~~~~~~~~~~~~~~~~







2013年2月22日 星期五

不必牽強說盟誓 – 下集


不必牽強說盟誓 下集

Raymond發覺馬路旁正站著公司同事Vincent,正陰陰嘴望著自己和JayRaymond馬上縮手,詐睇Vincent唔到;閃進入群當中。不過Raymond心中有少少虛榮感,自己已經一把年紀,無權無財,估唔到仲可以拖著個後生靚女招搖過市,咪話唔爽!

當晚十一時,他們在客廳中看電視時,Jay突然緊緊攬著Raymond,嚇了Raymond一跳!四目雙投,Jay主動跟Raymond接吻。嘩!56歲的Raymond,無想過廿零歲鬼妹仔性格的Jay會咁開放,他一向對嫖妓好抗拒,所以都好耐無開過齋,今晚一於豁出去,喺呢個moment要爆啦!兩人在沙發上纏綿起來。

事後,他們在床上傾偈。Jay承認自己是「戀父狂」。經這兩天相處,她已經喜歡了RaymondJay說她:「從不打算將來,也不需要結果,只知道目前開心最重要。」正所謂:「以後未來是個謎,不必牽強說盟誓,難料哪夜再一齊,Let me hold you one more night。」

* * * * * *

第三天是星期日,他們似乎已經忘記要去找親戚。正當他們在餐桌討論今天到那裡遊覽時,突然有人按門鐘。Raymond嚇了一跳,唔通真係「一係唔發市,發市當三年」,邊個又嚟拍門?

Raymond望一望Jay,心忖:唔通俾人捉黃腳雞?警察上門捉他犯了「與未成年少女發生性行為」?唉~她唔夠秤?早知睇咗Jaypassport先搞啦!

Raymond手震震去應門,嘩!來者令Raymond的眼都突出嚟。原來是23年無見過的前妻Joyce。她身邊有一名表情嚴肅的男士,相信是Joyce現任丈夫。Raymond立即開門,Joyce老公見到Jay,立即怒不可遏,上前粗暴地拉Jay走。Raymond立即上前加以阻止,Joyce老公跟Raymond碰撞拉扯,Jay的哭聲和兩個男人的爭執聲驚動了鄰居,報警求助。

這場爭鬥終於在警察來到調解。Joyce、丈夫和Jay被請離開,列作「家庭糾紛」處理,無人被拘捕。Raymond一人獨坐在客廳中,眼光呆滯。

* * * * * *

事情是這樣的:23年前,Joyce改嫁給現任丈夫後,一年後誕下女兒JayJoyce恐怕刺激到「恨生仔」的Raymond,所以沒有把懷孕一事告訴前夫,生下女兒後忙於照顧,終斷了跟Raymond聯絡。Raymond從未見過22歲的Jay

Jay的父親是中學英語科教師,給女兒找西人教授純正牛津英語,所以Jay能操一口好英文。父親對Jay管教十分嚴厲,望女成才、有一番成就。

怎料如電影《天若有情》的橋段,大學生Jay愛上浪漫年輕有型「髮型師」。俾父親知道後,捧打鴛鴦。禁止她們再相見。「髮型師」上門找Jay父親理論,大吵大鬧。「髮型師」情緒激動。之後「髮型師」獨自跑了去碼頭,跳海自殺。Jay哭到崩潰。痛失至愛。

Jay決定要向父親復仇,Jay早在十五歲那年,早已在母親的衣櫃底發現到一個鐵盒,母親專收藏她的舊信和舊相。Jay一早知道母親前夫Raymond的樣貌和地址。

Jay的報仇大計:她先在下班時間到Raymond住的大廈樓下等待,想確認Raymond是否仍住在那裡。終於讓Jay見到Raymond下班回家。Jay確定他住在上址之後,第二天便執拾行李,離家出走,晚上到Raymond家扮英國學生妹找親戚。Jay自幼跟英國老師學英文,操得一口純正英語口音。

Jay要求Raymond收留並跟他搭上,她心想:竟然得不到心中所愛(髮型師),就作賤自己,跟母親前夫有一腿,作為對親生父親的一種報復。

Jay做了那麼多之後,最後一步就是告訴母親Joyce自己身在何處,好讓父親睇到爆血管。終於這一幕在星期日早上發生了。Raymond以為被一個「戀父狂」愛上,自己仍有幾分吸引力,原來全部都是一個局,自己變成一件報復工具,還跟前妻的女兒有一夜情,心情之複雜,可想而知。

* * * * * *

星期一早上,Raymond在茶餐廳吃完早餐後,如常回到公司上班。在pantry遇上口多同事VincentVincent口花花當眾說:「Raymond,正喎!拖住條靚女行」連個「行」字都未講完,「噗」一聲!Raymond忍無可忍,一搥打向Vincent臉面。大家都好錯愕!估唔到平日粒聲唔出的Raymond,竟然會出手打人!

Raymond經歷了這兩天的遭遇和抑壓,真是極需要找一個缺口去發洩一吓,大家原諒吓佢啦。


二少爺說:97回歸前,香港人心態:不理明天,今晚有得玩就玩咗先。

最後一夜 - 劉美君
曲︰T.HENDRIKK.VAN HARRENM.APPLEGATE
詞︰林振強

放低 願你把身體放低
縱使 沒法把心窩放低
再伴我一晚 讓記憶添一分美麗
最後這一晚 就快消逝

以後未來是個謎 不必牽強說盟誓
難料哪夜再一齊
LET ME TOUCH YOU ONE MORE NIGHT
以後未來像個謎 只知愛你愛難逝
無論有沒有將來
LET ME HOLD YOU ONE MORE NIGHT

徹底 讓愛火燒得徹底 縱使沒法可相戀到底
你是我所愛 就算交低一堆嘆謂
你是我一切 就算消逝

62 則留言:

  1. 回覆
    1. 你點同, 你有型又大隻, 望落去都係似25歳之嘛

      刪除
    2. 哈哈哈哈!

      多謝哂!我都想(可惜是幻想)。

      刪除
  2. 故事太曲折了,我等单纯的人是无法猜到的:)

    回覆刪除
  3. 卡臣:

    呢個故仔超超超正呀,條橋扭再扭又再扭,高水準之作呀。 :D

    Jay先扮abc,又扮有戀父情意結,最後真相大白,原來玩報仇。Jay成個編排,將「報仇」呢一樣嘢發揮得淋漓盡致,如果最後大咗肚嘅話,咁成個計劃對Jay嚟講就真係prefect喇。

    最慘係Raymond,先受到離婚之傷,後來更發現自己成為一件做完即棄嘅復仇工具,嗰種感受真係唔知點講呀,仲hurt過23年前離婚呀 :’(

    另外,「髮型師」當著三人面前衝出露台跳樓 <-- 呢單嘢係堅嘅喎,唉,當時睇到新聞都心up呀,大好青年咁就拜拜咗 :(

    寫呢個咁曲折嘅故仔,不如講吓你嘅靈感從何而來吖?

    回覆刪除
    回覆
    1. 失禮哂,多謝欣賞

      你的分析力很高,有些points我也沒想到,反而你講我先知。

      那單自殺,我改了,覺得對死者及家人不敬。重提傷痛。

      靈感從何而來?

      The art of creative:
      Rule number one : hide people from where you copy from.

      既然你問到,又見你熟,一於告訴你:

      http://the4res.mysinablog.com/index.php?op=ViewArticle&articleId=2012896

      好睇架,不妨一看

      刪除
    2. 哈哈,因為呢篇好正,我反覆讀咗兩次先寫o架,我諗係咁你先覺得我高o架咋,唔好誤會呀 :p

      雖然照寫單嘢出嚟係有少少那個,但係當事嘅畫面、同埋對Jay嘅衝擊畀獨自去碼頭大好多,因為「髮型師」係當住眾人面前做一D意想不到嘅事情吖嘛,仲要出事嘅地點係眾人最熟悉嘅地方。

      因為咁先會令Jay狠下心腸,做一D咁絕嘅事情嚟傷害自己,令愛錫自己嘅父母心碎。

      刪除
    3. 睇兩次咁俾面,多謝欣賞先。

      都話你分析力高,在女家中自殺又真係震撼好多。你看的時候震撼了,我都估唔到有這威力。

      我看電影,女主角遭男友抱棄,便作賤自己,所以抄橋。

      得閒在網上找woody allen那電影,不錯啊。

      刪除
    4. 我睇嘢通常會將自己代入故事嘅角色裡面睇,去到唔同場景我代入唔同嘅人,咁會有共鳴好多。

      我最初代入Raymond,感受到佢嘅無奈。

      之後代入Jay,所以明白佢產生咗嗰種報復心理。

      最後代入埋Jay嘅父母,因此會覺得如果自己個女畀Raymond搞大個肚,究竟叫佢生好定唔落咗個仔好嗰種矛盾。

      所以我會睇到咁震撼囉,呢個故事好合情理,我畀十個讚呀。

      刪除
    5. 佩服你,一個有質素的讀者,看到很多細節,是連作者都唔知的細節,好嘢 ,我多謝你才是,

      即是有些情節,我沒有特別設計,反而給你指出背後意思,你話幾amazing.仲咁好心機寫意見給我,太棒了!

      刪除
    6. 你太抬舉喇 :o

      等如你睇咗套戲,覺得好正,咁你上畫嘅時候睇完,落咗畫之後都會買番隻碟收藏,間唔中睇多次。仲有喎,睇完之後,你都想同套戲嘅導演編劇交流吓喇,人之常情啫,我唔係擦鞋吹水o架 :)

      刪除
    7. 你點會擦鞋呀,我信你,大家咁坦誠

      我以前睇香港電影節,都喜歡完場後,聽導演交流那part,知道多啲

      又香港電影節了,我無以前咁狂熱了

      刪除
    8. 隨緣份啦,不過近來好多電影網上看到,我就慳返啲錢

      刪除
  4. 啊,忘了她还有一首关于皮鞋的歌,我也很喜欢的。

    回覆刪除
    回覆
    1. 那首叫「一雙舊皮鞋」
      我愛「清晨」

      刪除
  5. 關係有點複雜
    劇情有點難測
    結局出人意表
    卡臣創作
    必屬佳品。。。


    回覆刪除
    回覆
    1. 多謝先,妳的詩和相片,也是極品。

      刪除
  6. 卡臣:

    嘩!我睇第一次以為是父女亂倫.但我聽一些社工講,香港是有不少這些父女亂倫事件,只是沒有報警.但這個劇情真是很峰迴路轉,我都無諗過結果會是如此.

    回覆刪除
    回覆
    1. 香港有啲禽獸父親搞自己個女,仲要未成年,幾仆街呀!

      一定重判加監!

      刪除
    2. 其實都唔會加太多,都係判10幾年,呢D畜牲老豆通常都會認罪,照例減佢1/3喇,咁即係判8、9年,仲唔知點解可以搵番老婆呀,個女呀幫佢寫求情信喎。入到去坐只要唔犯監規,又可以減多1/3喎,咁實際係坐5年幾。

      佢入到去低調D,唔話畀同房知佢衰咩嘢,咁就唔會畀人玩喇。但係如果裡面有同房咁啱睇咗報紙,而又認得佢嘅話,咁就有排畀人輪住招呼喇 :p

      所以,坐幾年後又係一條賤漢,出番嚟又可以亂嚟過,下次或者會向D唔識嘅細路或者係智力有問題嘅弱者落手 :o

      不過,畀佢搞嗰個victim就慘喇,呢D陰影係一世o架。唉,我諗要洗腦先洗得走呀 :(

      以上嘅嘢純粹我亂估o架咋 :p

      刪除
    3. 我知你工作關係,資料怎會亂估。
      咁快就出監,叫大佬招呼下佢後庭花先吖嘛

      或者合法閹鬼咗佢,一了百了,

      仲衰到有啲阿媽唔出聲報案、造成悲劇不停

      刪除
    4. 唔出聲嘅阿媽唔係最衰呀,你咁樣講,我又亂估吓一段故仔同你分享吖。

      有個細路女又係畀阿爸搞,番到學校畀社工發現,之後東窗事發報埋警。但係個阿媽竟然叫個女扮失憶,最後阿媽衰埋妨礙司法公正添呀 :(

      哎呀,我成日話自己係吹水亂估嗰D,就係諗住隱藏資料嘛,我番工做打雜,咩都唔知o架,我主力做「影」帝o架 :o

      刪除
    5. 那個媽前世欠老公?今世還啦

      噢,明白了,你真係吹水王 :)

      刪除
    6. 哈哈,關於呢類題材,我係吹水大王呀 :p

      刪除
    7. 開眼界就唔敢當,茶餘飯後笑吓都可以嘅 :p

      另外,咁啱睇到D玄機,你似乎已經準備緊再發佈你嘅大作喇喎,小弟超期待呀,今次我唔會偷步講劇情o架喇 :p

      刪除
    8. 哈哈,係呀,我都要坐言起行。

      昨晚上載時走火添呀,嘻嘻

      三月見啦,多謝唔劇透:)

      刪除
    9. 卡臣、世純:

      我聽社工講,有一些阿媽,為了保住個老公在身邊,任由獸父長期搞個女,或者虐待子女的.她們並不只是保住老公一次,而是長期保住老公的獸行.

      刪除
    10. 幫兇跟主謀,一樣咁衰
      一齊坐監啦

      刪除
    11. 卡臣:

      無用架!阿媽保住老公,個女唔敢出聲,告個獸父唔入架!

      刪除
    12. 其實未必嘅,如果報咗警嘅話,就算阿媽保住老公,個女唔敢出聲,呢D畜牲通常醒極有限,畀人chok多兩嘢,就鬼拍後尾枕,講嘢有破綻o架喇,到時就睇吓陪審團信邊個囉。

      刪除
    13. 咁又係喎,告埋佢老婆妨礙司法公正啦!

      多謝你吹水提供資料。

      刪除
    14. 個社工講,係好多無報案的.報警的只是少數,大眾知曉的亂倫只是冰山一角.

      刪除
    15. 睇報紙,女受害者主動找學校社工,代為報案。

      刪除
    16. 或者個女生番到學校性情大變,老師同社工不停同佢傾計,最後女生忍唔住爆咗出嚟。

      刪除
    17. 或者爆同個金毛飛有咗三個月。

      刪除
    18. 而家唔興金毛飛喇,變咗興潮童喇 :p

      刪除
    19. Sorry, 我的年代停留在忽得仔和油脂飛。

      刪除
  7. 我開始都覺得係亂倫
    心諗搞到咁大件事
    之後睇到大家嘅留言先至知原來唔係~

    回覆刪除
    回覆
    1. 我估是世純的留言,才給你一個full picture.
      多謝他的導賞。我寫得太複雜,不及世純的簡而清,弄個水落石出。

      刪除
    2. 哈哈,卡臣你咁抬舉呀,我都係寫出自己嘅睇法啫 :)

      刪除
    3. 唔係呀,你真係三言兩語就撮寫了成個故事,好嘢!

      刪除
  8. 之後 Jay 終於發現 raymond 的好
    兩人結伴去了淺草漫步......

    回覆刪除
    回覆
    1. 哈哈! 一起飛去日本旅行,譜出忘年戀曲

      刪除

LinkWithin

Blog Widget by LinkWithin