~~~~~~~~~~~~~~~~







2009年2月4日 星期三

元旦冬泳


元旦冬泳

阿強在健身室內認識到的朋友不多,寥寥可數。

在十幾年前某個秋天,阿強在gym認識到一位貌似顏福偉的男性朋友。他叫「阿政」,當時阿政大約四十歲左右。一身黝黑皮膚加上剷了個skin head,原來他愛玩獨木舟、滑浪風帆、攀山等戶外運動。阿強應他邀請,假日到西貢麻籃笏,初次接觸玩獨木舟。在那裡,阿強認識了其他男女朋友。

同年十二月,阿政問阿強有沒有興趣一齊參加由香港拯溺總會主辦的「元旦冬泳」?只怕熱唔怕凍的阿強,一口答應。元旦冬泳在每年一月一日早上,於香港南區舉行,游泳路線以中灣作起點,淺水灣為終點,大約800米。游畢全程上岸後,大會派發紅封包和毛巾,紅封包內有一個鍍金的金幣,一面印著「元旦冬泳」、另一面印著該年的生肖肖像。很多參加者,一游就游足12年,務求儲齊一套12個生肖金幣。

十幾年前的冬天,溫室效應未有今天般肆虐。1月1日早上大約18度。阿強戴上大會派發的泳帽,下水前工作人員會登記參賽者頭上泳帽的編號,上岸後收回所有泳帽再對數,確保有幾多人下水,就等如有幾多人上水。

阿強脫去外衣,站在沙灘上的「召集區」等候下水,十幾年前的冬天,唔係講笑,阿強起雞皮發抖。當刺骨寒風一吹,便聽到集體發出「woo」聲!

9時正,槍聲一響!男子組先下水,(不是男女混合下水,否則會引發許多蓄意或無心之非禮碰撞)幾百人由沙灘衝落海,當腳踏進冰冷的海水,又集體發出更響亮的「woo」聲!跟著阿強「撲通」跳進水裡游呀游!

十分鐘後,阿強終於見到淺水灣那座三層樓高的觀音像,如大陸偷渡客般,見到岸就加倍興奮地游呀游!游過去!上岸後,一名穿上財神戲服的特約演員,向每名游畢全程的參賽者派發紅封包,財神身後的工作人員則派毛巾。阿強沐浴更衣後,帶著那鍍金金幣,和阿政等一干朋友們,一起去麥當奴再吃多個早晨全餐,(十幾年前,淺水灣的麥當奴仍未拆卸。)

元旦這一游,阿強一游便游了十二載,打後十二年的12月31日除夕夜,阿強都不會通宵達旦,12點便回家睡覺。當12個生肖金幣都湊夠的時候,阿強已經不再年輕。因為習慣了,每逢除夕夜,不愛夜蒲達旦的阿強都會乖乖早點回家睡覺。

* * * * * * * *

某一年元旦,天氣寒冷,阿強在被窩裡,一時貪睡,睡過頭,清醒後,一仆一碌趕去淺水灣。心裡緊張,擔心錯過這一枚生肖金幣,便要再等12年後,才可重獲該年生肖。12年後,阿強體格可能已經有心無力!

阿強步出灣仔地鐵站,需要轉巴士入淺水灣,阿強又唔捨得搭的士,因為車費太貴了!在巴士站見到三個少女在等候巴士,憑她們的衣著,阿強估計她們也是入淺水灣游元旦冬泳。

阿強硬著頭皮,鼓起勇氣開聲問:「小姐,請問妳哋係咪入淺水灣?如果係,不如我哋一齊搭的士入淺水灣啊?」阿強希望有多三個人一起分擔的士車資,又平又可以最快捷地入到淺水灣。

其中一位女子,對阿強由頭望到腳,又由腳望返上頭,冷冷一聲:「係呀!我哋都入淺水灣,不過唔係好趕時間唧!」阿強吃了一個大檸檬,沒有再爭取,立即面懵懵轉身走人,望吓手錶,其實可能自己嚇自己,唔係咁遲唧?!搭巴士都趕得切啩?!這時,在巴士站旁的三名熱心大隻男士,上前輕拍阿強的膊頭,其中一位像吳毅將,溫柔地說:「我哋都係去淺水灣,不如我哋一齊搭的士入吖?!」

阿強被突如其來的好意嚇親,原本阿強都想找人一齊搭的士,但性格孤寒的阿強,見時間尚許可,便婉轉拒絕好意:「er…我都入淺水灣,不過唔係好趕時間唧!」三名大隻佬,亦沒有再花唇舌,三人轉身截的士遠去。

結果那天,阿強乘巴士入淺水灣,幸而沒有遲到,順利拿到一枚鍍金金幣。而阿強去游水召集處的途中,及游畢全程至上岸,並沒有再碰上那三名好心腸的「熱血壯漢」。



(Photo by Jason Lo)

-----------------------------------------

明光舍 - 歪歪 改編

話說昏君庸碌無能,自上位以來只聽奸臣唆擺;而一向以「潔淨澄明」自居的明光舍蔡舍長,就終日對皇上危言聳聽,甚麼道德淪亡,社會淫亂,平民百姓越來越性開放。

於是,皇上便接納了蔡舍長所獻之計,就是凡在十至十八歲之間的少男,一律要到一座位於荒山野嶺、與世隔絕的宿舍寄宿,為的是要令青少年在發育期間不能親近女色,之後就自然不會胡作非為。

此例成立以來,過去十幾年民間的風化案暴跌,妓院亦紛紛關門,皇上便認為方法見效,並為此對蔡舍長加官晉爵,宿舍亦獲款不斷擴充。

明天將有三位少年年滿十八歲,他們能否離開明光舍返回家鄉,就要看他們可否通過蔡舍長最後一關。蔡舍長把三位少年召來,下令要他們脫光身上所有衣服,並要三人都在那話兒各自掛上一個銅鈴,準備接受考驗。

然後,蔡舍長安排了一名美女進來,此女子來到二話不說便把衣裳褪下,露出赤裸裸的豐滿身材,阿甲看到目瞪口呆,銅鈴亦馬上叮呤噹啷地響起,蔡舍長隨即面露不愉,斥責阿甲定力未夠,不能回鄉。

接着裸女就一步一步的向阿乙行近,當誘人的侗體就在阿乙面前,他的銅鈴亦都終於叮呤噹啷地響起。蔡舍長痛罵甲、乙二人白費了多年來的訓示,並叫阿丙不要令他失望。

於是女子就向着阿丙做出各種挑逗意淫的動作,但無論怎樣試都是徒勞無功,銅鈴一聲也不響。蔡舍長就非常滿意,盛讚阿丙是少數能夠成功過關離開宿舍的好青年,實在是社會榜樣。

蔡舍長對阿丙說:「明天你便要上路回家,早點沐浴更衣,好好休息。」然後又說:「阿甲!阿乙!先罰你們今晚要為阿丙捶骨擦背。」話口未完,叮呤噹啷,鈴聲立刻響起來。


74 則留言:

  1. 开头的阿政与整个故事有什么关系?

    回覆刪除
  2. 收集12年的紀念幣真不易,要有相當之恆心,阿政果真有恆力!
    如果是我就不行啦~

    回覆刪除
  3. 果真有恆心, 就可以攞齊12金。

    yeah~~

    回覆刪除
  4. 游冬泳, 听到都打冷震.

    卡卡, 你是阿强吗?

    回覆刪除
  5. 亞強!!! 好掛住你喲,游冬泳,好Man 呀!!

    不過做mud只渴望與合眼緣的異性Share 的士呀?嘻嘻

    回覆刪除
  6. 小瓶子小姐

    寫阿政無乜關係
    只想side track 大家
    以為阿政和阿強有嘢
    係咁架咋!

    ///////////

    佚名小姐

    只要有恆心
    鐵柱磨成針

    恆心可以培養的

    //////////

    JC小姐

    12金牌
    俾咗岳飛

    回覆刪除
  7. Desertfox 先生

    >>卡卡, 你是阿强吗?
    :::本人阿强借卡臣blog發表一吓而已

    ///////////

    c+小姐

    妳掛著我?
    我好保守架!
    一夜情呢味嘢我唔夠膽試架!

    我只渴望與合眼緣的異性Share 的士
    因為如果我上了那部熱血三漢taxi
    恐怕我無機會喺度講嘢

    回覆刪除
  8. 某一年元旦,天氣寒冷
    >>>>應該係04年, 04年元旦得4度咋

    回覆刪除
  9. 親愛的亞強:

    恭喜發財!! 我都好掛住你呀!! 北京凍嗎??

    >>因為如果我上了那部熱血三漢taxi
    記住..要大聲叫唔好呀!仲要同信得過(即係我地)講呀!!

    回覆刪除
  10. >>妳掛著我?
    >>我好保守架!
    >>一夜情呢味嘢我唔夠膽試架!

    耶耶,我都好保守,亦都唔夠膽試一夜情呀!

    乜得我地夾成咁架jack!

    回覆刪除
  11. 哦原來你喺阿強,終於俾我哋搵到你喇!做乜個日咁衰唔啋人嘅,定喺怕羞呀呵呵!我哋好鬼死掛著你嘅遮。得閒一齊去曬太陽啦!唔喜歡淺水灣,南灣都OK㗎。

    回覆刪除
  12. 阿強,枉你有勇氣去游冬(凍 )泳,但係一遇到陌生男人就好似「驚弓之鳥」,唔駛咁快就斷定對方對你一定有不軌嘅企圖啩?

    人哋想你一齊搭的士分番份,咁梗係「溫柔」咁問你㗎啦,唔通兇神惡煞咁問你反而會肯搭?你自己都係好「溫柔」咁去問嗰三個女仔啫。

    而且就算你同三個陌生男人一齊搭的士,你都會揀坐司機位隔離呱。當然咁可能會輪到嗰位司機驚你有不軌企圖。

    之於『沒有再碰上那三名好心腸的「熱血壯漢」』,原因好簡單。貌似「吳毅將」嗰位係當日嘅救生員,你又無遇溺需要佢幫你做人功呼吸,唔係當你一醒返擘大眼咪可以再見到佢囉。

    另外一個就係參加者,佢企响你旁邊等落水你都唔會知啦,去到戴著泳帽同潛水鏡,你都認唔到樣,連衫褲鞋襪都除哂凈得條泳褲,你仲可以憑佢身上邊一點嚟做記認呀?

    而最後嗰一位,咪就係俾金幣你嘅財神囉!

    回覆刪除
  13. 喂,阿強,今次你俾「三名熱心大隻男士」揾上門,真係唔關我事,千祈唔好屈我認呀!

    回覆刪除
  14. 哗~好正啊~~~好多大只佬啊,谂到都开心啊~~好中意大只佬啊.

    回覆刪除
  15. 篤篤篤撐先生

    雖然得4度
    但我有鋼鐵的意志
    爭取最後勝利

    //////

    自由行小姐

    妳做乜又掛住我呀?
    乜我咁紅咩?
    希望妳冷靜少少先

    寶寶龍?
    我和他肝膽相照
    燒過黃紙添!


    ////////

    c+小姐

    >>既然我地夾成咁架唧!

    承蒙錯愛先
    我哋慢慢培養
    由做筆友開始吧!

    回覆刪除
  16. 三名熱心大隻男士

    >>去南灣曬太陽?
    多謝邀請
    好意心領先
    呢排醫生話我對太陽敏感
    俗稱:見光死
    sorry
    ps 矖月亮都唔得呀!

    //////

    歪歪先生

    多謝你點醒我
    一手解開我多年來的疑團

    你又講得有道理
    我唔上taxi因為想慳返幾大蚊啫
    如今真相大白
    我又想約熱心三漢於星期五8點sogo門口等
    讓我親口多謝他們!

    /////////

    carmen小姐

    大隻佬?
    其實外強中干
    我最清楚
    我又要去買偉哥食啦

    回覆刪除
  17. "我又想約熱心三漢於星期五8點sogo門口等
    讓我親口多謝他們!"

    一於喺咁話囉o波。"親口"多謝又好,"親手"多謝又得。都唔拘。唔准放飛機㗎。

    你放心,我哋唔會食咗你嘅。你咁多FANS,我哋唔敢嘅。(除非你要求啦)。

    回覆刪除
  18. 三名熱心大隻男士

    多謝你們赴約先
    我會穿泳褲出現
    方便你們辨認

    好啦! friday night不見不散!

    回覆刪除
  19. "我會穿泳褲出現
    方便你們辨認"

    嘩,大街大巷穿泳褲,你喺得嘅!讚!
    點解當日喺巴士站你又咁怕羞呢?
    我怕貴夫人/你嘅女粉絲們會唔高興,我諗我地都喺網上神交好啦。
    你不如將你嘅泳裝post上嚟啦。


    "哇~ 4P, 好熱鬧!"

    我哋喺好純情嘅,唔搞4P㗎。咁肉酸。

    回覆刪除
  20. 素顏天使小姐

    >>4P, 好熱鬧!
    已經預埋妳
    星期五晚sogo門口見
    5P....期待中

    回覆刪除
  21. 三名熱心大隻男士

    >>我諗我地都喺網上神交好啦。
    :::既然你們推卻我的盛情
    我唯有含淚承受
    希望我們有緣再會

    至於泳裝?
    我參加香港先生的勇氣也沒有
    又何來夠膽post泳照呢?

    >>我哋喺好純情嘅,唔搞4P㗎。咁肉酸。
    :::我同意呀!
    慾念橫陳,我是明光社永遠會員

    回覆刪除
  22. 阿強 >

    "星期五晚sogo門口見
    5P....期待中"

    哇!! Sogo 門口玩 5P, 咁狂野!! 正喎~

    回覆刪除
  23. 小瓶子小姐

    妳讚我靚仔?
    我當妳講真話架!!
    嘿嘿~

    ///////


    素顏天使小姐

    >>Sogo 門口玩 5P?
    ;;;因為呢件壯舉「揚」咗
    被迫取消
    擇日再賽

    回覆刪除
  24. 阿強,你呢招「引蛇出洞」果然好成功,引咗「熱心三漢」出嚟都俾你嚇到縮返轉頭,可惜依家搞到無得見你响星期五著泳褲赴會,真係令大家失望。

    你明年一於再去「元旦冬泳」,到時我哋揾齊人拉橫額嚟幫你打氣。

    回覆刪除
  25. 阿強阿強,我蝕底d,代你去見三名熱心大隻男士啦!

    回覆刪除
  26. 歪歪先生

    我明年唔會參加「元旦冬泳」,
    你的橫額可以慳返啦

    多謝妳的美意先!


    ////////

    c+小姐

    吓!妳代我去見三名熱心大隻男士
    太好啦!must be fun!

    咁三名熱心大隻男士
    快啲回應一吓啦!

    回覆刪除
  27. 真人真事呢架!

    我幾驚亞強攞唔到個金幣.

    亞強拒絕三個大隻佬既提議時, 會否明白自己被三個少女拒絕的原因?

    回覆刪除
  28. 肥貓小姐

    是真人真事啊!

    >>亞強拒絕三個大隻佬既提議時, 會否明白自己被三個少女拒絕的原因?

    ;;唔~有道理!
    三個少女都是剷青,平胸,劈開腳企,都幾man架!

    回覆刪除
  29. 强生,
    你點知我係小姐 ?

    >>三個少女都是剷青,平胸,劈開腳企,都幾man架!

    笑死.....

    回覆刪除
  30. 肥貓

    我憑妳的筆跡
    猜妳是一名已婚少婦
    如有估錯
    講聲sorry!

    或請更正

    回覆刪除
  31. "c+小姐

    吓!妳代我去見三名熱心大隻男士
    太好啦!must be fun!

    咁三名熱心大隻男士
    快啲回應一吓啦!"

    只要呢位小姐肯著比基尼喺SOGO,就得嘅。

    仲有,要帶埋佢啲靚仔banker朋友們俾我哋識。

    回覆刪除
  32. 三名熱心大隻男士

    c+小姐,
    似乎妳的底蘊已被摸清

    我亦相信三名熱心大隻男士
    醉翁之意不在酒
    妳的男banker朋友有福矣!

    friday night....我都要喬裝去sogo睇睇先

    回覆刪除
  33. 嘩, 好緊張啊~
    有野睇, 我聽日又去睇下先。

    回覆刪除
  34. JC小姐

    我搞個快閃黨活動:
    明晚8時sogo門口
    大家穿泳裝出現
    8:05即散

    妳也要穿啊!

    回覆刪除
  35. ah keung should place the 12 coins in a beautiful box, nicer than the MTR annual tickets.

    回覆刪除
  36. 阿強:
    只要有恆心
    鐵柱磨成針

    恆心可以培養的
    -->多謝阿強既鼓勵
    e~咁卡臣去左邊啊,卡臣失蹤事件
    咁點算好啊!

    回覆刪除
  37. 好呀, 阿強, 熱切期待你地著T-STRING囉。(仲要咁大隻, 呵呵....)

    回覆刪除
  38. 肥貓小姐

    給我幸運地估中妳的status,
    我真好彩

    吓?
    妳叫我「強生」?
    妳愛用的牌子是「Johnson」?

    /////////

    nost先生

    金牌放在靚boxset:不錯的提議啊!
    現在只放在抽屜內咋!

    ////////

    佚名小姐

    大家互相鼓勵啦!

    回覆刪除
  39. Denzel先生

    多謝讚賞
    是我朋友jason拍的
    (p.s.他是直的)


    ///////

    JC小姐

    睇大隻佬著T-STRING?
    妳都識嘆啦!

    星期五晚去SOGO看過飽吧!
    (如果無人去唔關我事啊!)

    回覆刪除
  40. 小佚

    >>咁卡臣去左邊啊,卡臣失蹤事件
    咁點算好啊!

    ==>多謝妳關心先
    我專心做讀者
    把呢個場交給阿強自己發揮

    大家俾個機會阿強喇!

    回覆刪除
  41. 嘩乜咁熱鬧呀。似乎三位熱血男好熟我哋喎。

    回覆刪除
  42. 以上各位人仕之對話,用詞低俗意識淫邪.本干事將會copy到淫審處備案.作為他日起訴各位觸犯網上淫竊及不雅對話的證據.3p,4p,5p,泳衣,t-string.好很淫蕩,證據確拓不容抵賴!

    回覆刪除
  43. 明光社干事

    咁夜仲唔訓,仲喺度上網?夜麻麻上網,喺唔喺睇緊鹹site做緊手部運動呀。

    或者睇到阿強啲正相有晒反應?

    回覆刪除
  44. eric先生

    >>三位熱血男好熟我們
    可能他們是明江社的臥底
    已經作長期觀察
    一心試探我阿強的道德底線


    ///////

    明光社干事:

    閣下認為「3p,4p,5p,泳衣,t-string好很淫蕩.」
    但我覺得「好很」兩字已經意識不良.
    令人有講粗口的聯想
    希望 閣下首先自我評審一吓用字

    阿強敬啟

    回覆刪除
  45. 明光社干事,你真係多事幹!呢度留言噏吓啲咁小兒科嘅嘢,你就已經要拉人封Blog,你都未見識過啲堅嘢。

    阿強,一於出動你嘅激凸水著相,等明光社干事開吓眼界,包佢睇完之後抬唔起頭做人。

    回覆刪除
  46. 明光社?係咪孫明光歌迷會,我哋都想加入。自從「小虎隊」解散之後,我哋好掛住你!仲有呀,你果首「微風中」好好聽呀!

    回覆刪除
  47. 歪歪先生

    >>阿強,一於出動你嘅激凸水著相,
    ::承蒙錯愛
    我的激凸水著相毫無美感可言
    同「雄風」無得比
    都係藏拙
    唯有俾明江社也文也武一吓!

    //////

    三名熱心大隻男士

    我都係「小虎隊」的fan呀
    果首「忍著尿說goodbye」常掛在我咀邊
    哪喳不怕海龍王,幼獅不畏虎和狼

    回覆刪除
  48. 我係未去錯地方?卡叔天地變了強強樂園!
    還招來3位熱心肌肉男...下...盲光社?
    吾關我事架...我身在外太空...咁岩太空船加油過路買左包橙諗住探下卡叔架乍...係咁先...太空船吾等人架!
    *包橙麻煩你交比卡叔話3耳來過.

    回覆刪除
  49. 阿强:

    這是真經歷?

    就是一個難以忘懷的片段!

    回覆刪除
  50. 歪歪 提到...
    阿強,一於出動你嘅激凸水著相,等明光社干事開吓眼界,包佢睇完之後抬唔起頭做人。

    我哋都好想睇!
    睇完之後肯定有啲地方會抬起咗。

    佚名 提到...
    阿強:
    只要有恆心
    鐵柱磨成針

    我哋想磨下阿強嘅鐵柱,睇下會磨成啲乜出嚟。

    回覆刪除
  51. 三耳小姐

    卡臣無穿無爛
    只不過他交了個場
    俾我揸fit幾日.

    妳乘太空船公幹
    吃脫水宮保雞丁
    感覺良好嗎?

    溫總問候第一位女太空人!

    ////////

    JC小姐

    我現正趕往sogo途中
    陣間見!

    回覆刪除
  52. Laulong先生

    >>這是真經歷?
    :::對呀!這是真經歷!

    下次輪到你
    好快
    唔使心急!

    回覆刪除
  53. 阿強先生,

    阿政是不是幫你影靚相嘅jason呢?

    回覆刪除
  54. 三名熱心大隻男士

    >>我哋都好想睇!
    睇完之後肯定有啲地方會抬起咗。
    :::高抬貴手?

    >>我哋想磨下阿強嘅鐵柱,睇下會磨成啲乜出嚟。
    :::磨成牙籤啩?!

    ////////

    eric先生

    阿政非jason
    一直一攣
    千祈不要撈亂呀!

    回覆刪除
  55. eric 提到...
    "咁夜仲唔訓…或者睇到阿強啲正相有晒反應?"

    我咁夜都唔瞓係要搜集資料,唔睇過又點知出面有啲乜。阿強張相雖然展露佢健碩嘅身材,粗壯嘅雙臂,加埋啲鬍鬚,本來係好man嘅,但係睇真啲佢嘅眼神挑逗,笑容曖昧,令我有需要跟進調查。

    歪歪 提到...
    "明光社干事,你真係多事幹!…阿強,一於出動你嘅激凸水著相…"

    我哋明光社嘅宗旨就係多管閒事,我好多謝你提供線報,我依家呼籲阿強,將你嘅激凸水著相交俾我評審,以我响淫審署嘅多年經驗,我會細心量度睇吓有冇超出淫褻不雅嘅尺度。

    三名熱心大隻男士 提到...
    "明光社?係咪孫明光歌迷會…"

    請參閱上文嘅本社中指!

    回覆刪除
  56. "我依家呼籲阿強,將你嘅激凸水著相交俾我評審"

    喂衰佬羅咗啲相唔好獨食喎,唔制丫,我哋都要睇睇㗎。

    回覆刪除
  57. 三名熱心大隻男士,你哋堂堂大男人,講嘢語氣娘娘腔,又咁想睇相,令我懷疑你哋嘅傾向,快啲加入本社,我哋可以幫你攣都拗返直,我就係最佳樣版嘞。

    至於阿強嘅相,如被我評為淫褻的話,我係唔可以發放,咁係觸犯法例,但我可以同阿強保証到時啲相只供自用。

    回覆刪除
  58. 明光社干事 & 三名熱心大隻男士

    多謝湧躍回應先
    小弟睇完都不懂回應
    只好將你們的個案交給社工跟進

    如果唔鐘意
    我轉介相識心理醫生Mr. Lo給你們
    話我介紹,有85折!

    唔使多謝

    回覆刪除
  59. 你哋明光社啲人,好似蔡XX之流,個個都咁樣衰,梗係唔會加入啦。
    如果好似阿強咁靚仔就唔同呢。

    攣都拗返直?喺真唔喺呀,俾我哋驗一驗先啦。

    都喺唔好講咁多啦,好似班阿強FANS俾我哋趕走晒,唔喺幾好囉。趁周末做下GYM先。話唔定會碰到阿強呢。

    再見啦各位~~(飛吻數個)

    回覆刪除
  60. 三名熱心大隻男士

    >>好似班阿強FANS俾我哋趕走晒,唔喺幾好囉。
    :::你地好自省
    咁我唔送啦
    我今日下午去沙頭角做gym
    撞倒就見啦!

    再見啦三位~~(揮手數吓)

    回覆刪除
  61. 我又想去做占wor~不過住西貢吾想去咁遠,有乜好介紹?仲有我剛拍完豬肝補氣呢期好多狗仔隊跟,又驚光明社幹事開我file,唉!做我呢行好澤洗架!重有呀,上面照中係未你本人的近照呀?不如一齊做占?你好似失散左的小學教體育ge 周sir呀!

    回覆刪除
  62. 三名熱心大隻男士,你哋三個想嚟驗貨,絕無問題,我大開中門迎接你哋。

    黃德斌、周sir,你哋都可以一齊嚟!

    回覆刪除
  63. 阿強,連你都唔識回應,咁等我講以下呢個故事俾大家聽:

    明光舍 - 歪歪 改編

    話說昏君庸碌無能,自上位以來只聽奸臣唆擺;而一向以「潔淨澄明」自居的明光舍蔡舍長,就終日對皇上危言聳聽,甚麼道德淪亡,社會淫亂,平民百姓越來越性開放。

    於是,皇上便接納了蔡舍長所獻之計,就是凡在十至十八歲之間的少男,一律要到一座位於荒山野嶺、與世隔絕的宿舍寄宿,為的是要令青少年在發育期間不能親近女色,之後就自然不會胡作非為。

    此例成立以來,過去十幾年民間的風化案暴跌,妓院亦紛紛關門,皇上便認為方法見效,並為此對蔡舍長加官晉爵,宿舍亦獲款不斷擴充。

    明天將有三位少年年滿十八歲,他們能否離開明光舍返回家鄉,就要看他們可否通過蔡舍長最後一關。蔡舍長把三位少年召來,下令要他們脫光身上所有衣服,並要三人都在那話兒各自掛上一個銅鈴,準備接受考驗。

    然後,蔡舍長安排了一名美女進來,此女子來到二話不說便把衣裳褪下,露出赤裸裸的豐滿身材,阿甲看到目瞪口呆,銅鈴亦馬上叮呤噹啷地響起,蔡舍長隨即面露不愉,斥責阿甲定力未夠,不能回鄉。

    接着裸女就一步一步的向阿乙行近,當誘人的侗體就在阿乙面前,他的銅鈴亦都終於叮呤噹啷地響起。蔡舍長痛罵甲、乙二人白費了多年來的訓示,並叫阿丙不要令他失望。

    於是女子就向着阿丙做出各種挑逗意淫的動作,但無論怎樣試都是徒勞無功,銅鈴一聲也不響。蔡舍長就非常滿意,盛讚阿丙是少數能夠成功過關離開宿舍的好青年,實在是社會榜樣。

    蔡舍長對阿丙說:「明天你便要上路回家,早點沐浴更衣,好好休息。」然後又說:「阿甲!阿乙!先罰你們今晚要為阿丙捶骨擦背。」話口未完,叮呤噹啷,鈴聲立刻響起來。

    回覆刪除
  64. 黃德斌先生

    >>上面照中係未你本人的近照呀?
    ::正是本人

    >>不如一齊做占?
    :::你是直嘅
    而且又係明星
    一齊做占唔方便嘅!
    好意心領了

    >>你好似失散左的小學教體育ge 周sir呀!
    ::我諗你搞錯了,我不是性周的,
    不過我識一個人叫黃德州(texas wong)
    不知是否你兄弟?

    //////

    明光社干事

    我唔得閒嚟驗貨
    你哋自便啦!

    //////

    歪歪先生

    嘩! 哈哈咁好笑
    公諸同好先!

    回覆刪除
  65. 多謝大家同我玩咗兩日
    下個月再同大家見面

    請請!

    回覆刪除
  66. 卡臣、阿強:

    再三証明咗我寫親嘢,都係有趕客嘅作用,再次令到你呢度無人留言。為咗唔再做票房毒葯,我以後最多都只係搭兩嘴,唔敢寫咁多。

    真係對你哋唔住!

    回覆刪除
  67. 歪歪先生

    千祈唔好咁講
    都有71留言
    邊有趕客?
    你一定要繼續留呀!

    thanks again 你的故事續篇

    回覆刪除
  68. 好在阿強無錯過攞金幣啫~~

    歪歪個故仔好搞笑呀~~~
    d人唔留言,可能怕阿蔡舍長捉佢地去住宿舍...嘻嘻~~

    回覆刪除
  69. kateyip

    多謝妳令我重溫一次

    原來歪歪2009年有寫過這一段
    好好笑

    回覆刪除

LinkWithin

Blog Widget by LinkWithin