~~~~~~~~~~~~~~~~







2009年2月25日 星期三

生日快樂 By 歪歪

生日快樂 By 歪歪

好不容易才擠入地鐵的車廂中,車門已響起了嘟嘟聲的警號,一位正在講電話的中年男子還突然硬闖進來,更推了我一把。車門終於關上列車亦開始行駛,他站在我身旁繼續他的電話對話:「喂,你唔係咁都唔記得吓嘛?阿A哥生日呀!.......幾時?咪下星期五囉!」

當我一聽到他提及到「A哥」這個名字,登時開始留意之後的內容。

「你唔好話俾我知你隻老虎乸唔放你出嚟呀,我哋成班波友阿肥龜、斗零、老點、孖蒸十幾個都得,係爭你咋!.......嗱,咁六點半响老蘭嗰間Verandah度見喇!」

怎麼忽然間一堆以前讀書時舊同學的花名,都通通相繼出現?

中年男子在收線後,又再撥一個電話。「喂,阿嫂呀?瘦骨仙呀!Aaron返咗屋企未呀?」

噢,原來Aaron已經找到了另一半;這些年來,我曾經無數次幻想如果自己這生能夠和他一起有多好,可惜.......

「.......哦,Aaron係做大生意要應酬就難免架嘞。麻煩你同佢講下星期五同佢賀壽,已經約齊人無問題。仲有,阿嫂,你放心呀,嗰晚我哋會幫你昅實,唔會俾啲狂蜂浪蝶埋到佢身架。哈!哈!哈!好啦,拜拜!」

列車到站,我踏出月台後忍不住回頭打量了這中年男子一下,昔日名副其實的瘦骨仙現在不單臉容像是拉闊了般,就連肚子都突了出來。不過,畢竟已有二十年了,就以自己來說,相比起中學時胖胖的,如今可說是脫胎換骨,我很相信當年的舊同學怎也不能認出我來。

* * * * * * * * * * * * * * * * * *

第一次見Aaron就是在中一的開課日,能夠升讀這所名校,心情已是非常興奮,沒想到在那天,當我找到了課室選個位坐下來後,Aaron便步進來,與此同時他亦步進了我的心。因他是由原校小學升讀,所以一到達便跟一些相熟的同學打招呼,他那陽光氣的外表再加上燦爛的笑容,就彷如太陽一樣,望得太久會令人暈昡。

自此我便開始留意他,希望能夠知道有關他的一切。最初還以為他的花名「A哥」是來自Aaron這名字,原來其實是因為他品學兼優,又是校內足球隊隊長,深得老師和同學的歡心,於是便被一些女同學稱許為絕無僅有的A級。

對我來說Aaron是一位最佳的單戀對象,也許是我自卑,也許只是有自知之明,知道自己沒有甚麼能跟Aaron雙提並論,唯一值得嘗試的就是在學業方面。於是我真的很努力讀書,幸好將勤補拙,我的成積漸漸由中上去到名列前茅。之後,考試第一名的位置,都只有是我和Aaron兩人之爭。

中五那年,Aaron的成績有點滑落,聽說是因為他的父母要離婚而情緒低落所致。有一天在放學後,我在學校附近的書報攤碰上了他,他正要把剛買來的香煙放進校褸袋裏,雖然他發現了我並和我四目交投,但他沒說一句,只是牢牢的盯住我,然後便轉身走了。當然我並沒有向學校告密,令他被記大過,我一直把這件事成為彼此之間永遠的秘密。

最後一次的見面是在放榜那日,很幸運我是校內其中一位考得九優的學生,Aaron卻只得到八優一良,他仍然很大方地走過來恭喜我,並告訴我他已決定將會跟母親到英國,在當地留學。我知道自此一別,將來便很難再見,但我只來得及說一聲「請好好保重!」,老師便嚷著要為我和Aaron拍照,而這張照片就正好把我中學階段最珍貴的時刻紀錄下來。

* * * * * * * * * * * * * * * *

未夠六點半,我便來到酒吧,內裏的人不是太多。找了個坐位後環顧四周,我留意到斜對面坐了七、八個三十來歲的男子,相信應是當年的舊同學,細心看看當中有些的確是有點面善,但我可以肯定今晚的主角仍未到場。不久,陸續有其他人到達,包括了上星期遇見的瘦骨仙,真的要多謝他在無意間帶給我這個難得的機會。

就在他們高談闊論之際,有人向門口揮一揮手,我隨即望過去,Aaron他終於出現。那張久遺了但熟悉的笑臉,又再重現眼前,廿年寒暑似乎並沒有在他的臉上留下任何痕跡,往日短刺刺的頭髮如今已變得梳理整齊,穿著白襯衣及修身西裝外套,配上了黑色牛仔褲,瀟灑有型,加添了的只不過是一份成熟味,他依然是場中最出眾的一位。

當侍應為Aaron遞上了一杯啤酒後,大家便舉杯高呼「Happy Birthday!」而我亦拿起手中的Gin & Tonic,輕輕說了一聲:「生日快樂!」因為他的生日是在暑假,所以連這簡單一句的祝賀說話,也從來沒有機會向他說,今天終於讓我可以慶祝他的生辰。

他們談得興高采烈,人堆當中不時傳來陣陣的笑聲。酒過三巡,差不多八點鐘,Aaron看看錶,然後把杯裏餘下的酒一飲而盡,便跟各人握手道別先行離去,而我馬上尾隨其後。

踏出酒吧門外,他停下來點了一支煙。或許是酒精的驅使,我鼓起勇氣上前跟他打個招呼,但他剛巧把電話拿出來,撥通了後說着說着,便往街尾方向行過去,我就只好跟着他的身影亦步亦趨。

行了不久,停泊在不遠的一架車閃亮了車頭燈兩下,Aaron看到便立刻向着那方向走過去。他來到這輛名貴跑車,把車門打開後一坐進去,便立刻朝着司機位那年青俊男的嘴吻過去。兩人凝望着對方笑着的談了一會,Aaron才坐好及扣上安全帶,然後他抬起頭正好跟站在昏黃街燈下的我四目交投,他再一次用那眼神牢牢的盯住我,直至他的汽車開走,剩下呆站在街中的我。

對一個人迷戀了廿五年,即是四份一個世紀,是否值得?我不能回答,今天我只可以告訴你,要是真的能夠讓我和這個人一起,但卻並不會是他心裏面的唯一,我.......寧願繼續單身。



................................

多謝歪歪撐場,禮尚往來!
故事結尾真無奈,
好似一個25年來,一直恨去的城市,
經過千山萬水,終於去到,
最後卻發現這個城市不外如是,
憧憬被劃破,立即悵然若失。

是喜是悲,都叫做還咗自己個心願呀!

生日快樂 - 劉若英
作曲︰陳輝陽
作詞︰林夕

彷彿你就在我身邊
等待了一年 又一年
對你的思念
三百六十五天
我只等 這一天
勇敢地把從前
情人節快樂
變成 祝你生日快樂

I LOVE YOU
說不出口的傾訴
I MISS YOU
讓掛念 代替了 相處
瞬間是永遠 談情變祝福
可惜 甜言也帶苦

I LOVE YOU 是最完美的結束
I MISS YOU 一輩子 靠今天 接觸
瞬間是永遠 談情變祝福
可惜 都於事無補

今夜 有人陪你慶祝
不枉 我一年的孤獨
請你 原諒我 不多寫一個字
像 普通人糢糊
多一字 多份痛
今夜 我不想哭
Happy Birthday To You
Happy Birthday To You

73 則留言:

  1. 第一!! 哈哈!!
    歪歪呢個故事得呀!! 我鍾意.
    人生本身就有好多無奈!!!
    不過如果是我, 我就會相認, 親身對Aaron 講生日快樂!

    回覆刪除
  2. 哎呀!輸左俾篤爺添....
    篤爺唔係應該"目及"緊5號仔咩???

    回覆刪除
  3. 多謝卡臣唔嫌棄,希望大家唔鍾意都留下言,當係俾面卡臣,唔好俾我累到佢個場靜到無哂人影。

    我先來自己撐自己。

    回覆刪除
  4. 好開心已經有人到咗,仲先過我。可以的話,麻煩大家可唔可以話俾我知你哋睇嘅時候文中嘅「我」係男定女?

    -----------------

    恭喜篤篤篤撐榮登第一。

    -----------------

    多謝自由行連續留兩次言,幫我催谷!

    『人生本身就有好多無奈!!! 』
    非常同意!

    『不過如果是我, 我就會相認, 親身對Aaron 講生日快樂!』
    我諗如果係我,去到見到佢响車度咁甜密,我對佢講嘅四字詞唔會係「生日快樂」。

    -----------------

    多謝Hana撐我,好感動。
    其他人唔想撐我,係想剷我,都一樣可以留言。

    差啲漏咗多謝卡臣幫我配咗幅相同埋首歌,聽咗首歌我會揾呢齣戲嚟睇。

    回覆刪除
  5. 歪歪:

    我所指既timing 係在酒吧! 因為既然暗戀1/4世紀, 應該對自己有d交待.
    又佢在車內,我好難去祝佢o麻!! 一陣以為我傻既咁點算.

    回覆刪除
  6. 我睇既係女囉....
    鍾意lee D unexpected 既結局~

    回覆刪除
  7. i like this story. undoubtly this is a bittersweet story about love of the same sex.

    回覆刪除
  8. 相隔廿年得到如此結局我倒覺不應太上心.
    故事或現實都應向前走,往事以巳.廿天巳可發生許多事何況廿年.

    回覆刪除
  9. 歪歪:
    故事以第一身傾吐,很細膩。
    電話內容成就這一夜的「重逢」,佈局新鮮。
    迷恋的人巳心有所屬,寧願沒相認。
    茫然若失,卻終於結束了。
    很喜歡
    這故事。

    回覆刪除
  10. 歪歪:

    文中既"我"..係女性!

    回覆刪除
  11. 自由行:
    多謝你嘅補充。
    我諗你比我勇敢,我會驚相認咗就連僅有嘅幻想都摧毀埋。

    Iris Eye:
    多謝你鍾意我呢個故仔。你個紐約故事嘅結局都出人意表。

    Nost:
    首先多謝你喜歡。
    其實故事中嘅「我」唔一定係男性,係女性都得,文中嘅一啲敏感位我都故意寫得無菱兩可,所以有啲女讀者都係當作女性咁睇。你可唔可以話我知點解你咁肯定係講同性呢?

    聶秀康:
    『相隔廿年得到如此結局我倒覺不應太上心.』
    我諗主角最後所講嘅『寧願繼續獨身』,都係因為知道應該放低。

    巴黎旅客:
    好多謝你嘅讚嘗!
    『茫然若失,卻終於結束了。』
    面對真相有時真係幾殘忍,就連本來無限嘅幻想都要被迫結束。

    回覆刪除
  12. 自由行:
    多謝你嘅補充。
    我諗你比我勇敢,我會驚相認咗就連僅有嘅幻想都摧毀埋。

    Iris Eye:
    多謝你鍾意我呢個故仔。你個紐約故事嘅結局都出人意表。

    Nost:
    首先多謝你喜歡。
    其實故事中嘅「我」唔一定係男性,係女性都得,文中嘅一啲敏感位我都故意寫得無菱兩可,所以有啲女讀者都係當作女性咁睇。你可唔可以話我知點解你咁肯定係講同性呢?

    聶秀康:
    『相隔廿年得到如此結局我倒覺不應太上心.』
    我諗主角最後所講嘅『寧願繼續獨身』,都係因為知道應該放低。

    巴黎旅客:
    好多謝你嘅讚嘗!
    『茫然若失,卻終於結束了。』
    面對真相有時真係幾殘忍,就連本來無限嘅幻想都要被迫結束。

    回覆刪除
  13. 嘩,啱啱揾咗卡臣提供幅相嘅餐廳,原來真實係响半島茶餐廳。卡臣,你下次記得帶埋我去呀!

    回覆刪除
  14. 都好鐘意個故事,可能我是女的關係,我當"我"是個女生.

    其實不走上前仲好,我會將個"四目交投"畫面留比自己當回憶,比你得到亦未必好,特別係你見到佢係度拈花惹草.

    回覆刪除
  15. 文中既我, 一定係男
    又校隊, 又9A, 文武都得, 應該係得幾間男校先會

    仲有, 如果係女, 在lkf一個人, 一定比人溝緊, 邊有時間睇aaron ?

    回覆刪除
  16. no reason, just the sensibility of your essay.

    回覆刪除
  17. 1/4世紀還未到半世紀,但已是人生一大遺憾。

    回覆刪除
  18. 歪歪,

    本身都估緊係男係女,但當睇到

    >我曾經無數次幻想如果自己這生能夠和他一起有多好,可惜.......

    咁就覺得「我」係女囉。

    Cheers!

    回覆刪除
  19. 究竟男等女多定女等男的次數多呢? ^^

    回覆刪除
  20. 歪歪,
    本來我估文中的 "我" 是女, 但你特地問"我"的性別, 我就估是男, 原因是

    "對我來說Aaron是一位最佳的單戀對象,也許是我自卑,也許只是有自知之明.."

    其實性別如何不重要, 因為主人翁迷戀了廿五年的對象對自己從來就是淡如止水, 我倒覺得主人翁有點可憐.

    回覆刪除
  21. 睇左呢篇野
    我突然諗起係中一到中三時段
    曾經暗戀過既一個男生
    到而家有時侯
    經過佢屋企樓下
    都會諗下
    唔知佢而家點呢

    唔...都十幾年前架事勒...哈哈哈



    卡SIR
    點解無左無聊民調架@@?
    強烈要求加番無聊民調~~~~~~

    回覆刪除
  22. 好唏噓呀!

    情可以發酵這麽久嗎?


    很喜歡這個首尾呼應:

    他抬起頭正好跟站在昏黃街燈下的我四目交投,他再一次用那眼神牢牢的盯住我...

    回覆刪除
  23. 軍師奶 提到...
    『比你得到亦未必好,特別係你見到佢係度拈花惹草.』
    就係因為咁主角最後『寧願繼續獨身』。

    篤篤篤撐 提到...
    『文武都得, 應該係得幾間男校先會』
    唔通讀男女校嗰啲男仔,顧住追女仔,所以心散啲?
    『如果係女, 在lkf一個人, 一定比人溝緊, 邊有時間睇aaron ?』
    等咗廿年先有得再見番自己個夢中情人喎,比人溝等第二晚都得啫。


    C+ :
    多謝!我寫完個心都拿拿地...

    nost :
    多謝你嘅補充。

    佚名 提到...
    『1/4世紀還未到半世紀,但已是人生一大遺憾。』
    希望响幾年之後再諗番,到時已經放低咗呢個人,就連遺憾都唔覺得。

    回覆刪除
  24. 市場維京人:
唔好意思,個故仔迫你同其他直男去揀做女/男同志。

    逍遙小妹 提到...
    『究竟男等女多定女等男的次數多呢? 』
    邊樣多就真係好難講,以我嘅觀察女人嘅耐性係最持久,男人可以等無一陣就已經轉移目標。

    肥貓 提到...
    『我倒覺得主人翁有點可憐.』
    多謝你對我嘅同情,呀,唔係,係主人翁先啱。

    匿名 提到...
    『曾經暗戀過既一個男生...
唔知佢而家點呢』
    咁如果有得俾你撞番佢,你又會點呢?

    laulong 提到...
    『好唏噓呀!
情可以發酵這麽久嗎?』
    呢份情維持得咁耐,當中係包括咗好多憧景/幻想,令呢份感覺美化咗。

    回覆刪除
  25. 好多謝咁多位嘅留言,其實故事中嘅「我」係女定男,唔係玩心理測驗,我咁寫只係想表達,好多時異性戀者、同性戀者嘅思想、感受都係一樣,因為到底大家都係人啫。

    最後要多謝卡臣俾呢個機會我去發表,我本身無寫Blog,除咗寫過卡臣兩個故仔嘅延續篇之外,今次係我離開學校十幾年之後嘅第一篇作品。多得卡臣嘅鼓勵,我再次重拾當年嘅興趣,亦响創作嘅過程之中,明白到卡臣嘅成功,絕對唔係易事,令我想起自己就好似一千零一夜個國王咁,成日有卡臣講故仔我聽,真係幸福。

    卡臣,希望你閉關結束之後,好快就出嚟同我哋見面,因為我哋都好住你呀!

    回覆刪除
  26. 生日快樂? 唔係"對面街"Eric Kwok 的嗎? 哈哈!
    http://www.youtube.com/watch?v=mA2YY3ndMLE

    回覆刪除
  27. 歪歪

    係咪friend先?
    咁客氣咁見外?!

    你故事佈局好呀!
    開頭
    a明直暗攣
    未到結局都估唔到!
    你快啲開blog啦
    讀者之眼福!

    ++++++

    我要多謝:阿權,巴黎,聶,c+,iris,歪歪
    頂力撐場!
    感動
    1/3 見面啊!

    回覆刪除
  28. 我覺得劉若英在電影《生日快樂》中演的角色short short地。攬來攬去都冇做古仔的女朋友,就好心轉target啦, 唔你呀wah?

    卡臣 - 搵日爆藝術界醜聞過你知!

    回覆刪除
  29. 小妮:

    多謝你推介呢首生日快樂,我好鍾意入面嘅歌詞,聽到忍唔住笑咗出嚟。

    卡臣:

    嘩,你終於現身啦!我哋期待你三月一號嘅最新作品。

    回覆刪除
  30. 各位~~~~請問可以幫我一個忙嗎?就是填寫一個句子。

    “在音樂中放飛心情,在雙語中 xxxx"

    應該怎么填"xxxx"才比較好的接上一句呢?
    我是用來作校園雙語音樂廣播的開場對白。

    Thank you~~~~~~~~~~~

    回覆刪除
  31. “在音樂中放飛心情,在雙語中擁抱共鳴" 得唔得呀小莫同學?

    回覆刪除
  32. looking forward to Carson's return.

    good story by YY. I like it.

    回覆刪除
  33. 在音樂中放飛心情,在雙語中擁抱共鳴
    ----Well said!!!Thank you !

    回覆刪除
  34. 這裡變了yahoo知識啦!
    我又要問!

    回覆刪除
  35. Desertfox:
    多謝。好高興你喜歡我呢個故事。我同你一樣期待卡臣嘅回歸。

    小妮:
    我笑咗出嚟係因為聽到歌詞呢句:
    『臨危祈願 殺我也等等
    別挑選我生辰 順便給我出殯』

    匿名:
    你填“擁抱共鳴"真係好貼切,抵讚!

    小莫:
    你又點揾到嚟呢度?

    回覆刪除
  36. 歪歪:
    希望响幾年之後再諗番,到時已經放低咗呢個人,就連遺憾都唔覺得。
    -->但浪費了1/4之一青春,又或者"我"已經找到生命中的另一半

    回覆刪除
  37. 歪歪,...廿五年,如果現實有人係咁,你信唔信?睇完有啲心“up",但好好睇...個主角係男定女唔重要,雖然我睇時覺得係女(待入嘛!)

    卡臣,首歌我聽親都想喊,今次冇 play 到。

    回覆刪除
  38. 單無雙:
    多謝你嘅留言。等一個人廿五年,我信有人會咁做,因為我自己都差啲係咁。

    卡臣:
    我嗰頭先話驚趕你客,你呢頭就翻叮我!你相配合萬聖節嚟嚇鬼呀?

    回覆刪除
  39. 歪歪:

    你這篇文寫得十分細膩,看到我代了入文中的「我」。而此文也很合理,同性戀在發育時已出現。有一些謬誤,被異性唾棄才喜愛同性。

    這文和它的意見,帶了我去另一個心境似的,但我說不出是什麼心態。

    我自己寫文,也體會到你花了不少工夫去鋪排和修辭的。

    希望你將來會再有新作,讓我們迷思!

    回覆刪除
  40. 歪歪

    點會趕客?
    仲有咁多人讚喎
    多謝你提高呢度個點擊率就真

    留言麻煩你幫手答啦

    回覆刪除
  41. 單無雙

    首歌咁催淚咩?
    想背後可能有個故事了

    淒美

    回覆刪除
  42. 歪歪︰

    我讀這篇的直覺,「我」是男的。

    世間,惟愛情可將一切平等化,很美。

    而在我看來,等二十五年和等二年甚至二個月的分別都不大,別怪我咁直接:p 因為願意去等的一念間,那種情思是平等的。

    希望你能多寫些故事!:)

    回覆刪除
  43. 似乎Aaron屋企有個老婆, 出面又有個同性密友, 文中個主角係男係女, 真係冇講清楚, 等人自己感受. 睇到年輕俊男果幕, 主角又冇特別反應, 似乎是同性居多.

    回覆刪除
  44. 佛爺:
    多謝你嘅支持,但係你話『讓我們迷思!』就真係唔敢當,無令你哋迷失,已經算好彩。

    卡臣:
    你用心良苦,想我有多啲信心,用呢招嚟鼓勵開blog,不過正如佛爺所講,真係好花心機,而我份人好懶,都係你俾我客串下好喇!

    Coffee n Tea:
    『世間,惟愛情可將一切平等化,很美。』
    我都好同意!
    至於你想我寫多些故事,其實我遲啲會再寫一篇俾卡臣,依家開始構思緊,到佢復筆,我就當賀禮,希望到時你再俾啲意見。

    folium:
    其實都幾有趣,有啲女讀者會代入係男,亦有男讀者代入係女。

    回覆刪除
  45. 歪歪,sorry,無意闖入你的私人世界!其實係我自己都信,更信就算最終找到一個可以一起生活的身邊人,心中也可能放不低,廿年丶三十年...五十年,都唔出奇,所以我非常非常鍾意呢個橫跨五十年的真人真事(p.s SKII 都係我,雖然我冇精神分裂 :-P):

    http://sally-smallthoughts.blogspot.com/2010/02/blog-post_15.html

    卡臣,原來我看的是另一首歌,「我們說好的(生日快樂版)」,兩個 MV 串埋同一個故事...

    http://www.youtube.com/watch?v=ufxngzs70NU

    回覆刪除
  46. 點會趕客?仲有咁多人讚喎!多謝你提高呢度個點擊率就真!

    卡臣:

    你好有量度!大多數從事創作的人,唯我獨尊,絲毫不能融入他人的作品!

    回覆刪除
  47. folium:

    大部份同性戀都有傳統婚姻家庭的!

    回覆刪除
  48. 很喜歡這篇!
    兩次四目交投的場合都是那麼......那麼......怎樣說呢?意義重大?

    回覆刪除
  49. 單無雙

    「我們說好的(生日快樂版)」<--7分鐘劇場版, 果然感染力強勁

    ++++

    佛爺

    我覺得自己唔叻
    所以容得下別人囉
    你哋仲叻啦

    回覆刪除
  50. 單無雙:
    『sorry,無意闖入你的私人世界!』
    唔駛sorry,同得你講就梗係唔介意啦!

    多謝你介紹嘅片段,呢啲真人真事比創作更令人感動,而我亦好讚同你嘅講法『要先懂得“放手”,愛才會回來。』

    佛爺:
    卡臣佢胸襟廣闊,梗係好有量度啦!

    不過你話『大部份同性戀都有傳統婚姻家庭的!』,我諗結婚生子嘅同志男女係有,但多數係上一輩嘅,依家年輕一輩,會少咗好多舊有嘅枷鎖。

    largeheadboy:
    係呀,兩次嘅四目交投,都代表咗佢明知故犯。

    回覆刪除
  51. 你講緊十歲嗰陣上圍得33吋吓嘛?

    點都要多謝你翻叮我呢篇,令我有機會聽到一批新讀者嘅意見。

    回覆刪除
  52. 卡臣:

    能容人者才有大智,因為自己無可能叻哂的。

    回覆刪除
  53. 歪歪:

    我好少接觸過同性戀者,只在書本上知道。謝謝你的提點!

    回覆刪除
  54. 佛爺:

    你唔好咁講,有交流溝通,大家先會更明白。

    回覆刪除
  55. 哇, 好好睇呀 !不過,我鍾意個"我" 係女, 因為暗戀好多時都係少女情懷, 兼可以揾到個同病相憐, 有d感情投射嘛~
    睇埋 d 留言, 我都揾到自己問題既答案, 多謝歪歪, 多謝卡臣!

    回覆刪除
  56. kateyip

    好耐無見
    呢排無咁忙呢

    歪歪好嘢
    早已領悟到「放下」

    唔使多謝
    妳肯睇
    我已經開心

    回覆刪除
  57. 唔係好忙, 只係覺得自己好頹, 咩都唔想做,
    黎你呢度睇下文, 起碼我知道卡臣你一定會覆我...
    係囉! 心知放下係好事,但好難做到囉!

    我一定會睇, 開心時睇, 唔開心時又睇. 不過, 掛住睇舊文, 忽略左 d 新文.

    回覆刪除
  58. kateyip

    如果唔開心
    諗吓好多人比自己更慘
    (可能無家可歸,面對死亡)
    自己真的很幸運了
    笑吓..唔該

    回覆刪除
  59. 我都知我已經好過好多人, 不過唔開心有時唔係自己可以控制架, 好似話係個腦出現問題架...
    我希望我唔係有精神病啦~~
    :) 笑了 !

    回覆刪除
  60. kateyip

    唔係精神病...
    情緒病啫
    城市人唔多唔少都有啲

    回覆刪除
  61. kateyip:

    女生的精神情緒病,是男生的三倍,但多是抑鬱焦慮症。男生就 .....

    回覆刪除
  62. 佛爺, 情緒病都分男女, 唔公平呀 !!!

    回覆刪除
  63. kateyip:

    一個問題,酗酒和濫用藥物,男生嚴重很多,卻沒有被當成是情緒病!何解?這是對女生三倍男生精神病的質疑?

    回覆刪除
  64. 咁講, 呢個"三倍" 唔準確喎~ 其實我覺得多男仔面對壓力既態度都好極端,甚至有部份男仔會好消極添~ 但又故作無事喎~ 可能同傳統既男士形象有關

    回覆刪除
  65. kateyip:

    女生三倍於男生精神情緒病,是廣為接受的統計數據。男生收埋情緒,死忍!好多時以酒來解脫,是否應該視為情緒病,很難界定,要飲幾多酒才叫做情緒病?北方佬,一頓晚飯,飲了半樽茅台酒,面不改容。我飲四分一杯啤酒已經暈陀陀!

    我自己覺得,男生short起上來,癲過女生好多!

    我自己感覺,輕度情緒病,女生較多,重症是男生的天下。

    但個人經驗,是會錯的。

    回覆刪除
  66. 都話女生天生就有神經質架啦~
    男生天生就有好重既担子...
    都係做女生好~~~ hahaa

    回覆刪除

LinkWithin

Blog Widget by LinkWithin