~~~~~~~~~~~~~~~~







2009年2月1日 星期日

一支煙的時間

一支煙的時間

歐永恩看著煙蒂搖搖欲墜,白煙緩緩上昇,眼看香煙快將燒盡之時,她著急地四周眺望,可惜想見的人始終未有出現……

* * * * * * *

歐永恩於年初睇過流年運程書,知道自己今年會遇上很多阻滯和轉變。結果任職了三年的公司倒閉、遭到遣散、兩個月前又跟拍拖3年的男友分手、仲俾扖手偷去銀包及iPhone電話,需要補領証件信用咭之餘,仲要遺失朋友電話號碼,幸而電話內無儲存任何私人短片。

歐永恩剛找到一份新工作,在這座商業大廈的38樓上班。為了方便上班,她搬到附近,租住一個單位。面對新工作和居住環境,她同自己講:「要拋下過去的不愉快,重新開始新生活!」她已放下情傷,如果遇到適合的對象,隨時可以開始一段新感情;樂觀的她,一切隨緣。

歐永恩有吸煙的習慣,她在工作時間會作小休,落地下抽一口煙。每當午飯後三時許,飯氣攻心,她便會落地下走動一吓。她在地下抽煙時,間中會見到一位俊朗男士,兩人圍著垃圾桶邊抽煙。這位男士叫陳凱人,在這憧商業大廈的21樓上班。雖然兩人沒有交談,但都有點頭微笑。下午3點3漸漸成為他們的不成文約會。

一周後,星期五下午3點3,兩人又再碰面。今次陳凱人採取主動先開口,問歐永恩借打火機。話匣打開了,碰巧歐永恩當天在公司受了氣,有點冤屈,陳凱人打算向歐永恩講一個爛gag,逗歐永恩開心。

陳凱人問:「有一日,有個男人搭lift落G/F,部lift中途喺10樓停咗,lift門打開,見到一個衣著性感、身材超正嘅北方佳麗,佳麗用半鹹淡嘅廣東話對男士講:『夠淫蕩嗎?』男士色迷迷答:『夠!如果再淫蕩啲,仲好呀!』跟著女士一巴摑埋去!男士挖哂頭!點解個女士會摑個男士呢?」
歐永恩亂估一堆答案,但都估唔啱!最後要陳凱人開估。
陳凱人:「因為女士講『夠淫蕩嗎?』其實係問『Going down嗎?』」

歐永恩被哄得哈哈大笑,一切鬱結,一掃而空!此時陳凱人的電話響起,接聽完,他對歐永恩說:「有urgent嘢,老細急call,返上去先!下次再傾!」陳凱人擠熄煙頭後,怱怱離去。歐永恩望著他的背影,才醒起剛才沒有問對方的名字或聯絡電話。不過唔緊要啦,過了weekend下周見面時,再問他也未遲。

星期一下午3點3,歐永恩悉心打扮,落地下專誠見陳凱人。但抽了三支煙都未見陳凱人出現,死死地氣返上38樓。自這一天開始,歐永恩落街抽煙時,再沒有碰過陳凱人。陳凱人就這樣失去了影踪。

歐永恩十分後悔上個星期五沒有取得他的聯絡。每當歐永恩乘電梯落樓時,電梯發出機械提示聲音:「38樓,38 Floor,往下,Going Down。」歐永恩一聽到Going Down,又想起這位爛gag王。但守株待兔,只得乾等份兒。

陳凱人失蹤後第十天,歐永恩獨自在抽煙時對自己講:「好!我而家點起一支煙,如果一支煙時間內都見唔到佢,咁即係天意話俾我聽同佢無緣份。以後唔再諗佢!」好!點起一支煙,歐永恩看著煙蒂搖搖欲墜,白煙緩緩上昇,眼看香煙快將燒盡之時,她著急地四周眺望,可惜想見的人始終未有出現。香煙已盡,歐永恩垂下頭認命,把煙弄熄後返回38樓。

「叮叮噹噹」一堆碎銀跌落地下之聲,一個五蚊銀碌到歐永恩腳邊。一名男士剛剛跌低散紙包,歐永恩拾起五蚊銀交回該名男士,正在踎低拾錢的男士起身接過說:「唔該小姐!」嘩!面前嗰位男士竟然就是陳凱人!皇天不負有心人。歐永恩極力抑壓著興奮的情緒,笑說:「喂!無見咁耐,你去咗邊呀!?放Annual Leave呀?」
陳凱人傻笑:「係呀……係呀……」
歐永恩不再輕易放過:「多謝你上次講咗個爛gag,不如……放工去飲杯嘢吖?」
「好呀!我而家趕住去見客,今晚6點半呢度等!」
「好呀!唔阻你啦!今晚見!」

當晚兩人準時應約,他們到公司附近的Starbucks飲咖啡。兩人正式自我介紹,簡單交換個人背景,歐永恩發現和陳凱人有很多共同話題,所抱的睇法也相似。是一位具潛質的理想對象。兩人交換電話後,相約日後再見面。

一天後他們相約晚餐,言談甚歡。結帳後兩人步出餐館,歐永恩站在門外抽煙,她奇怪怎麼陳凱人不抽?陳凱人不好意思說:「其實我戎緊煙……」。原來陳凱人失蹤十天,不是他放大假,是意志堅定的陳凱人決定戎煙,上班時間無抽煙。那個週末,陳凱人女友因為她有第三者,向陳凱人提出分手,陳凱人挽留不果。臨離開時,女友叮囑陳凱人要戎煙。陳凱人決定以戎煙來紀念這份感情,如果日後有朋友問他戎煙的原因,他會回答是因為要悼念這份舊情。

歐永恩問:「咁你而家戎甩哂未?」
「未甩哂,不過已經食少好多,早晚一支,返工唔食。」
「如果你新女友唔介意你食,咁你會唔會食番?」
「佢唔介意呀?……我諗……我應該會食番……」
「咁如果你新女友想你食呢?咁你又點?……」
「吓?嗯……」

* * * * * * *

自這晚開始,歐永恩和陳凱人便每天3點3固定見面,之後增至下班、早餐、午餐、週末和每晚。兩根煙一起燃點,火光驅除孤單的冰冷。兩人的憂愁和寂寞,都隨著口中白煙,呼出體外,向上飄浮,煙消雲散於爛gag笑聲中。



送給聶秀康



81 則留言:

  1. 多謝卡臣...

    就是太失敗竟然沒在公司樓下抽煙...

    愛情原來就是很簡單,承你貴言希望遇到我的攪爛gap三點三.

    多謝美志的華碩小電腦,助我上網.

    回覆刪除
  2. 耶..又咁sweet o既. 話時話你寫咁多個女Blogger 好似得我一個衰女出去偷食咋窩, 嗚!!!! 卡Sir 抹黑我呀!!!

    話時話, 如果下次食煙見到靚仔, 等我又問佢借下火機先, 呵呵!

    回覆刪除
  3. 抽煙抽出一段情緣!

    情緣定了就齊齊戒煙喇喂!

    回覆刪除
  4. 卡臣,如果反寫一段戒煙的,會唔會有難度呀?

    不過,老實講,煙友有時真係好易玩埋架!

    有共同嗜好,又有共同立場,通常唔識都可能會傾兩句的!

    回覆刪除


  5. 乜說話呀!
    妳鐘意就得啦!
    妳牛年一定找到攪爛點三!

    嘩!用華碩小電腦上網急住睇
    賞面呀!

    ++++++

    瓶子

    >>女人抽烟要抽得靓
    我覺得張曼玉抽得有型!

    +++++

    素顏

    破財...擋災
    (唯有咁樣諗啦)

    回覆刪除
  6. 我自己唔抽煙,但我喜歡食煙的男人,特別係手指夾住支煙彈吉他的男人。

    回覆刪除
  7. c+

    因為其他女bloogers不愛夜蒲
    得妳會穿梭夜色
    而去得夜場多-->比較唔保守
    所以寫咗咁嘅故事俾妳
    唔係專登架!!

    +++++

    laulong

    >>情緣定了就齊齊戒煙喇喂!

    健康萬歲!

    ++++

    zoe

    煙友易溝通
    又唔會互相歧視

    回覆刪除
  8. 陳凱人聽舊愛叮囑而戒煙
    差點錯過了緣份

    遇到抽煙的歐永恩
    他很大可能會重燃香瘀
    不過沒關係
    重要的
    是再去愛....

    又一次timing問題
    他和她 - 都失戀了。

    回覆刪除
  9. 急急腳走人.友人似為我還有地方去,攪亂檔跟住我呢...

    那小電腦細細部好可愛,比nds大些少二千幾乍.但於我又好似冇用

    啊!忘了美志=miss M

    回覆刪除
  10. 對於抽煙我是可有可無的事實也抽得不兇.同學,大學時的教受,朋友,家母都抽煙的.注意別人不影響他人抽煙是個人選擇吧!
    前男友是非煙民.

    回覆刪除
  11. 原來食煙都可以識到男朋友,我又試吓食先!

    回覆刪除
  12. 我公司樓下真係好多人圍住"bbq"!
    嘩..由今日要3點3落樓先lu...

    回覆刪除
  13. 巴黎

    >>又一次timing問題
    他和她 - 都失戀了
    又開始過~~
    相請不如偶遇

    ++++++



    >>前男友是非煙民.
    他很愛妳啊

    +++

    南蠻

    食煙唔襯妳喎
    妳咁健康樣

    回覆刪除
  14. eric desertfox

    >>我對煙過敏 x 2

    我對煙花之地過敏

    +++

    自由

    下面3點3有爛gag王等妳

    回覆刪除
  15. 3點3……

    樓下如果冇的話,搵邊個賠返個爛GAG 男俾我……

    好凍喎今日。

    回覆刪除
  16. >>樓下如果冇的話,搵邊個賠返個爛GAG 男俾我…… x 2

    >>好凍喎今日。
    唔~係~呀!! 不過夜晚就係, 得13度!

    回覆刪除
  17. >>女人抽烟要抽得靓
    我覺得張曼玉抽得有型!

    系呀, 你甘讲又真系中晒...

    回覆刪除
  18. >>>我自己唔抽煙,但我喜歡食煙的男人,特別係手指夾住支煙彈吉他的男人。

    如果D 烟喷出来无味道及不会令手指及牙齿变黄的话, 我都无所谓的.

    至于cancer 什么的, 讲真就算不烟不酒都有人cancer 啦...日日系街都吸唔少废气.

    回覆刪除
  19. >>樓下如果冇的話,搵邊個賠返個爛GAG 男俾我

    问卡臣拿个地址去他楼下等啦..哈哈..

    回覆刪除
  20. HANA

    >>特別係手指夾住支煙彈吉他的男人。
    ==>中國酒廊歌手

    +++++

    zoe 自由

    >>搵邊個賠返個爛GAG 男俾我?
    ==>我電話係 9999 4321
    call me

    +++

    瓶子

    對呀
    cancer由二手煙引起的case不少呀!

    回覆刪除
  21. 咁多位午安

    講真我係同張曼玉抽過煙.又去過灣仔龍門酒樓飲過結婚酒還有舊時的碧麗宮公司年夜飯.

    但我抽煙吾因為張小姐

    回覆刪除
  22. 卡臣
    一段經歷十年的感情,無論結局如何...當初都是好愛大家的.
    實在是他並不如我是煙民,而我真是可抽可不.祇是環境氣氛有時談天閑聊興之而為.新朋友不相熟的冇乜機會見到我抽煙.

    回覆刪除
  23. 瓶子----講那些手甲變黃牙有煙積的應是資深煙民或煙精,我都覺得好難睇.

    至於爛gag應該留反比愛爛gag的.有時愛得太久也會累.人生太豐盛了戀愛結婚也不是女人唯一的出路或必然結果.當然我還是保持樂觀的...爛gag男...驚我又噴糖水....

    anyway...真的多謝卡臣先生及卡叔天地各會員.收故事的感覺真好,又送給我可愛的爛gag男...謝謝.

    回覆刪除
  24. >>9999 4321??

    接電話條女話: 爛GAG 男就無, 住家菜就有個.... 岩唔岩?? @@

    回覆刪除


  25. 妳同曼玉姐的一段往日情誼
    令人羨慕!

    愛情呢家嘢
    來無影去無踪
    我其實對愛情只是一知半解

    >>真的多謝卡臣先生及卡叔天地各會員.收故事的感覺真好,又送給我可愛的爛gag男...謝謝.
    乜說話吖
    年尾流流
    大家開開心心!

    +++++

    自由

    >>9999 4321
    乜唔係駁去緊急報案中心咩?

    回覆刪除
  26. 肥貓

    >>一支煙時間引發一段新感情!

    喂! 吓? 禁煙處? ....ok! 我會delete篇文...sorry sir!!

    回覆刪除
  27. 我係樓下食親煙..都未見過靚女囉..
    相反以前係太古坊..有成大班後生美少女...唉....命矣~~

    回覆刪除
  28. 今日都凍呀...

    食lunch 落樓下0個陣,好大風。

    3小耳,social smoker 而已,不要太在意。

    能夠隨興之所至,是最幸福的。難得的任性。

    回覆刪除
  29. 卡怪
    愛情沒專修也不可預先練習誰是高手誰一知半解...都祇可歸納於時間緣份,愛得多天荒地老或一池死水結局都歸塵土.謹記美好留於心其餘一切皆虛幻也。這樣的心情是冇點無奈感...但人生真是充滿無奈感亦使我成長不再執著接受自己包容別人.

    回覆刪除
  30. Zoe
    謝謝啊!我保持樂觀意見接受抽煙照舊...
    三點半了,係時候去抽煙!
    今晚會變冷妳也要加衣啊!Zoe妹妹總是覺得妳很sweet...

    回覆刪除
  31. 尋晚9:30上黎, 見冇人留言, 又唔敢搶3耳頭位, 依家只得37...嗚~~~

    回覆刪除
  32. 篤撐真夠風度。

    三耳,
    祝妳今年桃花運到。
    爛gag男正
    成日發笑。

    回覆刪除
  33. 篤篤
    歲晚個個都忙可以上來一聚巳很好了.

    巴黎
    謝謝妳的祝福,爛gag男...?吾知會點?但肯定會好有趣噴糖水...知到嘛現在喝糖水時會特別小心!

    回覆刪除
  34. 數奇門

    >>我係樓下食親煙..都未見過靚女囉..
    ==>咁你自己催吓桃花運啦

    +++++



    說得有道理!

    >>爛gag男...?吾知會點樣?
    ==>襯妳囉!

    +++++

    篤撐

    咁有禮貌
    受我敬禮

    ++++

    巴黎

    妳又就快飛英國
    著多件衫呀

    回覆刪除
  35. 唔知點解卡叔寫給人的那個故事同現實有點不謀而合....
    係唔係真係占左支卦先落筆架??

    回覆刪除
  36. 海女
    卡臣當然做了功課.佢細心觀察架係人肉測驗機器.好難過佢法眼。

    爛gag男...吾好爛口或爛爛細就得啦.

    回覆刪除
  37. 卡臣:
    一支香煙的時間,係咪聽林一峰寫既呢?

    回覆刪除
  38. 火女

    >>係唔係真係占左支卦先落筆架??
    我邊識吖!
    嘿!妳提供的資料足夠嘛!

    ++++



    >>佢細心觀察架係人肉測驗機器.
    ==>嘿!
    我睇女仔專心啲架!

    +++++

    佚名 & nost

    >>一支香煙的時間係林一峰寫
    我video選了女聲(傅佩嘉)版本
    因為從故事女主角出發

    回覆刪除
  39. 3小耳

    識煲咁多湯水同糖水,唔駛睇都知係好女仔~(喂,眾兄弟們!心動不如馬上行動呀!)

    不用悲哀,人生路還很漫長…
    太早化的話,沒錯是讓自己豁達些;但同時也會失去追求目標那些快感啊……

    十年,不容易過;可是,樂觀點想,十年而已,我們還有很多個十年~!

    3小耳加油~!

    (卡卡借版一下啦~)

    回覆刪除
  40. Zoe b.
    煲湯煮飯都係眼見功夫者...人人屋企都有個蘇good架啦!
    我是樂觀的人.對愛情沒退縮,祇是換個角度看人生.再多謝!

    回覆刪除
  41. zoe

    >>(卡卡借版一下啦~)
    傻啦
    咁見外!
    我都給聶奉上祝福

    ===



    東坡肉~~~so far so good!

    回覆刪除
  42. 今晚煮了幾份坡肉友.

    Zoe 卡臣都好好人!

    回覆刪除
  43. 大家互相支持而已@@" 不用客氣

    成日見你煮野食, 會肚餓就真... / . \

    回覆刪除
  44. 聶 & zoe

    妳還人情債?
    呢度好多人都有訴求喎

    回覆刪除
  45. 3小耳:

    通常我煮完都只會食少少--攰到死啦仲食...

    不過,煮野俾人食有人欣賞我又覺得個感覺幾好。

    卡臣:

    他們的訴求通常都是央請你為他們寫故事呀....

    回覆刪除
  46. 人事紏紛?我在行喎...去六號窗口羅份form填好交上來等通知啦...next...

    回覆刪除
  47. ZOE

    >>煮野俾人食有人欣賞我又覺得個感覺幾好
    我一定欣賞!

    +++



    是呀
    最後一篇
    是給南蠻人
    初二晚

    回覆刪除
  48. 嘩,初二有呀!幾點?我夜晚去跳舞喎!但我又好想䏲咗毛出街喎,嗚嗚.......

    回覆刪除
  49. 為什麼你D文都是9:25pm post嘅?

    回覆刪除
  50. 個故事簡短像城市小品,如果post埋男女角個樣想像空間更多更投入,好可惜還乘一個

    回覆刪除
  51. >一支煙時間引發一段新感情!

    >>喂! 吓? 禁煙處? ....ok! 我會delete篇文...sorry sir!!

    吓? 我無咁既意思喎! 好我會delete 我既留言.... 順便祝你新年快樂, 心想事成, 靈感好似你銀行存款咁多多都有!!

    回覆刪除
  52. 等我都試下係公司樓下抽多d, 睇下有冇生意意先...呵呵呵...


    喂喂喂, 不過男仔唔係唔鍾意d女食煙咩?雖然我都抽, 不過係埋一邊, 最緊要唔好噴到人, 有時係街見到d姐姐抽到個種"狠"法, 真係...

    回覆刪除
  53. 南蠻

    年初二黃昏5:29
    送故事給妳
    睇埋先去跳舞啦

    ++++

    巴黎

    妳又睇穿我的心!

    ++++

    bob

    >>如果post埋男女角個樣想像空間更多更投入
    ==>貼男女角個樣? good idea喎!
    問番啲blogger俾相我post先!

    >>好可惜還乘一個
    或者Next Christmas呢?

    回覆刪除


  54. 我已去你那邊拜年啦

    +++++

    肥貓

    >>吓? 我無咁既意思喎! 好我會delete 我既留言
    ==千祈唔好呀!
    我講吓笑咋!

    我已去你那邊拜年啦!

    ++++++

    jc

    >>不過男仔唔係唔鍾意d女食煙咩?
    都唔係一概而論嘅!
    又食煙又講粗口又賭錢
    可能殺出一個market呢!

    回覆刪除
  55. 妳又就快飛英國
    著多件衫呀
    ==>多謝提醒。
    剛查了英、法下星期天氣
    仍然寒冷
    陰天
    間中有雪...

    倫敦、巴黎唐人街的農歴新年
    會很熱鬧呢。


    恭賀新禧
    送你桃花水仙一大籮!

    回覆刪除
  56. Car sir
    新相好型喎
    會copy送贈法國男
    你唔介意嗰可?

    回覆刪除
  57. 巴黎

    我已去了妳那邊拜年!


    >>會copy送贈法國男
    你唔介意嗰可?
    ==>為了促進中法兩國友誼
    請轉送
    但解像太低
    我另e相給妳
    送給法國男!

    回覆刪除
  58. Jc and 各巴打絲打

    其實抽煙都講禮儀尤其現在公共地方全面禁煙.根本冇乜空間抽煙,我吾會係街抽架!都難睇.賭錢殺出血路?可能係不歸路啊!

    卡臣-送故事的來由?一共送了多少個呢?

    巴黎-又飛了,保重呀祝旅途愉快!

    回覆刪除
  59. 卡臣,祝各位牛年好運隨身!合家平安!

    回覆刪除


  60. 十一月尾
    寫了一個故事, 男主角是一名攝影師
    咁啱denzel(網友)是攝影師
    一於在故事尾, 寫送給denzel

    之後在留言欄
    問有冇人想要我送故事?
    結果有網友request
    有些我自動送

    一共20個故事

    回覆刪除
  61. 係喎卡sir新相好英偉才俊feel!可惜太細張呢!

    回覆刪除
  62. 「卡臣貨真價實!出得大廳」

    何止大廳?舞台都出得啦!

    回覆刪除
  63. 聶 & 南蠻

    嘩! 讚美說話是
    兩位給我的新年禮物!

    回覆刪除
  64. 卡臣先生:

    "又食煙又講粗口又賭錢
    可能殺出一個market呢!,可能殺出一個market呢!"

    唔係化...嘩哈, 咁都得?

    回覆刪除
  65. JC

    >>唔係化...嘩哈, 咁都得?
    ==>妳問吓MK仔啦!

    回覆刪除
  66. 卡臣兄:

    在男女感情,所有人都無可奈何~~~~~~:)

    Daniel.

    回覆刪除

LinkWithin

Blog Widget by LinkWithin