~~~~~~~~~~~~~~~~







2012年7月30日 星期一

臉書照片



臉書照片

facebook看到一篇名為《香港人最喜歡分享的10種照片》的文章,看後會心微笑。我瀏覽我朋友的facebook,統計一吓我的朋友們喜歡上載什麼照片。

(今次統計,主要集中在用戶上載的個人拍攝照片。撇除了:轉載有趣圖片、金石良言/心靈智慧、商業廣告、政治表態、惡搞改圖、反戰環保訊息等等。)

第十位:公司活動
新同事迎新、舊同事farewell、升職調職、公司Annual Dinner、公司遠足BBQ、公司join的慈善活動,甚至加班,都拍下uploadfacebookTag返同事個名,反映出公司的緊密團隊合作精神,掂呀!

第九位:消遣 / 興趣
工餘課餘參加了興趣班,會把「製成品」公諸同好:例如陶瓷、插花、繪畫、書法、沖咖啡、品評紅酒等等。如果運動愛好者,就拍下滑水、潛水、golf、攀石、泰拳等等。上載到facebook,告訴朋友知道自己是如何多才多藝,能文能武周身刀。

第八位:子女
如果初為人父母者,全副心機精神俾哂個BB。乜都影一餐:瞓又影、喊又影、笑又影、飲奶又影、嘔奶又影、沖涼又影、痾又影。由BB仔影到幾歲大。或者上影樓拍「全家福」,再上載到facebook,跟親朋戚友分享一吓呢份喜悅。

第七位:寵物
如果年輕婦夫唔生仔,就可能養寵物解悶;養貓養狗。「淨拍寵物」或「主人寵物合照」也有。主人又會替寵物開facebook account,幫牠寫近況和回答留言,把寵物擬人化,視如己出。

第六位:演唱會 / 劇院
如果能夠去欣賞「城中一票難求」的演唱會,就要拍下手持珍貴門票的照片,或置身場館直擊現場熱鬧情況,上載到facebook。除了演唱會,去劇院看舞台劇、或者去戲院看電影首映,都想第一時間告訴朋友知道自己欣賞過什麼文娛節目。

第五位:新購物 / 禮物
很多購物狂朋友,如果率先買入新產品後,便第一時間通知全世界知道自己是走在潮流尖端。新電腦產品、智能電話、手袋、化妝護膚品、波鞋、相機、音響、汽車等等。標題是:「又破財啦!」又或者上載剛收到的禮物照片,標題是:「多謝哂!」、「感激啊!」之類。

第四位:婚禮 / 生日
結婚乃人生大事喎,無理由唔同大家分享吖。由兄弟集合、接新娘、斟茶、回門、註冊行禮、擺酒、送客,過程都一覽無遺。上載到facebook,每個album百幾張相,仲要分Wedding Part 1 – Part 10,捕捉每一個moment。除了結婚外,生日也要分享,壽星主角捧著生日蛋糕,跟朋友們合照,背景是karaoke或餐廳,喜氣洋洋。

第三位:自然景物
相機功能先進了,大家都能夠成為攝影大師。拍下大自然景物:天空、黃昏、彩虹、郊區、海邊、昆蟲、雀鳥等等,上載到facebook,寫一句「感性旁白」,洗滌讀者們的心靈,必俾like

第二位:旅行
本地旅行(例如東龍島、濕地公園、米埔或浪茄),或者(chok墨魚、船河、燒烤、觀鳥、睇中華白海豚)。告訴大家如何跟大自然接近。如果是海外旅行(美加、歐洲、東南亞或澳紐),朋友一到有wifi的地方,就上載旅行照片到facebook,吃的玩的買的見到的。令到在港的我,既羨慕又妒忌。

第一位:美食
美食作為第一位,實至名歸啦!用facebook紀錄「什麼時候跟誰到過什麼餐廳吃過什麼?」侍應端來美食,人未食,先拍照,趁熱先吃一半,稍作休息,上載照片到facebook,吃畢餘下一半,垂頭答facebook留言,大家默不作聲。這是現代人吃飯的特有模式吧。



二少爺說:有時候,舊相片是慘不忍睹的。


Photographs and memories – Jim Croce

Photographs and memories
Christmas cards you sent to me
All that I have are these to remember you
Memories that come at night
Take me to another time
Back to a happier day, when I called you mine

But we sure had a good time
When we started way back when
Morning walks and bedroom talks
Oh, how I loved you then

Summer skies and lullabies
Nights we couldn't say goodbye
And of all of the things that we knew
Not a dream survived

Photographs and memories
All the love you gave to me
Somehow it just can't be true
It's all I've left of you

2012年7月27日 星期五

卡爸 (24) 恩親和宗旨做人


卡爸 (24) 恩親和宗旨做人

卡爸今次唔講政治民生,講吓為人子女應該如何待人。字字有理。






二少爺說:親恩應該報,應該識取孝道。


2012年7月25日 星期三

颱風狂吹 誰會不動


颱風狂吹 誰會不動

懸掛八號風球,除咗有人緊守崗位,需要繼續上班。有人會到戲院或唱K,也有人會到海邊睇浪。其他人就留在家中或者安全地方。究竟大家留在家中無所事事,會做什麼渡過打風的日子呢?

第十位:執屋
平日忙到死,難得有一日可以留在家中,終於有時間可以執屋。扔舊雜誌、無用雜物、打掃一吓。執了幾袋垃圾,拿出後樓梯,才發現已經堆放了幾袋垃圾袋,原來鄰居都趁打風執屋。

第九位:執相
平日用數碼相機或電話影低好多相片,存放在電腦硬碟內唔理。其實好多相片都可以delete,趁打風日子把相薄分類及刪減一些多餘相片,騰空更多電腦記憶空間,供日後的濫拍。

第八位:烹飪
打風期間,部份食店關門,唯有留在家中煮即食麵開罐頭。也有喜歡煮嘢食的人,趁打風日子整蛋糕甜品或跟食譜烹飪,把製成品放上facebook跟朋友分享,標題是:「打風的日子裡,我煮了」。

第七位:懷舊
平日咁忙邊有時間坐低停一停、抖一抖吖?正好趁打風日子睇吓舊相片、聽舊歌、睇舊信舊咭,懷緬一吓舊日子。

第六位:掉衫
平日買衫,把衣櫃塞到滿一滿。終於可以趁打風日子,打開衣櫃審視一番,把較舊衣服抽起入袋,投進屋企附近的「舊衣回收箱」。騰出衣櫃更多空間買新衫。

第五位:上網
呢一個活動,其實跟「打唔打風」無乜關係。就算天朗氣清,人都要上網啦!不過如果橫風橫雨,就更需要依靠社交網絡聯誼,足不出戶但仍能跟朋友吹水解悶。

第四位:打機
同第五位一樣,打機跟打風其實都無乜關係,就算風和日麗,人都要打機啦!不過打機能消磨時間,打吓打吓,不經不覺已經打到乜風球都除下。

第三位:睇碟
平日在影視店買下來的影碟,因為太忙無時間睇,回家就把影碟擱在一邊。終於可以趁打風日子睇影碟。消費完該批影碟後,下次就可以再入其他新貨守門口。

第二位:瞓覺
一向睡覺不足的朋友,一知道打八號就拍爛手掌,繼續在床上昏迷落去,瞓足一日一夜補眠,人都精神啲,抵抗力強返。也不失是上帝給予世人的一項驚喜禮物。

第一位:打牌
香港人喜歡打麻雀聯誼,「打風日子打牌」是香港人的文化傳統,也是港人的核心價值。應該保育這些非物質文化遺產,窗外打風落雨,室內打牌作樂,就是咁簡單咁易滿足。


二少爺說:剛剛見識到13年來十號風球的威力。「鄧寄塵在1965年有一首《十號風波》,講丈夫因打風返唔到屋企而去搵舞女。



十號風球 張國榮

作曲 : 黃耀明、蔡德才
填詞 : 周耀輝

相信嗎 我相信愛嗎
快樂嗎 但快樂夠嗎
太熱了 太悶了 在醞釀刮風吧
低壓中 你感覺到嗎
快下雨 和誰人回家
愛是這樣盲 風眼是這樣藍 更想貪

心思一到 十號風波一掃
讓我不操縱 和誰東歪西碰
颱風狂吹 誰會不動

若我要風聲一到 十號風波一掃
願你不枯燥 和誰推測不到
颱風狂吹 誰要登陸
留在留在半路 我愛起伏

想要高 要飛到最高
要下跌 便跌落最低
我願意 你願意 在赤道誕生吧
天氣差 更需要愛嗎
正下雨 而誰人護花
美麗太困難 擁抱後太平凡 瞬息間

若我要風聲一到 十號風波一掃
願你不枯燥 誰人的訊號都可收到
颱風無意登陸 留在留在半路 我愛起伏

2012年7月23日 星期一

《無聊死火令再嚟》


《無聊死火令再嚟》

《無聊死火令》不作詳細介紹了,立即入正題。

* * * * * 

第十一篇
新政府班子民望跌至新低,部分高官誠信受到質疑,更被指有居心、虛偽掩飾內情。高官接受傳媒訪問時,心虛回答:「願意虛心聆聽大家意見」,之後轉身離開,拒絕回答記者其他問題。

好!故事講完了。
呢個故事叫:居心虛偽心虛扮虛心


第十二篇
政府新任高官需要落區接觸民眾。遭到現場大批示威者圍堵,示威者用「落油鑊」嘲諷高官區做騷」。涉嫌貪污的高官,更遭部分示威者揚言:「見一鑊 打一鑊!」場面一度混亂。

好!故事講完了。
呢個故事叫:落區變落油鑊爆鑊見鑊打鑊


第十三篇
社交網站成為援交少女和嫖客的交易平台。援交少女在網站內名碼實價,嫖客成交後,帶囡囡到澳門(Macau)進行性交易,引起社會關注。

好!故事講完了。
呢個故事叫:社交網援交成交去馬交性交


第十四篇
中國國家田徑運動員,因其跨欄時步姿比較誇張,故有「誇張跨欄王」之稱。昨天他在200跨欄比賽中,打破奧運會紀錄。獲得國家主席發出誇獎。

好!故事講完了。
呢個故事叫:誇張跨欄王獲誇大誇獎


第十五篇
近年來,本地流行學習道學。圓玄學院公佈今屆畢業生數字,是上一屆的兩倍。畢業學員表示很值得,學習到道家玄學的玄妙。

好!故事講完了。
呢個故事叫:圓玄學院學員學完好玄的玄學



二少爺說:人人都想可以飛,有頭毛邊個想做癩瘌。

LMF -


真係心噏 講到幾得幾得 
到頭黎睇下自己個頭幾耷幾耷
家陣仲講乜鬼野原則 有份工就得
911 都唔知為乜
2003 啲老闆越黎越慳 
想搵發展空間 話之你係大學生

幾錢搵份工都有 幾千人排隊去爭 
又話乜野共渡時間 唔該你慳番
你話你個世界有乜理由番緊轉頭 
做咁多野出黎仍然得唔到一啲報酬

世界難撈 點樣可以經濟復甦 
有個咁既財政司 你話大唔大煲

我要一個路口 我要一個藉口 
我要搵一個逃生門可以放心俾自己逃走
我成日耷低個頭 我成日匿係被竇 
我成日問自己呢一個地方有冇得救
究竟我地已達到等到乜既時候 
到底只不過係需要需要一個理由
完全做到自己要求唔會有其他人插手
唔再需要俾人左右 唔再需要借酒消愁

個個衰到貼地 我重未想放棄 
俾個位我抖氣 去做下自己
其實人人都想可以飛 
有頭毛邊個想做癩瘌

就好似昨日你話個世界想逼死你 
又或者今日你埋怨冇人俾機會你
你唔去認清自己增值自己準備過 
聽日真係人云亦云見一日過一日
每個人都有副屬於自己嘅有色眼鏡 
唔用副眼鏡睇自己都可以照下鏡
仲係咁硬頸困埋係自己個井 
咪再自己呃自己唔該你醒一醒
呢個世界有邊庶有咁多懷才不遇 
局住要睇錢份上先至做唔出個樣
個個願讓少少空間都俾人琴住晒 
淨係原地踏步又點樣放眼世界
你係點樣睇人人地咪點樣睇你 
你係點樣對人人地咪點樣對你
好似對人個選擇權唔係屬於你 
但你個後浪好快就琴過你

2012年7月20日 星期五

《無聊死火令現身》


《無聊死火令現身》

上次《無聊死火令現新》講政治,悶咗啲啲,今次講潮流。

        * * * * * 

第六篇
韓國生產的Samsung(三星牌),最新推出的平板電腦市場大受歡迎,掀起搶購熱潮。零售商立即將售價提高30%,仍供不應求。

好!故事講完了。
呢個故事叫:Samsung三星售價上昇三成


第七篇
facebook面世接近十年,用戶每日上載相片及近況。公司人事部替應徵者進行面試前,先click入應徵者的facebook帳戶,了解應徵者的生活及性格。在面試時更能掌握應徵者的身世和背景。

好!故事講完了。
呢個故事叫:臉書面世後面試時細問身世


第八篇
Owen是一個熱愛運動的上班族,四年一度的奧林匹克運動會在倫敦舉行。Owen通宵收看奧運會賽事的衛星直播。結果因為長期睡覺不足,Owen早上於辦公室不支暈倒,須送院醫治。

好!故事講完了。
呢個故事叫:Owen睇奧運熬夜熬到暈


第九篇
玄學家兼任電視台旅遊飲食節目主持人,跟攝製隊遠赴法國豪玩豪食。玄學家喜歡吃法國菜,特別是法國生蠔。雖然法國盛產生蠔,可惜法國並沒有出產蠔油,令玄學家十分失望。

好!故事講完了。
呢個故事叫:豪遊法國後發覺法國無蠔油


第十篇
流行天后Lady GaGa風靡全球,中環某disco為了招攬客人光顧,請藝人模仿Lady GaGa,在每星期的lady night大唱大跳。吸引很多男性客人捧場。Disco坐地起價,但客人仍擠得水洩不通。

好!故事講完了。
呢個故事叫:Lady GaGa搞到lady night加價


二少爺說:只有自由兩個字



揸緊中指 - LMF
曲 : Davy
詞 : MC Yan, Phat, Kit, Wah


Phat: MICROPHONE CHECK ONE 的起耳朵聽真 清晰嘅聲音向你腦袋進軍
一直都知自由係要去捍衛 不惜一切就算我地依然處於弱勢
奸商加狗官最叻係玩拑制 事實擺在眼前就咪玩抹黑矇閉
強勢未倒下 頭顱未被斬下 有法治一日我地依然不怕
迫不得已大懶堂要出嚟申張正義
但係呢首歌嘅內容並冇牽涉到政治我話你知個世界越係動盪
我地嘅思維就更加要懂得開放 COME ON


一二兩隻手指, 二! 二就只有自由兩個字
一無所有既鬥士 揸緊中指唔係你想咁易
一二兩隻手指, 二! 二就只有自由兩個字
一無所有既鬥士 揸緊中指唔係你想像咁易


MC Yan: 我並唔認同你講既一切一切但我會悍衛
即使死不眼閉
並唔認為你所謂既需要克制會帶來公平 穩定壓倒一切
唔屈服於錢幣 唔怕照肺
見權貴一樣照吠 正義係不顧一切
唔怕掲穿虛偽 住濁世繼續警世
唔會感到孤獨 為自由不枉一世
我知道世事無絕對既對與錯就算我喵你亦無需要對號入座
我憤怒你無需要大驚小怪 十九區報導唔可以當做表態


華: 你不要放棄 堅持到尾自由要接棒 我地要靠晒你地
不管犧牲幾多 揸緊中指我道理
不自由無寧死 妥協最後 失敗者只會係你
犧牲幾多 揸緊中指我道理


Kit: One 平等 一個 freedom 不能容忍個世界點解變成咁
鬥爭不斷發生 太多狡猾聲音 為咗自由兩個字太多人無辜犧牲
One 平等 一個 freedom 為自由追尋同權力繼續繼續抗衡
不怨天尤人 自由不分富貧 平等自由應該屬於每一個人

2012年7月18日 星期三

《無聊死火令現新》


《無聊死火令現新》

如果 閣下有睇開本blog,可能知道乜嘢係《無聊死火令》:它非常無聊,但不是「急口」,只是描述一個「死火或弊家伙的處境」,加起來便是「無聊死火令」,跟「武林聖火令」並無任何關連。

        * * * * * 

第一篇
大學的政治研究中心,聘請學生當「兼職剪報員」,為當天的政治新聞剪報、分類及存檔。今天報紙廣泛報導立法會議員的「剪布行動」,剪報員剪下該段報導後存入資料庫。

好!故事講完了。
呢個故事叫:剪報員為剪布報導剪報


第二篇
新特首因僭建問題,發出失實聲明,更遭傳媒踢爆特首大話連篇。特首辯護失手後,更被召見北上朝聖。之後,突然向傳媒自首,自認存心欺騙市民。親中人士透露中央在幕後操控此事,決定要拉他落馬。

好!故事講完了。
呢個故事叫:失實特首失手後突自首


第三篇
立法會的「中指議員」,在「拉布戰」中忍無可忍,突然起身要求發言。本著他的宗旨原則,成功叫主席終止漫長的會議,及後引起兩人串通之嫌疑。

好!故事講完了。
呢個故事叫:中指議員終以宗旨終止會議完


第四篇
大陸的雙非孕婦來港產子問題,一直困擾港府,新班子決定不再給予其嬰兒居港權。雙非孕婦在最後期限前冒險乘大飛湧港產子。兩名大陸孕婦在大飛上因座位問題爭拗,大打出手;更雙雙起飛腳攻擊對方,引起船上混亂。最後該大飛在香港水域遭水警截獲及遣返。

好!故事講完了。
呢個故事叫:雙非婦乘大飛憤起雙飛


第五篇
大學主辦的政冶講座,由多位政治學者主講。講者認為香港政府左傾的趨勢,越來越明顯。一國兩制遭到挑戰。

好!故事講完了。
呢個故事叫:講座講者講港府變』。


待續

二少爺說:紅是共產黨、黑是黑社會。




紅黑紅紅黑 - 黃貫中
作曲/填詞:黃貫中

鬥 在鬥 就算你繼續鬥
得一隻手 又怎可拍手
奏 在奏 就算我繼續奏
得一個口 又怎可說否

憐憫 我雖是微塵
吶喊 卻驚動路人
夜鶯 廝守著凌晨
還我本性 心裡嗌著這兩個字

紅黑 紅紅黑 就係咁簡單

跳 就跳 別要去放慢了
這種發燒 又怎可缺少
要就要 別要去再扮了
這種困擾 是不必困擾


紅黑 紅紅黑 就係咁簡單

紅黑 紅紅黑 只知我沒法界定

紅黑 紅紅黑 只知我沒法暫停
紅黑 紅紅黑 就係咁簡單
紅黑 紅紅紅黑 就係咁簡單


LinkWithin

Blog Widget by LinkWithin