~~~~~~~~~~~~~~~~







2014年8月14日 星期四

《安樂戰場》- 詩白爾



多謝詩白爾,把他的最新作品《安樂戰場》選擇在這裡發表。
《安樂戰場》 詩白爾
Madson係上市公司主席兼CEO,三年前接手意外過身嘅爸爸遺下嘅電子工程集團。接手初期眼見集成電路嘅生意走下坡兼股價低迷,佢要諗計為公司回春。
為咗得到公司老臣子尊重,Madson秉承爸爸習慣,七點就返到公司。睇住公司秘書大嬸送黎季度報告,悶到抽筋Madson忍唔住開咗咗Hayoo新聞睇。

Madson望住頭條,「嘩」咗一聲!

「內蒙阿巴安樂招商引資失敗 頓變鬼城」

Madson睇埋內容,咩話?幾萬架名車每架十蚊?幾千間House幾百蚊先一棟?仲平過美國次按啲樓呀!不過鬼都唔多隻,啲樓平極都無用啦!

呢個時候,Madson 嘅死黨,蒙古農業主席個仔Anson打電話嚟。

「點呀,上市公司主席?好鬼忙呀?幾時得閒出嚟同我地打返場wargame呀?今個禮拜五錦田個場有好多靚模,打完正場仲可以打埋『下場』。預埋你呀!」

AnsonErrrrrrrrr,其實我嗰日要開個.....

「你講咩呀?你無嘢做?咁一定要嚟啦,係咁先,到時見,Bye!」

不知所措嘅Madson心諗除非放假離開香港,否則邊得閒打心愛嘅wargame,甚至直落同啲大波靚模打埋「友誼波」。

Wargame,鬼城,十蚊架名車,幾百蚊一棟豪宅。」唸唸有詞間Madson忽然醒神,心諗如果喺外地搞個wargame場,咁咪大條道理唔使坐係香港開會?如果有鬼城咁大個場打wargame仲正過玩GTA,只要引到客就可以租車俾人做代步工具,搞埋城市賽車場都得!
Madson即刻整咗份「阿巴安樂娛樂城」計劃書,經計算後投資金額原來要成億,由於自己唔夠錢搞又無人脈,於是就遊說Anson父子注資參與。

「黃Uncle,我今次唔係做敗家仔。我地合作買起個鬼城搞大佢,同啲旅行社合作專做包團生意,搞wargame賽車之餘,搞埋Spa按摩養生食療,再整多個牧場,成事之後再用鬼城個名做埋哈囉喂,男女老幼通殺!有我嘅橋,Uncle你嘅錢同關係,加埋最識玩嘅Anson俾意見,做大個勢唔難!呀,應該係想唔發都難呀!」

「世侄你又有啲計仔喎!睇在你老竇份上,就幫你一次!」

一年之後「阿巴安樂娛樂城」落城營運,由於車樓買返來的成本太低,初期只係得wargame場同賽車場做賣點嘅娛樂城,一年之內已經回本,仲成為內蒙嘅一級旅遊景點。MadsonAnson仲喺香港開記者會,介紹未來娛樂城發展大計,之後兩間公司股價暴升70%,成為股場新貴。

三日之前,MadsonAnson嚟到已經完成發展嘅娛樂城休息幾日,兼為娛樂城將來係各地嘅投資計劃度橋。經過幾年努力後,兩位年輕人終於可以攬住班靚模先大戰三百回合,然後再喺夜晚再同班大陸富二代係wargame場上進行淫賤決戰,爭奪最多場內內衣女郎身上嘅胸圍。

夜晚十一點,正當MadsonAnson喺槍林彈雨中搶到第一個胸圍,場內突然閃出一道強光,正當場內眾人以為係用激光效果增加氣氛之際,火舌同爆炸接踵而來,場內所有人無一生還。

原來十五分鐘前二十公里外嘅神秘軍事發射場,試射新型高爆多彈導彈。不幸導彈試射失敗,所有彈頭就跌晒落「阿巴安樂娛樂城」個wargame場。

今日變成廢墟嘅阿巴安樂,無車無樓滿目瘡痍,仲流傳日夜都有冤魂慘叫,結果又變返做鬼城。

《完》


二少爺說︰詩白爾的故事,道出富貴如浮雲、生死如夢,再一次多謝詩白爾。

15 則留言:

  1. 卡臣、詩白爾:

    這個故事的結局似笑話多啲.嘻嘻!

    回覆刪除
  2. 一世人其實食幾多著幾多真係好似整定咁,做人都係應該隨遇而安會開心啲 : - )

    回覆刪除

LinkWithin

Blog Widget by LinkWithin