~~~~~~~~~~~~~~~~







2011年4月4日 星期一

能一起掙扎也是緣份


能一起掙扎也是緣份

Sonic在頒獎禮上,接過獎座後,讀出他的多謝名單,最後他要特別特別多謝:「Melody….」

 
* * * * * *

80年代,當卡拉OK未全面興盛之前,香港曾經吹過酒廊風(Lounge),每晚酒廊內,歌手在台上演唱,顧客在台下猜枚飲酒,80年代本地樂隊Radias的《別人的歌》就是描寫這類酒廊歌手的生涯。

1984年,Sonic和Melody二十出頭,預料畢業後在社會做事,一個做文員一個做秘書。兩人最大的興趣就是唱歌。Sonic和Melody的認識,始於18區歌唱比賽。兩人進入最後8強,可惜最後兩人三甲不入。輸了比賽,但贏了友誼,兩人成為好朋友,但請注意:他們不是戀人,只是好朋友而已。

Melody日頭在尖沙嘴office返工,Sonic則在中港城上班。兩人偶爾相約在尖沙嘴吃午飯。有一天Melody高興地向Sonic宣佈:她在尖東酒廊找到一份歌手兼職,晚上9時唱到凌晨1時,算是寓工作於娛樂。Sonic戥她高興,說會去酒廊捧她場。

星期五晚,Sonic去過酒廊一次,覺得全場顧客只顧飲酒,都唔理台上歌手唱緊乜。Melody說唔緊要,有錢收又可以當練歌,何樂而不為呢?

* * * * * *

一個月後,Melody告訴Sonic:另一名酒廊歌手剛辭職,多了一個空缺,問Sonic有無興趣去試音?結果Sonic順利被錄用,兩人日頭返工,放工後去酒廊當歌手,凌晨放工,第二朝又9時回公司上班。雖然辛苦,但兩人真係喜歡唱歌,所以不覺得辛苦。

另一個令兩人堅持唱下去的原因,就是80年代有星探,他們會去酒廊發掘具潛質新人,點石成金,一登龍門升價十倍。兩人就是在等待伯樂出現。他們曾經約定:無論誰人先踏上頒獎台捧走新人獎都好,另一方都會衷心祝賀對方。兩人在酒廊休息室內,憧憬著那一天的來臨。

* * * * * *

唱了一年後,雖然兩人歌藝是進步了,但兩人仍然無星探問津。Sonic見到顧客自顧飲酒,無人欣賞自己的歌聲,開始灰心想放棄,覺得自己唱死一世都衝唔出酒廊。Melody從旁鼓勵,叫Sonic要堅持下去,勸他再比多自己一年時間,運氣可能於下一分鐘話嚟就嚟。Sonic被她勸服留下。

Melody想Sonic留下來的另一個原因,就是她想親近Sonic。Melody暗戀Sonic以久,曾經多番向他明示暗示過,Sonic亦明白女兒家心意,無奈自己只愛同性,唯有明示暗示婉轉拒絕Melody。Melody都知道苦戀一個男同性戀者是無結果的,但她希望終有一天感動到Sonic。

* * * * * *

運氣果然話嚟就嚟,不過降臨在Melody身上。唱片公司高層嚴先生,偶然一次來到這酒廊聽到Melody的歌聲,覺得她樣子甜美、人靚聲甜,呢個新人有得做喎。經酒廊經理接觸Melody。

Melody的傳呼機響起,是嚴先生。他說明來意,相約第二天在餐廳見面。Melody十分興奮!但她內心也十分矛盾:如果Sonic知道她有機會出唱片,一定會更失望更灰心。嚴先生說兩星期內會安排簽約事宜。Melody決定暪著Sonic,直至真正要簽約,才打算如何告訴Sonic。

兩天後,狐狸的尾巴終於露出來:嚴先生向Melody暗示要跟他上床,長期被包,公司才會替她準備唱片合約。雖則Melody知道娛樂圈是大染缸,但嚴先生是一個50歲已婚地中海大肚腩煙屎牙的猥瑣佬,Melody過不了這關口,寧願唔出唱片,繼續同Sonic在酒廊掙扎下去。「有麝自然香」,說不定明天會有另一個正人君子的星探來發掘自己呢!

嚴先生被Melody拒絕後,心有不甘。死心不息。兩天後他再到酒廊找Melody,希望她回心轉意。當嚴先生來到酒廊休息室門前,房內傳來激烈的爭吵聲!原來是Melody指著Sonic嚟勁鬧!

事源Sonic知道Melody神女有心,Sonic約Melody出街但自己臨時詐病唔出現,找來另一名「直男」代為赴約,Sonic做個雞仔媒人玩撮合。Melody睇穿Sonic心意,十分憤怒!自己不是貨物,不滿被人拋來拋去。她今晚返酒廊,入到休息室,一見到Sonic就狂鬧。幸而Sonic剛巧要出場,Sonic趁機竄走。

Melody見到門外的嚴先生,呢個出氣袋嚟得及時,立即鬧佢變態淫蟲。路經的Staffs都為之側目。

嚴先生被鬧走後,氣憤地跳上私家車駛離酒廊。途中嚴先生想出一個復仇計畫:替Melody的死敵出唱片,要讓Melody妒忌眼紅和後悔。嚴先生目睹剛才一幕,誤以為Sonic是Melody的死對頭,酒廊中歌手們之間的勾心鬥角情形十分普遍。嚴先生利用公司資金去報私仇,如果Sonic的唱片唔賣得咪跟他解約囉,No big deal。

第二天,嚴先生找Sonic傾出唱片一事。Sonic十分高興!一拍即合。Sonic向嚴先生提出唱片內要有合唱歌,由Melody跟他合唱。嚴先生點會同意吖!斷然拒絕。Sonic唯有讓步啦。

跟嚴先生會面後,Sonic第一時間通知Melody這個天大好消息。Melody聽罷當然知道嚴先生什麼葫蘆賣什麼藥,只好扮作什麼都不知,哀心祝賀Sonic。Sonic辭退酒廊工作後,剩下Melody孤軍作戰,十分失落。

無心插柳柳成蔭,嚴先生是是但但替Sonic製作首隻大碟。但幸運之神終於輪到眷顧Sonic了,竟然俾Sonic跑出,仲有份被提名當年音樂頒獎禮的最隹新人獎。Sonic邀請Melody出席頒獎典禮。

大會嘉賓宣佈結果:「最隹男新人獎」由Sonic奪得。Sonic走上台,接過獎座後,讀出他的多謝名單,最後他要特別多謝:「Melody,佢喺我最絕望嘅時候鼓勵我,無咗佢,我根本唔可以企喺呢度…」

Sonic遙望向觀眾席的Melody,她跟Sonic輕輕揮手。兩人以前在休息室幻想過的情景,終於發生在面前。但Sonic不知道今天發生的一切,是由Melody一手成全他的。水滴掉落Melody的膝蓋上。




後記:Sonic忠於自己,沒有變直,仍然是同性戀者。

故事靈感來自劉浩龍的《戰友》



戰友 - 劉浩龍
作曲/填詞:藍奕邦

明明約定了 但變了遲四年
還未問你 這些年來 你的率性可會改變
而你與我 也各自忙著 不再像那時
拿著木結他一起奮鬥的年代
坐冷板等新發展

明明決定了 別再緬懷往年
為何尚要 記得從前 躺於沙發的半支煙
如今終於 叫往日承諾 通通切實兌現
錯過了 趕上了 請不要介意
凝望你會心微笑 偏感覺諷刺

是你這個戰友
捱到盡頭 闖過了關口
於觀眾席裡揮揮你手
都總算沒有叫眼淚白流
可笑是我這個戰友
贏得掌聲 人仍然內疚 儘管不可挽手
輕輕握一個手 都懇請你接受
雖不相愛 對你有交代 就已足夠

明明最合襯 沒法變成愛人
仍能共你 稱兄道弟 也許總算一個福蔭
能一起掙扎也是緣份 都算值得等
到最尾 偏錯過 想得的身份
難道友好的默契 比戀愛吸引

是你這個戰友
捱到盡頭 闖過了關口
於觀眾席裡揮揮你手
都總算沒有叫眼淚白流
可笑是我這個戰友
贏得掌聲 人仍然內疚 儘管不可挽手
輕輕握一個手 都懇請你接受
雖不相愛 對你有交代 就已足夠
簡單一句 戰友保重 就已足夠

31 則留言:

  1. 呢排一隻歌一個故仔喎,可唔可以點歌架?

    回覆刪除
  2. 卡臣:

    Sonic可以為Melody破格,以孿子之身,償女子之恩,更加偉大呀!

    Sonic一生,有無數男生,但教他最為感動和難忘的,卻是一名他沒有愛慾的女生。

    在得獎那夜,他佯裝興奮,在她身上,勇猛纏綿,於她體內,留下寶貴的愛液。

    他,沒有愛意,只為感恩,卻把自己的矜持身體,毫無保留地,奉獻了給一名,於他絕望失落時,給他希望曙光的女子。

    他,從沒有跟他的男伴提過,為了報恩,他曾經對他不忠。

    回覆刪除
  3. naruto

    歡迎呀
    隨便點唱呀
    等係呀

    +++

    佛爺

    如果有個男人對你好好
    你欠了他太多
    你可否跟他睡去報恩呀?

    回覆刪除
  4. 卡臣:

    咁當然唔得喇!因為我係直佬。

    但現實世界,有好多孿人,為了祖宗神主牌,社會的眼光,他/她是有「直伴」的。

    回覆刪除
  5. 卡臣:

    我主觀上覺得,孿偷食,做一晚直人,唔難,因這社會接受直人。

    世上有「恐孿症」,沒有「恐直症」,只有「恐閹症」。

    回覆刪除
  6. 佛爺

    令我想起電影:春光乍洩

    梁朝偉(直佬扮基)<--被讚有演技/肯犧牲
    張國榮在其他電影扮直佬<--忽略了他的演技

    點解直扮基叫為藝術犧牲
    基扮直就無人提呢

    社會唔公平之一

    回覆刪除
  7. 佛爺:

    『孿偷食,做一晚直人,唔難,因這社會接受直人。』如果攣人勉強自己扮一晚直,唔應該算偷食,偷食係要以樂趣為先。

    另外,社會接受直人,唔會令攣人易啲扮直人,而係為咗想被社會接受先至要扮直人,所以你話『有好多孿人,為了祖宗神主牌,社會的眼光,他/她是有「直伴」的。』係有存在,但係隨著社會嘅進步,大眾都變得更加開明,呢啲情況肯定比以前少。

    卡臣,你都曾經為藝術而犧牲過啦!

    回覆刪除
  8. 歪歪

    時代倒返轉
    我聽聞有些「直的fashion designer」扮孿
    才可以更埋堆上位

    聽聞啫
    唔好問邊一個

    另‧我為藝術而犧牲...只是瞓少啲/犧牲私人時間去排練啫,絕無乜嘢架!
    (乜嘢包哂所有嘢)

    回覆刪除
  9. 阿卡臣,你系咪讲紧阿边个边个同埋边个啊?

    回覆刪除
  10. 我以前有同事,因為想埋堆,真係扮孿,結果最後俾人發現了...

    又有另一舊同事,因為要上位,放棄了個屁股/眼,結果成功了...但佢自己”私人”時間就不斷吃女...

    回覆刪除
  11. helloninie

    無錯!
    我就係指啊邊個同啊邊個囉
    妳真叻

    +++

    I.minor

    聽聞咋:
    聽聞很多泰國鴨
    因為窮要做鴨
    接男客
    才賺錢回家鄉

    回覆刪除
  12. 嘩!minor講果啲見聞,比卡臣嘅故事有過之而無不及!

    回覆刪除
  13. 追夢者

    得一戰友
    終生無憾

    +++

    coffee

    請i.minor講多啲先得

    回覆刪除
  14. 卡臣,原來寫攣 vs 直多好多題材!

    minor,你都可以開個 blog 寫吓故仔喎!

    回覆刪除
  15. 單無雙

    下周一那篇
    應該都係孿直故事

    I.minor, 大家都期待

    +++

    大文sir

    成個blog的網友
    已經係「卡臣奇遇記」

    回覆刪除
  16. 能夠在床上一起札醒更是緣份!

    回覆刪除
  17. Melody 好可憐,愛上一個永遠都唔可能愛返佢轉頭嘅人。唉~

    回覆刪除
  18. 卡臣,你都曾經為藝術而犧牲過啦!

    哈哈!卡臣為藝術,棄「直」揚「孿」!

    回覆刪除
  19. 歪歪:

    社會的觀念不容易轉變的,加上一些宗教教義,孿人仍然需要一段時間,才會被廣泛接受。

    回覆刪除
  20. 校長

    哈哈
    你鬼馬呀

    「能一起起身也是福份」
    呢個名正呀
    諗諗佢先

    +++

    melody

    苦戀注定難
    我卻這樣貪

    +++

    佛爺

    我為藝術,舞旗海
    揮舞「彩虹旗」

    回覆刪除
  21. 唔好啦~我都係聽返來,而且寫故仔我唔識呀~

    回覆刪除
  22. I.minor

    我最初都唔識
    寫寫吓就識架啦

    回覆刪除
  23. 『社會的觀念不容易轉變的,加上一些宗教教義,孿人仍然需要一段時間,才會被廣泛接受。』

    所以要大家一齊幫手,宣揚攣直共融!卡臣,請高舉「彩虹旗」!

    回覆刪除
  24. 多謝支持,能舉得起也是成就!

    回覆刪除
  25. Largehead 覺得 Melody慘,我反而覺得Melody好幸福,男、女、攣、直,做不成情侶,但有個關心自己嘅朋友,分分鐘 Last for a life time 嘅機會多過情侶。

    回覆刪除
  26. Tee

    沒有一世的情侶
    卻有一世之朋友

    回覆刪除

LinkWithin

Blog Widget by LinkWithin