~~~~~~~~~~~~~~~~







2012年2月13日 星期一

呢個大家姐,呢個二家姐,呢個四家姐 – 上集


呢個大家姐,呢個二家姐,呢個四家姐 上集

六十歲的陳老太,跟小女兒Connie同住在屋邨一個小單位內,丈夫陳先生十五年前已經病死,剩下陳太在工廠做車衣女工,一手辛辛苦苦捱大五個女兒,供書教學。現在連最細的女兒都投身社會工作,陳太終於可以退休。

早年陳生要追個仔,結果生了五個都是女,陳生因為經濟負擔太重而放棄再追仔。一家七口塞在一個屋邨細單位內。大女讀到中三、二女讀到中五,便盡快工作,盡快拍拖、盡快結婚,盡快搬離這狹小空間。有老公養,可減輕陳家經濟負擔。

三女半工讀,自己供自己讀書,大學畢業後,在「樂施會」工作,去了非洲長駐工作。幾年都唔返香港一次,甚少聯絡。

四女嫁給一個金山阿伯,貪佢可以搞移民美國,四女在三藩市定居,替丈夫生了四個仔女。

五妹就是Connie,剛剛在理工大學紡織系畢業,在長沙灣做「採購員」,穿梭香港東莞兩地,工作繁忙,天天加班。有時連假期也要回公司工作,簡直收買人命。

某個晚上,Connie的大學同學上Connie家,因為Connie工作太忙,同學願意幫Connie歸還大學畢業袍。同學望著牆上的一家七口全家福照片,Connie向同學逐一介紹家庭成員。

Connie指著相中人:「爸爸十五年前癌病過身了。媽媽跟我同住,她已經退休。」

朋友望著五姊妹,說:「五姊妹個樣都似足媽咪個樣喎,餅印一樣。」Connie點頭:「係呀,五官面型輪廓都十足十似媽咪。」

Connie繼續說:「呢個係大家姐,跟丈夫搬上深圳,佢哋都喺深圳工作同生活,生咗一個仔。」
「呢個係二家姐,同丈夫住喺天水圍,街市擺檔,生咗一仔一女。」
「呢個係三家姐,做樂施會,去咗非洲做嘢,幾年都唔返嚟一次,好少聯絡。」
「呢個係四家姐,嫁咗去三藩市,跟金山阿伯生咗四個仔女。」

四位家姐都好少好少回娘家探媽媽,Connie加班到深夜,母親辛勞半生,老時換來在家中孤伶伶,真係幾慘架。

* * * * * *

母親每年都有參加社區中心舉辦的「老人驗身」計劃。今年母親的血液報告有異樣,需要再驗真啲。結果….證實陳太患了肝癌,仲係第三期,除非有人肯捐肝,否則無得救。

Connie下午在辦公室知道此消息後,但工作纏身,待晚上九時下班後才回家看媽媽。媽媽躺在床上,辛勞半生,踏入生命最後階段,沒有怎樣享過清福,老人家不禁流下兩淌眼淚。

待續

二少爺說:一生人只有一個,血脈會跳得那樣近。



赤子 - 葉德嫻
作曲:羅大佑
填詞:林夕

遠遠近近裡 城市高高低低間
沿路斷斷折折哪有終站
跌跌碰碰裡 投進聲聲色色間
誰伴你看長夜變藍

笑笑喊喊裡 情緒彷彷彿彿間
誰願永永遠遠變得短暫
冷冷暖暖裡 情意親親疏疏間
人大了要長聚更難

一生人只一個 血脈跳得那樣近
相處如同陌生 闊別卻又覺得親
一生能有幾個 愛護你的也是人
正是為了深愛便遺憾

你我似醉了 無法清清楚楚講
同屬你你我我愛的感受
世界太冷了 誰會伸出一雙手
圍住你再營造暖流

說說笑笑裡 曾覺得歡歡喜喜
誰料老了變了另有天地
世界太闊了 由你出生當天起
童稚已每年漸遠離

33 則留言:

  1. 下集明曰出?會唔會佢阿媽嘅故事同情人有關?

    回覆刪除
  2. 续集啊!
    D儿女孝唔孝顺,有时做人都系讲下命水咯!

    回覆刪除
  3. 細個住屋邨對面嗰家人真係生咗五個女最後終於搏到一個仔,到啲細路開始出身,個阿爸就生癌死了~

    回覆刪除
  4. Eben

    下集明晚925

    同情人節有無關係?
    問得好,明晚咪知囉

    ///

    helloninie

    係呀,父母最好自幼以身作則,教導下一代要尊敬父母

    回覆刪除
  5. largeheadboy

    唉~~父母看不到子女長大成婚
    命運早已安排...

    回覆刪除
  6. 生五個, 女大哂都享唔到清福, 都咪話唔悲哀. 為人子女, 一定要多D照顧父母...

    回覆刪除
  7. 30

    乜你咁快將我下集嘅中心思想講咗出嚟

    回覆刪除
  8. 詩白爾

    嚇到我吖
    以為差點俾你估到個下集結局

    回覆刪除
  9. naruto

    明晚情人節請你抽出少少時間睇吓囉

    回覆刪除
  10. 卡臣:

    通常這個情況,第一個會受過較高教育,因家庭期望較大。但貧困家庭卻變了另一回事!第三個女兒去了非洲,就跟排行研究吻合!

    回覆刪除
  11. 佛爺

    估唔到我撞吓撞吓,乎合了研究,勁呀

    回覆刪除
  12. 卡臣:

    「直覺」不是心理學,因每個人的自身經驗是有限的,但其實也跟個人經歷有關。研究家庭排列的心理學家,他本身有九名子女,這就造就了他進行這項研究的客觀條件。

    但這並不代表個人經驗是錯的,只是沒有經過科學方法驗證而已!可能你在生活中,認知道這個排行的規律。

    回覆刪除
  13. 佛爺

    「研究家庭排列的心理學家,他本身有九名子女,這就造就了他進行這項研究的客觀條件。」

    嘩! 身先示卒! 以身作則

    我想做嫖妓的心理研究囉

    回覆刪除
  14. 卡臣:

    研究反叛行為果班專家,自己都食過大麻,濫交和放盪過架!佢地話,咁至可以救番果種人喎!

    你不如去研究一下S&M,專家會叫你去體會一下,然後才有資格入行呀!

    Mr. M ... 你先去搵番個Miss S 喇!嘻嘻!

    回覆刪除
  15. 某個國家好似做嫖妓研究員有錢架喎!

    回覆刪除
  16. 佛爺

    S&M? 咁正?
    好多工具,太貴了
    負擔唔起

    ////

    火女

    邊個國家呀?
    我要訂機票出發啦

    回覆刪除
  17. 哇~~~~~

    您在赚人热泪?呜呜呜~~~

    好感动!

    回覆刪除
  18. 嘿嘿

    我不單止想賺人熱涙,還想賺人民幣!

    回覆刪除
  19. 聖華倫泰日快樂!


    等埋中集下集一起再談。

    回覆刪除
  20. 人心複雜, 知道應該要孝順同有無去孝順又另一回事..或者真係要到養兒方知父母恩.
    期待下集, 唔明點解葉德嫻既歌會聽到人想喊 :p

    回覆刪除
  21. c man

    乜你地咁醒,估到哂我下集講乜!

    邊緣回望,我也喜歡啊!

    回覆刪除
  22. 唔係我醒, 係有感而發咋.
    我只係諗起一個老人家對住我喊話個老豆(即佢老公)有幾衰, 佢個仔又係咁衰, 明明應該係老豆衰, 個仔正常會對阿媽好, 會孝順媽媽. 點知現實係個仔比佢老豆衰夠7個一皮~

    回覆刪除
  23. C man

    虎父無犬子

    ////

    Eric

    故事名是香港政府衛生署防豬鏈球菌的廣告

    回覆刪除

LinkWithin

Blog Widget by LinkWithin