~~~~~~~~~~~~~~~~







2012年2月10日 星期五

Ko Hubert之戀II


Ko Hubert之戀II

高凱博,英文名是Hubert Ko,沒有孩子的已婚男士,跟太太兩人住在觀塘舊樓。Hubert是一個朝九晚六的上班族,太太是個OL

高凱博身高62吋,諷刺的是他患有「畏高症」,一到高過三十樓的地方便會渾身顫抖、面青口唇白、冷汗直冒。所以他們居住在舊樓的四樓。Hubert從不坐纜車或坐飛機。

Hubert的太太有一位相識十年的舊同學叫Salina,是她的金蘭姊妹;十分老友。兩年前,Salina嫁給一名有錢的藥劑師,婚後Salina辭職,專心做其少奶奶。

可惜婚姻只維繫了一年半。半年前,丈夫有第三者而申請離婚。Salina獲贈現居住的單位、加上每月的贍養費,Salina可以暫時唔返工,情傷後休息一吓,遲些再找工作。

高太見姊妹Salina離婚唔開心,多抽時間陪她吃飯飲酒唱K。某一晚她們在尖沙嘴飲酒,碰巧Hubert也在尖沙嘴,高太叫Hubert一起join埋飲杯。Hubert第一次見到Salina,三人傾得投契,整晚發出笑聲和碰杯聲。

* * * * * *

三個月後,某個晚上,高太和Hubert去灣仔某摩天大廈,出席朋友的婚宴。飲宴的酒樓位於大廈的6樓。兩人進了「玻璃子彈升降機」內,由於兩人忙於找賀禮,丈夫以為太太按電梯、太太以為丈夫按電梯,結果無人按六字,電梯高速向上升。子彈電梯玻璃窗外的景色,地上的人越來越細。

十秒後,當高太察覺到電梯的樓層顯示器打出40字時,她大驚!害怕Hubert會驚恐起來,高太偷望Hubert,發覺他半點驚慌也沒有,高太輕聲問他:「你唔驚啦?」Hubert望一望四周,才如夢初醒般知道自己身在高處,聲音也震起來說:「好驚」但高太肯定這反應是他裝扮出來,高太心知不妙。

因為Salina是住在屏風樓的第50層,高太懷疑過去三個月,HubertSalina暗地「撻著」。高太猜測Hubert趁日間外出見客的時候,上了Salina50樓的屋企鬼混,因而克服了畏高症。

另一件事加深高太的疑心,就是高太從Huberti-Pad的上綱history,發現Hubert上過許多珠寶店的綱頁,猜疑Hubert正在格價,打算買珠寶送給Salina

高太覺得事態嚴重,但沒有足夠證據,不能貿貿然向HubertSalina攤牌或發難。唯有自己搜集證據。

* * * * * *

某個星期一,高太向丈夫說要告假一天,陪母親到澳門一趟,晚上才回港。製造機會給Hubert。高太便到Salina屋苑大門對面某暗處守候,等待Hubert到來,高太便可理直氣壯,上Salina家拍門,捉姦在床。

可惜等到黃昏天黑,Hubert始終沒有出現,唔通自己太過敏感?只是自己嚇自己?高太回到家中,Hubert早已回家,見不到丈夫有任何異樣。

正當高太胡思亂想之際,第二天晚上,Hubert失驚無神為高太搞「驚喜節目」,唔聲唔聲突然帶高太去ICC101樓吃晚飯,維港璀璨夜景加上美食,席間Hubert還送上鑽石戒指給高太。高太真的很surprise

Hubert解釋:原來他的上司礙於Hubert不能探訪30樓以上的公司客戶,影響業績,特地介紹一個心理醫生給Hubert,成功克服了畏高症。現在Hubert身處101樓都唔驚。

而今天就是他們相識7年的紀念日,Hubert特別安排驚喜節目,送上鑽石戒指。其實高太已忘記他們在那天相識,只好微笑扮記得,點頭碰杯。而Hubert為了安排今晚的節目,前天在「玻璃子彈lift」內,差點在高太面前露出馬腳,立即扮驚來保持神秘。

高太知道一切後,真相大白,原來自己嚇自己,如釋重負,高太盡情地舉杯慶祝。跟Ko Hubert之戀,感情從來未變過。
Hubert舒出一口氣,順利過關!原來Hubert真的和Salina暗交三個月,為了上Salina50樓屋企鬼混,慾火戰勝恐懼,因而克服了畏高症。而那枚鑽石戒指的確是Hubert打算送給Salina的。昨天當Hubert去到Salina的屋苑時,在樓下發現高太在暗處埋伏,Hubert知道自己已經暴了光,立即改變計畫:下班後趕回家等高太歸來。今晚「搞驚喜」帶高太去ICC餐廳,編個故事哄騙她。把鑽石戒指先送給高太,今天根本就不是什麼相識紀念日,高太向來對數字無記性。Hubert望出玻璃窗外的維港夜色,心裡正想著Salina

二少爺說:無仇不成父子,無怨不成夫婦。


戀愛故事 - 溫兆倫
作曲/作詞:溫兆倫

別了當天 也是難再相見
離合似隔一線 話今天要變就變
為何沒說過一句 這刻你也是難過
我心痛 我心窩 滿負荷

別了當天 也是難再相見
曾話過永不變 但今天要變就變
明明是愛過
不要說一句再會忘了我
我傷心 我傷心極痛楚

愛戀不能在一起
沒有可能忘你
從沒對人說力竭筋疲
也許不能在一起
就算天天傷悲 啊……
無力叫喊 我也會等你
寒夜冷雨 我也會等你

28 則留言:

  1. 嗯嗯,高海拔之戀!

    有冇低海拔之戀呀?

    回覆刪除
  2. 呢套我抽到呀:),但未睇

    可以寫一個6'2",有畏高,高過6'已經畏高,所以一世唔肯企起身嘅故事

    回覆刪除
  3. naruto


    你就好彩!

    抬不起頭做人喎,故事太悲慘啦

    回覆刪除
  4. SKII

    大團圓結局?
    恐怕妳沒有看到真正結局了,請click完以上的空的地方。

    回覆刪除
  5. 卡臣:

    偷情可以戰勝畏高症!咁女上男下豈不是可以克服畏低症?嘻嘻!

    回覆刪除
  6. 佛爺

    証明你看到真正結局了。

    還可以克服:畏肥症、畏醜症、畏鹹症

    回覆刪除
  7. 卡臣:

    畏鹹症?算我孤陋寡聞!真係未曾聽過!嘻嘻!

    回覆刪除
  8. 佛爺

    畏鹹症乃衛道之士恐懼鹹濕嘢,被你征服後不再害怕鹹嘢

    回覆刪除
  9. 卡臣:

    咁既畏鹹症,應該有兩種:一種係衛道之士,壓抑住鹹根!另一種係抑鬱過頭,無哂鹹慾!前者好易犯下後庭罪!後者好易自盡!嘻嘻!

    回覆刪除
  10. 何解今次個真正結局收得咁埋? 是否有甚麼玄機?

    回覆刪除
  11. 佛爺

    果然高見,回教囯家好主張禁慾,咁啲國民點算?去搞基定去自殺呀?


    ////

    30

    呢個結局唔隱蔽了,起碼在「完」以上咁大空間作提示,我在「如無意外」用過這手法。

    用意是比喻:現實背後有另一實情,明亮背影有黑暗吖嘛!

    回覆刪除
  12. 原來要睇白字。。。你寫呢個好唔悲慘呀呵~

    回覆刪除
  13. naruto

    我記得你最早有偵探頭腦,一早已經識睇hidden ending

    結局悲唔悲,視乎在誰人角度,在高太的立場咪悲囉!

    回覆刪除
  14. Well,我真係天真!比你個 hidden ending 呃咗添!不過 Hubert 個老婆,唔知未必係壞事...

    回覆刪除
  15. SKII

    哈哈!我有時都天真都儍!

    知少啲幸福多啲
    談情輸在太清醒。

    回覆刪除
  16. 我之前係手機睇,冇發現結尾處的真相,你好嘢喎!

    回覆刪除
  17. 卡臣:

    我問D中東回教徒,係咪可以娶四個老婆?佢地話,有錢果D,十幾個老婆都有。

    我同D回教徒一齊食意大利薄餅,順便提佢地一句:上面D香腸,係豬肉黎既。

    佢地回答:我地知!唔駛你講!

    佢地跟住一路食,一路講,我地係唔應該食既!

    反而猶太人就真係唔食豬肉,但猶太教可以娶五個老婆既!

    回覆刪除
  18. coffee

    係囉!手機看不到的結局
    好彩妳肯花時間再看

    ///

    佛爺

    原來如此
    宗教的約束真係紙咁薄
    所以乜都真係唔使認真

    回覆刪除
  19. 我都以為係大團員結局添!
    呢個食字電影系列好正!

    回覆刪除
  20. Mz

    哈哈!差點騙到妳

    如果有興趣
    請翻看「食字電影」這label的其他故事

    回覆刪除
  21. 喜欢你安排的情节,出乎意料,good!
    今天刚刚看到报章娱乐高海拔之恋。
    郑秀文和古天乐会擦出怎么样的火花呢?

    回覆刪除
  22. cindy

    我未看這部電影,不過就網上的評論,毀譽參半啊。

    回覆刪除
  23. 我仲諗無理由咁理所當然地結束既..唔係salina 唔洗出場呀 :p
    真係撞鬼lor, 轉數快既男人真係信唔過.

    回覆刪除
  24. c man

    都話你分析能力高啦!

    有些女仔,轉數更高。

    回覆刪除
  25. 無錯, 一山還有一山高.
    我諗,只要你愛同信一個人, 你會去信佢講既野, 但又唔等於佢唔呃Q你, 同智慧/分析高低無關, 愛情真係會令人盲Q 左 :P

    回覆刪除

LinkWithin

Blog Widget by LinkWithin