~~~~~~~~~~~~~~~~







2013年2月21日 星期四

以後未來是個謎 – 上集


以後未來是個謎 上集

(這篇是新寫的)

星期一早上,一個穿沉色恤衫西褲的56歲男人,獨坐在茶餐廳吃早餐。衣著平實的他,在觀塘一間玩具公司的人事部工作。他叫Raymond,一個在辦公室內十分普遍的英文名。Raymond滿懷心事,他過了一個很難忘的周末。

* * * * * *

Raymond28歲那年結婚,Raymond一直希望跟太太JoyceBB,可惜久未成孕,醫生想盡方法都幫不到他們。加上其他性格相處問題,令該段婚姻只維繫了3年便結束。31歲的Raymond離婚後,性格變得孤僻,沒有再娶,一直單身到目前56歲。

Raymond結婚時在九龍灣買下一個500尺單位,他一直在那裡住到現在。前妻Joyce遷出之後,Raymond養了一隻狗,令屋企無咁死氣沉沉。

離婚之初,RaymondJoyce仍有間中保持聯絡。兩年後,當Raymond知道Joyce有了新戀情,Raymond便跟前妻疏遠,漸漸甚至終止聯絡。只知道Joyce嫁了給一個中學教師,住在九龍塘。這樣一晃眼便23年,Raymond仍是一個悶人,每天返工計數叮飯沖咖啡,放工回家煮飯放狗睇電視。踏入壯年,他知道自己呢一世只可跟狗仔終老。

* * * * * *

冬天某個星期五晚上,冷鋒南下,室外氣溫下降至只得8度。Raymond正在家中一人打邊爐。突然狗仔吠叫,有人按門鐘。Raymond十幾年未試過晚上有人敲門,心中嚇一跳。他和鄰居零溝通、親朋戚友已疏遠。唔通係警察?有人跳樓?有人漏煤氣?有高空襲物?

Raymond打開木門,隔著鐵閘見到一個孭著背囊、手挽行李的妙齡少女,幾靚女噃。她開口:「請問梁汝華先生在嗎?」Raymond答:「搵錯啦,無呢個人喎!」

Raymond正想關門時,少女央求,該少女叫Jay,英國出生的華人,她剛從東涌機場過來,首次從英國來港渡假,投靠姓梁親戚處暫住。她在機場等候親戚前來接機,但未見人來,打電話又無人按聽。她唯有按地址來找親戚。結果找到Raymond家中。Raymond接過那張紙看,確實寫著自己的地址。應該是對方搞錯。

Raymond正想打發她走時,Jay尷尬地懇求Raymond可否收留她一晚,待明天早上她便會離開去找親戚。Raymond忽發慈悲,出面冷冰冰只得8度,叫一個少女孤伶伶去邊度過夜吖?加上Raymond家無長物,都無嘢俾人偷。就放了Jay入屋,其實Raymond不懂拒絕靚女的要求。並用熱騰騰的飯菜招呼她。

Raymond家中很久沒有第二個人出現,起初Raymond十分之不習慣。但Jay的「鬼妹仔性格」很快便讓氣氛輕鬆起來,Raymond重溫到一點人情溫暖。Raymond安排她睡在廳中的沙發。

* * * * * *

第二天是星期六,Raymond不用上班。Jay在家中吃過早餐後,開始打電話找親戚,可惜不果。她用自己的手電打長途電話回英國,用純正的英國牛津口音英語跟家人對話,英國家人在那邊沒有什麼可以做到,叫Jay耐心再找,如果找不到就租賓館。

既然暫時無什麼可以做到,Raymond盡香港人地主之誼,提議帶Jay遊覽一吓香港。他們兩人如旅遊節目般,吃喝玩樂一天。Jay主動付錢,不是呃飲呃食之徒。Raymond有美女相伴喎,十分高興,飛來艷福。

當天傍晚,他們趁天氣冷去吃煲仔飯時,Raymond提出:如果Jay唔介意,可以繼續在他家中暫住多一晚,直至找到親戚為止。Raymond心底裡對Jay產生好感。不過跟她年紀相差二十幾年咁多,唔通玩「忘年戀」咩?

Jay性格豪爽,說話又有幽默感,對內向的Raymond產生很大衝擊。拘謹的Raymond再開始識得開心笑。

RaymondJay到銅鑼灣逛街時,當兩人橫過軒尼斯道的馬路時,行到一半,交通綠燈突然轉閃,不拘小節的Jay,她行事率直不會考慮那麼多。Jay一手拖著Raymond,趕快衝過馬路。Raymond經這手心一觸碰,心如電擊,他已經好耐未被女仔拖過啦。

當兩人抵達對面馬路時,Raymond方發覺馬路旁正站著一個全公司最八卦、最多口的同事Vincent,他正陰陰嘴望著RaymondJay……

待續

二少爺說:唔知Jay賣醉後,會否是玩物?


午夜情 劉美君
作曲︰李世健
填詞︰劉美君

Jay 一張醉臉傻痴痴 Jay 不喜說話像冬天
我 我甘願長相依 決意一生跟你

Jay 這故事難啟齒 星 星閃過漸漆黑
願 願追逐無止境 隨便講 心裡沒你

Jay 不得已作段落 往日 是命裡安排
我 賣醉後是玩物 滿面 淚踐踏的傷
誰願意身體每處任撫摸 誰願 半點朱唇吻千個

Jay 歡場裡無真心 Jay 不肯相信亦應知
但 每次見你傻痴痴 我甜絲絲 輕吻(深愛)著你
我甜絲絲 I fall in love Jay



26 則留言:

  1. Title和博文后的歌,是最喜欢她的那两首歌。

    回覆刪除
  2. 回覆
    1. 劉美君的好歌不只那麼少,下集就播你愛那首。

      刪除
  3. 我估係因為Jay用目的地的電話號碼打出電話,所以打極都唔通。

    Raymond爸爸,老來有女Jay,恭喜晒!

    回覆刪除
    回覆
    1. 老來有個女,認真唔錯,佢不育都唔想架。

      刪除
  4. Raymond果然是個正人君子呀,孤男寡女共處一室都冇事發生。

    我硬係覺得Jay同Joyce係有d關係嘅 :o

    回覆刪除
    回覆
    1. 一來驚比人捉黃腳雞
      二來56歲已經死氣沈沈

      Jay同Joyce,她們的英文名都是J

      刪除
    2. Raymond禁咗慾咁耐,今次嚟咗個妙齡少女,畀著我就會「衝莖」指揮腦袋喇。 :p

      刪除
    3. 比我都會,對方是華埠小姐添呀。

      刪除
    4. 世純:

      「陰莖」指揮腦袋才對呀!

      刪除
  5. Jay...竟然只係借宿一宵, 而無借叔一簫?

    回覆刪除
  6. 歡場裏無真心
    raymond 唔會咁易被騙呀~

    回覆刪除
  7. 卡臣:

    鬼妹仔性格,可以好Q悶蛋的.嘻嘻!

    回覆刪除
  8. 好睇,以卡臣風格,可以有多種結局,等睇下集。

    回覆刪除
    回覆
    1. 多謝支持先,大家估吓呢隻飛來蜢是什麼底細

      刪除
  9. 回覆
    1. 嘩!好耐無見你,估唔到劉美君引到你出嚟,多啲揀她的歌。

      她的「也許是愛」也很正。

      刪除
  10. 就快到生日时辰了,卡臣,预祝你生日快乐!心想事成!

    心急下一集,看Raymond点死!:)

    回覆刪除
    回覆
    1. 多謝Cindy, 每天都可以有兩次生辰,哈哈

      Raymond呢,應該有賺

      刪除

LinkWithin

Blog Widget by LinkWithin