~~~~~~~~~~~~~~~~







2012年2月3日 星期五

武俠劇情節


武俠劇情節

上次講完武俠劇典型對白,今次數一數武俠劇的典型情節:

第十位:龜息氣功
劇情講到男主角斷了氣,死咗!女主角痛哭之時,男主角突然醒返!原來男主角懂「龜息氣功」,假死狀態,叫觀眾替他抹一額汗。另外,困於密閉石室內,也靠龜息氣功熬過來。

第九位:動物角色
行走江湖的男主角其實好「宅男」好「毒」,不想跟別人溝通。所以有動物相陪,例如有:千里馬、神鵰、大鷹之類。另外,男主角遇難時(墮崖或墮海),可能獲動物相救,例如:熊、猩猩、靈鶴等等。並由動物傳以奇異武功。

第八位:夾暗器
江湖上流行使用暗器,正所謂:「暗箭難防」,但武林高手就可以用手指或筷子夾住飛來的暗器。並順勢將夾住的暗器飛返俾敵人,奇就奇在敵人一定中暗器倒地,害人終害己。

第七位:易容術
鏡頭大特寫,演員用手在下骨一址,一塊人皮面具被扯開,出現另一個人。原來是古代的易容術。立即將形勢轉過來,反敗為勝。真係估你唔到!

第六位:破廟避雨
武俠劇中有一個常用場口叫:「破廟」。男女主角在荒郊遇上大雨,唯有到破廟避雨。因為衣服濕透,男主角用柴生火,把衣服烘乾,然後男主角發現女主角也是去同一個地方,因而兩人停雨後,一起結伴上路,前往目的地。

第五位:墜崖不死有奇遇
男主角被奸人打落萬丈山崖,大難不死,必有後福。男主角被樹枝勾著唔死之餘,仲給他遇上住在山崖下的隱世高人,高人一定是長著超長白髮白鬍子。或者男主角找到絕世秘笈。總之練功成為高手之後,男主角就輕而易舉上崖,報仇去也。
  
第四位:比武招親
古代的「剩女」,因為沒有機會外出結交異性,多由父親舉辦「招親大會」揀女婿。憨戇戇的男主角咁啱路經,唔知點解又上咗擂台,又唔知點解打贏個猥瑣粗獷佬,更唔知點解男主角愛自由要逃婚,引來一場愛情追逐。

第三位:有人偷聽
月黑風高的晚上,兩個身穿夜行黑衣的神秘人,在荒郊暗處傾機密。突然聽到地上有樹枝被踩斷的聲音,原來有第三者有意或無意之間路過,仲偷聽到秘密。結果引來一場滅口追殺。另一個場面,就是有人用手指戥穿紙窗,偷窺內裡秘密,或放迷煙。

第二位:死亡徵兆
劇情講到有重要角色要死的時候,就會有三個象徵性場面出現:突然行旱天雷、油燈突然熄滅、弦琴突然斷弦。這就表示有人死咗,主角不禁心緒不寧。

第一位:古代連鎖集團
武俠劇中的客棧,一定叫做「悅來客棧」,而妓院一定叫做「怡紅院」。我懷疑這是古代最大的連鎖店,所以各省各鎮都有「悅來客棧」和「怡紅院」的分店。而「悅來客棧」的店小二和長櫃都是消息情報員,有銀兩就有問必答。另一方面,女主角通常反串成男嫖客去怡紅院明查暗訪,結果遇上官兵或大奸角,發生衝突,由男主角出手相救及結識。


二少爺說:我中學時代有一個同學,他的花名叫:「鵰兄」;現已失去聯絡。「鵰兄」如你見字,請盡快跟本人聯絡。



情義兩心堅 - 張德蘭
作曲:顧嘉輝
填詞:鄧偉雄

情若真 不必相見恨晚
見到一眼再不拒嘆
情意似水逝去 此心托飛燕
遠勝孤單在世間

情若真 不必驚怕聚散
變化轉深也應見慣
誰願去揮慧劍 此心托飛燕
縱隔千山亦無間

愛比朝露 未怕短暫
存在兩心間 情不會淡
別去已經難 重會更艱難
愛火於心間 不冷

情若真 不必苦惱自嘆
縱已逝去也可再挽
情緣至今未冷 此心托飛燕
那怕悲歡 何妨聚散 

28 則留言:

  1. 系咯!虽然话老土,唔知点解,以前D武侠片好睇好多,而加个D?唔三唔四,炒下冷饭,吊下wire,加D床戏,睇到合眼瞓,无瘾!

    回覆刪除
  2. 兩把劍喺天空自己打嚟打去係咪粵語長片至有個架?

    回覆刪除
  3. helloninie

    以前武俠片好睇,可能少啲特技,多些真功夫對打

    ////

    largeheadboy

    印象中,兩把劍喺天空自己打嚟打去,在電視劇「封神榜」出現過。

    回覆刪除
  4. 墮崖唔死真係百看不厭, 次次睇完次次閙

    回覆刪除
  5. naruto

    墮崖不死,基杜山恩仇記都係喎

    回覆刪除
  6. 卡臣:

    第六位:破廟避雨
    武俠劇中有一個常用場口叫:「破廟」。男女主角在荒郊遇上大雨,唯有到破廟避雨。因為衣服濕透,男主角用柴生火,把衣服烘乾,然後男主角發現女主角也是去同一個地方,因而兩人停雨後,一起結伴上路,前往目的地。


    男女主角在荒郊遇上大雨,唯有到破廟避雨。因為衣服濕透,男主角用柴生火,把衣服烘乾時,女主角赤裸瑟縮在衫褲的另一邊。但因為寒風刺骨,她打了幾個噴嚏。男主角抱著惻隱之心,走過去抱著她。

    濕身熱體,溫背暖脊,纖腰渾乳,滑股柔腿,二人共赴巫山。雲雨過後,襄王有夢,神女痴心!然後雙雙回鄉,叩見雙親!報仇大業,留待子孫去完成!洞房花燭為重!

    回覆刪除
  7. 「悅來客棧」「怡紅院」?
    真的吗?没有留意到,下次要留意了。^^

    回覆刪除
  8. 佛爺

    你寫緊肉蒲團呀?

    ///

    cindy

    可能香港的武俠劇跟妳們的不一樣

    回覆刪除
  9. 卡臣:

    哈哈!我都想寫肉蒲團呀!

    回覆刪除
  10. 卡臣:

    我睇見校長果邊咁大火氣,乜野理性討論都無用架喇!

    加拿大係唔容許咁樣登廣告既!多倫多有一百七十幾個族裔,政府什麼也要「河蟹」哂!唔容忍任何挑起種族衝突的言論,否則大件事!

    係校長果度發言既人,以為西方言論自由過香港。其實唔係,西方言論有一定的限制,「河蟹」就係政府最緊張既。

    其實我想開篇帖來講,有不少香港人好無知,根本唔知西方社會也要「河蟹」的。

    回覆刪除
  11. 佛爺

    校長果面好多意見交流,我唔想再見到謾罵,何時才可停止?

    原來西方是這樣子,快寫吧,等我知多啲啦

    回覆刪除
  12. 卡臣:

    一條「煽動仇恨罪」,就算告唔入,請律師打官司都打到窮,因為政府會不停上訴。

    言論自由係唔可以用來為「煽動仇恨罪」辯護的!

    等我諗下寫唔寫好,因為我唔想引佐班冇理性既人入佐我果度。

    回覆刪除
  13. 佛爺

    如果你果面變埋戰場,真係搵塊平安楽土都無。

    回覆刪除
  14. 卡臣:

    我都係擔心班黐線佬入佐黎!班友黐到話美國乜乜乜!美國國內的政策係好強硬既!美國從西班牙人那裡奪去的地方,將西班牙語言和文化全部剷除!更加無可能一國兩制。

    回覆刪除
  15. 佛爺

    咁癲?小心佢地起你㡳,拿兵器去加國找你䀲氣!

    回覆刪除
  16. 卡臣:

    最好搵幾個日本AV女,拿胸器來暗算我,最好將我綁紮起來!嘻嘻!

    回覆刪除
  17. 卡臣:

    這些謾罵多倫多也有。這裡晚上中文收音機有讓人打電話去發表意見,照樣有一些香港人謾罵,火滾到好似癲佐咁!

    加拿大加稅比率係高過通貨膨脹和人工加幅,尤其是物業稅好重,而政府公務員就有工會,靠罷工來加人工。咁就出現一個現象,交多了稅,服務少了,公務員待遇和退休福利就好了。

    所以,這裡的香港人,不是罵雙非產子,而係為稅收等生活問題而謾罵,一樣好似鬧到黐線咁!

    回覆刪除
  18. 佛爺

    如果政府今年派12,000俾我,我立即收口,開心返哂

    回覆刪除
  19. 仲有好多時都有圍剿少林火燒少林之類,又一定會有啲秘道喺嗰佛像下面之類。
    張相喺你嘅劇照?你喺左邊定右邊?

    回覆刪除
  20. Eric

    係呀!好多秘道和地下室

    你真眼利!相中右邊長髪是我呀

    回覆刪除
  21. 其實,你唔係我哋嘅親生骨肉(下省幾百字),拎住呢塊玉去搵你嘅親生父母...

    回覆刪除
  22. Coffee

    對呀!或者靠胎誌認返失散兄弟

    回覆刪除
  23. 話時話,香港真係有間悅來客棧,又名熊貓酒店!

    回覆刪除

LinkWithin

Blog Widget by LinkWithin