbit, he choked
He’s so mad, but he won’t give up that
Is he? No
He won’t have it , he knows his whole back city’s ropes
It don’t matter, he’s dope
He knows that, but he’s broke
He’s so stacked that he knows
When he goes back to his mobile home, that’s when it’s
Back to the lab again yo
This whole rap shit
He better go capture this moment and hope it don’t pass him

You better lose yourself in the music, the moment
You own it, you better never let it go
You only get one shot, do not miss your chance to blow
This opportunity comes once in a lifetime yo

The soul’s escaping, through this hole that it’s gaping
This world is mine for the taking
Make me king, as we move toward a, new world order
A normal life is borin, but superstardom’s close to post mortar
It only grows harder, only grows hotter
He blows us all over these hoes is all on him
Coast to coast shows, he’s know as the globetrotter
Lonely roads, God only knows
He’s grown farther from home, he’s no father
He goes home and barely knows his own daughter
But hold your nose cuz here goes the cold water
His bosses don’t want him no mo, he’s cold product
They moved on to the next schmoe who flows
He nose dove and sold nada
So the soap opera is told and unfolds
I suppose it’s old potna, but the beat goes on
Da da dum da dum da da

No more games, I’ma change what you call rage
Tear this mothafuckin roof off like 2 dogs caged
I was playin in the beginnin, the mood all changed
I been chewed up and spit out and booed off stage
But I kept rhymin and stepwritin the next cypher
Best believe somebody’s payin the pied piper
All the pain inside amplified by the fact
That I can’t get by with my 9 to 5
And I can’t provide the right type of life for my family
Cuz man, these goddam food stamps don’t buy diapers
And it’s no movie, there’s no Mekhi Phifer, this is my life
And these times are so hard and it’s getting even harder
Tryin to feed and water my seed, plus
See dishonor caught up bein a father and a prima donna
Baby mama drama’s screamin on and
Too much for me to wanna
Stay in one spot, another jam or not
Has gotten me to the point, I’m like a snail
I’ve got to formulate a plot fore I end up in jail or shot
Success is my only mothafuckin option, failure’s not
Mom, I love you, but this trail has got to go
I cannot grow old in Salem’s lot
So here I go is my shot.
Feet fail me not cuz maybe the only opportunity that I got

2010年1月12日 星期二

衣櫃裏的眼鏡蛇-1

衣櫃裏的眼鏡蛇

赤柱一帶是香港的高尚住宅區,住在這裡的人非富則貴。尤其是一些單憧獨立屋,門前停泊幾部名貴靚車,屋內有現金珠寶和古董,都是爆竊匪的頭號目標。

有一名「專業爆竊匪」,他早已對一間三層獨立屋虎視眈眈。他計劃了很久,經過長時間觀察和統計,知道今夜屋內無人,一於落手做案。他在美國長大,經常跟黑人爬牆越壁,練得一身敏捷身手,他神出鬼沒,自封綽號為「眼鏡蛇」。他在背上紋上歌德式死亡派英文字「COBRA」。

當晚,他成功解除保安系統後,用百合鎖匙開啟大門,潛入豪宅。他在三樓睡房內的梳妝枱前,在黑暗中埋頭苦幹,把珠寶首飾搗入袋中。突然聽到睡房門外有人聲,眼鏡蛇立即躲進衣櫃內。從衣櫃門隙往外偷看,見到一男一女又攬又錫咁倒跌在床上纏綿,他們沒有開燈,眼鏡蛇估他們是豪宅主人夫婦,為什麼他們這麼早就回來啊?眼鏡蛇的袋中已裝有現金和珠寶,諗住睇埋呢場真人表演先走人。

但床上這對痴男怨女咁激情咁瘋狂,唔似啲老夫老妻噃!不出眼鏡蛇所料,這對野鴛鴦,突然停哂所有動作!
女驚恐:「弊!老公返!」
男更驚愕:「Oh!Shit!」
女:「快啲匿埋入衣櫃先!」
男馬上連人帶埋地上衣服鞋襪,跳入衣櫃內。

有錢人的衣櫃,當然比一般平民的衣櫃大幾倍,姦夫不知道在衣櫃內,跟自己相隔半尺的距離,早已坐著一名爆竊匪。眼鏡蛇把呼吸聲壓到最低,從櫃門隙,望見她的丈夫回來,
女:「點解……今晚……突然……咁早返嘅?」
男:「哦,我見身體唔係咁舒服…」

眼鏡蛇和姦夫靜心等待適當時機逃離現場,突然櫃內傳出「eeeeee」聲,原來姦夫的電話震機響起,姦夫馬上cut線,電話屏幕把黑暗衣櫃的一小角,照明了一抹白色。眼鏡蛇全身衣著黑色夜行衣,姦夫未有發覺。

姦夫cut線後,檢查來電紀錄,原來是「BB」來電,姦夫不其然喜上眉梢,「BB」應該是姦夫另一個情人。姦夫見橫豎都要等,不如Sent個短訊給「BB」。

他在鍵盤上按:「開會忙緊,聽日趁你老公不在,再給妳執一劑!一鑊勁!」臨sent出短訊時,眼鏡蛇偷望到電話屏幕上顯示「BB-3999 1234」,咦?3999 1234呢個電話號碼……咁熟嘅?
可怒也3999 1234係眼鏡蛇自己老婆Coody嗰電話號碼!哼!呢個淫賊搞人哋老婆都算衰喇,仲衰到搞埋自己老婆,真係罪無可恕!

怒火中燒,眼鏡蛇強而有力的左手,閃電緊掩姦夫的嘴鼻,右手勒緊他的頸,爭扎一輪,眼鏡蛇在衣櫃內無聲無色地結束了姦夫的性命。12時,眼鏡蛇趁房內無人,走出衣櫃跳窗逃走。留下全裸的姦夫屍體在衣櫃內,伸脷突眼,死狀恐佈。

眼鏡蛇走在赤柱大街,怒氣未消,想打電話給老婆Coody大興問罪之師,他按電話號碼,按到3999 12第六個號碼時,才突然驚覺:老婆電話號碼是3999 1243而非3999 1234。吓?因為自己一時大懵,記錯老婆Coody號碼,咁就攞走一個陌生人的寶貴生命?!

眼鏡蛇估計自己袋中總共有十萬元贓款,回頭離遠望向屋內三樓亮燈的睡房,心中向男戶主默唸:「咁…呢十萬蚊…就當係我幫你剷除姦夫嘅酬勞喇!」眼鏡蛇誤打誤撞,在他的職業生涯中,第一次當上殺手。眼鏡蛇隨即打電話給紋身師傅做Booking:「聽日我想喺背脊COBRA之前,紋多KILLER呢個字。」

同一時間,深夜寧靜的赤柱街頭,被女戶主發現屍體的惶恐驚叫聲劃破,Killer Cobra聽後,隨手在口袋中取出一張鈔票,把它撕碎,手心一張,鈔票碎片於風中四散。因為他知道殺手每次完成殺人任務後,必有一個特定的自選動作,作為他的專有signature。

一瞬間,來去無踪的眼鏡蛇已經消失在黑夜之中。冷冷長街,只剩下金色鈔票碎片,隨風飄蕩。




眼鏡蛇錯手殺死姦夫,都只因一個字「Jealousy」,「殺念」起皆因「妒念」生,唉…

Jealousy - Pet Shop Boys

At dead of night, when strangers roam
The streets in search of anyone who'll take them home
I lie alone, the clock strikes three
And anyone who wanted to could contact me
At dead of night, 'till break of day
Endless thoughts and questions keep me awake
It's much too late

Where've you been?
Who've you seen?
You didn't phone when you said you would!
Do you lie?
Do you try
To keep in touch? you know you could
I've tried to see your point of view
But could not hear or see
For jealousy

I never knew time passed so slow
I wish I'd never met you, or that I could bear to let you go
At dead of night, 'till break of day
Endless thoughts and questions keep me awake
It's much too late

Where've you been?
Who've you seen?
You didn't phone when you said you would!
Do you lie?
Do you try
To keep in touch? you know you could
I've tried to see your point of view
But could not hear or see
For jealousy
Where've you been?
Who've you seen?
You didn't phone when you said you would!
Do you lie?
Do you try
To keep in touch? you know you could
I've tried to see your point of view
But could not hear or see
For jealousy

Where've you been?
Who've you seen?
You didn't phone when you said you would!
Do you lie?
Do you try
To keep in touch? you know you could
I've tried to see your point of view
But could not hear or see
For jealousy
Where've you been?
Who've you seen?
You didn't phone when you said you would!
Do you lie?
Do you try
To keep in touch? you know you could
I've tried to see your point of view
But could not hear or see
For jealousy

I never knew 'till I met you

2010年1月10日 星期日

大隻四壯士 – 下集

大隻四壯士 – 下集

四名大隻佬在餐館內很辛苦捱完第一晚。收工後,三人捉了Macson入幽暗的後巷狂揼,是認真地、狠狠的揼。

第二晚,除了Macson照常上班,其餘三人寧願唔要第一晚的人工,自願劈炮。Macson為了交租和找卡數,繼續上班。

* * * *

有一晚,Macson在msn中,又通知Jerson、Kenson和Honson他們有新米路,有工做啦!約四人當晚出來見面,共商大計。當然立即遭到三人狂鬧!Macson的誠信早已宣佈破產。最後三人都因為銀包無銀,向現實低頭,也想知道Macson「乜嘢葫蘆賣乜嘢藥」,結果三人都肯出嚟見面。Macson約他們到茶餐廳見面,三人深夜赴約。

Macson說他在餐館工作時,有一名男客主動遞上卡片結識Macson,他叫Jeff,是一間小規模模特兒公司的經理人。Jeff正想捧一隊「大隻仔四人Boy Band」,試探吓市場反應。Jeff講明公司budget很少,只是「刀仔鋸大樹式」搏一搏。問Macson有無興趣試吓?

Macson立即預埋其餘三位兄弟,三人聽後,眼睛立即發光「嘩!入 娛 樂 圈 呀!」三人流露感激的目光,Macson終於可以帶罪立功,將功補過。

第二天,四人到Jeff公司會面,過程十分順利,一隊樂壇新Boy Band便告誕生。Macson辭退了餐館的工作,全力向樂壇發展。四人腦裡滿是」、「SMAP」、「Take that」、「Back Street Boys一堆樂隊名字,錢呀!女呀!車呀!樓呀!

第三天,四人再上公司開會,商討隊band的名字和形象。四人講出自己心目中的名字,都被marketing同事反對。四人認為呢期「Mister」樂隊咁紅,不如叫「Brother」啦,四人親如兄弟。Marketing同事和Jeff聽後搖頭反對。

經Marketing同事和Jeff商量後,一致通過,宣佈樂隊名字叫「Zister」,四人一齊「O咀」!原來大老細的風水師傅早已改好樂隊名字,只有叫「Zister」才能夠帶旺老細。Jeff只是扮民主叫四人扮開吓會俾吓意見咁啫。四人唯有超無奈地接受。

Jeff在演藝學院搵到一個讀音樂系的學生,出幾百蚊叫佢一手包辦作曲填詞編曲,用電腦合成音樂一腳踢,歌名叫《打出個QQ宇宙》,是一首快Beat跳舞歌。之後Jeff再求其搵個「演唱會和音」錄埋首歌,用電腦加工變成四把男聲。總之一切要用最少budget完成。「Zister」第一首派台歌完成了,下一步是要拍「MTV」。

電視台約了Zister星期日早上十時到舊機場那遍空地,拍攝他們首個音樂錄影帶。由於衣服沒有budget,Zister穿回以前健身院的教練制服,只是剪走對袖、車多塊布遮著公司logo、加多條銀色腰帶,便成為四件樂隊制服,再戴上萬聖節玩剩留低的面具眼罩,Zister的MTV服裝便大功告成。

MTV導演認為《打出個QQ宇宙》這首快歌最好有舞蹈畫面,問經理人Jeff有無準備排舞老師?由於無budget關係,Jeff當然無請到人編舞。幸而Macson先開聲:「無問題!我哋可以跳combat當舞步。」MTV導演無意見。

MTV導演roll機,拍了Zister夾口型唱歌、戶外跳combat的鏡頭。拍攝外境完畢後,下一個shot是移師到北角某dance studio內拍攝,他們需要乘van由啟德去北角。臨離開前,MTV導演問Jeff有無準備dancers?得四條友齋跳似乎冷清咗啲,由於無budget關係,Jeff當然無請到dancers嚟伴舞。

半小時後,大伙兒抵達北角某dance studio,當那隊crew 打好燈後,正準備拍攝之際,有十二名後生仔女趕到,他們聲稱是Zister的dancers。

原來剛才Zister趁在車程中,各自call了幾位跳combat的舊學生,話免費送一堂combat,仲可以上電視,結果找到十位學生願意趕來湊熱鬧。14人在鏡頭前,好齊好合拍咁跳combat,效果仲好過專業dancers,唔使夾一take過OK。MTV導演滿意收貨,其實最滿意的應該是Jeff,零budget便有服裝、有編舞、有伴舞,真是香港精神:「以小搏大」。

*  * * *

正如一般新晉組合,每年有幾隊殺入歌壇,但又無聲無色fade out殞落。Zister當然亦逃不過這個宿命,半紅不黑。模特兒公司唔再繼續投資Zister,改捧另一隊三人女子組合:Hotchacha。Zister正式解散,四人又恢復失業狀態。

有一晚,Macson在msn中,又通知Jerson、Kenson和Honson,告訴他們有新米路。約四人當晚立即到茶餐廳見面,共商大計。三人都因為山窮水盡,乜都要做,立即仆出嚟見面。

原來Macson經朋友介紹下,被中山某新開張娛樂城的健身院聘請成combat教練。因為那健身院規模不少,需要多聘三至四名教練,Zister始終都叫出過一隻EP,叫做歌星仔,在大陸很Buy這些帥哥仔。四人北移到中山做教練,上堂時播出《打出個QQ宇宙》教打combat。立即招攬很多國內的學生報名。四人搵到餐食,決定從始定居國內中山。

正所謂:「魚唔過塘唔肥」,Macson、Jerson、Kenson和Honson,唔離開過香港炮台山,又點可能過檔,到大陸中山闖一番呢?做人真係「今日唔知聽日事」、「呢步唔知下一步」。
.

* * * * * *

後記

這裡上下兩集加埋共2,820字,全都是因為我在某天,一個唔覺意睇咗以下呢個MTV而成,呢場因緣際會,皆由這個MTV而生。(注意:歌曲開始時間始於0:28秒)

2010年1月9日 星期六

大隻四壯士 – 上集

大隻四壯士 – 上集

一間鏈鎖式健身院即將結業的傳聞,早已囂於塵土。結果在這一個早上,健身院的大閘從此長期關上,閘外結集一批被拖欠薪金的員工,集體向勞工處求助。

這班新晉失業大軍中,有四位教Body Combat(拳撃式的帶氧運動)教練,同病相憐,他們在炮台山分店一起工作而認識。他們是:Macson、Jerson、Kenson和Honson,他們都有女朋友,間中八人一起燒烤唱K睇波遊船河。

四位大隻年輕人,考有健身教練牌,手頭上又有一班學生喜歡上他們的Body Combat堂,本應失業後過檔去另一間健身院教Combat,搵工應該無難度。但無奈遇上金融海嘯,另一間健身院也在收縮皮費,沒有職業空缺提供。四位教練只好望門輕嘆,暫時在家裡踎躉量地。

有一晚,Macson在msn中通知Jerson、Kenson和Honson,告訴他們有米路。有工可做啦!四人當晚立即相約出來,在茶餐廳見面,共商大計。

原來Macson有一次在中環夜蒲時,場中有一名中年大肥佬主動上前遞上卡片結識Macson。Macson正想回答:「我係直架….」中年大肥佬說:「唔好誤會,我搵你傾公事咋。」那名中年男子叫Frankie,在鯉景灣開設一間西式餐廳。Frankie替這間餐館起一個主題特色,就是所有waiters都要是大隻佬,穿少布緊tee的大隻佬。目標顧客是18歲至50歲、消費能力高的專業女性。Frankie正招募大隻佬做waiter。

Macson打蛇隨棍上:「我仲有三位大隻佬朋友,我諗佢哋都會有興趣。」Frankie約Macson帶同另外三人,翌日上辦公室見面。四人戶口乾涸,為了搵工,一於見Frankie碰吓運氣。

見面過程十分順利,一拍即合,四人成為餐館的侍應生,底薪雖不及教練高,但貼士就可以靠自己爭取,下星期一晚返工,點都好過零收入。

四人見工後,到餐茶廳慶祝失業兩周後,咁快就搵到新工,四杯涷飲碰在一起。
Jerson飲下一啖涷檸茶說:「其實…我哋同…做鴨..有無分別呢?」
Kenson答:「梗係唔同啦,我哋賣藝不賣身嘛!」
Honson說:「不過,如果佢係富婆,又肯包我,我一定制呀!」
其餘三人立即鬧:「妖!係咪男人呀?」、「挑!無呢志氣!」、「呸!食女人飯!」

其實四人心底裡,都希望在餐館內,結識到有錢女,從此入序豪門唔使做。四人趁weekend到健身室狂操一番,希望以最佳身型狀態出現在眾多女客人面前。

到了星期一,他們於黃昏5:30,約埋喺港鐵站,一齊返鯉景灣的餐館。四人按地址找那間叫「Relax」的餐館,終於找到。吓!乜間舖入面啲裝修擺設咁gay架?!大隻裸男的poster、雜誌架上放了很多外國的gay magazine、燈光又暗、音樂又迷幻,四人心知不妙。

餐館內已有兩名穿黑皮背心的大隻佬侍應,他們雙眼電力十足。見到四人立即溫柔地打招呼:「嗨!靚仔~」Frankie向四人解釋工作細節。

原來那晚Macson在夜場中向Frankie表明自己是直佬後,Frankie唯有騙他們專做女客,四人才會落踏。如今四人騎虎難下,唔嚟都嚟咗,只好做一晚壯士,睇睇情況先。

七時開始,男性客人陸續來幫襯,真係一個女客都無。男客人的貪婪目光在四人身上游走,對於「直畢甩」的直佬來說,渾身不自然。溝有錢女的好夢立即粉碎。男客人主動調笑搭訕,四人都垂低頭,詐聽唔到,很辛苦才捱完一晚。

收工後,三人捉了Macson到舖後幽暗的後巷內,二話不說便圍揼Macson,是狠狠地、拳拳到肉地揼。


待續

下集將於2010年1月10日早上9:25 繼續震波

想參觀Frankie開設的「Relax餐館」嗎?睇完這個MTV,便會找出個端倪。


Relax - Frankie Goes to Hollywood

Relax don't do it
When you want to go to it
Relax don't do it
When you want to come
Relax don't do it
When you want to come
When you want to come

Relax don't do it
When you want to to go to it
Relax don't do it
When you want to come
Relax don't do it
When you want to suck it to it
Relax don't do it
When you want to come
Come-oh oh oh

But shoot it in the right direction
Make making it your intention-ooh yeah
Live those dreams
Scheme those schemes
Got to hit me
Hit me
Hit me with those laser beams

I'm coming
I'm coming-yeah

Relax don't do it
When you want to go to it
Relax don't do it
When you want to come

Relax don't do it
When you want to suck it to it
Relax don't do it (love)
When you want to come
When you want to come
When you want to come
Come-huh


2010年1月7日 星期四

顏書

顏書

Ryan是一名中四學生,他每天放學後便立即趕回家上網,上討論區、玩plurk玩twitter玩facebook;直到深宵才肯off-line。他是一名標準網民,on-line後才懂得跟別人用文字溝通,off-line後見到真人便口窒窒,結結巴巴,不善辭令。

Ryan在網上結識很多男女網友,但一個也沒有約出來親身見過面,他沒有勇氣去跟新朋友面對面傾偈。Ryan最喜歡更新 facebook中自己的status,無論當時自己的心情、吃緊乜、見到乜、買咗乜、諗緊乜、奇趣見聞,他都第一時間update到facebook中的status。網友見到,你一句、我一句,搭訕落去,直到出下一個新status為止,無間不斷。他為了可以在學校裡on-line,自己儲錢買了一個3G電話,無時無刻都可以經電話上網。

學校地理科有一個功課,就是叫學生週末去郊外拾「沉積岩」、「火成岩」和「變質岩」各一塊。同學們都在星期六結伴去海邊拾石頭,無奈Ryan沒有朋友,他又不介意自己獨個去郊區拾石頭。

星期六中午,Ryan出門口之際,母親又苦口婆心叫兒子不要只顧上網,浪費時間,兩母子跟著又吵鬧幾句。Ryan氣沖沖「砰」門離開,自己嬲爆爆乘巴士去元朗白泥。在巴士上,Ryan用電話更新facebook中的status:「跟媽媽駁火!」網友見到後,留言安慰開解和支持。Ryan看後,心情才舒緩不少。

下午二時,Ryan抵達白泥,向山林進發。可能他今天跟母親吵嘴,精神不集中,一不留神差錯腳,腳下一空,跌落咗一個三米深的地窿之中,昏迷過去。

當Ryan再醒來之時,天色已開始轉黑,Ryan發覺左腳極痛,原來被樹枝插出一條三吋頗深的傷口,血流如注。

Ryan第一時間拿出電話,進行檢查,幸而電話仍然function沒有損壞,而且有訊號接收到。Ryan鬆一口氣,立即忍著痛楚,撳電話按鈕,第一時間更新facebook中的status:「我跌入深淵中!」

網友見到,以為Ryan描述自己的心情如墮進深淵中,立即留言安慰。Ryan在自己的wall-to-wall中更正自己確實墮進西貢郊野一深淵中。網友以為他在玩「模擬處境」遊戲,因為一個正常人遇上意外,不會不去報警而去update facebook status。所以大家以為Ryan玩嘢,立即搭嘴教路:「試吓揾吓有無樹藤?」、「嗌救命啦!」、「用壁虎功向上爬!」、「call蜘蛛俠」、「等落雨,地窿載滿水後,游返上去。」、「食番碗營多撈麵先!」全部都是不設實際的建議和廢話。

終於有一個網民睇唔過眼,講番一句人話啦:「點解你唔報警呀?」Ryan一言驚醒夢中人,立即按電話,去到facebook中的Hong Kong Police群組,留言求救。

到了晚上八時,Ryan已在Hong Kong Police Group多次留言,靜心等候。當然他的求救是石沈大海。

電話的電源快將耗盡,自己的左腳已留了一地鮮紅,Ryan開始失去知覺。虛弱地躺臥,望見地窿上有一輪明月。他很久沒有親眼見過月亮,原來是那麼皎潔明亮。

Ryan失蹤,母親第二天報案,在facebook的status中找到線索,民安隊在白泥一地窿找回昏迷的Ryan。幸而及時搶救而保著性命。

* * * * * *

Ryan的經歷上了報紙頭條,前晚曾經在Ryan的wall留言的網民才知道Ryan墜地窿是「嚟真的!」。對於「『九十後』遇意外不先報警而先update facebook status」的首宗個案,立即成為香港社會學者發表言論的新鮮材料。

Ryan出院後,聽媽媽話減少了上網時間,重新學習一些小學生都懂得的通識。例如:「報案熱線是999」、「遇上消費投訴應該找消委會,而不是拍下video放上youtube」、「遇上災難要先逃走到安全地方,而不是冒險拍下video給電視台」等等。

Ryan的腳傷康復後回校,社工跟進個案,Ryan被安排進入學校足球隊,培養團隊合作精神。

現在Ryan膚色曬黑了,在綠茵場上抽射出漂亮一球,成功替校隊取得一分,大家都為他喝采。


看新聞得知Facebook創辦人Mark Zuckerberg 當上Time magazine 的2010年風雲人物,特此恭賀。

Everybody's Changing - Keane

You say you wander your own land
But when I think about it
I don't see how you can
You're aching, you're breaking
And I can see the pain in your eyes
Says everybody's changing
And I don't know why

So little time
Try to understand that I'm
Trying to make a move to stay in the game
I try to stay awake and remember my name
But everybody's changing
And I don't feel the same

You're gone from here
And soon you will disappear
Cause everybody's changing
And I don't feel right

So little time
Try to understand that I'm
Trying to make a move to stay in the game
I try to stay awake and remember my name
But everybody's changing
And I don't feel the same

So little time
Try to understand that I'm
Trying to make a move to stay in the game
I try to stay awake and remember my name
But everybody's changing
And I don't feel the same

2010年1月6日 星期三

臉書

臉書

Jimmy有一位中學同學叫Desmond,Desmond在嶺南大學新聞系畢業後,在報館任初級記者。除了負責簡單的採訪外,Desmond還需要翻譯外電。他負責報紙的外國獵奇版:新聞包括:外星人俘虜地球人、吸血彊屍復活、Michael Jackson其實未死等奇聞。

有一晚,凌晨一時,Desmond突然打電話給Jimmy,說老編處處為難他,想約Jimmy出嚟飲杯酒,吐吓苦水。半小時後,兩人在太子道某酒吧見面。飲了幾杯後,Desmond滿面通紅,已經醉了七成,自顧自傻笑。反觀酒量較好的Jimmy,仍然面不改容。

Desmond灌下一口酒,好認真咁同Jimmy講:「我知道一個天大秘密,淨係話俾你聽,我喺外電到知返嚟,千祈唔好話俾其他人知,OK?」
Jimmy見Desmond傻傻吓,應該係飲醉咗,一於陪佢癲:「好呀!你講嚟聽吓。」

Desmond:「你記得清朝林則徐喺虎門燒鴉片,跟著引起鴉片戰爭,係咪?」
Jimmy:「記得,嗰陣英國人為咗荼毒中國人,輸入鴉片,搞到中國人體虛力弱,不堪一擊,為侵略中國舖好路吖嘛。」
Desmond:「無錯!咁你知唔知道邊個係facebook創辦人?」
Jimmy:「我知,佢叫Mark Zuckerberg,係哈佛大學生,喺2004年創立出嚟。」
Desmond:「無錯!但係其實Mark Zuckerberg只是個掩飾,真正發明facebook嘅係… 中 國 人 。」
Jimmy:「吓?… 中 國 人 ?!」
Desmond:「無錯!仲係由『中央政治統戰部』研發出嚟。」

Desmond呼出一口煙,繼續講:「facebook其實係一場由中國發起嘅『新鴉片戰爭』。大陸中央吸收咗百年前中英戰爭嘅教訓,決定照板煮碗,製造精神鴉片:facebook。等發展國家啲人返工狂玩facebook,不事生產,當咗facebook入面啲朋友係真朋友、當咗塊農田真係塊田、當咗間餐廳真係餐廳、當咗賺到啲錢係真錢。總之返工唔做嘢顧住玩,顧住add人,學生又唔讀書,狂放相、狂update status。」


Jimmy:「咁之後呢?」

Desmond:「之後,中國喺國內block哂facebook,等國民返工專心工作,此消彼長,慢慢拉闊中外貿易差額。中國成為世界工廠,外國人就繼續沉迷玩,好似龜兔賽跑咁囉,勝利一定係屬於中方。除咗facebook,連twitter、msn、plurk 都係中國人發明架。」

Desmond講到口乾,飲下一啖酒,繼續:「外國已經有林則徐出現,下令燒毀鴉片,即是喺公司block咗facebook,等員工返工時專心工作。但係啲staffs中哂facebook毒,道高一尺、魔高一丈,佢哋一定有辦法喺返工時間上到facebook。」

Jimmy聽完Desmond的大揭秘後,半信半疑,因為可能係Desmond一時醉酒幻想出嚟。

Jimmy送Desmond回家後,在自己歸家的途中思考:如果唔係中國喺鴉片戰爭輸咗,割讓香港俾英國,香港都無輝煌的成就。多得英國百年統治,否則香港仍是南方一個落後小漁港。想到這裡,Jimmy便決定回家後,第一時間玩facebook。



沉迷上網都係因為兩個字:「怕悶」,想起Pet Shop Boys 的《Being Boring》,video中好多俊男美女呀!必看!

Being Boring - Pet Shop Boys

I came across a cache of old photos
And invitations to teenage parties
"dress in white" one said, with quotations
From someone's wife, a famous writer
In the nineteen-twenties
When you're young you find inspiration
In anyone who's ever gone
And opened up a closing door
She said: "we were never feeling bored

'cause we were never being boring
We had too much time to find for ourselves
And we were never being boring
We dressed up and fought, then thought: "make amends"
And we were never holding back or worried that
Time would come to an end

When I went I left from the station
With a haversack and some trepidation
Someone said: "if you're not careful
You'll have nothing left and nothing to care for
In the nineteen-seventies"
But I sat back and looking forward
My shoes were high and I had scored
I'd bolted through a closing door
I would never find myself feeling bored

'cause we were never being boring
We had too much time to find for ourselves
And we were never being boring
We dressed up and fought, then thought: "make amends"
And we were never holding back or worried that
Time would come to an end
We were always hoping that, looking back
You could always rely on a friend

Now I sit with different faces
In rented rooms and foreign places
All the people I was kissing
Some are here and some are missing
In the nineteen-nineties
I never dreamt that I would get to be
The creature that I always meant to be
But I thought in spite of dreams
You'd be sitting somewhere here with me

'cause we were never being boring
We had too much time to find for ourselves
And we were never being boring
We dressed up and fought, then thought: "make amends"
And we were never holding back or worried that
Time would come to an end
We were always hoping that, looking back
You could always rely on a friend

And we were never being boring
We had too much time to find for ourselves
And we were never being boring
We dressed up and fought, then thought: "make amends"
And we were never being boring
We were never being bored
'cause we were never being boring
We were never being bored

2010年1月4日 星期一

世說新語(第一版)

世說新語 (第一版)
「《世說新語》是中國魏晉南北朝時期的著作,由南朝宋劉義慶編撰。記述當時士人的生活和思想,及統治階級的情況,反映了魏晉時期文人的思想言行,和上層社會的生活面貌,清楚地看到所謂「魏晉清談」的風貌。」- 維基百科
* * * * * *

這篇《世說新語》跟古著並無任何關係。我只想「用現的處境,把古語言」而已。都係無無聊聊得啖笑,同「魏晉清談」的虛玄,殊途同歸。

* * * * * *

第一篇
四歲的嘉裕住在一座屏風樓的58樓,這個大型屋苑標榜每層樓底有十尺高。身高三尺十一吋的嘉裕乘升降機回家時,伸直手極其量只能按到「22」字。媽媽對嘉裕說:「如果你長高啲,你就可以撳高啲樓層,跳多啲繩喇!」 

嘉裕努力跳繩,日子有功,他再去健康院度高。結果嘉裕長高了一吋,他回家時興高采烈地嘗試撳lift。身高四尺的嘉裕成功地按到「23」字,摸到高一層的電梯按鈕,換句話說:嘉裕長高一吋,剛好夠四尺,便可觸摸到再高十尺的上一層。

故事講完,呢個故事叫做:「度高一尺,摸高一丈」
原文:【道高一尺,魔高一丈

* * * * * *

第二篇

電視台又舉行一年一度的選美盛會,這個電視台的特色是參選者大部分都是來自國內。大會初賽選出三十六位國內佳麗,進入準決賽。大會形象顧問特地為三十六位佳麗設計髮型,今年的主題是「喜鵲」,她們的髮型如同「喜鵲」般,化妝又化到成隻雀咁。三十六位佳麗穿上水著,會見傳媒,周圍擺出誘人姿勢。謀殺不少記者數碼相機的記憶體。

故事講完,呢個故事叫做:「三十六雀,周圍水著」

原文:【三十六著,走為上著

* * * * * *


第三篇
尖沙嘴麼地道有一間海鮮酒家,叫「東海海鮮酒家」。尖沙嘴河內道有另一間海鮮酒家,叫「南山海鮮酒家」。這兩間酒家都由同一間西貢海鮮供應商提供海鮮。

有一天,海鮮供應商負責接電話的陳伯,他見到東海酒家曾經來電,陳伯第一時間覆電話給東海。因陳伯年紀大而記性不好,陳伯竟然把東海落的order錯送了去南山酒家。搞到當晚東海酒家無海鮮賣、而南山酒家啲海鮮就賣唔哂。

故事講完,呢個故事叫做:「覆完東海,售俾南山」
原文:【福如東海,壽比南山

* * * * * *
第四篇

14歲的初中學生阿邦,迷戀「○靚模」。買齊寫真集和攬枕。對「○靚模」日思夜想,每晚在床上攬著攬枕才能入睡。發綺夢和夢遺次數漸漸增多。日間滿腦子都是「○靚模」的胴體,痴痴迷迷。更因自瀆一小時,體力透支而暈倒送院。社工跟進該個案,見到阿邦痴痴迷迷,社工叫阿邦多想想其他事情來分散慾念,睡眠時不要穿緊身褲,放棄攬枕,務求減少夢遺的次數。

故事講完,呢個故事叫做:慾要人不痴,除非減夢遺

原文:【欲要人不知,除非己莫為

* * * * * *



移勢易,很多固有的價值觀和觀念都已經改變。聽吓Suede的《Everything will flow》,變幻才是永恆。


Everything Will Flow - Suede
Watch the early morning sun,
drip like blood from the day,
See the busy people run,
so many games to play
See the blue suburban dream,
under the jet plane sky,
Sleep away and dream a dream
Life is just a lullaby

Oh, and everything will flow
Oh, you know everything will flow
Oh...

Watch the day begin again,
Whispering into the night,
See the pretty people play,
Hurrying under the light,
A million cars, a million trains,
Under the jet plane sky
Nothing lost and nothing gained
Life is just a lullaby

Oh, and everything will flow
Oh, I said everything will flow
Oh, you know everything will flow
Oh...

Oh, and everything will flow
Oh, you know everything will flow
Oh...

The neon lights in the night tonight
will say "everything will flow"
The stars that shine in the open sky
will say "everything will flow"
The lovers kissed with an openness
will say "everything will flow"
The cars parked in the hypermarket
know "everything will flow"

2010年1月2日 星期六

婚禮司儀

婚禮司儀

: 大家好..婚宴好快就開始喇..請各位盡快就坐!

*****五分鐘後*****

: Hello! 歡迎大家黎到PhoenixRaymond嘅婚宴, 我係今晚嘅司儀, 我叫George, 而身邊呢位係我嘅partner Nancy.

: 大家好, 我係Nancy. 今晚好開心可以做到婚禮嘅司儀! ~George我原本知道今晚要做司儀呢都冇咩特別感覺, 但係黎到..到咗呢一刻..我覺得能夠見證住一對新人嘅結合, 原來係一件好感動嘅事黎嘅~你覺唔覺得吖?

: ….我識佢哋倆個太耐喇..佢哋結婚都係我意料中事, 所以我又冇咩好大嘅感覺但係我呢幾日睇返個往十年同Raymond, Phoenix影嘅相..我就發覺原來兩個人一齊咁多年之後..然後結婚原來係一件唔簡單嘅事!!如果妳係真係覺得咁感動嘅話..我幫你話比妳男朋友聽好唔好?

: ..唔使啦..我諗佢都應該收到我嘅意思架喇!!但係其實我唔係好明點解佢哋會搵我做司儀

: OK…其實就真係貪妳咩都唔知囉妳試諗下…如果由一個好 friend嘅人去問一啲關於對新人嘅問題..妳話幾假..所以妳係最適合嘅人選!!

: 我唔覺得我咩都唔知囉!!!我真係想問吓在場咁多位來賓, 知唔知PhoenixRaymond由邊一年開始拍拖架呢, 知嘅唔該舉舉手~你睇吓下..得咁少人知咋!!2001年呀..

: 咁其實少人知都好正常啫..不過有樣嘢你哋肯定唔知頭先妳咪話佢哋2001一齊嘅..講樣嘢比大家聽丫..其實Raymond2001年嘅1010號同Phoenix表白嘅..即係話今日唔單止係佢哋結婚嘅大日子..仲係佢哋一齊九週年嘅紀念日..可以話係雙喜臨門呀!!

: 真係架!! 好浪漫呀~~真係估唔到Raymond咁有心思喎~~..其實佢哋係咪好耐之前已經plan定咗結婚架喇?

: 佢哋幾時plan我就唔知..不過我好耐之前就估到佢哋會結婚架喇~
趁今晚咁人齊..我講少少嘢比大家聽~雖然我同Raymond咁好朋友, 但係我哋都好少講自己嘅心事, 大多數都係出嚟吃喝玩樂, 唔係話我哋唔關心對方, 只係好多嘢都大家心照啫~

咁喺好耐以前呢…搵阿Raymond出去玩都冇甩拖架..但自從同咗Phoenix一齊之後呢, 就起咗變化!!我好記得嘅..有一次我同Raymond出咗去中環影夜景, 其實只係啱啱開始映咗15分鐘, 咁阿Raymond就電話響..我就聽到一把近乎我接受唔到嘅聲音出現喇…..”..妳做緊咩呀…?妳訓未呀..好悶訓唔著呀? ….我就影完架喇過多15分鐘返去同妳玩msn...”
就係咁Raymond就返咗屋企喇

我開頭以為佢哋係因為熱戀期間所以先咁痴纏..但我發覺呢個情況到依家一路都冇變過囉喺上個禮拜..本來我諗住上去RaymondPhoenix嘅新屋到坐下啦點知我又晏咗喎..咁我就打比Raymond..問佢仲上唔上得黎呀咁嗰把近乎我接受唔到嘅聲音又再出現喇…”aee….其實都可以上黎嘅不過我驚Phoenix好攰喇..都係下次啦咁好明顯啦.所以嗰次都冇上到去.

: 聽你咁講完~我覺得佢哋都好錫對方喎~咁唔怪得你話一早估到佢哋會結婚啦...咁恩愛~

: 我哋唔講咁多喇..我知RaymondPhoenix準備咗一段video比大家欣賞,..咁請大家留意螢幕啦~

*****video*****

: sweet呀佢哋~~今晚終於結束佢哋嘅愛情長跑..相信最開心嘅都莫過於佢哋嘅父母啦~~

: 等咗咁耐..大家一定好心急想快啲見吓呢對新人, 事不而遲..請大家用熱烈嘅掌聲歡迎一對新人!!

*****新人上台*****

: 嘩嘩嘩….大家覺得新郎新娘今晚靚唔靚先~~
恭喜哂..恭喜哂..
心情點呀?! 新郎新娘有冇說話想同在座咁多位講呢~?
不如新娘講先丫~
咁新郎哥呢, 有冇說話想同大家講下呢~?

: 聽完新郎新娘講佢哋嘅感受,趁住呢個機會,我都想藉著大家嘅掌聲嚟多謝佢哋嘅父母。

: 咁依家有請新郎新娘切結婚蛋糕!

: 請新郎新娘合緊交杯!
跟住請一對新人都同各位來賓飲杯!

: 各位嘉賓, 請舉起手上嘅酒杯祝福呢對新人!!
祝佢哋百年好合!!永結同心!!飲杯..!!
: 接住我哋有請律師上台為我哋進行簽紙儀式。

: 咁唔知新郎新娘仲有冇說話需要補充呢? (今晚酒微菜薄, 大家飲多杯, 招呼唔到)
唔…相信大家都肚餓架喇!!
咁先請對新人稍作休息, 我哋都唔好阻大家太多時間, 請各位慢慢享用今晚嘅酒菜~



* * * * *

Raymond和Phoenix的結識,要多得George和Nancy。兩年前,George和Nancy搞婚禮,需要找一對口齒伶俐、郎才女貌的朋友當婚宴司儀。結果,新郎哥George在他云云的男性朋友中選出Raymond,而新娘子Nancy在她云云姊妹中選出Phoenix,拉攏成為一對司儀拍擋。Raymond和Phoenix十分登對,都是睇得講又得之人。兩人首次碰面,是George和Nancy安排的一頓四人晚餐。

Raymond被Phoenix的外貌、性格和談吐所吸引,無奈單身的Raymond遇上已經拍拖的Phoenix,心裡只得個「恨」字。George和Nancy拜託他們自行撰寫司儀對白,自己約時間對稿。Raymond取得Phoenix的email,對初稿交換意見及討論,兩人曾私下外出到咖啡店對稿。對稿完畢後,Phoenix約了男友。她離開咖啡店時,剩下落寞的Raymond,望著Phoenix的背影縮小。

到了George和Nancy的新婚大喜之日,Raymond和Phoenix不負一對新人所託,成為一對出色稱職的婚禮司儀,談吐大方又識搞氣氛。為了方便工作,他們被安排坐在同一張枱。敬酒之後,Raymond和Phoenix的司儀工作大致上完成。兩人互說聲:「合作愉快!」之後輕輕碰杯。

George的某位中年親戚,拿著酒杯上前向Raymond和Phoenix說:「你兩個好襯喎!你哋係咪情侶呀?」George立即耍手否認,Phoenix則臉紅垂頭。George的親戚繼續說:「噢!sorry!點都好,你兩個表現咁好,我敬你哋一杯!」Raymond和Phoenix起身乾杯回敬。

婚宴後當晚,George和Nancy在卡拉OK繼續唱K慶祝,再有下場,招呼戥穿石姊妹及好友們。Raymond毫不猶豫,立即跟去,因為可以見多Phoenix一面,今夜一別之後,可能再沒有藉口見Phoenix。可惜Raymond在卡拉OK內被新識的朋友「隊」多幾杯紅酒,結果身體不支「冧」了。凌晨四點,當Raymond再次在沙發中清醒過來,Phoenix已於凌晨一時被男朋友接走了。

往後的日子,Raymond間中從George口中,旁敲側擊知道Phoenix的消息。終於在半年後,十一月某個晚上,Raymond知道Phoenix變回獨身的消息,Raymond立即積極起來,出email問候吓Phoenix,講吓啲無謂嘢,保持對話。

結果在12月尾,在George和Nancy家中搞的聖誕party,Raymond跟Phoenix終於再次相遇。今次Raymond再無忌諱,盡情地跟Phoenix傾談。結果兩人飲多幾杯紅酒,醉倒在沙發上,胡言亂語。矇矓之間,Raymond隱約聽到Phoenix說出她分手原因是:「因為Raymond的出現。」嘩!Raymond聽後開心到彈起!

當Phoenix第二天清醒過後,Raymond再追問她跟男友分手原因,她當然矢口否認。不過無論是真是假,Raymond都當咗係真,並放膽追求Phoenix。

* * * * * *

George和Nancy站在台上當婚宴司儀,George宣佈:「我哋用熱烈嘅掌聲,歡迎一對新人進場。」結婚進行曲隨隨奏起,Phoenix蹺著Raymond的手臂,雙雙步入婚宴廳,接受在場嘉賓的祝福和掌聲。

婚宴其中一個環節,就是要新郎新娘回答一條尖銳問題,對方一定要如實回答。Raymond把握機會,事前一早使橫手,叫George代問Phoenix:是否因為Raymond的出現才跟前度男友分手。Phoenix含羞地點頭,再補充資料說:因為那晚Raymond在卡拉OK醉倒時,Phoenix聽到Raymond醉醺醺說:「我好鐘意Phoenix…」自此,Phoenix才察覺Raymond對自己有意,更發現自己的心,已不能被男友鎖緊。

最玄妙的地方就是:那晚在卡拉OK裡,Raymond喝醉的法國紅酒,正正就是聖誕派對中兩人喝醉的法國紅酒,因為George喜歡這隻法國品牌的紅酒,為自己婚宴訂了好幾箱,婚宴之後飲唔哂,飲到卡拉OK、再飲到半年後的聖誕節,仍未飲完。

同一隻法國品牌的紅酒,飲出一對夫妻。在卡拉OK種下的因,成為聖誕派對收到的果。

Raymond和Phoenix在詢眾要求之下,又再擁吻,場內掌聲響起。


同事Weyman跟Phoebe新婚之喜,借用他兩張結婚相,謹祝他倆白頭到老、永結同心。(本故事純屬虛構,角色跟Weyman和Phoebe並無任何影射或聯繫。)
* * * * * *

酒醉三分醒,借醉表白愛意,進可攻、退可守,得就最好啦,唔得咪當飲大咗亂噏囉。

You Only Tell Me You Love Me When You're Drunk - Pet Shop Boys
What a performance tonight
Should I react or turn off the light
Looks like you're picking a fight
In a blurring of wrong and right
But how your mood chances
You're a devil, now an angel
Suddenly subtle and solemn
And silent as a monk

You only tell me you love me
When You're drunk

It's better than nothing I suppose
Some doors have open end
Others closed
But I couldn't see you exposes
To the horrors behind some of those
Somebody said listen don't you know
What you're missing
You should be kissing him instead of
dissing him like a punk

But you only tell me you love me
When You're drunk
You only tell me you love me
When You're drunk

All of my friends
Keep asking me why, oh why
Do you not say goodbye
If you don't even try you'll be sunk

'Cause you only tell me you love me
When you're drunk

What's the meaning
When you speak with so much feeling
Is it over when you're sober
Is it junk

You only tell me you love me
When you're drunk
You only tell me you love me
When You're drunk

LinkWithin

Blog Widget by LinkWithin