~~~~~~~~~~~~~~~~







2013年2月7日 星期四

人老啦!


人老啦!

我年紀大了,行兩行就想搵張櫈坐,近近哋就唔想行路想搭的士。如果你出現以下十種情況,你好可能跟我一樣,不知不覺已經老了,唔到你唔認!

第十位:被人詢問意見
當朋友或晚輩遇上疑難,都會你意見。證明你已經成功素塑造出「食鹽多過你食米」的老叔父形象。如果女孩子問妳關於為何愛情上總是進退失據?意味妳已經攀上姊妹雜誌中「南宮夫人」的位置。

第九位:唔使做濕碎差事
當無人再叫你去「銀行入數、買六合彩」、「影印或碎紙」、「寄DHL掛號信」等差事,證明在你的工作圈子內,有更年輕的「後生」出現,並擔任了這些瑣碎雜務,取代了你以前做「靚」的地位。從此被剝奪「借做瑣事開小差蛇王」的權利。

第八位:無人叫你幫手搬重嘢
年輕力壯是後生仔的技能專長之一,以前同事朋友一有重嘢要搬,就立即想搵你幫手。但年事漸大,擔心搬唔起之餘,仲驚弄傷筋骨仲手尾長。從此搬冷氣機、影印機、文件櫃等重任便要交捧給胸肌40吋的新晉。

第七位:喜歡講:「我記得
集體回憶唔係唔講得,不過如果整天嘴巴掛着集體回憶,就洩漏了你辛辛苦苦遮掩的真實年齡。人大了就喜歡回味以前的老好日子,「我記得信和租黑膠碟,錄落卡式帶。」、「我記得陣每期必買【玉郎漫畫】睇。」等等。

第六位:唔介意帶雨傘
後生仔貪瀟灑唔愛帶雨傘,大雨中渾身淋濕是一場浪漫表演,就算冷病,只要一覺便無礙。年紀大就付不起這個代價,太或下雨天都願意跟傘為伴。年紀再大啲就要將雨傘當拐杖。

第五位:衣著色彩繽紛
後生仔想扮成熟,衣著方面愛穿黑沉色系,山本耀司加undercover,黑白藍灰。年紀大了則愛穿彩虹旗,直攣皆宜,GAPPOLOBenetton 成功攻陷中年uncleauntie市場。

第四位:感覺家人重要
年輕反叛時期愛擺脫家人,只想跟豬朋狗友一起hea或消磨。年紀大了,千帆過盡,總需停泊在一個避風塘。重新發現屋企人的重要性。當有一天你想把生日留給跟家人一起慶祝時,相信你已踏入人生的另一頁。

第三位:鍾意飲熱嘢
小朋友一支支冰凍汽水往肚裡灌。人大了終於知道涷飲對身體有害無益,改飲熱嘢,連熱茶也嫌它太刺激,驚成晚失眠,滋補湯水更成為防衰老的法寶。當你有一天想改用保暖杯時,你明白啦!。

第二位:食飯去大人嗰枱
當人多一起吃飯時,要分兩檯自然分大人一檯和年輕人一檯。當有一天你坐在年輕人檯時感到有無形壓力,同枱人用奇怪眼神望着自己,示意「喂!過返去啦老嘢!」你只好死死地氣返回大人檯,就知道並不是每個人都有本事學謝賢,70歲仍然拖着17歲美少女上街去。

第一位:後生仔食多啲!
從前當你是朋友群中最後生的一位的時候,你的特權和義務就是把上吃剩的食物逐一放入口腔。同的人話:「後生仔食多啲!唔使驚,做多兩運動就消化啦!」當有一天,大家把吃剩的食物推到同桌的另一個年輕人面前,你就會又愛又恨地質疑為什麼那堆廚餘從今天起便不再屬於自己。

點呀?中咗幾多項呀?吓?無呀!一項都無?
係「無」呀?定係「唔記得」呀?
年紀大的其中一項特徵是:「呢頭睇完,嗰頭已經唔記得喎」,哈哈!


二少爺說:人最緊要人老心不老。


老人院 - 軟硬天師
作曲: Tsugutoshi Goro
填詞: 軟硬天師

"夠鐘刺!睇電視 睇下今集講乜先 講乜先?哎唷!"
gala gala happy Harley 扮阿 Paul
寂寞孤單卡拉屋企 晚晚去唱歌
深宵的晚空 星月在搖動 蕭錦去活動
gala gala happy Nike亂撻朵
大疊摩登RaveRave女個個去晒Rap
Marky Mark夠英 Hammer直頭勁
New Kids無動靜
四蚊一鋪街機亂甘打打打凹左
Ken哥將軍手刀射錯左
今晚三點尖東海邊吸住春麗
我最怕巨有左
做 做乜好 落dd 做 做得好 泡九七
做 做得好 去六四 做 做差佬
葉玉卿 葉玉卿...
"今晚阿Sir 請食飯! 隨便坐!"
gala gala happy 有煙仔沒有火
日日聽歌聽個幾隻無變化嘅歌
天朦光唱歌fans熱情和 姑丈向下墜
gala gala happy Darling零舍多
住在山腰 身家多過拍戲嘅發哥
包起七個桔 三件用嚟窒 孖公仔最核突
七間金鋪 一粒差佬日日系咁捕
警犬拉茜又著草 衰佬死佬差佬基佬做做係咁做
世界是太美好
做 做乜好 champion 做 做得好 Yamede
做 做得到 唷仙奴 做 做差佬 劉錫明...
gala gala happy Harley 扮阿 Paul
寂寞孤單 卡拉屋企 晚晚去唱歌
深宵的晚空 星月在搖動 春宵愛做夢
gala gala happy

34 則留言:

  1. 死喇, 我第一至第七位都中哂!

    最慘係我個Blog都係講舊嘢嘛...唔認老都唔得!

    回覆刪除
  2. 中左兩項,我個樣太後生,扮學生哥都仲得。

    回覆刪除
  3. 我老,但係又唔算中好多
    大圍食飯我仲要負責清碟~

    回覆刪除
  4. 人老咗都唔緊要,最緊要係老而彌堅,做起事上嚟有心有力 :p

    我係未老先衰嗰隻呀,唉 :o

    回覆刪除
    回覆
    1. 你邊係未老先衰呀,談吐穩重啫,除非你話俾我聽你廿歲啦。

      刪除
    2. 哈哈,我成日講膠嘢都話穩重 :o

      我都想回到廿歲呀,唉,青春一去不回來呀 :'(

      刪除
    3. 我都想重頭來過,好多決定重新做過

      刪除
    4. 唉,「年少無知」啱大家聽呀 :(

      刪除
    5. 如果命運能選擇
      十字街口你我踏出的每步更瀟灑

      刪除
  5. 回覆
    1. 我都係,飲慣熱嘢之後,飲返凍嘢好似好罪過。

      刪除
  6. 卡臣:

    漏了一樣最重要的,就是男人那話兒不會無緣無故彈起呀!嘻嘻!

    回覆刪除
  7. 唔理佢老或嫩,热饮就有益,冻饮会伤脾胃甘话窝!

    回覆刪除
  8. 我中得五項咋喎,仲可以五五波唔認老

    回覆刪除
  9. 中左九嗰,冇中嘅喺第一個因為我比較瘦嗰嗰都想谷肥我囉。

    回覆刪除
  10. 嘩嘩嘩,比你講中大部份添,點算!?好彩有一樣。。。我到而家都唔鍾意 帶遮! ^_^

    回覆刪除
    回覆
    1. 我公司抽屜長期放一把傘,以備不時之需。

      刪除

LinkWithin

Blog Widget by LinkWithin