~~~~~~~~~~~~~~~~







2009年1月5日 星期一

我以為我會哭......(小C卡叉扑)

我以為我會哭.......

詠詩望著電腦屏幕,看到網誌中一對情侶的甜蜜合照,詠詩的眼淚,再次沿鼻尖滴落Keybroad的space bar上,滴.滴.滴...

* * * * * * * * *

詠詩兩年前大學畢業後,第一份工作是在銀行當櫃員,跟男同事Rayman發展成為情侶,如膠似漆。但好景不常,不到一年,兩人感情出現問題,出現了第三者,是Rayman晚間學攝影的同班女同學。Rayman貪新忘舊,向詠詩提出分手。Rayman藉口說兩人相處下來,發覺大家性格不合,長痛不如短痛;既然大家還年輕,何不給對方多點選擇和空間?詠詩一時間不能接受Rayman的離去,當場兩行淚水傾瀉下來。

詠詩捨不得Rayman,提出復合,但Rayman眼中只有新歡,更鐵起心,申請到新加坡分行工作;好讓詠詩能夠忘記自己。Rayman寫email給詠詩道別,告訴她到新加坡工作。Rayman和詠詩拍拖期間,Rayman很喜歡一首國語歌,在email的結尾,引述那首國語歌其中兩句歌詞:「我們的愛若是錯誤,願你我沒有白白受苦!」

自此,詠詩每次無意間,無論從收音機或在時裝店中,只要一聽到那首國語歌,熱淚就會盈眶,詠詩極力忍著淚水,唔淮唔淮喊呀!但最後都敗給首歌。最叻嗰次成績:忍首歌忍咗一大半,但一聽到「我們的愛若是錯誤,願你我沒有白白受苦!」兩句,淚線又告失守。

一個月後,當Rayman在新加坡安頓一切後,他的新歡碰巧在香港找到一份工作,需要派駐海外到新加坡。從此兩人便在新加坡開始新生活,相宿相棲。Rayman把兩人在新加坡的生活照片,上載到Blog上跟朋友分享。

詠詩曾經盡力想忘記這段感情,但愈想忘記、愈是記起!詠詩在電腦前躊躇,多番想delete走Rayman網誌的連結。Delete完又心思思add番,add完又忍痛Delete佢,一陣間又偷偷地add番。想擺脫活在Rayman的陰影下,但有心無力;成個人落哂形、消瘦了不少!

詠詩身邊的家人朋友對此十分關注,朋友經常陪伴左右,父母多番開解。無奈解鈴還須繫鈴人,任旁人如何費盡唇舌,詠詩仍然放不低Rayman,耿耿於懷。每個傷口需要時間去結疤,但詠詩也不清楚這個傷口何時才能癒合?

兩個月後,某一個下午,母親在工作時暈倒被送入院,父親趕去急症室,母親頭痛欲裂。醫生替母親進行磁力共震檢查,一週之後需要回醫院拿報告。

一週之後,醫生證實母親患上腦癌,幸而只是初期,暫時可用藥物控制病情。詠詩下班回家之後,從母親口中獲悉這個壞消息後,先是呆了一會,之後眼淚才懂得湧出來。母親反而顯得平靜,反過來安慰女兒:「就算係妳最親嘅人,妳幾唔捨得都好,始終有一日都會離開妳!」

篤信佛教的母親,繼續安慰女兒,說了一個故事作比喻:
「有一間小學搞學校旅行,全校小學生到海灘玩;堆沙砌堡壘,有人堆得靚、有人堆得醜、有人好心去幫其他人砌、有人唔抵得去破壞人哋;有人開心有人傷心,但係無論砌成點都好,黃昏時分全部學生要離開海灘返屋企,沙灘上全部沙堡壘被潮漲的海浪沖走,第二日成個沙灘一啲痕跡都無留低。」

詠詩明白故事的寓意和母親的心意,正想開口回應之際,家裡的電話突然響起,是醫院打來,叫母親明天早上再到醫院一趟,有事情要跟病人當面商討。詠詩當晚臥在床上,忐忑了一夜到天亮。

翌日,詠詩一早陪母親去醫院見醫生,除了醫生接見外,還有一位醫院行政人員在場,向她們解釋和道歉;原來母親的化驗報告,因院方人為錯誤而被對調,母親只是血壓過高而非有癌症。詠詩聽後如釋重負!兩人喜極而笑起來!詠詩估不到報紙上的醫療失誤事件,竟然會發生在自己母親身上。如今既然母親無恙,她們亦不作追究。立即call父親告知這個好消息。心情輕鬆地離開醫院,登上一部的士返家。

在的士車廂內,詠詩跟母親商討今晚去哪間食肆大吃一餐,舉家慶祝一番!此時,的士收音機傳來那首「奪淚國語歌」!可能詠詩有「母親無恙」的利好消息影響下,國語歌的催淚威力蕩然無存。歌曲首句:「我以為我會哭……但是我沒有,」詠詩聽罷,眼中淚線沒有被牽動,心理上成功征服了它。

她決定平靜地,將國語歌重新細聽一遍,細心咀嚼歌詞;在這一刻,她才發覺「我們的愛若是錯誤,願你我沒有白白受苦!」的下一句是:「若曾真心真意付出,就應該滿足。」詠詩眼睛閃了一閃。直至聽到最後一句:「只願你掙脫情的枷鎖,愛的束縛,任意追逐,別再為愛受苦。」詠詩不禁開懷地微笑起來。

詠詩把車窗搖低,讓生風吹到面上,頭髮四揚,清風替她洗滌。知女莫若母,母親當然體會到詠詩正在想什麼,母親也把她那邊的車窗搖低,車廂內清風撲面。兩母女相望一笑,不用說話但早已心意相通。

的士在高速公路上,繼續向前、向前、一直向前駛去。



送給小詩




-----------------------------------------------

雜感 (最重點:要謝卡臣) By 小詩

卡臣是一位我很欣賞的blogger,很榮幸,早前他為我寫了一篇《我以為我會哭》。

卡臣,真的謝謝你,這故事於我,是別具意義的。我想,嗯,你寫之前是做了點功課吧,我看見的是影子處處。

看到這篇的你,如果沒有到過卡臣的blog,我會告訴你,在我的google reader裡,http://carson-chung.blogspot.com/ 位列我的「must read」欄目。

(我偷偷加了「朋友」這標籤啊,:p)

+++

我不是愛情老手,不像一些blogger那麼會寫,老練地寫出男女情事,男人是怎樣的、女人是怎樣的……因此,這些我寫的很少。

有時,我會羨慕她們;有時,我會慶幸自己對情事只有矇矇朧朧的體悟。

+++

你送我《領悟》,我想起《夢醒時分》。

好長的一段時間,該醒,我醒了卻不肯認。其實,早已醒了。

翻開實情,需要無比的勇氣。

+++

看到《我以為我會哭》一篇前,姐姐結婚宴客的一夜剛完。我喘著氣,服侍過醉如爛泥的母親,終於可以回房。以下是雜亂無章的感受,絕對需要重新排序,卻是無從排起。

* 我不喜歡酒醉的母親。
* 或者我只是接受不到自己心底裡覺得的母親形象被催毀。
* 我知道喝醉不是一件大事。
* 我討厭嘔吐物的酸縮味。
* 別人說媽媽很開心,所以喝很多酒;到底她開心,還是傷心呢?我想起上次大型婚宴過後,媽媽痛哭的情景。
* 她不斷吐口水,吐出血來,我很害怕。
* 其實我不喜歡媽媽每晚也喝酒、夜夜笙歌。
* 我的勸喻,她以笑敷衍,算了。
* 我明白,人到中年,仍能有一班好友一起玩,很難得,我應該多諒解她。
* 我為什麼因為這一件小事,在婚宴其間走出酒樓流淚呢?
* 可能我真的好幼稚。
* 別人說酒醉的人,比沒酒醉時重一倍。對,真的好重。
* 我想像不到自己能幫酒醉的媽換衫,但我成功了。
* 天﹗別再換了衫後再嘔或吐口水。
* 她最後睡在地上。
* 我討厭她喝醉了後,半夜不斷拍我的房門,而我第二天要上班。
* 而這種騷擾已不止一次。
* 可以一星期花至少兩晚照顧弟弟嗎?
* 我討厭不斷埋怨的自己。
* 我真的不喜歡媽媽喝醉。
* 我想,我不會希望自己有喝醉的一天,因為我不想自己變成這樣。
* 放心,我呻完便把事情都忘了,直至她再因喝醉而吵醒我。

+++

生活磨人,我已放下情傷,努力生活。
嗯,但……上天可掉一個男朋友給我嗎?哈哈。

有一天,c更衣後,趕忙出門上班。
正想打開家門,「knock knock……」
她心生奇怪,打開門。
門前的男子說:你好,我係你男朋友。

完。

116 則留言:

  1. 哇3小耳~
    果然係等住喎~

    好彩我都唔輸蝕^^

    回覆刪除
  2. 兩位

    多謝捧場先!

    連「豬肝補氣」都唔睇住!

    回覆刪除
  3. 係呀!Zoe係我8掛3隻耳,今晚煲定湯等故事...我覺得好溫馨簡單是對情場小敢的少女應該有所感召!
    我都好鐘意呢個故事!

    回覆刪除
  4. no.4!
    辛曉琪d歌我都有聽ga!唔怪得d歌詞咁熟咁la~

    回覆刪除


  5. 妳鐘意?
    我開心

    妳快啲開窗
    等生風吹到妳臉上

    爽呀!

    吓?無風
    咁...無嘢啦!

    回覆刪除
  6. 好似辛曉其都傷得好勁至演譯得咁好...




    卡叔
    陳腎湯預埋你啦!

    回覆刪除
  7. 呢首歌, 都係伴住我失戀

    記得嗰陣我生日同前男友去台灣, 睇星光大道, 聽到呢首歌..只係覺得好好聽, 到左分手嗰陣, 大家都先後放過呢首歌喺自己個blog..
    之後我再從遊淡水(正正係生日去既地方), 見到有人街頭賣唱, 忍唔住問佢可唔呵以唱領悟, 一聽之下..真係呢..

    百般滋味在心頭

    回覆刪除
  8. 小佚

    咁妳快啲祝我「只願你掙脫情的枷鎖,愛的束縛,任意追逐,別再為愛受苦。」

    吓?
    點解要祝福我?
    我口痕亂講吓唧~~

    回覆刪除
  9. 卡叔
    bottle 仔好似叫你寫食人故事 wor...有冇去的 bottle's blog 睇下/

    回覆刪除
  10. paradarz

    多謝妳留言先

    嘩!妳的經歷好有電影感喎!

    百般滋味在心頭

    如果妳唔介意
    我送這故事給妳

    「若曾真心真意付出,就應該滿足。」


    +++++++




    >>陳腎湯預埋你啦!
    記得幫我番叮

    回覆刪除


  11. 小瓶blog有睇
    仲留咗言添

    殺人故事
    農曆新年後
    新年流流嘛

    回覆刪除
  12. 3小耳

    upload上黎啦...
    我又要download黎飲=P

    回覆刪除
  13. cyber soup 可能係一盤生意,咁大家吾好客氣,鐘意就自己筆啦...
    睇完個故事有消夜!

    回覆刪除


  14. ZOE同我飲湯都想食埋湯渣
    可否download埋陳腎同雪耳?

    唔該先

    回覆刪除
  15. (盛好湯)

    Zoe: 小卡我不吃陳腎(搯光所有腎給小卡)
    Zoe: 小卡我愛吃雪耳(把雪耳都搯進自己碗裡)

    XD

    3小耳,一起喝湯嘍~(咪掛住做啦)

    回覆刪除
  16. 陳腎得一個讓比Zoe妹妹吧!
    我飲飽食飽啦!
    咁多位慢慢...

    回覆刪除
  17. denzel

    溫馨呢~~
    叫埋老婆一齊睇

    ++++

    聶老板

    zoe話唔愛腎喎!

    回覆刪除
  18. 卡叔
    吾洗啦
    大家難得係度睇故事,未當消夜囉!

    回覆刪除
  19. 聶妹子,

    偶不吃陳腎‧_‧
    偶是偏食的……

    (還是舀陳腎到小卡的碗裡…偷偷的)

    小卡,你看!(指)
    (把腎丟進小卡碗裡)

    回覆刪除
  20. 雪耳潤丫嘛~
    又有骨膠原^^

    有益健康~~

    C+ 你不是上岸了嗎.......

    回覆刪除
  21. 上岸!?

    就快喇....
    遇溺失救比人抬上岸丫麻 :p

    回覆刪除
  22. 卡臣,

    其實你正職係唔係作家, 而副業就係編劇; 又或者正職就係編劇, 而副業係唔係作家??

    回覆刪除
  23. 要放低一個人真係唔易, 不過人總要學既.

    >被Carson飞咗ge女仔的故事?
    樹.....細聲d..一陣卡師奶路過聽到就唔好.
    不過...我又好認同喎!!

    回覆刪除


  24. 我回來了

    回味妳的好手勢

    ++++

    zoe

    鬼馬呀妳
    偷龍轉鳳

    +++

    c+

    咁多領悟
    寫出嚟同大家分享吓好喎

    回覆刪除
  25. Desertfox

    我飛女仔?
    哈哈
    我俾女仔飛就有!
    ~~呀多麼痛的領悟~~

    ++++

    C+

    妳上岸啦!
    咁口密呀
    仲唔認添!

    乜妳係艇家妹咩?
    上岸埋街吃并水

    好嘢!

    回覆刪除
  26. 肥貓

    唔好玩我啦
    我正職乃電訊公司內一名冗員


    ++++

    自由

    哈哈
    這故事送給小詩
    我本人唔存在故事入面噢!

    極其量只是扮故事中的士司機咋!

    回覆刪除
  27. 感謝……

    很不知羞呢,央你寫故事。

    今晚發生了點事,
    看了你這故事,
    就如paradarz所言,
    百般滋味在心頭,
    有機會分享一下……

    又,很喜歡這首歌。

    回覆刪除
  28. 又,本來我應該做第一個留言的,
    我真遲。

    回覆刪除
  29. 呢個故事好有意思。

    其實人嘅感覺及多愁善感,好多時就係衰執著。換個角度睇又會係另一回事。

    不過又又又調番轉頭睇,好多好嘅文學、電影、藝術作品,都係因為人嘅執著而變得有意思。

    人,真係好鬼死矛盾,同埋麻叉煩。

    回覆刪除
  30. 卡sir, 請問mud 野係"上岸埋街吃并水"???

    又,寫我個d爛係"些奀地泄鐵"o既領悟出黎,我怕比人噓爆.不如我做你線人啦... 

    密密實實,卡sir保密.

    回覆刪除
  31. The story makes me feel warm
    at a snowing day....

    回覆刪除
  32. Very nice... =)

    I wonder, do humans need to hurt deeply in order to know how well they are now?

    回覆刪除
  33. 小c

    千祈唔好咁講
    妳肯要我的故事,是賞面給我!
    我也很高興

    >>百般滋味在心頭,
    有機會分享一下……

    我地全人類都等妳
    慢慢寫....雖然我哋都心急

    是否第一個留言
    無關係啦
    最緊要有睇咪得囉!

    回覆刪除
  34. 維京人

    你講得好啱!

    理智與情感的角力
    熱戀講情感
    分手講理智

    會考前,啲人對中五生講,會考成績好重要!
    放榜日,啲人對中五生講,會考沒大不了啫!


    ++++++

    c+

    「上岸埋街吃并水」
    等我試吓解釋:

    以前香港是漁港,好多水上人
    後期發展輕工業,漁業式微
    好多水上人想上岸找工作機會
    水上人的食水是儲在船上
    井是固定的意思
    即水上人上岸居住,用地井打的水
    不用再在海上飄搖

    亦指風塵女子,從良嫁人
    絕跡歡場
    告別飄搖的生涯

    歡迎大家補充


    些奀地泄鐵<--是什麼?
    我反覆都諗唔到

    回覆刪除
  35. 巴黎

    母女情令妳溫暖?
    好呀!

    快啲返港啦!香港無咁泠!

    ++++

    篤撐

    李宗盛全盛年代
    還有
    「寂寞難耐」
    是我成長的主題曲

    寂寞難耐~~鳴鳴~寂寞難耐~~

    ++++

    lo哥

    仍在瑞士?

    真係學翁倩玉話齋:「誰會珍惜當你還擁有,將要逝去,總想挽留」

    have a nice trip

    ++++

    瓶子

    鬼故?
    好呀
    新蒸頭之後啦!

    回覆刪除
  36. 文字透出了誠意,撫慰受創的心,卡卡果是有心人!

    回覆刪除
  37. >>亦指風塵女子,從良嫁人
    絕跡歡場
    告別飄搖的生涯

    喂我一直都係既善良又單純o既妹妹仔!

    唔明就由佢喇.尋晚傻左 @_@

    回覆刪除
  38. 「寂寞難耐」
    >>>>>總是平白無故....30歲就快來, 我的心情不高不低,不好不壊....

    1989年, 我搵極都搵唔到呢盒CASSTTE, 結果要托朋友去台灣買俾我~~

    仲有, 唱歌時請小心發音: 自摸奶奶....

    回覆刪除
  39. 校長

    >>卡卡果是有心人!
    我有心人裝無心人
    嘻嘻

    ++++

    C+

    >妳一直都係既善良又單純o既妹妹仔!
    ==>我直情係社會的迷途小羔羊添!

    基於求知的精神,
    我認為:
    「些奀地泄鐵」
    指Seventeen Twenty
    接近嗎?

    ++++

    篤篤

    「寂寞難耐」
    我就係人地幫我錄落TDK錄音帶上

    90年代之後
    「當愛已成往事」
    唉~~往事不要再提,人生已多風雨~~

    回覆刪除
  40. 「些奀地泄鐵」係「Sex & the City」吓嘛?

    回覆刪除
  41. 歪歪

    多謝你!
    sex n the city!!

    好嘢!

    你真係「溫打埠」!

    回覆刪除
  42. 因為一場虛驚而領悟到『別再為愛受苦』,能夠雨過天晴當然係好,但係假如咁不幸,個報告係真嘅,我諗詠詩都會更珍惜佢媽咪,而明白唔值得再諗住個負心漢。

    回覆刪除
  43. 妳說妳愛了不該愛的人,妳的心中滿是傷痕...

    回覆刪除
  44. 歪歪

    嘩!雙重打擊
    真係受不了

    唯有用海灘堆沙呢個故事嚟安慰吓
    要走的都會走~~

    回覆刪除


  45. 妳說妳犯了不該犯的錯
    心中滿是悔恨

    回覆刪除
  46. c+

    歪歪好嘢
    妳又好嘢
    抵我送故事俾你兩位

    吓? 好似無乜關係?
    又係喎!

    +++++

    zoe

    >>妳估左半日都估唔到……
    我估左12小時估唔到……

    仲哀

    回覆刪除
  47. 各位太誇獎喇,我諗唔係我叻,係我英文差所以「些奀地泄鐵」讀得出係「Sex & the City」。

    卡臣 提到...
    『嘩!雙重打擊真係受不了』
    你係作者就梗係唔會去到咁盡,但係現實生活就真係話唔埋,至少唔會話見你咁慘,遲啲先再俾多啲衰嘢你。

    『唯有用海灘堆沙呢個故事嚟安慰吓
    要走的都會走~~』
    我都覺得呢個寓言寫得好感人,想知道係你嘅創作定係轉載自別處?

    回覆刪除
  48. 唔好哀啦, 係我拼得差, 我衰我衰

    回覆刪除
  49. no la just a song but forgot the name....
    愛了不該愛的人咁大鑊...?慘過落油鑊.
    好明獻又係爛gap...

    回覆刪除
  50. 卡臣:
    咁妳快啲祝我「只願你掙脫情的枷鎖,愛的束縛,任意追逐,別再為愛受苦。」
    吓?
    點解要祝福我?
    我口痕亂講吓唧~~
    -->好啦,咁就祝卡臣甜甜蜜蜜過一個牛年~~

    我直情係社會的迷途小羔羊添!
    -->呢度個個都好純真,唔駛爭

    回覆刪除
  51. 歪歪

    >你英文差?
    等卡SIR同你補習

    >海灘堆沙呢個故事
    乃出自釋空大師口中
    上次進念做華嚴經
    我幫手整理文本時有緣看到

    ++++++

    C+

    整多幾個英文拼音
    再挑戰吓自己

    +++++++



    >妳說妳愛了不該愛的人,妳的心中滿是傷痕...
    ---->陳淑樺的「夢醒時分」

    回覆刪除
  52. 小佚

    咁我都祝小佚妳高高興興過牛年~~

    回覆刪除
  53. ZOE

    私家車補習班...招生中

    攞 A 話咁易!

    C+ Car 敬啟

    回覆刪除
  54. 咦?!

    喂喂係咪真架?!
    我真係要報名喎呢個!

    (個個禮拜都俾人叫開車然後轉個彎就會俾人鬧到XX :
    「喂!回軚呀!」
    「喂!轉多D 呀!」
    「喂!轉啦扭啦扭啦!」
    我:「……」
    「喂!撞啦!!」
    我:「咪停左囉……」)

    回覆刪除
  55. Zoe

    妳在學車中?
    幾時考路試?

    考路試果日著條裙短啲
    pass機會大啲架!

    回覆刪除
  56. 就係考完…才是惡夢的開始啊...

    豬爸和哥哥都是開車的高手……
    所以,稍為踩Break大力一點都會給吆喝:「喂!早少少收油唔得咩?」

    囧。
    我開很慢的啦,佢地又嫌慢……

    回覆刪除
  57. 我車牌剛過期,又十年.
    Zoe,聽講香港考牌好難,係未?

    回覆刪除
  58. 3小耳...

    其實唔算好難考。(我考自動波之嘛)

    但係,實戰同考試係兩回事。
    考試還考試。實戰係……
    你唔識路就會好大鑊。同埋,行慢少少後面D車就會閃燈、呠呠呠(響號);最多的情況係爬左你頭就望下你(係唔係女仔)

    回覆刪除
  59. 聶 & zoe

    香港車多路窄
    揸車不是樂趣
    司機又心急
    又塞車

    打吓psp先
    鳴~鳴~鳴~(踩油)

    回覆刪除
  60. 卡臣,你好,我係最近先開始睇你個blog 既。亦都因為睇左你咁多短篇小說,令到我都開始寫左D 野。
    不過我係放o係xanga 同facebook
    anyway,多謝你寫既一個個令人感動既故事~

    回覆刪除
  61. 真感人,親情真係好珍貴的。爸/媽得一個㗎咋。

    喺香港其實有冇需要揸車嘅呢?

    回覆刪除
  62. Iris眼

    多謝留言先
    如果妳寫咗
    不妨同大家分享交流吓

    放妳的xanga link 吧!
    唔使怕醜喎~

    ++++

    eric

    ~~世上只有爸媽好~~

    >>喺香港其實有冇需要揸車嘅呢?
    =>關於呢個討論.....等我揾一揾....

    敷衍

    回覆刪除
  63. >私家車補習班...招生中
    攞 A 話咁易!

    第一堂係咪教try your breast先? 係既話, 我叫埋d friend 黎先~~

    回覆刪除
  64. 自由

    >>第一堂係咪教try your breast先? 係既話, 我叫埋d friend 黎先~~

    係呀!教try your breast
    不過由我嚟搓
    妳叫啲friend諗清楚先喎!

    特別優惠:
    二人價錢三人同行

    回覆刪除
  65. 應該係

    特別優惠:三人價錢二人同行

    卡sir, 睇黎要同你補下數口先得!! =P

    回覆刪除
  66. >教try your breast
    不過由我嚟搓

    唔緊要, 我d fd 全部係麻甩佬, 佢地求之不得. 留番幾個位俾我d fd 呀!

    回覆刪除
  67. 卡仔,
    我個牌係英國考的very simple...考筆試,學十堂駕駛學院課(其實我覺得好搵笨又貴)再搵有3年牌以上的人同車就可上街實習,朋友指導冇咁大壓力...1 click pass.重有英國車牌終身制吾洗幾年又續過洗一筆.
    初回港住屯門貪平地方大諗住自駕冇問題.點知香港人好冇品法例又吾守.而且屯門公路D燈太黃太低令我覺得好眼訓...住左半年就搬出9龍.

    回覆刪除
  68. 『海灘堆沙呢個故事
    乃出自釋空大師口中
    上次進念做華嚴經
    我幫手整理文本時有緣看到』

    大師即係大師,仲有冇其他大師嘅寓言第日可以同我哋分享呀?

    回覆刪除
  69. c+

    >>三人價錢二人同行
    哈哈
    妳都幾狼死!
    咁搞法無人嚟報名架!

    +++++

    自由

    >>我d fd 全部係麻甩佬,
    吓?
    呢班報讀人數唔夠
    被迫取消!
    敬請原諒

    +++++



    係呀
    外國揸車先係一種享受
    遊車河的樂趣

    +++++

    歪歪

    大師口中的寓言
    最有印象是這個了

    日後有寓言再分享

    回覆刪除
  70. 咁我就獻醜喇卡臣…
    so far 都只係寫左三個故仔,請唔好吝惜你既comment~

    回覆刪除
  71. Iriseyes

    多謝妳的link
    我立即look look 先!

    回覆刪除
  72. 多謝你呀~~ 我會努力~~
    以你為榜樣,yo~~

    回覆刪除
  73. iris眼

    >>我會努力~~好吖

    但千祈唔好以我為榜樣呀!
    因為我鐘意女性架
    妳都係繼續同男人拍拖啦!

    回覆刪除
  74. 係啦, 我六年前考完車牌後只揸過一次......

    回覆刪除
  75. 火女

    >>搞錯呀, 英文班開唔成!
    ==>sorry! 因為無乜女生報名
    被我忍痛腰斬!

    香港揸車
    人車爭路
    做乘客好啲!

    回覆刪除
  76. 自由仔
    妳應該睇清卡叔真面目開班教呢教路...實則係點心照!

    回覆刪除
  77. 英文班同揸車班我都想學係咪有得折上折ga?

    回覆刪除


  78. 哈哈
    司馬昭之心!
    教埋防狼術添!


    ++++++

    小佚

    何止折上折?
    有現金回贈添

    回覆刪除
  79. >係啦, 我六年前考完車牌後只揸過一次......
    火女..你叻過我呀! 我考完一次都未揸過.

    >妳應該睇清卡叔真面目開班教呢教路...實則係點心照!
    唉,,等我仲以為..可以搓下佢breast, 點知...唔開班...喂...回水呀!!

    回覆刪除
  80. 我諗...

    大家對卡臣的breast 有興趣多D 囉...
    所以,無女參加根本不成問題。

    回覆刪除
  81. 自由

    >>唉,,等我仲以為..可以搓下佢breast, 點知...唔開班...喂...回水呀!!
    ==>妳幾時有俾過按金呀? 點回水呀?

    ++++

    zoe

    >>無女參加根本不成問題!
    ==對妳可能不成問題
    但對我絕對成問題!!

    回覆刪除
  82. 咁如果我參加既,開唔開得成班呢﹖ sorry 我好似插咀呀可...

    回覆刪除
  83. Iris眼

    即係咁:
    呢班教「搓your breast」
    妳要攞教長信才可報讀

    回覆刪除
  84. 卡,
    開「搓your breast」班?
    唔好預我!


    p.s. add番味呀?

    回覆刪除
  85. 這次的故事好治癒系啊,真溫馨

    回覆刪除
  86. 巴黎

    嘩!
    溫哥華回港啦
    呢度係咪溫暖好多呢?
    (我指香港)

    add 番!

    +++++

    viva

    >>真溫馨
    愛情換親情
    父母永在自己身後


    +++++

    eric

    你剷完雪
    時間啱啱好攞100!

    回覆刪除
  87. >妳幾時有俾過按金呀? 點回水呀?
    過左數呀! 你收唔到咩??? 哈哈
    sorry..係我收晒人錢至岩.

    回覆刪除
  88. 托水籠點解?

    唔知我有無估錯, 經濟不景呀! 要搵d外快,hehe..

    p.s. 收到通知, 今年無薪酬調整 (都預左呀, 唔炒好偷笑)

    回覆刪除
  89. 自由

    >托水籠=虧空公款著草

    今年無薪酬調整 (都預左呀, 唔炒好偷笑)
    ==>唔我地一齊偷笑
    嘻嘻

    回覆刪除
  90. >托水籠=虧空公款著草

    吾係解救火或消防員嗎?
    虧空公款=落格

    回覆刪除
  91. 哇@_@.....這是每個女生都"領誤過"的故事啊...
    而且首歌很好很好

    回覆刪除
  92. Jessie

    何止「領誤過」,
    直情「領過嘢」添

    回覆刪除
  93. 讀完卡臣既 "我以為我會哭"後,個心已經實實地, 果種delete 完又 add, add 完又 delete 既心情,好真實! ... 好在係一個 happy ending, 但,睇埋小詩既類似讀白後, 我既淚腺真的不受控, 好感人, 彷彿有血有肉的...真痛的感覺, 想不到散亂的片段描寫的功力有那麼大, 抑或是我身同感受呢 ?!?!?!!!

    好精彩 !!!

    回覆刪除
  94. kateyip

    小詩的親身經歷好有感染力
    可能未嘗過那痛苦滋味是寫不出來
    大抵每個人唔多唔少都有類似經歷
    共鳴便來了

    回覆刪除
  95. 同意呀~ 寫作既吸引力就係咁啦~ 作者抒發, 讀者共鳴, 太好啦~

    回覆刪除
  96. 妳寫給母親那一篇
    一樣感動到讀者
    多寫吧

    回覆刪除
  97. 多謝你鼓勵啊~~~~ 每次有人幫我打氣, 我都覺得好窩心的.
    其實我既人生好平淡, 一把年紀但經歷很少, 寫不出什麼好野, 不過, 我真係好想寫多d感動人既故仔 :)
    既然自己寫唔出, 在你個 blog 睇,十分開心!

    回覆刪除
  98. kateyip

    我的人生也很平庸
    不過想像力搭夠

    我blog的故事
    80%搞笑 20%感人
    希望陸續增多感人的比重啦

    回覆刪除
  99. 咩jack !! 感人果d, 都俾 80%留言整到變搞笑啦~~~ XDXDXD

    回覆刪除

LinkWithin

Blog Widget by LinkWithin