~~~~~~~~~~~~~~~~







2009年2月13日 星期五

一束深紅玫瑰

一束深紅玫瑰

一年一度的情人節,辦公室便成為女同事們的一個比試地方;比併收到的花束的數量。如果數量相同,就比併花朵的多寡和包裝豪華。這天情人節是星期五,一早已經見到花店的伙計在街上頻撲,忙於送花到各大office,女士越早收到花,就越早可以向同事們炫耀。

獨身的Patricia在灣仔商業區上班,她相信情人節有人送花給自己,等於有人疼自己,每年都會收到追求者送的花,不過她對這些追求者無興趣,所以仍保持處於單身狀態。

在今年一月初,她經朋友介紹下,認識了一位男士,他叫Devan,他在廣告公司任職。兩人曾單獨約會吃飯和看電影。Devan對Patricia十分有好感,想約Patricia於2月14日約會,聰明的Patricia當然不會應承,免得讓對方產生不必要之誤會。雖然Devan吃了一個大檸檬,但他鍥而不捨,決定於情人節送她一束花,表示心意。Devan兩天前在花店訂了一束深紅色的玫瑰花,叫花店於2月14日送到她office。

當日早上,花店的貨van駛到灣仔區,開始送花。中午時分,Devan見Patricia沒有來電,唔通未送到?他致電給Patricia,她語氣平靜,推測扎花未到。Devan收線後立即call花店。

花店的女店員check一輪之後,面懵懵咁回覆Devan:「對唔住啊先生......可能我哋miss咗張order…..」換言之無花送去Patricia,而花店的深紅玫瑰亦一早訂清,無貨賣!咁大鑊?!Devan狂炳女店員一輪之後,退錢都是無補於事。

Devan打去幾間花店,深紅玫瑰都無貨,送其他花又唔想,因她只愛深紅玫瑰。Devan靈機一觸,見到秘書收到一束深紅玫瑰,問秘書可否轉讓?這是一個最快捷最方便的方法獲得一束深紅玫瑰。秘書小姐說:「如果俾男友知道,唔係咁好囉,」Devan知道錢可以解決這問題,最後秘書小姐笑笑口雙手拱讓枱上那束紅玫瑰給Devan。

Lunch後,Devan第一時間著office boy送這束花去Patricia辦公室。寫了一張心意咭,夾在花中,叫office boy唔好兩頭望,立即出發!

戴著iPod的Office boy由鰂魚涌出發,向灣仔進發。他追巴士時候,心意咭不慎掉下,可惜他戴著iPod,沒有察覺張心意咭已掉在地上。

Office boy送完花後回公司,Devan見他回來,急不及待致電給Patricia,她仍是若無其事,Devan收線後,召Office boy問過明白,Office boy拿出對方公司蓋印的簽收,無花無假,真的有送到她公司。莫非Patricia存心冷漠對待自己?叫追求者早點死心?

Devan似乎明白了大概,只好苦笑一吓,死心吧!望著電腦發呆,突然電話響起!接聽後,是Patricia帶謝意的語氣:「多謝你!扎花好靚!」Patricia終於收到扎花。原來今早花店的女店員聽錯發票號碼,當然無此order。而Devan訂的那束花,於下午三時半送到Patricia手上。

雖然收到花的Patricia只作了一個禮貌的回電,沒有因此而應承Devan的約會,但 Devan十分高興,因為自己的心意始終能去到對方手上。以為送唔到的深紅玫瑰,最後都可以順利送到她手上,當中那份「得而復失、失而復得」的心情,只有Devan才知道。


34 則留言:

  1. 早幾年情人節,前度係印度,上網訂花,先遲一日,到送到黎,我落樓下收花...(個陣住唐三樓),見到黃玫瑰,我呆一呆,心諗事但啦...

    簽完名,送花人走左,諗住捧起d花上樓...

    我拎唔郁囉.

    花店將36支花,插係個3呎高既玻璃花樽入面,仲要載埋水囉唔該.

    咁我諗,無奶油我男人咁整估我嗟,又,佢係死硬紅玫瑰Fans,仲要一定係18支!

    咁我輾轉地打到去花店問清楚係咪搞錯啦,佢地竟然答

    "係呀,唔好意思,今日紅玫瑰返唔切貨,所以我地Double左個數量.至於個花樽,係我地既小小心意.因為尋日送唔到切花比你."

    我.無.奈.左.囉.

    回覆刪除
  2. 這是一個好故事, 收"花"者一定好開心. Happy Valentine's Day!

    回覆刪除
  3. 小豬

    張相好吸引咋?!
    咁故事呢?!

    +++++

    c+

    哈哈

    妳個遭遇真係好激!!
    花店嘅邏輯.....哈哈!

    happy valentine's day 啦

    回覆刪除
  4. celine

    Happy Valentine's Day to you too!!


    好寫吓嘢啦喂

    回覆刪除
  5. C+

    你既經歷好好笑. 好在唔係新春期間, 唔係double 2盤賀年花俾都有機.

    >>Devan知道錢可以解決這問題
    我係秘書小姐, 一定套現! 哈哈~

    回覆刪除
  6. 看罷這個故事,只是覺得:唉,情人節真係一個荷包出血的季節呀!

    (我不否認我是超級實際)

    插一下話:C+ ,咁都好丫,起碼插花唔駛搵花樽先啦。

    至於紅變黃,呢個問題留返俾你男人解決啦~!

    回覆刪除
  7. 你都好鍾意 Patricia 呢個名喎!

    有無送花俾女友 or 老婆先!

    Happy Valentine's day!!

    回覆刪除
  8. 自由,如果佢捧多盤吉黎,我可能要比利是添啊!

    Zoe,閉在要矮人黎幫我搬花呢!

    回覆刪除
  9. 送花送得咁多波折,總算有個大團圓!!

    回覆刪除
  10. 今年嘅情人節係响星期六,咁嗰啲返五日工嘅會係休戰一年呀?定抑或要男朋友早一日送花呢?(咁做好明顯係想 show off 啫)

    回覆刪除
  11. >>張相好吸引咋?!
    >>咁故事呢?!

    哇哈哈哈哈...我知道你一定會咁問架喇。

    嗱,喺度留得言,就唔會講假話。我真係覺得個故事太平淡囉;皆因你寫親嘅橋段通常都出人意表架嘛。鬼叫你呀,係你 set 高晒我啲 expectation 囉。(下次努力啲喇!)

    而本來我覺得冇乜好留嘅話,我都唔會為留言而留言嘅,事實上幅相真係好吸引,想 feedback 你知,所以咪咁講囉。^_

    回覆刪除
  12. 小瓶子:

    從來未試過收花可能未係最慘;如果當你收到一個你好唔鍾意嘅人送嘅花,可能到時你會寧願從未收過囉。

    回覆刪除
  13. C+

    >>如果佢捧多盤吉黎,我可能要比利是添啊!

    要呀要呀!!利利是是麻! 仲要叫間花店貼埋張揮春先好俾你!!哈哈

    回覆刪除
  14. 每到情人節, 都要搵節目, 好彩上左岸....

    回覆刪除
  15. 篤撐,

    娶左老婆都要tum 下嘛?@@" 唔好咁懶啦.......

    回覆刪除
  16. 今早上面落了柯打...花一律放地下大堂款待處,不得上樓...!等下班自己認領,果然係超冷酷公司連開工利是都冇.

    回覆刪除
  17. 情人節、
    生日、
    對方會記得當然開心,
    說聲快樂 甜蜜話...
    沒遠行的話,
    在家裡晚飯也不錯,
    起碼酒酣耳熱,
    便睡。

    卡,
    Joyeuse fête!

    回覆刪除
  18. 情人節呢,我喺要番工囉。。好野!

    回覆刪除
  19. 自由

    >>>>Devan知道錢可以解決這問題
    我係秘書小姐, 一定套現! 哈哈~

    咁妳又可以喺公司賣花,賣零食,賣湯,賣飯盒....

    ++++++

    zoe

    >>唉,情人節真係一個荷包出血的季節呀!
    係呀
    消費主義!
    做生意的日子

    ++++++

    肥貓

    >>有無送花俾女友 or 老婆先!
    ==>冇呀!
    唔想俾人「略水」!
    我不浪漫..sorry!

    回覆刪除
  20. 自由

    >>>>Devan知道錢可以解決這問題
    我係秘書小姐, 一定套現! 哈哈~

    咁妳又可以喺公司賣花,賣零食,賣湯,賣飯盒....

    ++++++

    zoe

    >>唉,情人節真係一個荷包出血的季節呀!
    係呀
    消費主義!
    做生意的日子

    ++++++

    肥貓

    >>有無送花俾女友 or 老婆先!
    ==>冇呀!
    唔想俾人「略水」!
    我不浪漫..sorry!

    回覆刪除
  21. gwen

    >>總算有個大團圓!!
    我在情人節
    最好happy ending 啦!

    +++++

    zoe

    >>可惜襄王有夢,神女無心。
    ==>現實生活,府拾皆是

    ++++++

    歪歪

    >>定抑或要男朋友早一日送花呢?
    ==>唉~要早一日呀
    陰公~~

    回覆刪除
  22. 小豬

    >>係你 set 高晒我啲 expectation 囉。(下次努力啲喇!)
    ==>多謝美言先!
    我下次就要「語不驚人誓不休」
    諗呀~諗呀~諗呀~

    +++++

    瓶子

    >>未收個花?
    ==各位blog界男士
    收到未呀?
    識做啦
    action啦

    +++++

    小豬

    >>如果當你收到一個你好唔鍾意嘅人送嘅花,可能到時你會寧願從未收過囉。
    ==>我會轉售或轉贈

    回覆刪除
  23. 篤篤

    >>每到情人節, 都要搵節目, 好彩上左岸....

    ==>你個女都6歲, 老夫老妻囉

    ++++++++

    zoe

    >>娶左老婆都要tum 下嘛
    ==>不過篤撐想氹人地老婆多啲啫

    +++



    >>花等下班自己認領,
    哈哈!
    辦公室終於可以停戰啦!

    回覆刪除
  24. 巴黎

    不需大魚大肉
    簡簡單單
    兩口子已經很窩心

    Joyeuse fête!

    +++++

    鏡田

    >>情人節,太煩人了.
    ==有啲女仔唔多苛求
    唔好咁灰呀
    希望在人間

    ++++

    不完美紳士

    祝你跟不完美淑女
    甜蜜情人節快樂!

    回覆刪除
  25. Carmen

    Happy 華倫天奴 Day!

    +++++

    eric

    要開工?
    找東西寄託一吓?
    大把人陪你一樣要揾工返
    you are not alone

    回覆刪除
  26. >>咁妳又可以喺公司賣花,賣零食,賣湯,賣飯盒....

    呢d利錢小, 都係攪死人facebook 好搵好多!!

    回覆刪除
  27. 自由

    果個gravebook
    製造中

    等吓啦
    實有一日面世

    回覆刪除

LinkWithin

Blog Widget by LinkWithin