~~~~~~~~~~~~~~~~







2009年2月14日 星期六

忘記Mr. Right

忘記Mr. Right

Waillis被汪先生強勁的左臂勒著脖子,右手一支黑星手槍指著Waillis的右邊太陽穴,汪先生用響亮的聲音向警察大叫:「唔好行埋嚟,我開槍架......... 」

* * * * *

Waillis這位準新娘子,剛剛接受了男友的求婚,將於今年12月尾下嫁給拍了拖五年的男友韋先生,韋先生在政府當政務官,薪俸優厚,架著眼鏡、西裝畢挺、為人孝順敦厚、談吐優雅、絕對是一名標準理想老公的典範,婚後他們將會搬入薄扶林某名牌屋苑。Waillis的朋友們都羨慕她嫁得好,能夠找到好歸宿,尤其是Waillis的父母,對此婚事十分欣慰。

雖然年尾才舉行婚禮,韋先生和準韋太自3月起,已密鑼緊鼓籌備婚禮。Waillis的一大班女朋友都爭著要做陪嫁姊妹,除了商量如何「玩新郎」、「攞開門利事」外,姊妹們還計劃一次全女班東京旅行,作為Waillis的Bridal Shower(新娘婚前派對)。

10月某天,韋先生約了Waillis傍晚到九龍塘婚紗店試婚紗。Waillis截了一部的士,趕往婚紗店。Waillis在車廂的司機倒後鏡中,偷望到司機是一個三十出頭的魁梧漢子,滿面鬚根、雙肩闊橫、眼神充滿幽怨。從他的眼睛,Waillis看到很多故事,覺得他應該經歷過什麼艱苦的遭遇,才會令他如此滄桑。她不禁望向司機名牌:「汪傲天」,嘩!個名咁武俠小說嘅?不過司機張相咁斯文,又唔係好似佢咁man爆喎。

他開得部的士幾快幾狼,好配合到汪先生的豪情風格。駛至窩打老道,遇上警車和截查路障,但汪先生並沒有減速的意圖,繼續踩油衝過去!嘩!Waillis雖然估到汪先生性格剛烈,但估唔到他會man到直衝路Block咁夠薑,Waillis不禁驚呼!

「砰!」雪糕筒被撞翻,的士衝過後,警車響號追截。「Calling總部,一部紅色的士,車牌KT2592喺窩打老道衝Block,而家向獅子山隧道方向逃走。」

汪先生的駕駛技術達澳門東望洋級水準,幾個片彎已經將警車拋離。汪先生用手槍指向後座的Waillis說:「小姐,攞妳部電話俾我!」Waillis只好照辦,汪先生把她的手提電話拋出車窗外,以防電話成為被警方追蹤的線索。

汪先生殺入龍祥道,警方派出的增援,在龍祥道力追汪先生。汪先生利用路上其他車輛作障礙物,引致警車跟其他車輛相撞。「砰!砰!砰!」六車連環相撞,成條龍祥道全線大癱瘓。汪先生順利逃之夭夭。

汪先生駛到深井一僻靜處才停車,因這部的士已經曝光,必須棄車離去。汪先生需要一名人質做擋箭牌,拉Waillis落車,用手槍指著她背脊,在停車場再偷另一部日本車,兩人再上路去。

車廂內,汪先生向Waillis說:如果她合作,他絕不會傷害她一分一毫(更不會侵犯她)。汪先生點起一支煙,說起自己的故事:他跟拍擋打算明天打劫金舖,今天傍晚先要偷一部的士做駁腳,所以汪先生跟司機証相片不相似,(當然他不是姓汪,只是Waillis心裡這樣叫他)。汪先生身上藏有兩柄黑星手槍,加上他的駕駛執照已經停牌,所以遇上警察,只好直衝路Block。他是公主道的黑夜賽車手,靠非法賽車維生,警車想望到他的車尾燈都很難。汪先生的犯案原因,是他急需一筆錢作為母親的手術費。Waillis相信他的苦衷,因為汪先生有槍喺手,沒有必要騙故事呃自己來搏取同情。

經過交談後,Waillis放低了對汪先生的戒心,正確一點是:產生好感。Waillis其實喜歡粗獷型男,不過自己的追求者都是「書生型」或「公子型」。如今終於可以近距離接觸「濃眉鬚根大隻猛男」,心裡卜卜跳。剛才已被汪先生的高難度駕駛技術所迷到,跟韋先生平日的安全駕駛速度截然不同,真的很刺激過癮。

Waillis說今天沒有吃午飯,現在已經很肚餓,問汪先生可否讓她吃點東西?汪先生應承:「好,不過妳唔好整古做怪。如果妳想走或者嗌救命,我一槍可以搞掂妳!」Waillis點頭。日本車在屯門某屋邨的大排檔前停下;兩人坐在大排檔打冷。Waillis對上一次光顧大排檔已是中三那年,和面前這位型佬一起隊啤食涷蟹,Waillis覺得這口鵝腸比平日跟韋先生吃開的北海道雪花肥牛更美味。她心裡又想:Bridal Shower是告別單身踏入安穩婚姻生活前,作最後一次放任作樂。倒不如將今晚的離奇經歷,當作自己的Bridal Shower吧。

席間大家放低芥蒂,互講自己的故事,汪先生結帳後,叫Waillis自己搭車走。這時候,反而Waillis有點唔捨得,他直覺知道汪先生不會傷害自己。而且汪先生除了豪邁粗獷一面、亦有風趣幽默一面,席間笑聲不絕。

Waillis建議上車再遊一陣車河。汪先生同意,不過11時前她就一定要離去。他們的車停泊在青山公路一幽靜處。Waillis問:「你既然偷的士,點解我截車,你會做我生意?」汪先生:「因為.........我覺得妳個樣好熟,感覺好親切。」Waillis不禁面泛紅霞。

不經不覺,傾到10:55分,Waillis祝福汪先生母親早日康復,主動輕吻汪先生面頰後,離開車廂自行搭車。汪先生也同時踏出車廂,吓?唔通汪先生改變主意?


汪先生說:「夜啦,路太黑,我送妳去巴士站。」Waillis點頭多謝。兩人一踏出大路,嘩!兩部衝鋒車,十個穿了防彈衣的持槍警員,早已嚴陣以待。原來他們在深井停車場偷車時,被車場閉路電視拍到,又根據屯門大排檔目擊者提供資料;警方終於在青山公路某處找到該日本失車,立即設下埋伏。

Waillis被汪先生強勁的左臂勒著脖子,右手一支黑星手槍指著Waillis的右邊太陽穴,汪先生用響亮的聲音向警察大叫:「唔好行埋嚟,我開槍架!」Waillis不感到任何痛楚,因為汪先生只是扮用力而已。

破空「嘭」一聲! Waillis右邊面沾上熾熱的鮮血,汪先生應聲倒地!原來一名暗裡患上情緒病的警員,在極度緊張情況下自行開槍,仲準到一槍打中汪先生眉心。如果這警員沒有情緒病的話,一定是一位神槍手,必可造福警界。

Waillis見到死去的汪先生,竭聲痛哭起來,在旁的女警會錯意,上前安慰:「小姐,唔使驚!無事啦!」將Waillis送院檢查,韋先生獲警方通知後,早已焦急地在急症室等候她。

* * * * *

12月尾,婚禮如期舉行,Waillis正式成為韋太太,翌年7月,Waillis誕下一名強健男嬰。Waillis很痛鍚這嬰兒,兒子的眼神也是堅毅不屈。

Waillis生命中兩個男人:「韋先生」和「汪先生」。她知道自己喜歡過安穩平靜的生活,但偶爾打破常規,敢愛敢恨地轟烈一次,才叫對青春無悔。那夜Waillis忘記「Mr. Right」愛「Mr. Wrong」一次。Mr. Wrong留給Waillis的:是腦裡那夜的回憶和手裡的嬰兒。

Waillis走到窗前,拉開窗簾,溫暖的陽光滲進寬敞的睡房內,「嗯,今日的藍天份外晴!」



文字靈感源於:薛凱琪的《 甜蜜蜜》 忘記 Mr. Right 愛 Mr. Wrong 一次。

甜蜜蜜 - 薛凱琪
作曲:方大同
填詞:黃偉文

甜蜜蜜 你要甜蜜蜜
但我想下嫁的共你不相似
你不是 從來也不是
但我想愉快的錯一次

其實我只求相處 貪你的甜言蜜語
講起戒指卻非那回事
若你這刻能有趣地 為我寫一句詩
誰又介意 誰人沒夾萬鎖匙
不太易 男朋友 我想話你知 這種聲線
來年成熟了也安定了無權來亂試
仍試你怎制止

忘記 Mr. Right 愛 Mr. Wrong 一次
甜蜜蜜 你要甜蜜蜜
但我想下嫁的共你不相似
你不是 從來也不是
但我想愉快的錯一次

誰是對的還不知 新襯衣仍然亂試
即使錯的 也想要留住
就算有天尋到對象 讓我安心靠依
誰又似你曾甜極美極一時

不太易 男朋友 我想話你知 這種聲線
來年成熟了也安定了無權來亂試
甜蜜那麼似詩

忘記 Mr. Right 愛 Mr. Wrong 一次
不太易 男朋友 我想話你知 這種聲線
來年成熟了也安定了無權來亂試
原諒我不顧矜持
忘記 Mr. Right 愛 Mr. Wrong 一次

70 則留言:

  1. 卡臣咁多個情人節故仔, 我最鍾意呢個wor! 峰迴路轉, 但係點解要整死汪先生呀?

    情人節食西蘭花, 好似好好味! 你煮比你情人食? so sweet~

    回覆刪除
  2. Celine

    呢個亦是咁多個之中
    我最愛的一個

    >>你煮比你情人食

    係呀!
    又俾妳估到!

    回覆刪除
  3. 韋先生 Mr Right,汪先生 Mr Wrong,過癮喎。

    如果汪先生臨尾送 Waillis 嘅時候遇唔到警察,又或者情緒病警察射唔中汪先生,唔知汪先生同 Waillis 會唔會發生咩關係呢?如果有嘢,相信一切就會變得複雜,咦?可以寫長篇喎。

    回覆刪除
  4. Mr. Wrong留給Waillis的:是腦裡那夜的回憶和手裡的嬰兒。

    !!

    大鑊了!
    哎呀,給人發現了怎麼辦??

    回覆刪除
  5. "......唔知汪先生同 Waillis 會唔會發生咩關係呢?如果有嘢,....."

    Mr. Wrong留給Waillis的:是腦裡那夜的回憶和手裡的嬰兒。

    好似以經有咗野囉。。

    Waillis亦有啲似喺有斯德哥爾摩症候群。

    回覆刪除
  6. 許多女人選擇隱重能帶來安逸生活的男人,
    心底裡,
    卻渴望邂逅浪子的粗獷...

    故事dramatic,
    讓人不知不覺代入
    那不平凡的一夜...

    每個人,
    或許都有一個秘密花園。

    回覆刪除
  7. 維京人

    >>唔知汪先生同 Waillis 會唔會發生咩關係呢?
    ==>係唔成事!無下文
    因為:
    她知道自己喜歡過安穩平靜的生活,但偶爾打破常規,敢愛敢恨地轟烈一次,才叫對青春無悔!

    ----就係偶爾放任一次而已!

    ++++++

    zoe

    >>給人發現了怎麼辦??
    ==>韋先生敦厚
    為了婚姻和愛waillis
    吃死貓都無怨

    回覆刪除
  8. eric

    >>係呀
    飯後在日本車內搞咗
    咁man唔好嘥

    Waillis亦有啲似喺有斯德哥爾摩症候群。
    ==同情綁匪

    +++++

    巴黎

    >>每個人,
    或許都有一個秘密花園。
    ==>
    係呀!
    我想變透明
    入女更衣室參觀吓

    回覆刪除
  9. Eric & 卡臣,

    睇勻成篇文,最有可能攪嘢嘅時間係食完飯之後。

    但卡臣寫:
    > 不經不覺,傾到10:55分

    原來「傾」係有「攪嘢」嘅意思。呵呵呵。

    回覆刪除
  10. 很可惜呀!Mr. Wrong 要死,儘管他不死,這段情都是不會有結果的,因為一個理志的女人係會選擇番Mr. Right....可惜!!可惜!!!

    btw, 呢個故仔真的....好好!!敢愛敢恨,真不枉此生!!

    回覆刪除
  11. 照片是大角咀嗎?
    Waills是有斯德哥爾摩症候群?
    又是另一種遺憾,因為短暫所以美麗,那小孩令我想起'最愛是誰'--林子祥那套很喜歡這故事。卡臣呢排好多產...keep going!

    回覆刪除
  12. 市場維京人

    >>原來「傾」係有「攪嘢」嘅意思。呵呵呵。
    ==係呀!
    你觀察力高啊
    老闆成日叫秘書入嚟傾兩句

    +++++

    gwen

    >>敢愛敢恨,真不枉此生!!
    ==>咁我決定破格愛一次喇!
    Boddy(狗名),我愛它!

    +++++



    >>照片是大角咀嗎?
    非也!
    位置是「咀角大」

    最愛是誰'
    好睇呀!張艾嘉1986之電影。

    >>卡臣呢排好多產...keep going!
    ==>啱啱想講
    我將會閉關十幾日
    (真架!)

    回覆刪除
  13. 閉關十幾日
    ==>唔係呀!
    會令一眾fans失望喎!
    冇故仔睇
    冇攪笑留言....

    係咪去旅行呀!

    回覆刪除
  14. 卡臣要養精

    蓄銳,再寫啲好故事。

    叫阿強嚟頂一頂替啦。

    回覆刪除
  15. 卡臣閉關?
    咁叫呀強哥來頂幾日啦!
    冇得上來歡樂天地...好慘啊!

    回覆刪除
  16. ah, Stockholm syndrom. I have seen a movie like that before as well.

    Your stories are getting better and better!

    回覆刪除
  17. 閉關十幾日啫,不是閉關十幾年。時間會很快過的。

    期待你的歸來。

    回覆刪除
  18. 巴黎

    >>係咪去旅行呀!
    唔係呀
    在九龍
    不過我已經步至樽頸位
    大腦便秘
    要揾吓靈感先

    *多謝妳的關心先~

    +++++

    eric

    >>卡臣要養精
    吓!又俾你估中!
    我飲緊雞蛋+拔蘭地

    阿強?

    唉~我問過佢啦
    佢話佢仲低產量過我
    無貨供應
    無奈~~

    +++++




    +++++

    回覆刪除


  19. >>冇得上來歡樂天地...好慘啊!

    咁妳當呢度係gravebook
    留言懷緬吓我囉
    阿門~~

    ++++

    desertfox

    >>ah, Stockholm syndrom. I have seen a movie like that before as well.
    ==>阿爾柏仙奴(Al Pacino)《黃金萬兩》(Dog Day Afternoon)
    我有睇呀~~

    1/3 我會有新post...啩...我估..

    回覆刪除
  20. 女性鍾意粗獷嘅男人,都係原始心態作祟,認為大隻就代表有保護作用同會強於覓食,但係依家生存係要靠個腦,所以老粗一名係唔掂嘅,要好似卡臣咁有健碩嘅身型,又有細密嘅心思,外剛內柔咁先得㗎。

    你聖誕寫咗咁多,想唞吓都啱嘅,我哋都唔希望搞到你油盡燈枯。

    回覆刪除
  21. 不如就等卡臣歡樂天地嘅FANS嚟接卡臣棒啦。

    回覆刪除
  22. 卡臣,
    嘩! 情人節果然俾到好多靈感你喎, 一連三篇, 才情滿懷, 而且三篇都有花, 不過"西籣花"最有益!

    回覆刪除
  23. 好故事!

    心理刻劃絲絲入扣。

    我正想問卡卡做乜咁快十篇,有遠行嗎?原來要閉關。

    卡卡,雲飛揚呀,祝你出關後更勁!

    回覆刪除
  24. 卡,
    隨心最重要。

    寫了那麽多故事,
    真不容易。

    係九龍呀
    不如過吓香港
    或者入嚟新界...
    這是個小城市
    然而人物故事真不缺。

    回覆刪除
  25. >>飯後在日本車內搞咗
    咁man唔好嘥

    咁都得?? 食得唔好o徒??
    我又想問, 12月尾結婚,7月啤左個仔, 亞韋生唔覺有問題咩???

    回覆刪除
  26. "我又想問, 12月尾結婚,7月啤左個仔, 亞韋生唔覺有問題咩???"

    韋生同佢喺結婚前攪過嘢呢都唔一定㗎。

    回覆刪除
  27. 真係閉關?咁閉關時期,可唔可以做個回顧系列,當係安撫下我地丫!

    回覆刪除
  28. eric 提到...
    『不如就等卡臣歡樂天地嘅FANS嚟接卡臣棒啦。』

    你嘅意思係咪搞個類似徵文比賽,由fans投稿?

    其實卡臣聖誕寫篇故事俾我做禮物之後,我都想寫番篇送俾佢作為報答,唔知有冇人有同感趁呢個閉關時期一齊咁做,或者卡臣又覺得呢個建議點呢?

    回覆刪除
  29. 歪歪

    太感動啦!
    太多謝你的動議!

    嗱!
    勞煩寫好後
    email到
    carsonchung@gmail.com
    有相att相
    如無我就自行加上

    等你啦! 爸打!
    先謝過你撐場!
    thank you!!

    回覆刪除
  30. 有諗過寫。

    但係,寫到冇卡臣一半...
    咁,好難睇喎....

    回覆刪除
  31. oh, 原來發生左野,
    o甘carson你就唔arm了, 竟然最重要果場盤腸大戰都唔寫,點搞ka...

    仲有, 汪先生一擊即中, 反而Waillis守龍門守得o甘差...

    kakakakaka

    回覆刪除
  32. o甘carson你就唔arm了, 竟然最重要果場盤腸大戰都唔寫,點搞ka... x 2

    回覆刪除
  33. 卡臣
    真係讓網友在卡叔天地post故事?有冇dead line架?好想參加...!

    回覆刪除
  34. 甘carson你就唔arm了, 竟然最重要果場盤腸大戰都唔寫,點搞ka... x 3

    回覆刪除
  35. 『先謝過你撐場!』

    喂,我係問『有冇人有同感趁呢個閉關時期一齊咁做』,唔該你呼籲吓其他fans好喎!

    回覆刪除
  36. 卡臣閉關?! 我做 CD-ROM 都要出來撐下場!

    回覆刪除
  37. 應該喺要回饋嘅。題材形式不拘?
    一人寫一篇,肯定能夠到三月。

    回覆刪除
  38. 應該喺要回饋嘅。題材形式不拘?<== 我參一腳!!

    回覆刪除
  39. what kind of essay will uncle car write when he comes back?

    回覆刪除
  40. 卡臣,

    如果有故仔,一定 email 俾你。不過多數冇。
    :P

    反而啱啱整咗個新 blog,關於跑步,有空參觀吓。
    http://runningviking.blogspot.com/

    Cheers!

    回覆刪除
  41. 卡臣:

    閉關時千祈唔好學李慕白呀~~~~~~:P

    Daniel.

    回覆刪除
  42. coffee

    bb係汪先生經手的
    有他身體強健的DNA

    回覆刪除
  43. 有時走一走歪路,風光又是不同
    如果汪先生沒有死沒有被警察拉
    結果又會如何?

    回覆刪除
  44. largeheadboy

    如果汪先生沒有死沒有被警察拉
    結果又會如何?
    ...Waillis會嫁俾韋先生
    做其少奶奶
    汪先生出獄後,再沒有遇上Waillis
    只成為Waillis記憶的一小節而已

    ++++

    naruto

    都市人出名忙架啦

    回覆刪除
  45. 卡臣:

    我都以為係聖靈感動,所以個女人有佐。喂!你知唔知會教壞細路?等佢地以為食飯都會有佐架?嘻嘻!

    回覆刪除
  46. 佛爺

    小朋友以為食西蘭花會有bb
    禁食了

    回覆刪除
  47. 西蘭花最多咪西爛花,點呃到佢地有BB呀?

    回覆刪除
  48. 韋先生只可以做一刻嘅「Mr. Right」,但係既然可以汪先生係可以付托終生嘅話,咁點都唔算係「Mr. Wrong」。

    回覆刪除
  49. 歪歪

    問吓普羅夫妻
    Mr Right & Mrs Right
    都係「時係時唔係」

    回覆刪除
  50. 化?咁快?就係咁先至要多啲出去玩下,增加下啲情趣。

    回覆刪除
  51. hehe 好中意呢個故事, 因為身為一個女仔我好明wailis 既諗法, 估唔到你一個大男人都洞悉到女仔心事!! 亦(可能)因為咁我都好中意 fiona 呢首 , 佢真係唱到好鬼 sweet 咁!

    回覆刪除
  52. Mz

    多謝妳喜歡個故事先
    其實放諸男人一樣:
    Mrs Right平穩安定,可以相處一世..但平淡.
    Mrs Wrong激情絢麗,但不可以過世...甚至危險.

    想起一句金句:
    男人唔出軌只因離婚代價大
    女人唔出軌只因引誘唔夠大

    回覆刪除
  53. 『遊埠呢家嘢
    等我儲吓錢先』

    你啱啱先至去完旅行返嚟曬命,我就真係邊度都無得去喇。

    回覆刪除
  54. 當隱形讀者一段時間了,偶爾來讀一兩篇。我喜歡這個故事。

    回覆刪除
  55. 歪歪

    我又唔係曬命
    紀錄低件事啫
    加上你看穿我離開香港(用英文答)
    我先講我去星州
    如果無人睇穿
    我或者唔講添

    ++++

    Wordy

    你好呀!

    多謝你喜歡這故事
    得閒再嚟過

    回覆刪除
  56. 『如果無人睇穿
    我或者唔講添』

    哎吔!家陣你怪我踢爆你出去玩?我以為你寫嚟係為咗提醒啲讀者唔好去新加坡揾星洲炒米食咋!

    回覆刪除
  57. 歪歪

    「家陣你怪我踢爆你出去玩?」
    又唔好咁講
    我點會怪你啫

    不過見既然揚咗
    加上無乜新文
    咪寫篇新嘢囉

    回覆刪除
  58. 講真啦,你連旅行都咁上心,肯花時間嚟覆留言,應該係抵讚至啱!

    回覆刪除
  59. 歪歪

    唔好咁講

    覆留言因為大家都開心

    如果我覺得無樂趣
    又點會覆吖
    係咪

    回覆刪除

LinkWithin

Blog Widget by LinkWithin