~~~~~~~~~~~~~~~~







2011年4月19日 星期二

始終會消失去–下集


始終會消失去 -下集

 
2011年2月18日 天陰

 
嘩!使唔使凍成咁先?!「拉尼娜」現象呀?氣溫反常,應該就快世界末日啦。咁都好,我爭嗰啲卡數唔使還啦!唉~邊個發明返工架?勁唔想起身囉。8點鐘啫,瞓多陣先。

點解地鐵啲人可以咁醜樣?個個都瞓未醒咁嘅死樣。所以地鐵要派免費報紙囉,等啲人睇報紙就唔使望人嘛。出閘後,梗有個阿婆企喺度收報紙去賣,真折墮!妳後生嗰陣唔儲定啲錢,老咗仲要拋頭露面捱世界,唉~獻世咩。哼!份報紙我睇完唔愛都唔會俾妳,吹呀?

買早餐嗰陣,賣嘢嗰個阿嬸好似發緊夢,戇居居咁款。睇死佢一定係炒濃股票定嘞。返到公司樓下,哎呀,見到公司條大陸妹同事,我立即耷低頭,望報紙扮睇佢唔到。條女好似…姓余,打扮勁「娘」,免得過 我都唔想同佢打招呼。

弊!條女行埋嚟say hi,是但啦,敷衍吓佢。條女話:「巧撚啊!」挑!啲廣東話講極都講唔正,係「好 - 冷 - 啊 -」。同佢做同事,真係俾佢映衰埋我添呀。

返到公司,諗著一路睇動新聞一路食早餐。屌!點解我order蛋冶,個阿嬸俾份牛冶我呀?!睇相佬叫我戒食牛,食牛行衰運呀!乜咁大整蠱呀!

我將件牛冶遞比Eddie食,Eddie話飽唔食。佢叫我不如將件三文冶比條大陸妹食。又係嘅,條大陸妹可能住喺偏遠山區,擔水都要行三粒鐘嗰隻囉。哈,比件三文冶佢食,當積吓陰德,上天保佑我賭錢要贏呀。

中午,同事吹雞去飲茶,頂!糧尾窮過鬼,有鬼錢咩!今日是但求其食碗雲吞麵算啦。我一入舖頭,嘩!幾邪呀!條大陸妹竟然坐咗喺入面,佢昅到我添呀。全舖得返一個位,就係佢側邊個位,我而家閃人好小家啫,唉~ 唯有頂硬上坐落去啦。佢問我點解唔去飲茶?屌!妳想我點答妳呀?唔通答:「我全副身家剩番60蚊,食得飯嚟就搭唔到車呀!」我咪側側膊唔答佢囉。

下晝開會,好悶囉!都唔知老細講緊乜,又唔俾人開會玩iPhone。我周圍昅,唔覺意望到條大陸妹,哈哈!有條菜攝咗喺佢條牙隙度,好核突呀。PK!佢突然望過嚟,我立即望第二度先,繼續扮思考、扮專心開會。

7點幾,大部分同事走咗。聽日先出糧,今晚無局,不如上吓網,Hea到8點鐘先走,返到屋企啱啱好開飯。既然聽日出糧,聽晚一於去砵蘭街「出出火」。上網入man169.com揀吓囡囡先。嘩!件件都咁索,睇到我對眼噴火咁滯!快啲出糧呀唔該!

咦,我眼尾昅到條大陸妹放工囉喎,好行夾唔送。佢好似想走埋嚟喎!等我運用念力先,心裡面唸:「走開、走開、走開…」。哈哈!佢就係調頭走喎!原來念力真係work果喎!等我又唸:「中六合彩、中六合彩、中六合彩…」

8點鐘啦,上網都上到眼勊。頂!經理call我,唔係呀化!臨走先叫我做嘢?你好做唔做,做隻欄路狗?原來經理吩咐我,叫我send條SMS俾大陸妹余小姐,叫佢聽日一返到大陸廠就send幾個samples落香港。哦!簡單任務啫,嚇得我吖!

我用英文send SMS,打了頭幾個英文字,突然鼻哥痕,打了個大乞嚏!呀!手指撳錯掣,send埋出街添!

我睇返「寄伴備份」,仆街啦!我原本想打「Miss Yu」,點知我個腦諗住聽晚去旺角happy,竟然串錯英文字,打咗「Miss You」,仲send埋出街。俾大陸妹誤會我,我就真係唔使做人嘞!快快趣補send返條正確嘅SMS俾大陸妹先。希望佢咪搞錯啦!比同事知道,笑足我一世,永不翻身架。

五分鐘後,我電話響起,咦?無「來電號碼顯示」喎!十成係推銷貸款寬頻嘅cold call電話啦!我梗係唔會聽,由佢飛去mail box算罷啦。

…咦!對方有留言喎,聽吓邊範先?….嘩!條留言無人講嘢嘅?剩係得把女聲喺度嘆氣!之後一粒聲無出就收線。咁快又盂蘭節呀?咪嚇Q我呀!唉!等聽日出糧,快啲買啲嘢燒吓先。

落到公司樓下,屌!架小巴啱啱上夠客開走!送車尾,真係行衰運。



改編自小克漫畫《科學寓言之高科技誤會》



幻影 - 譚詠麟
作曲:林敏怡
填詞:林敏驄

怎去開始解釋這段情
寫一首關於你的詩
胡言亂語心思交瘁 仍未帶出合意字

假若可接觸鏡中影像
也許一切可以留得住
紫色的小盒子裡 盡藏著許多未了事
燦爛的晶瑩 代表絲絲愛意
暗裡隨著閃閃光輝 映照得奪目耀眼

幻像似的愛情 始終會消失去
那幻影卻一一再現 我心底

怎去開始接觸這段情
彷彿知道不會容易
睡夢裡 追憶裡 在尋覓你的影子
你在我的心靈 泛起絲絲愛意
你卻無法停留讓我 捉摸 留住你

幻像似的愛情 始終會消失去
那幻影卻一一再現 我心底

幻像似的愛情 埋藏我心深處
每個冷冰的晚上 那溫暖都在我心

幻像似的愛情 始終會消失去
那幻影卻一一再現我心底
幻像似的愛情 埋藏我心深處
叫我每一個晚上 也可抱擁著你

70 則留言:

  1. 卡臣:

    我無諗過下集係咁既,最初以為睇錯另一個故事,再翻睇標題。

    不過這位仁兄好典型,可以說係一D港男既佼佼者!

    回覆刪除
  2. 佛爺

    如果上集是我用女性出發
    那麼下集是我用返自己身份
    對比大才有戲劇性

    回覆刪除
  3. 第一次留言, 會唔會再有2星期後的後續呢? 好好睇~

    回覆刪除
  4. 卡臣,寫得好!夠細膩,比漫畫精彩好多好多。

    回覆刪除
  5. Miss無糖

    多謝留言先

    恐怕再無下集,原因是:
    1)它的形式是:同一件事,男女各一方的想法
    2)女是浪漫,男是鄙俗
    3)幻象似的愛情,始終會消失去,這兩句講哂成個故事,一些幻象,無嘢再發生,所以無戲再續.

    +++

    樂樂

    多謝先
    小克漫畫得兩版紙,篇幅所限
    我就字數不拘
    所以多啲口水囉

    回覆刪除
  6. alamak!卡臣!害我还蛮期待大陆妹VS香港仔的hot hot恋情呢!

    真的有够冷的!!!

    ps
    12元一碗云吞面?好贵!面而已呀!那么一餐饭最少多少钱?

    我的乡下一碗面不超过3元。

    回覆刪除
  7. cindy

    「幻象似的愛情,始終會消失去」就是全故事的靈魂(它是一句廣東歌歌詞)
    所以無嘢發生

    我不知道香港港幣和馬來西亞錢的匯率
    不過12元已經很平宜
    如果去快餐店
    要30-40元一餐

    回覆刪除
  8. 做返自己更出色,男人心裡寫實絕了!

    回覆刪除
  9. coffee

    妳是否意味著故事中的gary是本人的心聲?
    如果係的話....我唯有認囉
    只有這樣的人才寫出這樣的內心對話

    回覆刪除
  10. 卡臣,我曾經瀏覽過你嘅微博,點解你唔寫多D野呀?半年來,只有卅多條微博,平均一個星期,都係得一條到咋。你寫得咁好,快D寫多D野啦!

    回覆刪除
  11. 樂樂

    我的微博癮大不,因為
    1)限了140字,不能暢所欲言
    2)我又唔想寫今日食乜去邊搞緊乜?無人有興趣知
    3)我無興趣去了解明星藝人講乜
    4)所以我間中開一開,唔常到
    5)見到一些大陸粉絲,他們根本不認識我╴關注嚟把鬼咩!唔知點運作?
    屆屈人關注我?我唔需要
    6)成個微博都好怪(對我來說啫)

    回覆刪除
  12. 好野好野,玩到咁盡,好反高潮呀,我like~

    回覆刪除
  13. naruto

    你一早都估到miss you = miss yu
    你都知道是搞錯,不是正路愛情故事
    anyway, 多謝like

    回覆刪除
  14. 卡臣,係!我同意你講話每條微博,只可最多寫140字。對你嚟講,真係唔夠位寫。但係,你可以發多幾條就OK囉。好似你今日嘅故事,大約有1,573字,發12條微博就可以載哂喇。只係Cut&Paste同 Click! Click! Click! 就OK喇! 佢又可以夾啲影片同埋啲歌落去。幾過癮架,諗諗佢吖。如果你嘅微博發故事,我一定嚟做你粉絲!This is a PROMISE!

    回覆刪除
  15. 真係服0左你!
    過癮!
    好多時我都係咁pk~kakakaka

    回覆刪除
  16. 反高潮,真是一絕!但寫港男心態真係好到肉!哈哈!

    回覆刪除
  17. 樂樂

    睇嚟你是微博的用家
    我將故事切件上
    不如你過來這裡看吧啦
    微博適合:心情分享/食乜買乜/資訊情報
    唔啱故事, 所以我仍堅守這裡

    多謝你承諾做我粉絲
    仲要用英文大草PROMISE
    不過我仍未對微博產生感情
    勉強不了,如愛情

    回覆刪除
  18. 韋嚇凸

    你都咁PK?
    咁就啱Channel啦

    ++

    Mac

    港男心聲...
    抄自該漫畫

    回覆刪除
  19. 好睇!~~~ 好過癮呀~
    呢種寫作手法, 我好鍾意, 用黎表達陰錯陽差最岩 ^^

    回覆刪除
  20. 卡臣,嚟"呢度"同去"嗰度",對我嚟講,只係一click之隔,差別不大。

    但係,微博覆蓋之廣,是難以估計。

    勉強無幸福,你喜歡怎樣使用你的微博,便由你決定吧。

    如愛情... 依家點止愛情唔可以勉強吖,連叫自己個衰仔食飯,佢係都唔肯食,你都無佢乎架喇,哈哈!

    回覆刪除
  21. 好好睇,可以寫成電影劇本都仲得!

    回覆刪除
  22. kateyip

    其實都是幻象
    浪漫的幻象被殘酷的現實所踩碎

    ++

    樂樂

    微博好廣...13億人口之大
    但我啲又不是什麼巨著
    小家格局啱啦

    乜你有個仔添啦?
    而家小朋友難教
    你唯有耐心啲

    +++

    30 somrhting

    嘩!
    俾一個電影達人讚好
    很開心呀!

    你都好博學喎
    你看的電影好偏峰

    回覆刪除
  23. 「幻象似的愛情,始終會消失去」

    對於自作多情/諗多咗嘅余小姐就係「現實實在是幻像 你要看始終看不清」。

    Gary=卡臣?我就唔係幾信,不過我嘅直覺會唔會都只係幻象呢?

    小克原著好,你嘅故事更好,我覺得你以第一身寫嘅文(實在太少),比較其他更出色。

    另外,梁栢堅同小克為張繼聰作詞嘅新歌2013,先問後答好有趣。

    回覆刪除
  24. 卡臣,我未婚,亦無仔女。只係睇到我朋友,同自己啲仔女溝通嘅時間候,我心都酸哂。我終於明白,點解佢哋時時話寧願生o舊叉燒好過生佢哋喇,哈哈。我無耐性架,生仔女唔好預我囉,橫掂睇依家啲人,結婚同拍拖,都係三年貨仔,仲邊有人對愛情有信心吖。

    回覆刪除
  25. 歪歪

    「現實實在是幻像 你要看始終看不清」。
    ==霧之戀都俾你諗到,好嘢


    Gary係咪等於卡臣?
    哈哈
    一時時啦

    等我試多啲第一身寫作
    咦?
    記起你是用第一身寫作較多喎
    所以好睇

    梁栢堅乃末世填詞人,填外星人世界末日等題材,可以聽聽周國賢的《登陸日》
    講外星人登陸地球

    +++

    樂樂

    對愛情無信心,都啱既
    別離沒有對錯,要走也解釋不多,現代說永遠已經很傻
    無耐性?我又唔信
    因為睇blog以多圖少字為受歡迎
    你肯睇本blog, 證明耐性仲有

    回覆刪除
  26. 嘿嘿

    「蝴蝶篇」好美的名稱
    我們叫「一雞兩味」

    回覆刪除
  27. 卡臣,"別離沒有對錯,要走也解釋不多,現代說永遠已經很傻" Out喇!Out喇!

    應該聽呢首->"無聊像我,每夜在那光纖中穿梭,說別離沒有對錯,走也解釋不多,自覺很摩登,那是我"

    你的blog,唔多字吖,又好香港。我年紀唔細架喇,係啲靚仔先至鍾意'多圖少字,多鹽少飯'嘅啫!

    回覆刪除
  28. 啋!被阿卡臣呃到左添,重以为系乜野文艺爱情剧喔!哈--哈---哈---哈----
    不过甘样的下集真系好好笑,好鬼马,赞啊!

    回覆刪除
  29. 卡臣,我邊係電影達人,只係興趣而已。睇咗你都係兩個星期,但篇篇都好有創意。我諗你係用腦搵食會發達那類人。哈哈!

    回覆刪除
  30. 樂樂

    你果首是: 張智霖/Hotcha - 情愛現代事故
    果然與時並進!

    你唁怕字咪好囉
    有啲人見字即逃
    話怕悶喎

    +++

    helloninie

    我星期日作了一個預告(文藝愛情故事)
    咁粗俗下集的反差就大
    係咪呢?

    +++

    30 something

    你觀察事物十分仔細
    你對電影那份熱誠
    好澎湃呀

    我唔係靠腦搵食
    又唔係靠樣搵食
    我靠運搵食
    ...所以日日等運到

    回覆刪除
  31. 卡臣,唔係"與時並進",只係唔想"hurt得咁重"啫。做人要好似一部smartphone咁,內置相機,有得拍(拖)就拍囉,無有得拍,做人一樣有用。唔通要我為愛情,一日死五次咩,哈哈!

    回覆刪除
  32. 好同意佛爺所講,我諗香港真係有好多呢類男子。
    余小姐呀,你痴心錯付呀~

    回覆刪除
  33. 追夢者

    唔使多謝

    +++

    樂樂

    「內置相機,有得拍(拖)就拍囉」
    <---呢個例子絕喎
    我想問有無「連環快拍」的功能
    仲要delete得快
    哈哈

    +++

    largeheadboy

    余小姐...兩星期後回港
    嗚..嗚...
    典解他這樣待我呀??

    回覆刪除
  34. 卡臣,你又要連環快拍,又要delete得快,你都花心啫。Smartphone有個叫"免提"裝置,叫你用完就唔好提喇,啱晤啱洗吖。

    我想問吓你,你以往演出左咁多個performances,有邊個你最like。又有邊個你最dislike架?講嚟聽吓吖。

    0拿!不如比我講先。話說我N年前,睇過一個疑似(只係疑似)係你嘅演出,嗰個人,無啦啦,剝左件衫,喺個地下道,碌來碌去,又武旗。老實講,我唔明想表達啲乜東東,我唔係太懂得去欣賞。

    Thank you!

    回覆刪除
  35. 樂樂

    「免提」裝置咁好?
    我想要「自動重勃」咋

    like 的演出:張愛玲請留言 / 雲與兄弟情 /唱K回憶錄 / (暫時數到咁多)
    dislike 的演出:唔好講啦,驚導演嬲嘛

    你講嗰個描述
    十成唔係我,
    藝術性咁高
    不予置評

    回覆刪除
  36. 卡臣,你太young喇!有好多好野,你可能miss左。好!你咁鍾意重勃,等我介紹首90s廣東歌你聽,叫"莫失莫忘我"。好多朝氣"勃勃"嘅廿幾歲後生仔唱架。見你時時搵咁多英文歌嚟播,包你未聽過。我好like呢首歌,好多回憶!係咁先!

    回覆刪除
  37. 大頭仔:

    你去中環D商業大廈,見到全班西裝男人入電梯,你就跟埋入去。電梯一關門,你就自動學哂三十六個字的粗口,唔洗半分鐘,你就覺得,原來卡臣筆下的Gary,是好文雅和斯文的啊!嘻嘻!

    回覆刪除
  38. 卡臣:

    你有無做過話劇版的4D肉蒲團呀?嘻嘻!

    回覆刪除
  39. 樂樂

    見你咁好介紹
    一於搵「莫失莫忘我」嚟聽聽先
    一齊朝氣勃勃

    仲有,你見我揀啲英文陳年舊歌
    就知道我一啲都唔young啦
    直情係中坑添呀

    +++

    佛爺

    西裝sales佬同咕喱啲三字經有得fight
    (恕我偏見)

    我邊有資格拍4D肉蒲團呀?
    獻醜又獻世咩?!

    回覆刪除
  40. 樂樂提起,我都即刻揾返「莫失莫忘我」嚟聽,都真係好多年囉!

    『余小姐...兩星期後回港』
    我又係咁諗,Gary知道余小姐對佢有呢個誤會,肯定鬧爆佢。唉,余小姐始終要面對醜惡嘅現實。

    其實我覺得有人鍾意自己,無論對方靚定醜,都應該大方多謝,至少都講句“I am flattered.“

    回覆刪除
  41. 歪歪

    我網上找不到「莫失莫忘我」呢首歌
    邊個唱?

    余小姐...經一事長一智
    唔再咁容易幻想了
    現實就是這樣

    同意你的說法
    如果唔合眼緣
    咪禮貌地拒絕他人囉

    回覆刪除
  42. 你老人家扮失憶呀?定抑或你想我公開俾大家一齊分享呀?

    回覆刪除
  43. 莫失莫忘我
    曲//編:于逸堯
    詞:林奕華
    唱:盧志新 黃大徽 郭家賜 郭志權 于逸堯 鍾家誠沈嘉豪

    遲來了,似天氣惱人,你轉身沒原因,
    余我一個,昔稼於早上,常生、常青、常親。
    浮華了,眾沾染塵俗,你始終自由身,
    時節霜鬢,面容偏偏更近,如今、如新、如真。

    回覆刪除
  44. 卡臣
    你啲英文歌係就係80s啲,不過你啲廣東歌,就非常update。我估80年代,劉浩龍同何韻詩都未出道啦,你睇吓吖,你播幾多佢哋嘅歌。我估就嚟謝霆鋒嘅歌你都會播架喇!如果你話你係中坑,我都可以算係老坑啦!

    歪歪
    你好!你真係個知音人,連 "莫失莫忘我" 都聽過。卡臣都話要搵嚟聽聽先,我估佢都未聽過架喇。見你咁識聽歌,介紹多首歌你聽,叫"向悲慘世界乞錢",好有"往事只能回味"feel架!

    回覆刪除
  45. 歪歪 & 樂樂 (都係疊字)

    嘩!嘩!嘩!
    原來係呢首歌
    我當然識啦
    不過唔記得佢叫:「莫失莫忘我」啫
    你兩位都好有記性喎
    令我懷疑你們是同一人喎?!

    向悲慘世界乞錢<--1995年12月
    光陰似箭

    回覆刪除
  46. 樂樂,我當年買咗隻碟,無非係捧卡臣場。于逸堯當年已經好出色。

    卡臣,你咪以為疊字就係同一人先得㗎,熊貓夠係用疊字做名啦!

    回覆刪除
  47. 卡臣,你想得太多喇。我本來叫莫樂,不過近呢幾日喺報紙,見到個"莫"字時時出現,所以我叫樂樂好D啦!

    我想補充吓,盧志新嘅"若即若離歌"都唱得好好。LIKE!

    回覆刪除
  48. 卡臣,
    你越搞越乱啦!几乎是乱伦,歪歪就是乐乐,你就是歪歪,卡臣就是乐乐啰?怎一个乱字了得!唉~

    大哥,还好你不是福建人,你知道“卡臣”闽南话是什么意思吗?哈哈哈~ 我也学你,卖个关子,不告诉你先,除非,你坦白。坦白从宽,抗拒从严!哼!你到底是何方神圣?

    哈哈哈哈哈~~~ 那佛爷呢?又是谁???


    回覆刪除
  49. 歪歪
    我都有買隻碟,但唔見左。我都覺得于逸堯好出色,我見過佢喺台上識玩好多樂器,利害!不過,我唔明點解,佢喺CD內/外頁幅相,笑都唔笑吓,好cool!依家就好好多,多左好多笑容。可能佢嗰時無依家咁多好野食,哈哈。

    回覆刪除
  50. 樂樂,歪歪,嘿嘿

    呢度變疊字樂園
    不如我改名叫:卡卡

    于堯逸識玩很多樂器
    這唱片也是他監製的
    在「唐樓studio」錄製
    我歷歷在目

    于堯逸cool唔cool?
    睇吓佢見到邊個囉
    嘻嘻

    盧志新唱「若即若離歌」真係正
    可惜當時電台唔plug非主流歌
    (現在更加不會)

    嘿嘿

    我告訴你
    歪歪/樂樂/佛爺/卡臣
    都係四個男人
    就係咁簡單

    快告訴我卡臣福建話怎麼說?

    卡卡上
    (響應疊字)

    回覆刪除
  51. 卡臣,唔係下哇? 你又玩疊字。比人叫我哋做"卡樂歪"就唔好啦。影響哂我對我最愛嘅小食"卡樂B"嘅胃口。又唔通你要叫佛爺做"爺爺"咩?

    回覆刪除
  52. 樂樂

    你果然係食字高手!
    「卡樂B」都俾你度到
    我喜歡「珍珍」薯片多些
    呀!「珍珍」又是疊字

    我又唔會叫佛爺做爺爺
    叫大陸中央就得

    回覆刪除
  53. 嘿嘿,卡臣係有啲精神分裂,但係未至於悶到要扮我,佢扮卡達菲就維肖維妙。

    樂樂,于逸堯喺CD內/外頁幅相,笑都唔笑吓,好cool!卡臣好似講過話張相要响星期日一早去影,睇落其實個個都好係唔like咁。

    卡卡,呢度做咗熊貓樂園就真!

    回覆刪除
  54. 歪歪

    唱片封套拍攝於中環
    黎明5時集合於匯豐銀行地下先吹風
    美指係Tomas Chan
    karry kwok 操刀影相
    當時大家都未醒
    拍完大伙去吃早餐

    回覆刪除
  55. 卡臣,歪歪

    "珍珍" 我都鍾意,不過就鹹左D。

    對,CD 封面相,大約係喺太子大廈斜對面影嘅。

    "睇落其實個個都好係唔like咁"?? 唔係吖,記憶中,相中嘅陳輝雄笑得好燦爛吖。

    我始終覺得于逸堯唔like多啲喎,歪歪你睇多次CD內/外頁幅相啦,呢十幾年,于逸堯比我呢個印象最深刻。九十年代,少有。

    話時話,你哋係唔係懷疑緊我可能係于逸堯
    0黎呀? NO 喇,我老過佢好多,又無佢咁靚仔。

    講開 Karry Kwok,LIKE!我去過Fringe Club 睇過佢嘅影展架。我仲記得佢有次喺performance中,好似話熊貓鍾意食Congee(竹),好幽默!

    傾住咁多先!

    p.s. Once again, 我唔係于逸堯呀!

    回覆刪除
  56. 樂樂

    我又從來無聯想過你是于逸堯喎

    我和于逸堯在微博已互相關注
    加上他的說話方式不是這樣

    karry kwok真係好幽默
    仲係英式幽默
    可能他在英國生活過啦

    好,講住咁多

    回覆刪除
  57. 卡臣,提起于逸堯,我想講吓,于逸堯嗰本"文以載食"。我有買,LIKE!不過,我有意見。

    我想睇吓佢點整蠔油鮑片(P2.00),我想睇點整佢講嗰杯 Aztee Hot Chocolate Drink(P192.00)睇書唔夠真實。

    我人微言輕,當然唔可以請于逸堯show比我睇呢啲野點整啦。但係,其實依家Youtube咁普遍,佢不妨可以上Youtube,同大家分享吓。

    見亞強喜歡旅遊,相信佢都鍾意各國美食。如果你下次見到亞強,你不妨請佢,考慮吓去訪問于逸堯,大家分享吓食嘅心得,又請于逸堯分享吓啲蠔油鮑片同埋熱朱古力點整。放條片上Youtube,然後喺你呢個blog分享。

    諗諗佢吖!有得聽,有得睇,親切啲吖嘛。睇字好cold。

    我要"耳聞再食"呀!

    我只係喺呢度比意見,唔諗住去于逸堯嘅微博發表囉,我只係小市民咋。

    如果我嘅野唔啱聽,就forget it啦。

    我要去老細房照肺,係咁先!

    回覆刪除
  58. 卡臣,95年12月嘅情景你都仲咁記得,我仲想叫阿強去回憶吓𠻹!

    樂樂,我無懷疑你係于逸堯,只係懷疑你係于逸堯粉絲啫。

    回覆刪除
  59. 歪歪,我唔係于逸堯粉絲。我只係欣賞佢呢一D,做野踏實嘅後生仔啫。

    回覆刪除
  60. 樂樂

    阿強訪問于逸堯(YYY)?
    哈哈
    可惜阿強對食物無乜興趣
    牛嚼牡丹

    歪歪

    95年12月
    一晃眼又11年
    唔認老都唔得

    回覆刪除
  61. 睇完上集, 我估下集唔會正路發展, 但又冇諗過係咁, 我一邊睇一邊笑到格格聲...嘿嘿

    回覆刪除
  62. 唔好意思又慢幾拍先黎,我都知阿卡呢度好玩.·簡直笑到停唔到.·..故事同回應都好精采!

    回覆刪除
  63. 不過阿卡你個名唔適宜玩雙字,法國人聽到會笑!

    回覆刪除
  64. 巴黎

    「阿卡你個名唔適宜玩雙字,法國人聽到會笑!」<--呢個我get唔到喎

    卡卡在法文發音是鹹濕嘢?

    回覆刪除

LinkWithin

Blog Widget by LinkWithin