~~~~~~~~~~~~~~~~







2012年2月8日 星期三

海上的板花紅


海上的板花紅                      

棲息在深海中的大石斑,色澤和花紋都各有不同,其中有一種石斑,稱為板花紅」,級數與「龍躉」同級。

「板花紅」全長往往超過一米,魚鰭鋒利。魚身是帶紅色、魚身側有木紋。也有些全身是大花紅點的圖案,價錢最貴,重量達百斤以上。

「板花紅」肉質爽脆而清甜,魚肉膠質豐富,含有豐富的維他命、蛋白質和鈣質。板花紅是眾海鮮種類中的極品。

* * * * * *
  
香港鯉魚門對開的海上,有一條板花紅,因為高齡關係,身型太肥,行動遲緩,被鯉魚門漁民捕獲。這條百斤板花紅,可以賣到五千元。

鯉魚門某間海鮮酒家老闆「蝦叔」賣下這條板花紅,在門口掛上「今晚生劏板花紅」的告示牌,接受客人訂枱落單,分食這頭大板花紅。

一個八十歲的老街坊,叫「冬伯」,是一個虔誠的佛教徒。其實佢身家好豐厚,成日捐錢幫助窮人。自己住在鯉魚門,過著簡樸生活,閒來燒香頌經拜佛。

冬伯知道酒家老闆蝦叔今晚劏板花紅,惻隱之心大起。冬伯到酒家找蝦叔,決定買下板花紅,把它放生,積福立德。蝦叔開價八千元,冬伯價也不還,立即成交。如是者,板花紅得以歸回海上,善哉善哉。

* * * * * *

過了兩天,蝦叔的海鮮酒家門口,又掛上「今晚生劏板花紅」的告示牌。原來被放生的那條板花紅,又咁唔好彩被鯉魚門漁民再次捕獲,再次賣給蝦叔。蝦叔加價,標價一萬元,今晚劏板花紅。

冬伯知道蝦叔今晚又劏板花紅,惻隱之心再起。冬伯到酒家找蝦叔,決定買下板花紅,把它放生積福。

蝦叔見到冬伯上次咁富佬,食過翻尋味,竟然就地起價,索價一萬二千!換著第二個顧客一定破口大罵:「卑鄙奸商!」但冬伯修養品行高,只是輕輕苦笑,價也不還,立即付款成交。如是者,板花紅得以歸回海上,善哉善哉。但冬伯決定從此唔再幫趁蝦叔。

* * * * * *

過了兩天,蝦叔的海鮮酒家門口,又掛上「今晚生劏板花紅」的告示牌。原來被放生的那條板花紅,又咁唔好彩被鯉魚門漁民第三次捕獲,再賣給蝦叔。蝦叔加價,標價一萬五千元,今晚劏板花紅。

蝦叔以為冬伯會再來買板花紅放生,等冬伯來就加價到二萬元。可惜冬伯不再來。蝦叔唯有接受客人訂枱落單,當晚分食這頭大板花紅。

焚香燒衣後,廚師落刀,這頭百斤板花紅就命喪在砧板上。板花紅雖然逃過兩次大難,終須命喪於刀下。食客吃板花紅吃得津津有味。

* * * * * *

第二天中午,食物環境衞生署食環署)的人員來到蝦叔的酒家,進行調查,原來昨晚的食客集體食物中毒,上吐下瀉、神經麻痹、呼吸困難、手脚腫脹。懷疑中了板花紅的「雪茄毒」,趕到醫院急症室求診。食環署人員了解酒家的海鮮來源,並檢走食物樣本。

食環署人員這次突擊檢查,發現酒家廚房衛生差劣,向蝦叔發出票控。蝦叔對於這飛來的橫禍,啞口無言。

如果蝦叔唔貪心,坐地起價,可能冬伯會再來,買走這條懷有雪茄毒的板花紅,將之放生。現在蝦叔要面對票控,酒家名字被報導後,聲譽受損,生意下跌。唉~ 早知今日,何必當初呢?

*** 板花紅是我作出來,並無此魚。***


二少爺說:任你哋話我基都好,我認我好鐘意呢首《心裡有風》。



心裡有風 -顏聯武
作曲:鮑比達
作詞:姚若龍

窗外人洶湧
週末的夜屬於歡樂
窗裡面你和我
被世界遺忘在角落

當心不在的時候
你的手也不那麼溫熱
你的眼光輕越過我的臉
遠遠拋落

心中有傷痛
想問你哪裡做不夠
嘴裡面雖苦澀
應祝福你永遠快樂

當你我的舊夢
只剩一個人不捨
就算千百聲愛在胸口
何苦再說

夜色深濃
為悲傷找到保護色
目送你遠走
無人的街頭
心裡有風

23 則留言:

  1. 那只板花紅真的是命已绝,无贵人扶!唉~~

    回覆刪除
  2. 條魚算係死都死得風光, 由八千蚊身價(可能都唔值), 變成八千加一萬加萬二加萬五, 四萬五蚊!

    回覆刪除
  3. 30

    照咁計又死得光榮喎!果然向好處想

    回覆刪除
  4. 呢D幾十歲嘅大魚,點食得落口架,真係折福架

    回覆刪除
  5. 卡臣:

    蝦叔仲唔夠衰,應該D筷子比擒佬賴過尿,食客食完魚,覺得好好味,吮埋筷子,結果比擒佬尿搞到爛口腔,口唇生毒瘡。

    蝦叔又以女兒紅比食客伴板花紅,原來女兒紅溝佐地溝豬紅,結果化驗師都唔明,係乜野假酒。

    點解咁多人中毒?原來條板花紅係東海龍王既教父!

    回覆刪除
  6. 佛爺

    原來你是福爾摩斯,又破一單懸案

    回覆刪除
  7. 卡臣:

    有浸大單野咁懸?查黎做乜?多餘!呢D咁既民調,多到離譜,話之有無受到干擾!趙乜乜已經無院長做,仲話唔夠,要再查清楚,簡直黐線!

    回覆刪除
  8. 佛爺

    係呀!香港的民意唔值錢,都係阿爺話哂事,仲查乜鬼呀!

    回覆刪除
  9. 卡臣:

    就係囉!即係查下條板花紅,係東海龍王既教父,或者係叔父,或者係伯父?查到,又點呀!都係要啃落去格喇!嘻嘻!

    回覆刪除
  10. 佛爺

    講得好呀!一針見血
    哈哈!

    嫖妓莫問姓,都係假名啫

    回覆刪除
  11. coffee

    妳當然唔會識啦,我老作之嘛

    回覆刪除
  12. 而加D海水污染甘严重,越大条鱼,就越多毒系鱼身度,尤其系鱼头、鱼皮。日本个度D辐射物cesium ,都唔知落左几多系个大海度,分分钟捞上黎的大大条龙趸,会系一条辐射鱼黎架!

    回覆刪除
  13. helloninie

    講得有道理,地球太多汚染,大家環保要緊。

    ///

    laulong

    喃無柯呢陀佛

    回覆刪除
  14. 好野!卡臣,很有趣味性、教育性!
    赞!

    回覆刪除
  15. cindy

    多謝妳,歡迎妳用來教妳的學生吧

    回覆刪除
  16. 唔係生劏板花紅, 佢係想生劏冬伯.
    何必要食到咁盡, 幾十歲既稀有老魚都唔放過? 食多條菜仲好喇

    回覆刪除

LinkWithin

Blog Widget by LinkWithin