~~~~~~~~~~~~~~~~







2014年8月29日 星期五

生意難撈


生意難撈

(這篇是新寫的)

Karl是一名商業顧問(Business Consultant),專替中小型商業機構提供專業意見。Karl正趕去尖沙咀一間中式餐館,見他的client 郭先生。

郭老闆在2008年設立這間中式餐館,開業初時,曾經賺過錢。但隨著地舖租金不斷飊升,生意又下跌,郭先生響起「營利警告」,若果再不找專業人士拯救,恐怕一年內餐館便要倒閉。

Karl和郭老闆坐在餐館某卡位對談。郭老闆說開業早年,一晚可以「翻枱」兩至三次,即是每一張枱每晚可以做2-3輪客,現在一枱一晚只做一枱客人,人均消費又唔高,情況認真糟糕。已經辭退幾個樓面侍應,但仍入不支。

郭老闆帶Karl到餐館帳房,觀察可有什麼有用的資料。結果發現到一盒2008年餐館閉路電視錄音帶。Karl帶走一盒2008年和一盒2014年的CCTV錄音帶回公司研究,希望找出端倪。

    * * * *

兩天後,Karl再到餐館見郭老闆,根據錄音帶的觀察,報告調查結果。

原來2008年雖然已推出Smart phone,但普及程度不及今天般高。2008年的時候,所有食客一坐低,平均可以在8-10分鐘內看完餐牌並落單,8分鐘之內,侍應便可送上第一度菜給客人。1小時30分左右,客人便結帳離開,騰空餐枱給下一批客人,生意尚算不俗。

六年後,2014年了,食客進入餐館後被安排就座後,食客第一時間攞電話出嚟玩吓先,一玩就垂下頭不起,或者到facebook check in打卡,唔得閒睇menu。平均要在第20分鐘才可落單,6分鐘之內,侍應送上第一度菜到餐枱。顧客先用手機拍下食物照,拼吓圖,再放上社交網絡,碟菜凍哂都未起筷。

5分鐘後,第二度菜奉上,顧客拍完第二碟食物照後,又要睇吓第一張食物相有幾多人like咗,或者回答吓啲留言。如此類推….每度菜不斷重覆以上動作。

吃飯期間,大家玩電話多過食。2小時才吃完飯。之後輪到Selfie時間、互拍、或者叫侍應拍大合照。拍完又Upload上網、相放上網之後睇吓幾多likechat 吓,全間餐廳都好靜,係大家隻手指猛郁。玩了2小時30分左右,客人才肯結帳離開,已經過了晚市黃金時間。唔怪得一晚一張枱只能做一枱客人,Smart phone是謀殺生意的幫兇。

郭老闆聽後,大力拍了枱一下,點頭同意。

郭老闆立即提議︰不如安裝3G / 4G信號干擾器,讓顧客不能玩電話,專心食飯。希望盡快食完盡快走,唔好霸住張枱。

Karl輕輕搖頭回答︰「如果有間餐館上唔到網,三日之內就要倒閉。」

郭老闆又提議︰不如貼出notice︰「如果顧客唔玩電話,可獲九折優惠。」
Karl繼續搖頭回答︰「客人認為自己大把錢,唔會為咗貪你九折而唔上網,香港人一上唔到網,便會網癮發作,坐立不安。」

Karl此時拿出建議書,陳述計畫。郭老闆聽後,願意一試,希望挽救到垂死的生意。

    * * * *

一個星期後,餐館裝修後重新開張,變成「中式放題餐館」。每晚兩個時段︰6:309:00一場,9:0011:00一場。顧客每人付一個固定價錢便可任點中菜。結果人人坐低玩電話,郭老闆專登叫伙計慢啲起菜,顧客只顧玩電話又唔追餸;郭老闆便可以省回成本。郭老闆特登叫廚房煮餸份量少啲,對於顧客來說,食物是供拍照,食兩啖又玩電話,郭老闆又可以省回成本。總之夠鐘就催客人走,做第二場。

郭老闆更聽從Karl,安裝儀器提供免費Wifi信號,方便外地旅客用Wifi上網,旅客玩電話多過食嘢,省回不少食物。

一個月後,郭老闆send emailKarl的上司,讚揚Karl的專業,拯救了他的生意。



題外話︰我覺得現在搭地鐵,比以前需要更多時間。因為由我踏出月台到出閘的路程,乘客邊行邊玩電話,減慢速度,阻住後面的我。


二少爺說︰其實而家餐廳就算碟餸有小強都唔使驚,因為食客對眼都未離開過部手提電話。

10 則留言:

  1. 有時去快餐店等位,見啲食客已經食完,但係就望住個電話又霸住個位,都幾無奈。

    回覆刪除
    回覆
    1. 如果快餐店加訊號干擾器,咁就好囉,無人再霸位傾生意和自修

      刪除
  2. 卡臣:

    我都唔明點解啲人玩手機玩到咁迷,連喺理髮店洗緊頭都要玩,簡直癡乜線。

    回覆刪除
    回覆
    1. 以前情侶做完愛嘆事後煙
      現在做完立即check電話

      刪除
    2. **以前情侶做完愛嘆事後煙
      現在做完立即check電話**
      呢個回覆我笑左,,.

      刪除
  3. D人疴紧屎尿都玩手机,系入边鬼甘耐都唔出黎,出黎一只手仲揸住部机-------

    回覆刪除
  4. 而家d人冇咗電話一日,真係生不如死呀,當中包括咗我都係。 :)

    回覆刪除
    回覆
    1. 如果我無咗電話,無哂朋友的號碼,咁就大鑊

      刪除

LinkWithin

Blog Widget by LinkWithin