~~~~~~~~~~~~~~~~







2012年2月29日 星期三

四年一度


四年一度

有乜嘢係四年一度?世界盃?奧運會?咦!上屆奧運會200888日喺北京舉行,仲記得張藝謀做開幕禮導演,叫李寧揸住支火炬,凌空跑步。今年又輪到倫敦搞奧運會,咁就過咗四年,眨眼咁快。唔知今年碧咸會唔會凌空控球或者倒掛呢?算啦,都係講番正題先,有乜嘢係四年一度呢?無錯嘞!就係我今日想講嘅:四年一度嘅「二月二十九日」。嗱!如果你喺二月二十九日出世嘅話,我講聲happy birthday先!你等咗四年,今日終於輪到你可以切一次生日蛋糕,我估你一定唔肥啦!生日禮物要等四年先收到一份,做你朋友認真唔錯囉。如果你喺二月二十九日結婚的話,咁就恭喜你啦!四年先送一次結婚紀念禮物,實慳返唔少錢啦,分分鐘樓都買咗幾憧添呀!係咪先?呀,講番正題先,我決定要喺四年一度嘅「二月二十九日」出篇文先。仲要專登揀喺229分貼出嚟,慌死人哋唔知咁。畢竟等咗四年先有一次嘛。但係,究竟「四年一度」對我有乜嘢意義先?其實都無乜意義。我記得上年12月天文台夠話香港可以望到百年難得一遇嘅月全蝕,結果點呢?唔好話我招積,嗰晚我連眼尾都無望過月亮一眼。「百年一度」我都係咁囉!何況呢個25份之1嘅「四年一度」!算得係乜先?四年之嘛,好快就過啦,啲臥底做咗三年、三年又再三年,咁就9年啦,係咪?咦,照咁講,我真係無乜必要為229日專登寫一篇,你話今日係230日就唔同啫。哈!除非今年2012年真係世界末日啦,咁呢個229日就係我喺呢個世界嘅最後一個229日。但係如果今年12月真係世界末日,咁今年嘅3132 33都係我最後一次嘅3132 33,咁229日就無咗佢嘅特殊意義嘞。況且229日都過咗一大半啦,都無乜特別,今日同平日都係一樣咁過。照咁睇,我真係無嘢想講啦,係咁!


二少爺說:1996年,三個人嗰樣都好Young


紀念日 - 陳慧琳 / Dry
作曲:雷頌德
填詞:黃偉文

邂逅 在漫天煙花那天 
約會 在杜鵑初開那天
而每幕 仍在腦海迴旋 
像昨天映的照片
發誓 在暴風訪港那天 
結合 在歷史高溫那天
還寄望 無限個的明年 
同樣與你製造更多經典

平淡之中找一些特別日期
憑藉特別日期更加的想你
沉實之中寫一些浪漫傳奇並儲起

要永遠記起你我哪裡愛起
平淡之中找一些特別日期
在這特別日期慶祝得到你
無論要幹什麼 時日共你一起也是美

記念 十萬次相擁那天 
記念 沒共你一起那天
才發現 平日那麼纏綿 
沒法分開小半天
記念 二月底多出那天 
記念 沒什麼驚險那天
如快樂 何用那麼計算 
隨便借個理由做個紀念

24 則留言:

  1. 2:29 分 post 文真係好有心思~

    無野想講都講咗咁多
    2 月 29 日都算有啲安慰喇~ ^^

    回覆刪除
  2. largeheadboy

    2月29日做乜好呢?
    等我拿住今天報紙拍照先

    回覆刪除
  3. 係喎,咁特別嘅日子做乜好呢?

    繼續冬眠都好喎,早抖~

    回覆刪除
  4. 卡臣:

    有一些從天竺來的女人,真係同人講二月三十日做乜做物!唔知咋癲定扮傻。

    回覆刪除
  5. 佛爺

    可能天竺曆法異於世界各地呢。

    回覆刪除
  6. 我竟然識得三個都係2月29日生日的人呢!仲要三個都係麻甩佬!

    回覆刪除
  7. Mac

    奇!奇!奇!
    竟然遇到三個添!
    我一個都唔識

    回覆刪除
  8. 你唔係咁呀!
    玩野呀!
    我等你出新blog 等左30幾個鐘頭(上一篇係27號21:25)!
    你剩係係度遊花園唔入正題!

    回覆刪除
  9. 巴黎

    正所謂:「形式就是內容」
    這篇遊花園遊得我好高興

    原來有人等睇我的新文章,好感動呀!

    回覆刪除
  10. 哦,4年一度的229!
    谁在今日birthday?
    阴功咯,4年才庆祝一次咩?
    不会有很多人吧?

    回覆刪除
  11. cindy

    Mac說他認識三個男人229出世啊

    回覆刪除
  12. ...睇完第一個念頭都係..."你想點呀?"

    不過又同你傾吓計: 今日聽人講話東張西望昨日有講, 其實一年唔係365又1/4日, 而係多咗少少, 所以幾十年後會有一個調整, 229會喺某個時段八年先有一次, 我無睇唔知係真係假嘞. 如果係咁的話, 八年切一次生日蛋糕, 直頭當減肥; 等八年先收一份生日禮物, 朋友實當你神咁拜啦; 結婚周年八年一鑊, 地皮都買到幾塊呀! 不過若果2012係世界末日的話, 幾十年後果個調整都唔會出現啦! 就咁, 其實我都係吹吓水, 拜拜你條尾!

    回覆刪除
  13. 30

    好嘢!多謝你咁好心機又示範了遊花園的技巧。形式就是內容,你拿揑準確,好嘢!

    回覆刪除
  14. 就算 229 結婚你都咪旨意四年先慶祝一次喇,嫌命長咩!

    回覆刪除
  15. 这么说来,229生日的人岁数都很小啊!只有真正岁数的四分之一哦,执到啦!

    回覆刪除
  16. 英年早逝?

    没有啊!他说继续参选港特首哦!嘎嘎嘎~~~

    回覆刪除
  17. 四年一度又點呀,日子咪又係咁過!

    哈,依家先知道原來你咁鍾意著閃鞋!

    回覆刪除

LinkWithin

Blog Widget by LinkWithin