~~~~~~~~~~~~~~~~







2009年2月1日 星期日

明月照Tango

Photo by Pengeinbush

明月照Tango

紫華從電話中,聽到歷楓那邊,突然傳來電話鈴聲「♫ It’s fun to stay at the Y.M.C.A. It’s fun to stay at the Y.M.C.A. ♫」紫華心知不妙。紫華問歷楓:「乜……Nelson都係度咩?」

*  * * * * * 

紫華兩年前轉投一份更具挑戰性的新工作,她成為業務經理後,工作繁忙;不分晝夜,超時工作,冷落了男朋友,結果導致分手。一年後,紫華的工作已經上了軌道;可以準時下班。向舊朋友打聽之下,前度男友將於年尾結婚,自己快將年屆三十,仍然是孤身隻影,心思思又想開始另一段新戀情。但身邊稍為似樣的拍拖對象,一個都無!

紫華本身喜歡藝術,是歌劇、書畫、戲曲和交響樂的捧場客,可惜去看表演都是隻影形單,因為在身邊找一個「品味同類」是十分困難。男士只愛看演唱會或官能刺激電影,令紫華有點氣餒。一次舊同事聚會,紫華好友Virginia說起她現學緊Tango,身體姿勢改善咗、人都精神咗,識跳Tango的女性,份外明媚迷人。仲識埋新男朋友添! Virginia著紫華一起去學,紫華聽到「男朋友」三個字,眼睛閃一閃,決定跟Virginia去跳探戈。

紫華和Virginia在灣仔一上樓舞室學Tango,最初紫華是那種腦袋跟手腳不協調的人,經常踩到舞伴的腳,十分難為情。後來努力學習對自己身體的覺察及控制後,跟得上拍子搖曳,漸漸愛上Tango。

紫華每次的舞伴都是隨機,視乎該堂有什麼男同學在場。有一個貌似「鄧兆尊」的男同學,他咁蹺又叫:「少尊」。少尊自第一日在Tango課中見到紫華,已經流哂口水。所以每次老師話:「OK!find your partner!」,少尊第一時間「攝」到紫華面前,可惜少尊未講「May I?」紫華已經扭歪面詐睇唔到,而每次咁啱一扭轉面,就見到一位高佻的男同學企正喺自己面前,好自然揾佢做避風塘。這名男子叫:「歷楓」,跳舞時身體接觸,感受到歷楓有粗壯的手臂和結實的胸瞠;是她夢寐以求的典範男友。紫華從歷楓的手和肩,偷偷借來愛情的感覺。

做了幾次partner後,他們相約下課後去附近的店子吃點東西。紫華用說話試探歷楓有沒有女友?歷楓用堅定語氣回答:「我沒有女朋友!」自這晚開始,歷楓便成為紫華堂上的固定partner。一周後,歷楓下課後約紫華吃宵夜,往餐廳途中,歷楓說會多一個朋友一起前來。紫華表面說唔介意,實則心裡緊張:難道歷楓帶新女友前來亮相?

在餐廳內,歷楓的朋友已經在卡位向他們招手。原來這位朋友是男士,紫華鬆一口氣。歷楓介紹:「呢位係Nelson,我哋識咗六年啦!」嘩!呢位Nelson好似香港名形象設計師Nel Nel咁,噴滿香水、豎起尾指、陰聲細氣說:「妳條裙好靚好襯妳!妳真係有眼光!」歷楓坐在Nelson身邊,講笑講到興高采烈之時,Nelson撒嬌拍打歷楓的手臂,看在紫華眼裡是一種同性曖昧。難道歷楓是同志?唔怪得他斬釘截鐵地說「他沒有女朋友!」

飲涷咖啡時,紫華差點把口中的咖啡噴出,因為她留意到歷楓和Nelson的左手尾指都戴著同款同式的白銀介指。「嘩!你叫埋Nelson出嚟向我暗示咩呀?!」紫華以為可以跟歷楓發展,怎料又食詐糊,頓時心灰意冷。話口未完,Nelson的手機響起:「♫ It’s fun to stay at the Y.M.C.A. It’s fun to stay at the Y.M.C.A. ♫」嘩!用Village People的Y.M.C.A.做電話鈴聲,你都數基到爆!

席間,Nelson的話題扯到今個星期五:是中國元宵佳節,又正值是50年來月球跟地球的距離最接近,這一夜,月亮份外大和明亮,當晚跟心愛的人一起賞月,真是浪漫到畢生難忘啊!這夜,歷楓先車紫華回家,最後送Nelson回家。

第二朝,歷楓打電話到紫華的辦公室,歷楓約她今個星期五晚,不如兩人跳舞堂之後一起去賞月?嘩!難得元宵佳節有人約喎!紫華毫不猶豫答應咗先。收線後,她坐在辦公椅上腦交戰:歷楓和Nelson是一對,他又約自己元宵佳節去賞月,唯一的可能性就是:「他是一名雙性戀者」。她問自己可否跟雙性戀者戀愛?如果可以,自己是正印?Nelson是二奶?還是自己是西宮?Nelson是東宮?終極問題:自己是否願意跟另一個男人分享同一個男人?

紫華自私地諗:50年一次的超大月滿元宵佳節,如果自己淪落到獨個兒在家中煲劇,會十分不甘心!暫時借啲愛情感覺都好,姑且借一晚都好吖!身邊一同事的電話鈴聲突然響起:「♫徘徊在似苦又甜之間,望不穿這暖昧的眼,愛或情借來填一晚 ♫」紫華自覺諷刺,不其然輕輕啍著這首歌。

到了星期五晚上,紫華在跳舞堂上見不到歷楓,吓?唔通是一個大整蠱?電話響起:是歷楓來電,他說:「公司有啲嘢忙緊,今晚上唔到跳舞堂喇!不過今晚落堂9:30樓下等!」少尊見歷楓缺課,立即走近紫華,最後紫華揀了另一男子也不給少尊一次機會。紫華今堂心不在焉,失手踩到partner的腳。終於等到9:30下課,她補妝後到樓下等歷楓駕車前來。

9:40仍未見歷楓的坐駕,紫華擔心是否有意外,撥電話給歷楓,歷楓接聽,說剛遇上少少塞車,很快便到。此時,紫華從電話中聽到歷楓那邊,突然傳來電話鈴聲「♫ It’s fun to stay at the Y.M.C.A. ♫」紫華聽到便心知不妙。紫華問歷楓:「乜……Nelson都係度咩?」歷楓答:「Nelson?唔係呀!我轉彎就到,見面先講!拜~」

紫華收線後,心裡意難平!歷楓這傢伙,竟然睜開眼睛講大話!她突然有轉身走人的衝動,紫華一轉身,竟然見到Nelson企咗喺自己後面!
紫華尷尬地:「Hi Nelson!乜咁啱呀?」
「啊!歷楓叫我今晚9:30嚟呢度等佢。」
紫華心想:「吓!三人同行?唉!我寧願走先!返屋企睇電視。」

歷楓的車咁啱駛至,Nelson走到司機位旁,歷楓把Nelson的手提電話物歸原主:「Nelson,唔好再將電話亂放喇!」Nelson接過電話say bye後,跟電燈柱後一名貌似肥媽Maria Cadero的肥胖男子會合,手牽手甜蜜地離開。

紫華坐進歷楓的車,由灣仔駛上山頂。一輪高清皎潔明月,掛在他倆頭頂上。在璀璨的維港夜景前,歷楓從頭講起:
今天黃昏,Nelson上歷楓公司,不慎把電話留下,歷楓約Nelson今晚9:30到跳舞學校樓下等,取回電話;
Nelson的Boyfriend就是那位「Maria Cadero男子」,今晚他們去歡渡元宵佳節;
歷楓是純正異性戀者,幾天前叫Nelson一起來宵夜,叫他率先看看紫華這位自己心儀的對像;
Nelson和歷楓是加拿大大學同房,那枚同款同式的白銀介指,只是University Graduation Ring。

紫華聽後微笑,在冷風中,不禁把身軀俟近向歷楓的胸懷。

* * * * * * 

有人說:在元宵佳節,一對戀人在一輪明月下情深擁吻,那份感覺細膩纏綿。你問我那份滋味如何?我唔識答!因為我未試過。不如你問吓紫華和歷楓啦,他們早已嚐過那份旖旎。

送給南蠻人

------------------------------------------------------

南蠻人回應:


卡卡,

謝謝你送給我的故事,這是我有生以來收過最好最美麗的禮物!我愛「生」它了!(新年流流唔可以提某些字眼)知我心者,你是數一數二了。

另有以下回應:

『不過,我都試過跟南蠻跳過慢四,唔信?可以問吓她!』對呢!卡卡有「粗壯的手臂和結實的胸瞠」。

『tango……啲女仔都好瘦,好sexy……女主角南蠻人也是! 』女主角是紫華不是南蠻人啦!不過如果我可以像紫華,今年元宵可緣跟我的歷楓一起過就好。不過都機會渺茫啦。元宵是什麼時候呢?

:元宵是中國情人節:正月十五

70 則留言:

  1. 報到!I'm No. 1!
    (有野想寫,不過霸咗No. 1先)

    回覆刪除
  2. 感情由誤解開始, 不過卻因為了解而更加情深!!

    回覆刪除
  3. 睇到一半時:
    下?唔係嘛?又食詐糊?

    睇完:
    哦~但係我如果係紫華就一早問歷楓,nelson 係唔係佢partner 囉…

    tango……d 女仔都好瘦,好sexy……
    唉........

    回覆刪除
  4. 我都以為食詐糊喎

    因為我成日覺得
    年過30單身而唔係基架正常男人
    巳經死鬼哂或結哂婚 -口-

    回覆刪除
  5. 南蠻

    希望妳鐘意這故事啦!

    咦!妳趕住去跳tango啦?

    +++++++

    肥貓

    感情難以預料啊!


    ++++++

    zoe

    >>tango……d 女仔都好瘦,好sexy……
    ==>女主角南蠻人也是!

    回覆刪除
  6. 3小耳回來的時間剛剛好

    岩岩點緊名^O^

    (我妒忌......哼)

    回覆刪除
  7. 係呀!zoe我地反夜校ge時間觀念係差D架啦!係呢卡sir吾知會否派利是呢?新年流流...

    回覆刪除
  8. NOST

    「♫ It’s fun to stay at the Y.M.C.A. It’s fun to stay at the Y.M.C.A. ♫」

    +++++

    匿名

    >>年過30單身而唔係基架正常男人
    巳經死鬼哂或結哂婚

    ==>都有好多年過30單身而唔係基架正常男人
    (不過醜/肥/電車)

    回覆刪除


  9. 利事e俾妳
    "
    "
    "
    收到未呀?

    唔使多謝!

    回覆刪除
  10. 夜校有利是收...正呀!
    初二有紅星maria 同nel nel客寸...故事甜蜜蜜呀,難得大都鐘意跳舞!天作之合.南小姐一定鐘意!

    回覆刪除
  11. zoe

    現兜兜?

    妳見到我咪俾囉~

    ++++



    nel nel...話妳鐘意
    我就開心啦..
    嘻~嘻~衰鬼~~

    回覆刪除
  12. >>粗壯的手臂和結實的胸瞠

    哩個係卡卡噃!

    話說回來,也順祝 Sava 情心有託!

    回覆刪除


  13. >>非誠勿擾,
    我也有睇!對白絕呀!

    ++++++

    校長

    >>哩個係卡卡噃!
    唔係呀
    我跳舞白痴嚟嘅!
    不過,我都試過跟南蠻跳過慢四
    唔信,可以問吓她!

    回覆刪除
  14. 5:29
    今次咁早
    原來要掉轉 - 925

    峰迴路轉
    跳舞催化了愛情
    明月下共渡元宵
    這浪漫片段
    卡卡沒理由未試過

    回覆刪除
  15. 巴黎

    新一年
    換新相啊
    靚呀!

    >>這浪漫片段
    卡卡沒理由未試過
    ==>我試過...小說世界入面囉!

    妳喺浪漫之都
    一定更浪漫都有試過!

    回覆刪除
  16. 卡卡交遊廣闊啊!
    馮小剛的手機是初次接觸,有點意外驚喜,這套也很有他的風格.
    其實藍宇很深印象,不過不是他作品。

    回覆刪除
  17. 強哥好four呀!man爆岩晒素顏要求。做gym的成果。

    回覆刪除
  18. Suggestion:

    不如將強哥同卡臣張相放上素顏嗰個人間滿希望度啦~! 

    呢排佢話缺呢種貨嘛!

    回覆刪除
  19. zoe--讚成!強哥同卡怪都係肌肉男又man爆好岩素顏個靚仔blog...強烈支持!

    回覆刪除


  20. 馮小剛的手機<--好看啊
    講手電在現代中國的奇歷

    馮小剛的劇本寫得好絕核
    每句都值得回味
    富幽默感

    做乜提起阿強嘅?

    回覆刪除
  21. 故事好正!

    其實跳舞男伴好多 jack so 的!!

    回覆刪除
  22. 吓?
    放相?
    我同阿強都驚俾人噓爆
    為咗市容著想
    唔為禍人間啦

    回覆刪除
  23. 強強第一次來3耳blog加油...看他的簡介原來係黃德斌呀!

    回覆刪除
  24. 點解咁無信心?你地得架!其實男人吾洗好靚仔最重要有觀眾緣,我吾係亂嗡24架!

    回覆刪除
  25. 不完美紳士

    正呢?!
    快學tango
    祝妳同班多美女

    回覆刪除


  26. 放相呢件事
    等我同阿強商量吓先!

    回覆刪除
  27. 就因為今晚我攬住劉小綽狂聽曖昧, 我決定噓你, 呵呵!

    回覆刪除
  28. ">>年過30單身而唔係基架正常男人
    巳經死鬼哂或結哂婚

    ==>都有好多年過30單身而唔係基架正常男人
    (不過醜/肥/電車)"


    頂!你哋咁講有無搞錯!!

    回覆刪除
  29. C+

    咁劉小綽有冇跟著哼曖昧?
    「天早灰藍,想告別,偏未掛」

    +++++

    eric

    正式更正:
    都有好多年過30單身而唔係基架正常男人
    (不過醜/肥/電車)
    除了靚仔博學Eric之外

    似阿強?
    因為nel nel之出場?

    回覆刪除
  30. >>> 年過30單身而唔係基架正常男人
    巳經死鬼哂或結哂婚.

    或者, 有一个或以上的女朋友.

    回覆刪除
  31. 瓶子


    少尊是安排的丑角

    >>年過30單身而唔係基架正常男人
    巳經死鬼哂,結哂婚,或者已有一个或以上的女朋友
    ==>或者就算有,又不幸不舉

    回覆刪除
  32. 卡臣:
    真係估唔到!以為紫華要單身過元宵

    回覆刪除
  33. 請問一聲,選擇「紫華」、「歷楓」呢兩個名有冇得別意思?

    『一對戀人在一輪明月下情深擁吻,那份感覺細膩纏綿。你問我那份滋味如何?我唔識答!因為我未試過。』

    你係咪羨慕緊Nel Nel 同「Maria Cadero男子」呀?

    回覆刪除
  34. 每次黎到……comment個list都長到呢……
    真係太厲害了﹗

    只係想給你一個遲來的「新年快樂」。
    哈哈,最後還是想四處閒逛,
    在大家的地方留點足印。

    回覆刪除
  35. 卡卡,

    謝謝你送給我的故事,這是我有生以來收過最好最美麗的禮物!我愛「生」它了!(新年流流唔可以提某些字眼)

    知我心者,你是數一數二了。

    另有以下回應:

    ‘不過,我都試過跟南蠻跳過慢四
    唔信,可以問吓她!‘
    對呢!卡卡有「粗壯的手臂和結實的胸瞠」。

    >>tango……d 女仔都好瘦,好sexy……
    ==>女主角南蠻人也是!
    女主角是紫華不是南蠻人啦!
    不過如果我可以像紫華,今年元宵可緣跟我的歷楓一起過就好。不過都機會渺茫啦。元宵是什麼時候呢?

    回覆刪除
  36. 小佚

    我送禮給人
    最好happy ending啦!
    人月兩團圓!

    ++++++

    歪歪

    由南蠻人選擇「紫華」、「歷楓」呢兩個名.
    因為它們都是植物:花和樹


    我係咪羨慕緊Nel Nel 同「Maria Cadero男子」
    我係羨慕緊你同佢咋!
    哈哈!!

    +++++

    小c

    >comment個list都長到呢……
    哦!大家賞面吹吓水囉!

    祝妳新一年
    工作順利
    心裡自由

    回覆刪除
  37. 南蠻:


    >>這是我有生以來收過最好最美麗的禮物!
    係咩?
    乜唔係果憧豪宅?遊艇?十卡火鑽咩?

    我跟妳跳舞...是2007年尾的舊事囉
    我學跳舞因做話劇所需
    最後學了都無在台上跳到

    >>不過都機會渺茫啦
    做乜咁灰?
    希望在人間
    愛情故事..都是突如其來
    妳條件咁好!

    我的送故事行動
    經已完滿結束
    20個故事
    20位blogger
    下年再嚟過
    (如果唔嫌棄)

    ++++++

    zoe

    多謝提供

    祝妳和男友在元宵佳節
    卡好月圓!

    回覆刪除
  38. 噓噓噓~

    我還是沒人問津的……
    唔好玩我啦‧_‧

    回覆刪除
  39. zoe

    >>無人問津?
    ==>嘩!咁多位男bloggers立即蠢蠢欲動
    zoe
    call我呀!
    call我啦!
    call我喇!

    zoe立即忙得不可開交

    回覆刪除
  40. 我都係覺得upload 卡臣同阿強張相去素顏度,會引起極大迴響…

    分分鐘俾星探發現然後搵你地去做豬肝補氣第二集--黃德斌的細佬。

    好掂啊~~~~~~

    喂,到時唔好唔見得你個天地D 會員,我地做要粉絲會的VIP!

    回覆刪除
  41. zoe

    我而家說服緊阿強放相

    我已經幫佢起定藝名
    做黃德斌的細佬
    叫黃德州
    相信紅梗

    無奈阿強有紙枷鎖
    未能打破

    大家等吓啦

    回覆刪除
  42. >>這是我有生以來收過最好最美麗的禮物!
    係咩?
    乜唔係果憧豪宅?遊艇?十卡火鑽咩?
    --剛才先贊完你知我心,原來都唔係嘅,定係你食年榚食濟咗?

    我跟妳跳舞...是2007年尾的舊事囉
    我學跳舞因做話劇所需
    最後學了都無在台上跳到
    --唔緊要,你想跳大把人爭住同你跳,唔洗等有show.

    >>不過都機會渺茫啦
    做乜咁灰?
    希望在人間
    愛情故事..都是突如其來
    妳條件咁好!
    --謝謝啦!希望啦!

    回覆刪除
  43. 戴在手指尾的iron ring係加拿大讀工程系畢業的都會給予一只,紀念某次工程意外的小戒指,提醒每位從事工程的畢業生,要記住涉及工程安全意外的教訓.
    我都有一只,不過冇戴...費事比人問.

    回覆刪除
  44. 南小姐---要加油啊!希望在人間.
    祝妳人月兩圓!

    卡怪---好難得啊!送故事project得二十位,出年一定再捧場,再三多謝你先前送我的一支煙時間...收故事禮物的感覺真是奇妙又開心!
    那你跟住會寫乜?

    回覆刪除
  45. 南蠻

    >>定係你食年榚食濟咗?
    ==>我諗我食年榚食滯咗!
    或者瞓懵咗
    嘿嘿

    >>你想跳大把人爭住同你跳
    ==>真係?大把人想乘機踩我定啦

    祝妳人月團圓啦!

    +++++

    泰知訂

    多謝資料補充
    令我了解更多

    「愛上是他,是她,是他給我滿足快樂!」

    +++++++



    >>多謝我果一支煙?
    乜說話吖!

    原來我數真啲
    是22位bloggers
    22個故事
    22....(易易)好意頭呀!

    下個...不是故事了
    歇一歇
    應該是hong kong top 10

    回覆刪除
  46. 嘩!攪完劇本攪十大...!卡怪係才子呀。

    回覆刪除


  47. >>才乜鬼子呀
    啲十大好無聊
    得啖笑之麻!

    回覆刪除
  48. Tango唔可以亂跳!(純粹個人意見)

    嘻嘻

    回覆刪除
  49. 妄自斐薄...卡臣...!

    花花baby歸隊!yeah~

    回覆刪除
  50. 黃德州? 個名幾好聽 XD

    Texas Wong, 同《德州電鋸大逃殺》有無關係?

    不過我個 blog, 只可擺素人,
    卡臣又有型又大隻....
    但亦係有名的舞台劇演員,
    唔係素人喎.

    回覆刪除
  51. "我的送故事行動
    經已完滿結束
    20個故事
    20位blogger
    下年再嚟過
    (如果唔嫌棄)"

    我哋又點會嫌棄丫,多謝都嚟唔切。。。

    好耐都冇HK Top 10,好期待。

    仲有阿強呢。。

    回覆刪除


  52. 我不是妄自斐薄
    好彩屋企有鏡

    +++++

    素顏

    Texas Wong 同《德州電鋸大逃殺》有關係.
    都係short嘅破壞王!

    >>唔係素人喎
    多謝素顏替我找落台階
    加上我又唔係素食主義者

    ++++

    eric

    >>好期待HK Top 10,
    快啦!

    仲有,阿強已經從北京旅行返港,
    2月初跟大家見面。

    回覆刪除
  53. >>tango……d 女仔都好瘦,好sexy……

    仲可以識到男仔?? 早講o麻, 拿拿淋去報名先!!

    仲有...再一次多謝卡sir 送既故事!! ^^

    回覆刪除
  54. 自由

    >>仲可以識到男仔?? 早講o麻, 拿拿淋去報名先!!
    不過都係少尊貨色

    >>仲有...再一次多謝卡sir 送既故事!! ^^
    最緊要妳鐘意!

    妳個故事我鐘意架!

    回覆刪除
  55. 很精彩的故事, 有些「死因不明」的愛情故事都是自我閉塞而成的。

    行多一步, 求證一下, 才發覺是自己想錯了。

    很甜蜜的故事!

    回覆刪除
  56. 渣估sir

    多謝先!
    因為怕羞唔敢講
    徒令良緣失去

    回覆刪除
  57. 火女

    >>「Maria Cadero男子」
    ......張偉文?!

    哈哈
    或者係: 羅君左

    回覆刪除
  58. 看你的Blog看了一些日子,實在不明白你點解可以咁creative, 那來這麼多創作靈感?非常佩服!!不要停呀!!很喜歡看呀!

    回覆刪除
  59. Gwen

    多謝妳肯花時間睇!

    我的靈感通常在:搭車/gym/上廁時湧現!

    多謝鼓勵呀!

    回覆刪除

LinkWithin

Blog Widget by LinkWithin