~~~~~~~~~~~~~~~~







2014年4月7日 星期一

陰陽路之女鬼纏身


陰陽路之女鬼纏身

(這篇是新寫的)

Tom是一名宅男,他的職業是電腦程式員,一份只須他埋頭苦幹而不須面對客人的工作。

Tom架著粗框眼鏡,厚典典的鏡片下,無神的雙目。他蓄著「流海」髮型,是抄自周杰倫和金秀賢。一撮頭髮遮蔽了額頭,從相學角度來說︰這種擋著印堂的髮型,會減少男士發出的陽氣,容易惹鬼。

Tom和父母同住,一回家便躲進睡房裡,不愛到戶外做運動,白裡透青的皮膚,瘦削的身體,遠看像條彊屍。Tom夜睡、睡眠不足,食埋啲無營養的快食,面色蒼白,加上沒有宗教信仰,增加被鬼上身的機會。

    * * * *

七月十四盂藺節,鬼門關大開,盂藺節那一晚,Tom十時回家。自這一晚開始,Tom行為變得怪異。他伸手在面前的空氣撥弄、十隻手指像替空氣按摩、仿佛面前坐了一個透明人,享受著Tom的十指按摩Tom有時傻笑,有時皺眉,有時自言自語、仿佛面前有一個透明人Tom竊竊私語有時Tom目不轉睛,盯著前面的空氣。仿佛面前有一個透明人Tom四目交投。Tom在公眾場所也是失控地在擺動雙手,觸摸面前的空氣,想抓緊些什麼似的。

母親一向篤信神佛,不清楚什麼肌肉神經線毛病,一口認定Tom是撞邪,立即搵法師幫手。法師開天眼一望,大驚!呢隻女鬼好妖艷又好惡,每分鐘都纏著Tom。兒子傻癡癡咁撫摸著面前的「透明女鬼」,跟女鬼按摩、凝望同傾計。

法師施法後,燒了大堆衣紙。但仍請不走女鬼。Tom的失控情況無改善,法師認輸了,無計可施,呢隻女鬼的法力好高強。

    * * * *

過了三天,鬼門關雖未關上,但Tom又突然正常返,唔再對空氣舞手弄腳。母親謝天謝地要還神,祖宗庇佑,法師說︰女鬼玩厭了Tom便走了。

母親大起膽來,問Tom知不知道這三日間自己有什麼異樣?Tom終於開腔回應了︰「我做緊公司嘢

Tom是電腦程式員,他公司剛研發了一頂新發明,Tom被指派率先試用,從而給意見改良其性能和功用。那麼….是一頂什麼的新發明呢?

研發公司有感於手提電話用戶經常要用手托著電話玩,長期使用會對手腕關節、肩膀肌肉、頸椎構成壓力崩緊、做成勞損。

研發公司發明了一個虛擬的屏幕和鍵盤,只須用戶戴上特製視象眼鏡,面前便會投射出電話的屏幕和鍵盤(旁人沒有特製眼鏡是看不到的)。用戶雙手在空氣中鍵盤打字 (旁人只看見用戶手指像替空氣按摩)。當用戶的手指對空氣撥弄,其實是控制版面或正在打機。用handfree電話通電時,如像自言自語。當經電話觀看電影時,便全神貫注地盯著前面的空氣,隨劇情時悲時笑。

今天新發明測試完畢,Tom歸還了儀器給公司,旁人眼中︰他不再「鬼上身」了。

真相大白,不過經母親這樣一講,Tom也觀察到在地鐵裡,其他乘客一起垂下頭,一邊手持電話,一邊向著同一個方向緩步前行,其實個畫面都幾「喪屍片」。但又….Who cares呢?



二少爺說︰人的眼睛將會只用來看屏幕,不再用來睇路,手持電話,慢慢feel下前面有無障礙物,緩步而行。

15 則留言:

  1. 哈哈,好耐冇聽呢首歌。。。

    另,聽講最近 fb 用咗好多錢買嘅公司,就係做 virtual reality 嘅研發,唔知第日會唔會真係人人都“上身”呢!?

    回覆刪除
    回覆
    1. 呢首歌好好跳呀

      唔使等將來,而家人人都已經魂不附體

      刪除
  2. 卡臣:

    韓國三星好似已經發明咗這類遙感式手機。喺咪已經賣緊呢?我又無留意。

    喪屍好似唔喺一兩個人。好多時喺超市或百貨公司的收銀櫃位,成家人排隊,只有一個家庭成員比錢,另外嗰幾個,就變咗喪屍。奇就奇在,比咗錢之後,嗰幾隻喪屍,仲唔識去幫手去擺嘢,仲企喺嗰收銀處前做喪屍,阻住個地球轉。後面啲人叫佢地死開啲,佢地好似聾咗咁,完全無反應。

    回覆刪除
    回覆
    1. 據我所知,呢項技術發明予,不過未推出市場

      咁可能你喺超市度見到嘅...係真鬼喇

      刪除
    2. 卡臣:

      宜家周圍都喺喪屍家族,衰過撞到真鬼。

      刪除
  3. 路上发生意外,好多人唔系立即去帮手救人,而系第一时间用个手机影相,放上fb。

    回覆刪除
  4. 呢個科技幾好喎,我又要同空氣做按摩。 :p

    二少爺真係醒,講中晒我d症狀。 :)

    回覆刪除
    回覆
    1. 唔係喎,你可以爭取時間用電話寫blog,我就一定要用電腦寫,都係你叻D

      刪除
    2. 你寫嘅題材廣泛,笑又得、喊又得、講道理又得,吸引唔同嘅讀者。仲寫極都有貨,持久力先係王道呀,所以都係你勁d。

      刪除
    3. 我都江郎才盡,靠翻叮咋,無乜寫新嘢,懶之過...

      持久力? 我都想耐D,可惜,事與願違:(

      刪除
    4. 其實我都有「持久力」嘅,不過同坊間嘅解釋唔同。

      我自己嘅情況係反應「遲」鈍、長「久」不起,同埋「力」不從心呀,唉。

      刪除
    5. 世純:

      哈哈!「持久力」咁正能量,都比你講到咁負面。你好嘢!嘻嘻!

      刪除
    6. 哈哈! 世純好嘢,
      孿都被你拗返直

      刪除

LinkWithin

Blog Widget by LinkWithin