~~~~~~~~~~~~~~~~







2009年1月2日 星期五

等妳365夜 (巴黎車交叉扑)

等妳365夜

高速火車衝出隧道,氣壓急變令車廂輕微搖晃。這班Eurostar高速火車,由英國駛去巴黎。8月的歐洲,日長夜短,傍晚7時仍未日落西山。

這一節車廂內,除了白種人外,還有兩名亞洲乘客,一男一女。 兩名20多歲的孤身旅客,男的叫Runa,女的叫Ellen,兩人互不相識,隔著好幾行座位。

當Runa去完洗手間後返回座位時,發覺一名中國女子在同一車卡,Runa知道尚有半小時便抵達巴黎,他在車上已經看了一小時書,不如揾人傾吓偈解吓悶。Runa唔怕醜走上前,向Ellen禮貌地介紹自己後搭訕起來。

Ellen見Runa都算高大靚仔,雖然她在香港已有一名男朋友:叫阿飛。Ellen唔抗拒或唔介意跟Runa消磨餘下半小時的車程,況且旅途中跟其他旅客交談,純屬促進國際友誼的正常社交活動。Runa坐在Ellen旁邊的空位,彼此交換簡單的個人背景。

Ellen是法國留學生,去年9月抵達法國入學,投靠在巴黎銀行工作的表姐,
表姐叫 Stella,她在香港被公司派往巴黎總部工作。Ellen跟Stella共同租住市區的一個apartment內。今年Ellen趁暑假,獨個兒去倫敦探舊同學兼遊覽,今天剛從倫敦乘Eurostar返回巴黎。

Runa則是香港時裝買手,今天在倫敦公幹完之後,黃昏便起程到巴黎見舊朋友。
Ellen心諗:「原來佢做時裝,唔怪得佢咁識著衫喇!」

Ellen問Runa是否去巴黎見女朋友?出發點只是隨口問吓,並非對Runa有興趣,試探他是否單身?Runa苦笑一吓,靦腆地答:「見女朋友?我都唔知係唔係?嚴格嚟講,我都唔知佢會唔會嚟赴約見我?」
Runa咁樣答,引起了Ellen的莫大好奇心,決定追問下去。

Runa一年前在巴黎公幹時,在餐館認識了一位香港清秀女孩,名叫Juliet。 她八歲時已經隨父母移民到法國,父母開設中國餐館,Juliet夜間幫父母當侍應,日間在大學修讀藝術系,主攻油畫,一年後將會畢業。

Juliet是一位高佻的氣質女孩。兩人一見鍾情,在巴黎過了浪漫纏綿的兩天後,Runa需要按公司行程到倫敦開會,之後趕回香港,時裝開新季落訂單。

到了Runa要走的一天,Juliet堅持要送Runa到火車站。Juliet和Runa站在Eurostar火車站閘口前,依依不捨地擁抱話別。Runa突然想起電影【Before Sunrise】,向Juliet提出於365日後,相約在火車站同一地點同一時間再見面。Juliet點頭同意。兩人特地唔攞對方的聯絡方法,只靠「互相信任」。今晚8:00正就是他們的一年之約。

Runa向Ellen承認很緊張,不知Juliet是否已經把自己忘記得一乾二淨? Ellen安慰他,叫Runa俾啲信心,可能Juliet已經在巴黎車站等著他呢?

火車抵達巴黎站後,兩人下車,Ellen陪Runa行去他們相約的地方,其實Ellen好奇想知道:究竟Juliet會否應約?

Runa坐在車站月台上的長櫈,四周張望,找尋Juliet的芳蹤。Ellen陪他坐下,Ellen的手提電話響起,是表姐Stella打來的。Stella說她正在趕往火車站的車程中,Stella工作的銀行剛發出花紅,她上週用那筆錢買下一輛二手車。Stella幾天前叫Ellen今晚不要坐地下鐵回家,乾脆在火車站等她揸車來接Ellen;乘機讓Stella揸吓車認吓市區的路。

但人生路不熟,Stella兜錯路,遇上塞車,特來電叫Ellen耐心等多一陣,很快便到。Ellen反叫Stella千祈唔好心急,慢慢嚟。 反而暗裡多謝她兜錯路和塞車,因為Ellen真的想知道Juliet最終會否應約的大結局?

Ellen問自己:如果她跟阿飛相約一年後才見面,其間彼此中斷所有聯繫;那麼阿飛一年後會守約出現?還是早已移情別戀呢?

已經8:40分,Runa開始打定輸數,笑自己咁戇居咁天真?趕嚟巴黎守一個早已過期的約定,赴一個無人的約會。
Ellen鼓勵Runa,「可能佢記錯日子、時間啩?」「或者佢整咗容,靚到你認唔出吖?」「可能佢下一分鐘就會出現呢?!」
9:05了,Runa灰心,決定起身離開,Ellen藉詞要去洗手間,叫Runa幫手睇住自己的行李,千祈唔好行開,希望拖延多一分鐘得一分鐘。

Ellen去完洗手間後,回來見到Runa正緊抱著一女孩子。兩人原地旋轉自轉,女孩子的紗裙隨風飄蕩,情境實在令人感動了,Juliet真的有赴約!
哎吔!錯過了目睹這一幕感人的Happy ending,唔抵呀!

此時,Ellen的電話突然「嘟嘟」聲響起,是短訊提示,大抵是Stella來到了火車站;Ellen打算姑且不理它,一心只想走上Runa那處,先認識Juliet這位守信女孩。

笑到合不攏咀的Runa,見Ellen回來,放下Juliet,興奮地說:「Ellen!等我嚟介紹,呢位就係Juliet!」
背向Ellen的Juliet,徐徐轉身,Ellen雙眼張大:「Bonjour!……Juliet,我叫……Ellen…..」
Juliet也尷尬地說:「Ellen…… je suis très ravie de vous connaître !」
Runa向Juliet說:「Ellen佢好好呀!陪我等妳,仲鼓勵我!」
Ellen:「咁我唔阻你哋喇,我走先!」
Juliet:「我有車!車埋妳吖!」
Ellen:「唔使啦!我搭Metro啦,費事做電燈胆啦!ciao~」

Stella在法國生活了三年,憑她吸引的外表和身材,經常遇上霧水情緣。而花都氣氛太過浪漫,很輕易就讓人產生戀愛的感覺。
Stella去年8月在餐廳跟Runa邂逅,Stella每次跟陌生男子交往時都慣用假名:什麼Juliet?什麼父母移民?什麼藝術系學生?通通都是隨口胡扯。

Stella一年內至少有四至五次這種「即食情緣」,其實她早已忘記跟Runa的什麼「一年之約」。 好彩Runa咁啱得咁蹺跟Ellen同車結伴同行,才能替Runa帶來這意外收獲。Ellen亦好識做,唔出聲跟Stella相認,不想破壞Juliet在Runa心目中的美好印象。

道別後,Ellen在車站致電給女同學:「喂!我今晚無家可歸呀!妳可唔可以收留我兩晚呀?」女同學:「無問題!」 一切安頓好後,Ellen乘地下鐵去女同學屋企過夜。

45分鐘後,Ellen由地鐵站步上地面,天已漆黑,她此時才想起剛才電話有短訊提示,
Check吓電話,原來是阿飛sent訊息問Ellen是否已經平安地回到巴黎?
她立即步入街角的電話亭,打了一個長途電話給男友阿飛:
Ellen:「喂!阿飛,我呀!返咗巴黎啦!講單關於我表姐嘅好笑嘢俾你聽呀!」
阿飛:「好呀!」
Ellen:「不過,你要應承我一件事先?」
阿飛:「好呀!乜嘢事吖?」
Ellen:「唔……呢件事要……你一年之後先做個喎!」
阿飛:「吓?一年之後……咁耐?究竟做乜先?」
Ellen:「我唔講住……你而家見唔見到個月亮呀?」
阿飛:「我而家望出窗口啦,等等先……呀~~~見到!妳呢?」
Ellen:「我已經望緊啦!」

Ellen早已探頭出電話亭,站在街燈影照的石板路上抬頭仰望,雖然兩人分處異地,但兩人同時望著同一輪明月。
Ellen甜蜜地笑了起來。

送給巴黎旅客


(Photo by Voyageuse de Paris )
----------------------------------------------------

巴黎旅客回應:

朋友卡臣 ,業餘話劇演員,愛創作故事。

他網誌上的留言,與其作品一樣精采、幽默、自由奔放....

十二月,有一篇關於巴黎的故事。

喜歡裡面浪漫的情節,延伸的、給人想像空間的結局,也勾起我對巴黎北站的種種回憶....

感謝你卡臣!

* * * * * * *

卡卡,剛才看完了故事,

彷彿再一次聽見北站的廣播,而火車徐徐開出了....巴黎北站,是我最熟悉的火車站,這兒,曾經是上演離別、重聚、或懈詬的舞臺。

那一年,歐洲之星從倫敦抵達巴黎,我在人羣裡發現了他,從此改變以後的命運....離開生活了十多年的巴黎,重返香港。

人生,像一列載滿旅客的列車,因為目的地不同,有人上車有人下車,因緣際會。

誰與你走了一程,誰又與你走至終點站......

-------------------------------------------------

巴黎車交叉扑 Paris Car Cross Blog

第365夜 - Déjà-vu  
By 巴黎旅客

卡臣 ,那一年,你也曾在歐洲遊蕩。
日出日落,像人生許多個偶遇....


* * * * * *

九號月台前,Thalys高速火車從布魯塞爾抵達巴黎北站,Emma在人羣裡尋找Aimé的踪影,一個又一個旅客在她面前擦身而過,Aimé卻始終沒有出現,Emma心裡一沉,打了一通電話,仍然是留言。

同一時間,在北站的青年阿卡,體型健碩,一身時欵黑色,戴了香奈兒égoïste,他是演藝學院畢業生,在電台工作,也是業餘話劇演員。去年,阿卡來歐洲旅行,在布達佩斯的橋上偶遇法國女孩Adèle,一見如故,彼此結伴同遊。之後,這段霧水情緣靠長途電話、msn、email繼續維繫。今次,阿卡往Brussel探妹妹後,特地來巴黎見Adèle,原本巳約定了在火車站,卻始終見不到她,電話裡總是留言。

也在苦候的Emma,正擔心男友的去向,阿卡從不遠處發現了Emma,便趨前用英語問她:「對不起!我第一次來巴黎,朋友說了來接車,卻不見她!請問妳可以教我乘車到這地址嗎?」

哎,同是天涯淪落人!
Emma:「當然可以,你從那兒來的?」
阿卡:「香港。妳呢?」
Emma(改用廣東話):「我也是香港人呀!你給我看地址吧!」
是拉丁區一條小街!Emma暗自驚訝,自己就住在附近呢,怎會如此巧合!
Emma:「我也住這區,可順道帶你去。」
阿卡:「太好了,謝謝妳,!」

從Gare du Nord乘四號線,便直達St Michel,車廂上,他們彼此述說自已的故事。Emma來巴黎留學第四年,與法藉男友Aimé一起六個月,她告訴阿卡,Aimé到了Brussel探望母親,原本今夜回來,卻失跡了。阿卡覺得有點不可思議,兩人的遭遇,竟然一樣。

他們走出地鐵站,迎面是冰冷的北風,很多人巳聚集在噴泉下。

人太多,她牽着他,穿過聖米歇爾大道,來到河邊的莎士比亞書店,再往後面走,便是阿卡朋友的家rue Galande,外牆有點破,他按了Adèle姓氏的interphone,卻沒有人應,心裡開始納悶,於是再試了幾次,然而,每個長響都落空了....究竟發生了什麼事?不要有意外呀!

看見阿卡失落的表情,Emma有點不忍,雖然是剛遇到的陌生人,卻有似曾相識的感覺,於是向他提議:「我就住在噴泉附近的樓頂房,不如你先到我家,再等你朋友回來?」

阿卡正感到迷惘,難得Emma邀請,便欣然接受,實在不想一個人孤零零,在寒冷、陌生的巴黎街頭徘徊,更何況,在除夕夜啊!

當他們再次走到噴泉,雪花開始飄下來....
Emma驚喜:「噢!很美呀!」
此刻,擠滿了人的廣場上,巳經傳來倒數聲:
"...... Cinq,Quatre,Trois,Deux,Un! Bonne Année! "
不遠處,聖母院的鐘聲響起,身旁的陌生人互相擁吻,Emma在阿卡的臉上印了兩下,對他說: 「Bonne Année阿卡,祝你快樂!」
阿卡:「妳也是! Happy New Year !」
這時候,兩個人的手提都響起短訊信息....


阿卡,對不起!剛才到媽家裡被困電梯!到救出來,巳經一早過了接車時間,你現在那兒?我無法打得通你的電話!新年快樂,我愛你!」

「Emma,我錯過了原定那班火車!電話又剛好沒電!現正在布魯塞爾火車站旁的酒店,要明早才能回巴黎!你現在那兒?我無法打得通你的電話!Bonne Année! Je t'aime!」

這時候,塞納河上的觀光船Bateau Mouche經過聖米歇爾橋,強烈的射燈照亮夜空。
阿卡、Emma的心裡,突然快樂起來....

當Emma牽着阿卡穿過人羣那一幕,許多年前,已經發生了。



   ***** 送給 卡臣 *****


* * * * * *

卡臣回應:

歐洲巧遇,就算無落腳地,也叫人迷醉。共妳一夕共坐,妳聽我的故事,替我度身訂造故事角色:我在Charles Bridge巧遇法國少女一事,妳把它紀錄下來及浪漫化。

兩個有相同遭遇的陌路人,走在一起便驅走彼此的孤單。柳暗花明又一村,擔心的事情都是杞人憂天,讓大家在除夕晚上,洗去不安和不寧,親吻旁邊人一啖!(如果是陌生又靚的異性,就更好啦!)

2008年收到妳一份窩心的禮物。原來呢個世界有人願意花心思寫故事送給自己,收到是一件咁開心的事情! 我知妳用文字謀生,這一篇文章咁多隻字,不知值幾多支佳釀?

Bonne Année巴黎旅客!謝謝!

卡臣


Non, Je ne Regrette Rien – Edith Piaf

Não, nada de nada...
Não! Eu não lamento nada...
Está pago, varrido, esquecido
Não me importa o passado!

Com minhas lembranças
Acendi o fogo
Minhas mágoas, meus prazeres
Não preciso mais deles!

Varridos os amores
E todos os seus "tremolos"
Varridos para sempre
Recomeço do zero.

Não! Nada de nada...
Não! Não lamento nada...!
Nem o bem que me fizeram
Nem o mal, isso tudo me é bem igual!

Não! Nada de nada...
Não! Não lamento nada...
Pois, minha vida, pois, minhas alegrias
Hoje, começam com você!

174 則留言:

  1. Bravo la première! No.1!

    好耐無爭凳仔,我係屋企大食會,啱啱飲緊apéro。

    阿卡送故事,開心又感激!

    飲勝飲勝!

    回覆刪除
  2. 哈哈,霸番過第二,好似我地荃灣的第一個茶敍!三人行呀!

    回覆刪除
  3. NO.4

    點可以無我份?

    我在海怡半島朋友家中,
    忍不住留個言先

    巴黎
    最緊要妳鐘意!

    回覆刪除
  4. 流浪、卡卡:

    三人行,當然沒忘記。
    詩人與藝人,印象深刻...

    完成頭盤。

    回覆刪除
  5. 慕水情緣好浪漫。

    有嘢想問:當 Ellen 打電話俾阿飛嘅時候,起碼係巴黎時間晚上 9:50,即係香港時間早上 4:50,唔知凌晨呢個時候係咪都睇到月亮呢?

    睇故唔好駁故,不過好奇想知道咁啫。
    :P

    回覆刪除
  6. 維京:
    印象中,04:50,太陽還沒升起前,應該仍看得見月亮。

    回覆刪除
  7. Runa 好彩遇到Ellan^_^
    都好丫,起碼沒有「白等」。

    回覆刪除
  8. 我本應火鍋但驚太耐阻我回家睇巴黎故事,所以食日本菜,點知都係攪到點幾.
    個故事好有趣初初有些sun rise sunset feel...但原來咁鬼馬.卡兄鬼才呀!我都係巴黎小住過真係好浪漫.D人著衫好有個人風格吾會大紅大紫,四處都是樹木,賽納河兩傍的建築物,協和廣場,鐵塔全打上黃燈真係又靚又偉大.人生必去之地方.
    卡兄,這次那麼祈待是預先公告和是送給巴黎小姐的故事...很有效果啊!
    我也借你的地方做過宣傳:
    於除夕前會post 08年小女子的總結
    這一年...落花流水!
    flower are falling...this year!
    到時請指教...

    回覆刪除
  9. yes, Paris I see it now! But I like the frist one. Simple and the story just between two people in 24 hrs a bit of sad cos hv to separate after they DONE !
    what is your opinion? Paris.

    回覆刪除
  10. 巴黎 + 校長

    從鴨脷州回家
    山長水遠
    剛抵家

    荃灣茶敍
    我當然記得。
    詩人,浪人與顛人,印象深刻...

    +++++

    小佚

    妳張相靚呀!

    +++++

    巴黎

    錯字已改

    謝謝

    回覆刪除
  11. this two moive I think not many ppl can afford cos too many dialogue with only two actor in it.Feel like two ppl just talk talk talk.... no others(disgusting). But the 3(can't remember the name saw in last year!) one was more funny but the actress seen to be bit old.The most deep impress she sung very well....!

    回覆刪除
  12. 聶秀康:
    其實已看過幾次,然而當巴黎的大街小巷出現熒光幕前,便不由自主地被吸引了。
    「日出」與「日落」,兩套都愛,偶然的相遇、相分,道出人生的吊詭。

    回覆刪除
  13. DENZEL

    故事好浪漫...

    當然!襯番阿巴黎小姐嘛!


    ++++

    zoe

    小說世界充滿巧合
    現實世界通常食白果
    陰公~~~

    +++++

    維京人

    時差問題問得好
    事前我已經email問過巴黎小姐
    4:50望到月亮
    香港夏天,早上5時都望到

    你果然細心

    回覆刪除
  14. 巴黎,
    對啊!祇要住過巴黎就會受到感邵,每條石路,街燈,小加啡廳,掃狗x的電單車...
    我那時是住在第三區每天乘地鐵站名temple...很懷念!時常做壞事不買票跳站!

    回覆刪除
  15. 從鴨脷州回家
    ==> 嘩卡臣,邊度嚟嫁?

    聶秀康:
    妳說得對,已經被人轉台了!
    還是一個人的時候重看vcd。

    回覆刪除
  16. 巴黎
    >>TVB Pearl:
    "Before Sunset" starts now!

    我立即開!
    嘩!咁巧合?
    我事前唔知嘅

    妳浪漫死啦
    又故事又電影一齊嚟

    +++++



    原來妳也做過巴黎旅客
    我逗留過幾日
    都被它的浪漫溶化

    我較喜歡
    before sunrise
    24小時邂逅故事
    我的「兩花生」故事也源於此啊

    回覆刪除
  17. 聶秀康:

    "時常做壞事不買票跳站!"
    ==> 我也經常逃票,心虛,見到制服男便嚇死,不過很剌激。
    Temple:有温州小吃店、巷弄。

    回覆刪除
  18. 各方好友:

    聶秀康
    2008年壓軸力作:
    落花流水!
    flower are falling...this year!

    於除夕前會於聶秀康刊登
    總結這一年...到時請指教...

    熱切期待!

    回覆刪除
  19. 卡卡,剛才看完了故事,
    彷彿再一次聽見北站的廣播,而火車徐徐開出了....
    巴黎北站,是我最熟悉的火車站,
    這兒,曾經是上演離別、重聚、或懈詬的舞臺。

    那一年,歐洲之星從倫敦抵達巴黎,我在人羣裡發現了他,從此改變以後的命運....
    離開生活了十多年的巴黎,重返香港。
    人生,
    像一列載滿旅客的列車,
    因為目的地不同,
    有人上車有人下車,
    因緣際會。

    誰與你走了一程,
    誰又與你走至終點站....

    回覆刪除
  20. 落花流水!
    ==>當然會捧塲!
    熱切期待 x 2!

    回覆刪除
  21. 聶 + 巴黎

    聶,巴黎留學法國
    專睇高達,杜魯福,伊力盧馬之藝術電影
    sun set sun rise之對話電影
    完全濕濕碎

    其實續集
    講ethan & julia十年後重遇
    拍低兩人real time 90分鐘之對話紀錄
    手法幾即興大胆!

    +++++

    巴黎

    鴨脷州在香港仔
    香港南區

    俾人轉台?
    唔緊要啦
    揾日再重溫吧

    回覆刪除
  22. 卡臣,
    我也是喜歡1.有點離愁,但一開始就覺得佢地會攪野,點知最後係公園草地...濕立立...而且當年女主角又後生D.

    巴黎,
    對呀3區好多中國人,難怪很多人向我問路...?

    回覆刪除
  23. 更正,
    3耳沒留學巴黎,祇是陪朋友仔...我層居於英國 sheffield(雪飛爾).

    回覆刪除
  24. 巴黎

    >Temple:有温州小吃店、巷弄。
    嘩!中國人生命力/適應力真強!

    eg 搭車不買票跳站

    *******


    落花流水!
    ==>當然會捧塲!
    熱切期待 x 3!

    *******

    >誰與你走了一程,
    誰又與你走至終點站....

    妳的感性留言~~正!

    之前問妳攞兩張火車站相
    妳不知道故事之下
    竟然給一張兩人(銅像)擁抱之相
    真是巧合中巧合

    回覆刪除


  25. 補充:
    第一集在奧地利搞嘢

    妳在英國居過,
    叫妳:英國旅客

    回覆刪除
  26. 卡臣,

    多謝你幫手宣傳.但'力作'就太抬舉了.
    落花流水...!!!我家下汗花如流水啊!!!!


    好像於暑假完結前在趕功課!

    回覆刪除
  27. 卡兄,
    sheffield個名雪菲爾靚到不得了,實情是工業小鎮黑文文,最叻做巴士...紅噹噹果D呢!
    我覺得住個London至夠代表性至可以稱為旅客/人.其實英國人極階級化!

    回覆刪除
  28. "竟然給一張兩人(銅像)擁抱之相
    真是巧合中巧合"
    ==>卡卡:
    唔知點解,覺得這照片適合。

    ==>聶秀康:
    如要到Lyon,要在Gare de Lyon上車

    回覆刪除


  29. 唔好俾壓力自己
    寫blog要enjoy
    否則咪攞苦嚟辛?

    倫敦..我逗留過幾天
    可能hk是殖民地關係
    覺得英國好熟識(路牌,郵筒,巴士,英女皇logo)
    講英文又有人明白

    回覆刪除
  30. 巴黎

    >>卡卡:
    唔知點解,覺得這照片適合。

    我寫的故事,妳的相片,tvb pearl的movie
    簡直互扣

    回覆刪除
  31. "我寫的故事,妳的相片,tvb pearl的movie
    簡直互扣"
    ==>
    像人生許多的巧合

    夜了,
    bonne nuit!

    回覆刪除
  32. great story Kaka, just got a little confused with the names. Especially when a guy's name ends with "a".

    回覆刪除
  33. 巴黎

    真係「咁啱得咁蹺」!

    早晨!

    ++++++

    deserfox

    >>Especially when a guy's name ends with "a".

    係咩?

    咁我叫「Carsona」
    又變成女兒身?
    哈哈

    回覆刪除
  34. @ 巴黎旅客,
    我信你所講。尋晚諗住試下四點零五點望出去個窗睇睇,但兩點鐘就已經瞓著咗。
    :P

    @ 卡臣,
    果然做好資料搜集。勁!
    :)

    回覆刪除
  35. "Before Sunrise" & "Before Sunset" are my best love stories sequals of all time.

    uncle car, this is your best script ever, keep up the good work.

    回覆刪除
  36. 好難得一個男仔高大靚仔、識著衫之外,會係咁浪漫兼長情,通常呢啲異地霧水情緣,即使雙方有心想發展都難,仲莫講要一年內無聯絡後再見番𠻹!依家就算Stella/Juliet知道自己上次走咗寶,想認真同Runa一齊都唔得,唯有希望佢今次唔好再拖Runa多一年。

    最後,唔好鬧我貪『外國嘅月亮特別圓』,但係呢啲火車上嘅偶遇,真係要發生响歐洲嘅先浪漫,因為好難想像呢啲情景係會搭直通車上廣州時出現。

    回覆刪除
  37. 卡臣:
    妳張相靚呀!
    -->多謝~都係岩岩見靚影低

    卡臣香港一日遊?

    歪歪:
    好難想像呢啲情景係會搭直通車上廣州時出現。
    -->的確好大分別,場景好大分別,無咁浪漫

    回覆刪除
  38. 維京人

    @ 卡臣,
    果然做好資料搜集。勁!

    看倌細心如你也要對你說聲:勁!

    ++++

    Nost

    >this is your best script ever,

    嘩!係咪呀?
    我開心!

    ++++

    回覆刪除
  39. 歪歪

    >>『外國嘅月亮特別圓』,但係呢啲火車上嘅偶遇,真係要發生响歐洲嘅先浪漫

    同意啊!
    亞洲區好難有咁浪漫!
    港鐵都好難

    ++++++

    小佚

    張相邊「樹」影架?

    回覆刪除
  40. Bonsoir,
    I like your script Monsieur ,Carson! Keep on writing!

    回覆刪除
  41. 巴黎:

    卡卡係藝人,我就唔係詩人,係好屎嘅人。

    反而你啲相充滿詩情畫意,才堪稱詩人!



    卡卡:

    所以呢,巴黎係詩人浪人於一身,而我就係顛人,有啲學生都咁話我架!

    回覆刪除
  42. 四點零五點望出去個窗睇睇,但兩點鐘就已經瞓著咗。
    ==> 維京:
    改晚再欣賞月色
    尤其在滿月之夜
    會很美

    ==>卡:
    對呀
    浪漫除了心境
    氣氛真的很重要
    在塞納河邊
    就很容易墜入愛河

    回覆刪除
  43. 流浪:

    感覺瘋癲
    只因超然

    飛越
    人間仙境
    不易領略

    回覆刪除
  44. Jean-Luc Godard

    多謝大師題字

    我會努力

    另,大師你的「斷了氣」真的睇到我breathless!

    +++++

    校長

    你點會係屎人?

    你係「些屎人」=sexy man

    回覆刪除
  45. 巴黎

    >在塞納河邊,就很容易墜入河內?
    吓?
    點解法國政府咁疏忽?
    吓?sorry
    睇漏個「愛」字
    妳講墜入愛河~~
    我睇錯


    >感覺瘋癲
    只因超然

    ==>咁我爭住認顛!
    姐姐~~妳好~~嘻嘻~哈哈~

    ++++



    >巴黎美麗極了...

    妳識貨呀!
    我見個巴黎旅客真人
    真係靚架!

    回覆刪除
  46. 在塞納河邊, 就很容易墜入愛河 x2
    >>>
    當年有朋友追女仔追到去荷蘭洲,
    我教佢記得帶她去巴黎, o甘就萬事大吉。
    後來我打電話比佢,
    佢地竟然armarm訓醒....keekeekeekee

    回覆刪除
  47. 篤撐

    >佢地竟然armarm訓醒....keekeekeekee
    ==>可怒也!!

    點解篤撐兄你唔早啲教我呀?!

    回覆刪除
  48. 巴黎4處飛咁飄然的生活自然培養出獨特氣質,加上天生美人條件...好羨慕你層有網聚.在我來說每位網友都非常有想象空間好神秘.

    回覆刪除
  49. 原來你幫進念架,唔怪得寫得咁正啦.

    回覆刪除
  50. 卡:
    你真係識氹人開心。

    原來
    當年係覺士道公園玩嗰個童軍
    真係你嚟嘅

    日行一善

    回覆刪除
  51. ==>三朵小耳:
    太誇獎了。
    飄洋過海
    在浪漫之城體驗生活
    是我生命中最美的事!

    ==>thaigreeting
    卡臣的演出
    更正!

    ==>篤篤篤撐:
    如果再加上美酒
    就更朦朧 更情不自禁。

    回覆刪除
  52. 巴黎
    裡酒,咖啡,風景...就是一副美麗的圖畫.
    美麗不單是外表長相個人修養,學識,見聞,經歷都應計算在內.

    回覆刪除


  53. >好羨慕你層有網聚.
    ==>下次預埋妳!

    >在我來說每位網友都非常有想象空間好神秘.
    ==>好神秘!無錯!我係CIA
    sorry!又夠鐘食藥

    +++++

    thaigeeting

    客氣客氣

    寫得好唔講得
    練吓打字
    玩吓咁囉


    +++++++

    回覆刪除
  54. 巴黎

    >我唔係識氹人開心。
    只是實話實說

    咦!我係覺士道公園玩嗰個童軍呀
    專扶老人家過馬路(不過衝紅燈)

    >卡臣的演出
    更正!
    ==>妳講得無錯
    我發台瘟,爆肚時的演出
    真係幾正架!

    無美酒,得拜神的燒酒.
    work唔work架?

    ++++



    >美麗不單是外表長相個人修養,學識,見聞,經歷都應計算在內.
    ==>弊家伙!
    我喜愛的讀物是:火舞耀揚,醉拳,雄風,一本便利..

    回覆刪除
  55. 我終於上到黎! 公司電腦壞左, 呢幾日有排都上唔酊黎, 要夜晚呀! woo...woo...

    >那一年,歐洲之星從倫敦抵達巴黎,我在人羣裡發現了他,從此改變以後的命運....
    好浪漫呀!!!

    落花流水
    我一定捧場!!

    回覆刪除
  56. 自由

    吓?
    >>公司電腦壞左,上唔網?
    woo...woo...
    ==>真係心痛苦,比處死更難受~~

    >好浪漫呀!!!
    巴黎唔浪漫,邊個浪漫呀?

    >>落花流水.我一定捧場!!

    聶!
    有三個人等緊睇啦
    努力啦!

    回覆刪除
  57. 巴黎旅客
    如果再加上美酒
    就更朦朧 更情不自禁。
    >>>>>>巴黎D酒, 無論幾平, 飲親都好, 係真係好OR只不過境由心生?

    回覆刪除


  58. >>巴黎D酒, 無論幾平, 飲親都好
    ==>我諗你飲緊個氣氛

    回覆刪除
  59. Before the Sunrise, 是超浪漫的一套电影.

    回覆刪除
  60. 在我來說每位網友都非常有想象空間好神秘
    ==>三朵小耳:
    如果妳見到阿卡,就明白乜野叫做健身教練+話劇演員嘅camera face。

    ==>阿卡
    Car Sir嗰幕搓breast,真係笑死我!

    得拜神的燒酒==>
    會唔會係假嫁?
    仲好烈喎!要半醉半醒感覺,唔係爛醉!

    回覆刪除
  61. 小瓶

    我咁睇:
    Before the Sunrise是感性
    Before the Sunset是理性

    ++++++

    小佚

    雲好靚啊!

    ++++

    南蠻

    卡卡?
    可能指巴西踢波果位呢?!


    ++++

    巴黎

    早晨!

    >>如果妳見到阿卡,就明白乜野叫做健身教練+話劇演員嘅camera face。
    ==>哈哈!
    阿巴黎
    唔知邊個日行一善呢?

    >>Car Sir嗰幕搓breast,真係笑死我!
    ==>多謝先!妳睇得開心我就開心!

    >>仲好烈喎!要半醉半醒感覺,唔係爛醉!
    對呀!
    要半醉半醒, 仲要識分男女
    否則搞錯性別就大镬!

    回覆刪除
  62. 卡卡,
    ==我喜愛的讀物是:火舞耀揚,醉拳,雄風,一本便利..

    我的讀本:3周,8周,7隻白虎,飢男筆記...係未有得fright!

    巴西的卡卡係童顏靚仔不過結左婚!

    落花流水...其實都冇乜大鑊野,我又冇股票係手,債券,I kill you later...之類,都吾知乜冬冬所以無掂.人生惟一買過005但賣了.喜歡過576但失去最佳入貨時機.落花流水...都係女的情情愛愛.對於起落不大的我算是反覆的一年.希望大家看完別說:下!係咁乍...回水! 多多包涵!


    卡臣原來是進念...想想到...謝君豪,萬千師奶茶.
    先前看了華嚴經.好聽的心如工畫師

    回覆刪除
  63. 耳耳耳

    哈哈
    我知妳講笑
    妳睇Times, Wallpapaer, Casa, 明報月刊, 百姓, 爭鳴.....

    落花流水...是妳的故事
    唔使埋人點睇
    我梗係唔會叫回水
    不過叫:落花回水
    哈哈

    看過華嚴經?
    多媒體劇場
    係咪好多啟發呢?
    善哉

    回覆刪除
  64. 要半醉半醒, 仲要識分男女
    ==> 樣貌可能變得矇矓,
    但係,
    可以憑感覺、觸覺...

    ==>個人感受
    日出,自由輕狂戀戀不捨
    日落,逝者如斯歸於平淡

    如果她當年也赴約,人生歴史會改寫....

    回覆刪除
  65. 巴西的卡卡係童顏靚仔不過結左婚!
    ==>三朵小耳:
    唔知點解d靚仔總係結左婚、或者唔鍾意女人。嗚嗚...當年我愛死了哥哥!

    是妳的故事,唔使理人點睇
    ==>阿卡講得啱。
    三朵小耳,
    妳係unique架!
    期待中....

    回覆刪除
  66. 巴黎
    >> 樣貌可能變得矇矓,
    但係,可以憑感覺、觸覺...
    ==>弊家伙! 摸正一碌棍!


    日出,啱30歲前觀眾
    日落,啱30歲後觀眾


    >>唔知點解d靚女總係嫁咗人(仲係有錢佬)、或者唔鍾意男人,做TBG。嗚嗚...

    >>妳係unique架!

    嘩!
    巴黎唔係隨便讚人
    妳開心啦!

    回覆刪除
  67. 巴黎
    童顏嘛...祇可遠觀.
    我喜歡成熟穩重啊!
    謝謝妳的鼓勵啊!到底情愛都不離那幾個步驟相知,相愛,到相忘或相對...祇是我的情事有點懨悶令人惆悵.
    哥哥有一年往荷蘭早機與他有同機之緣,還拍了照片,可能是早機他木獨得很但很有禮貌.

    回覆刪除
  68. 華嚴經=當然有所頓悟,但佛家之道理又是講究參透領悟,觀所自在,業障沉重如我.真要好好細味個中內容.

    那些雜誌應是前度的讀物啊!
    我!是小女子一名,坊間一切熱門東西都是我所關注的.諸事三隻耳...是天生的吧!耳耳耳...

    回覆刪除
  69. 卡臣,
    認識巴黎是從她網誌的感性文字漂亮圖片,當然喜歡巴黎可能是我們的共通點吧!
    巴黎的讚美令我飄浮了迅間呢!
    謝謝巴黎也謝卡臣的歡樂天地!

    回覆刪除


  70. 嘩!親眼見過哥哥
    妳幸運啊!

    妳叻收風
    咁好呀!
    快人下步,理想達到

    >>謝謝巴黎也謝卡臣的歡樂天地!
    歡樂天地?
    妳快啲暢啲token
    等叔叔同妳揼傻瓜射槍先

    回覆刪除
  71. 卡叔叔歡樂天地!
    我又要玩!
    有無棉花糖?

    回覆刪除
  72. 與他有同機之緣,還拍了照片
    ==>我,勁羨慕!
    哥哥剩係係夢中出現過。

    ==>真的,三朵小耳,
    或許因為大家都戀慕巴黎浪漫情調,
    所以投缘。
    不是人人愛巴黎呢!
    有人甚至憎恨這城。

    回覆刪除
  73. 我勁D, 同哥哥/唐唐一齊TEA, 不過佢地在隔離枱, 另一邊隔離枱就煞風景D, 係王穎妤

    回覆刪除
  74. 巴黎,
    對啊!巴黎浪漫不是眾人所想或所能感受到的.或者妳我都有些巴黎往事所以才更愛它更能受到它的感召.
    除了哥哥我那年grand year在連x佛實習了半年在童裝部認識了Maggie Cheung 大家來自英國頗投緣時常偷偷去後巷抽煙...沒久她便離開去了拍廣告.
    那時lunch hour 是很多男生來看靚女的,果真天生麗質.

    回覆刪除
  75. 巴黎

    歡迎嚟到卡叔叔歡樂天地!

    好多棉花糖呀
    等叔叔帶妳去睇金魚吖

    +++++

    篤撐

    嘩!勁喎
    王穎妤?
    咁有冇見到大劉?
    甘比呢?

    ++++++



    嘩!嘩!嘩!
    妳識maggie架!
    仲有後巷打邊爐之誼添!
    張國榮 + 張曼玉
    成套「阿飛正傳」咁!
    羨慕~~

    回覆刪除
  76. ==>鳴鳴~~~
    我唔要睇金魚!
    我要騎牛牛!

    ==>三朵小耳:
    妳連曼玉都識!
    我係巴黎機塲見過佢,
    超逸!

    回覆刪除
  77. 祇是被此人過客吧!她真是很出眾很charm,要知到在連x佛就算當一個保安也俱被型男黃德斌的外觀,要鶴立雞群真不容易,我那時像個大鄉理.

    回覆刪除
  78. 巴黎

    maggie cheung<---法國人都識!
    eg wong kar wai

    騎牛牛?
    歡樂天地邊有牛牛騎???

    ++++++



    >當一個保安也俱被型男黃德斌的外觀
    嘩!
    清潔阿嬸...似李司琪?

    回覆刪除
  79. 阿卡:
    為左多謝你送故仔,
    我,
    無以為報,
    惟有以
    故事相許!

    21:09
    30 december 2008
    旅客blog

    回覆刪除
  80. 咁有冇見到大劉?
    >>>見到王小姐佢老豆同佢老母咋.....

    回覆刪除
  81. ==>吓,騎牛牛都冇?

    嘻嘻,
    其實我未去過歡樂天地!
    我剩係去過上海新天地!

    回覆刪除
  82. 卡臣,
    是啊!那個年代連x佛不是閒人消費的地方.
    法國人非常迷戀東方文化,王嘉衛是有點地位的.

    巴黎小姐要發佈故事,那明晚又要擔撜仔了,妳的故事又是如何的呢!

    回覆刪除
  83. 巴黎呀巴黎

    嘩!
    終於有人回禮啦
    太.好.啦!
    多.謝.哂!
    讀者之福啦!

    21:09
    30 december 2008
    聽晚
    我而家倒數啦

    909<--吉日呀!

    回覆刪除


  84. 我同妳望實巴黎個blog
    好緊張!
    怏啲聽晚

    ++++ 



    你去landmark High tea項啦
    ...死有錢佬!
    嗱!你講先咋!

    回覆刪除
  85. ==>哈哈,
    禮上往來!
    個故事係"等妳365夜"嘅姊妹篇。

    ==> 三 + 卡:
    有你地兩位捧塲,
    我,
    實在感到榮幸!

    回覆刪除
  86. 巴黎

    >等妳365夜"嘅姊妹篇
    正啊!

    >有你地兩位捧塲?
    吓?兩位?
    點止?
    起碼成千上萬啊!
    一齊等呀等

    回覆刪除
  87. 嘻嘻,
    呢篇故仔嘅留言,
    似乎係三耳阿卡巴黎嘅...
    交叉MSN!

    網誌真奇妙。

    回覆刪除
  88. 巴黎

    >>交叉MSN!

    簡直繼交叉blog後
    又一新悠:公開MSN

    多得妳兩位

    回覆刪除
  89. 起碼成千上萬
    ==>


    把鬼!
    係咁架嗱?
    乜故仔嚟呀?

    回覆刪除
  90. >把鬼!
    係咁架嗱?
    乜故仔嚟呀?


    ==>呢個係法國藝術意識流前衛抽象實驗小說

    回覆刪除
  91. 唔經唔覺
    又到左零晨時份,
    多謝各位聽眾....

    哎吔,傻左咩!
    晚晚夜貓真係唔係幾好,
    仲一個人自言自語,
    太過份!


    今晚都係早D瞓。
    Bonne Nuit!
    no.99

    回覆刪除
  92. 巴黎

    點解仲未到今晚9點?
    快啲~快啲~

    回覆刪除
  93. 卡臣:
    快ga la...你眨下眼就到9:09分ga la
    你依家眨下睇下,就跳咁d時間ga la

    回覆刪除
  94. 小佚

    老點咩?
    我狂眨下睇下
    都係過咗幾分鐘咋!

    回覆刪除
  95. 使乜講
    一定喜歡
    ja taime~~
    (可能寸錯)

    回覆刪除
  96. >卡叔叔歡樂天地!
    哎呀! 遲左添...我要拋彩虹!!

    p.s. 仲未有電腦, 悶爆中!

    回覆刪除
  97. 自由

    沒電腦.無寧死
    忍耐多一陣
    我明白妳的心情

    回覆刪除
  98. 我剛午膳都要來卡叔叔歡樂天地 say 個 hi, everybody good afternoo 啊!
    呢度幾成交x blog 好利害呀百多個留言了.
    今晚未會移師陣地去 yahoo 巴黎屋企繼續開party? 超祈待...好玩的成人歡樂天地.

    自由呀,快快攪好個腦一齊玩.等你啊!

    回覆刪除


  99. >自由呀,快快攪好個腦一齊玩.等你啊!

    阿自由部電腦壞咗@@

    我3:30外出見客, 後去GYM

    巴黎呀巴黎
    仲未909架構!!


    張相係咪妳屋企?
    好Artistic

    回覆刪除
  100. Je t'aime!
    阿卡向卡嫂示愛。


    感謝三+卡錯愛,
    今晚夜歸,
    返嚟唔好
    扔鞋
    我鍾意玫瑰多d!
    Ciao!

    回覆刪除
  101. >自由呀,快快攪好個腦一齊玩.等你啊!

    部腦而家在HQ 既手術室中, 唔知幾時先返到黎....唯有..返屋企先有得玩!!

    回覆刪除
  102. 卡臣,
    是寒舍我的歡樂天地!
    剛裝修完...胡亂攪一下。

    回覆刪除
  103. 自由,
    今晚見!


    巴黎,
    喜歡玫瑰,浪漫女子!
    我愛玉簪香氣霸度,白嬋的厚白雍容。

    回覆刪除
  104. 巴黎

    向妳拋玫瑰花
    一定!
    e玫瑰花俾妳啦~~

    ++++++

    自由

    部腦康復中?
    我買支葡萄適俾佢

    +++++



    妳個天地好靚
    影啲post吓啦

    >喜歡玫瑰花,浪漫女子!
    ==>我喜歡豆腐花
    搞個反高潮的爛gag先
    sorry忍唔住

    回覆刪除
  105. 祇是窩居,好啊!mail給你,等post完落花流水後,裝修前後都mail比你 ok?

    回覆刪除
  106. >>感覺瘋癲
    只因超然

    飛越
    人間仙境
    不易領略


    哇,巴黎,哩幾句已經顯示出你嘅超然,佩服佩服!

    回覆刪除


  107. 唔好e俾我
    我唔獨食
    post出嚟同大家分享吓
    出年post吖!

    +++++=

    校長 + 巴黎

    兩位好像不吃人間煙火
    吞風食露...
    飛呀~~

    回覆刪除
  108. 卡卡:

    「些屎人」?你就係,你 sexy 到不得了!

    我呢,我就係 「屎些人」,要人施捨個發財錢嗰啲吖!

    回覆刪除
  109. 卡卡:

    咦,係喎,卡卡個名好似係我叫先個噃!

    飛呀...我都諗過用劉飛做筆名架,不過就肯定俾人叫劉老飛!

    呵呵,劉亦菲個阿爺?

    回覆刪除
  110. 校長

    卡卡
    多謝你賜名先!

    劉飛?
    流非飛...是王菲一首舊歌

    夠鐘寺巴黎個blog睇故事啦

    回覆刪除
  111. 劉飛?
    唔好意頭呀!(輪)劉(俾人)飛...唔好卦!
    o拿..好在你無用o者...而家咪幾好!

    巴黎寫俾你個故事都好浪漫!

    回覆刪除
  112. 自由

    >巴黎寫俾你個故事都好浪漫!
    真係唔講得笑
    浪漫到瀉呀~~~~~
    勁開心!

    回覆刪除
  113. 將文章組合在一起又出奇地harmony.
    這是最好的禮物.

    祝大家新年快樂,身體健康!

    落花流水 31Dec.2008 3:00am發佈

    送給大家.
    *文筆拙劣還請包涵。

    回覆刪除
  114. 嘩嘩嘩!

    哩度熱鬧到吖!

    爭啲以為入錯門口添!

    新年快樂!

    回覆刪除


  115. >我祝番妳新年轉好運,身體健康!

    落花流水 31Dec.2008 3:00am發佈
    ....明日睇
    3:00am深夜場太夜啦

    *文筆拙劣還請包涵。
    係咪咁講嘢先?
    呢度大家都係娛人自娛
    談什麼優劣?

    回覆刪除
  116. HANA

    嘩!
    遠遊回來啦!

    祝09賺多啲!
    身體健康!

    回覆刪除
  117. 嘩嘩嘩,交叉msn打到嚟!

    多謝三朵小耳自由流浪與各位讀阿卡嘅浪漫懈逅。

    阿卡,這故事靈感來自"等妳365夜",幻想這樣的情景這樣的巧合,

    那似曾相識的悸動,延伸了今生與前塵....

    便是難以解釋的déjà-vu。

    回覆刪除
  118. 三朵小耳:
    零晨三時,
    希望我唔會被人迫去瞓!
    我已經夜貓一星期。

    回覆刪除
  119. 呢度咁旺場,唔知會唔會湊夠 365個 comments 呢?

    嘿嘿 ......

    回覆刪除
  120. 晚安,巴黎...故事很好啊!每個地方都活現眼前,連那沙士比亞古董書店,超真實感!

    回覆刪除


  121. 體諒吓我吖!

    +++


    巴黎

    勁多謝妳呀
    今夜去邊?
    咁夜返
    我地三缺一呀

    déjà-vu,---高手呀
    半夢半醒!
    我的法國妹...妳在何方??

    +++++

    viking

    365 comments?

    等我copy & paste comments for 3 times!
    自己呃自己

    回覆刪除


  122. >每個地方都活現眼前,連那沙士比亞古董書店,超真實感!
    ==>簡直一本電視旅遊雜誌
    (由電視姐仔奀星主持)
    嘩!好有口感,好好味呀!

    回覆刪除
  123. 嘩!好有口感,好好味呀!
    ==>似食評喎!
    不過電視d介绍飲食千篇一律,
    又濫又行。

    三朵小耳:
    ==>因為妳曾路過那些景物
    所以歴歴在目。
    謝謝妳!

    等我copy & paste comments for 3 times!
    ==>卡,唔駛自己呃自己
    指日可待....

    回覆刪除


  124. 歡樂天地開心地
    開心日夜笑嘻嘻

    +++++

    巴黎

    >>365 comments

    得架!
    個留言欄被人惡意炸嗰日囉!

    回覆刪除
  125. 卡臣:

    回你的新年快樂~
    巴黎、三隻小耳、維京人、自由行,大家都新年快樂~~

    (小妹有Subscribe 呢度意見,可惜年尾要埋數無時間去參一腳啊……到後來已經插不上話了._.)

    笨豬

    回覆刪除
  126. zoe

    >>小妹有Subscribe 呢度意見,可惜年尾要埋數無時間去參一腳啊……到後來已經插不上話了)
    ==>話插咀就插咀
    唔使埋我地架!

    回覆刪除
  127. 多謝笨豬!
    歡迎隨時插咀。

    卡,
    我灌醉老爺,
    又再夜貓!
    想係落花流水
    插旗。

    回覆刪除
  128. 隊醉老爺等3點?
    都辛苦妳啦
    下次一粒瀉藥搞掂

    回覆刪除
  129. 巴黎

    >愛人嚟喎

    又係喎
    收返我嘅說話

    回覆刪除
  130. 卡臣:
    老點咩?
    我狂眨下睇下
    都係過咗幾分鐘咋!
    -->無老點!咪過左幾分鐘lor,眨眼需時啊!
    我眨眨下眼累,訓著左就更加時光飛逝啦!

    回覆刪除
  131. 卡卡:

    鬼佬年初一嚟拜年呀,祝新年快樂,文思泉湧呀!

    回覆刪除
  132. 校長

    祝你啲學生聽教聽話
    同二夢開花結果

    回覆刪除
  133. 卡臣:

    好溫馨呀!是否巴黎旅客所寫呀?

    回覆刪除
  134. 超正,超浪漫喎!

    我有d懷疑係咪真故事,"本故事不是虛構"

    回覆刪除
  135. I.minor

    邊會係真吖?
    只不過將before sun rise套戲變奏啫

    回覆刪除
  136. coffee

    如果故事背景不在法國
    可能無咁美

    回覆刪除
  137. before sunrise 太經典啊!那時候 ethan hawke 還很年青 julie delpy 還很清純~

    回覆刪除
  138. 重温兩段浪漫故事,好温馨。
    現實裡,也該會發生...

    我與倫敦的緣份,
    有相遇有白等。

    巴黎卻是鄉愁,
    生命中最年輕的歲月都在那兒渡過。

    再次 謝謝你呀卡!

    回覆刪除
  139. 這是精選重貼吧?好看啊!然而看完竟然有點戚戚然... 現實從來沒有這種像奇蹟的大團圓...

    anyway, 有冇 before sunset?

    回覆刪除
  140. Largeheadboy

    係呀
    十年後
    在before sunset中
    兩人添了風霜

    ++++

    巴黎

    眨眼又兩年
    翻看都別有一番滋味
    我也多謝妳寫故事給卵

    ++++

    SKII

    如果我寫的「等妳365夜」是Before Sunrise
    咁巴黎旅客寫的「第365夜 - Déjà-vu  
    」便是Before Sunset了

    回覆刪除
  141. 坦白講,真係好富戲劇性,現實相信唔會發生!

    回覆刪除
  142. 你話巴黎將你嘅真實故事浪漫咗,咁當年究竟有幾唔浪漫呢?

    回覆刪除
  143. 歪歪

    當年我在布拉格
    跟一名新認識的法國女子遊城半天
    只是正常社交活動
    沒有留下聯絡
    唔浪漫的萍水相逢

    回覆刪除
  144. 喂,三唔識七一齊玩咗半日,之後又唔交換聯絡方法,呢啲半日情先至浪漫呀,令你回味之餘仲會諗如果大家有聯絡嘅,會唔會…

    當然,我假設個法國妹係「正」嘅!

    回覆刪除
  145. 歪歪

    那個法國小姐
    20零歲
    不是國色天香
    也不醜
    輕鬆過半天
    算是國際文化交流

    回覆刪除
  146. 咦,乜由『正常社交活動』升級到『國際文化交流』喇,再講多幾講,咪變咗「跨宇宙學術研討會議」!

    難得香港有你做代表,唔驚會失禮人。

    回覆刪除
  147. 歪歪

    『正常社交活動』升級到『國際文化交流』喇,再講多幾講,咪變咗「人鬼通靈問米大會」

    註明: 我是人,她是鬼(妹)

    回覆刪除
  148. 「人鬼通靈問米大會」

    高手即係高手,畫龍點精!

    回覆刪除
  149. 歪歪

    你勁啲
    我收埋咗呢篇都俾你搵返出嚟

    高手高手

    回覆刪除

LinkWithin

Blog Widget by LinkWithin