~~~~~~~~~~~~~~~~







2009年2月9日 星期一

最痛都會過去 – 下集

(Photo by Jay Yau)

最痛都會過去 – 下集

阿Yan向阿輝說:「今年9月我會去溫哥華讀書。」
阿輝望着阿Yan,沒有太大的驚愕,只苦笑:「咁…咪幾好!」

阿輝知道阿Yan遲早都會離開自己,只是時間的問題。難道叫阿Yan跟自己餐搵餐食餐餐清、老來一齊去攞政府綜援過活嗎?如今阿Yan趁青春去讀書,用知識改變命運,不失為一條正確的出路,心底裡著實替她高興。

阿輝:「好啊!去溫哥華讀書,8月尾上機呀?有乜嘢要幫手即管出聲吖!」
阿Yan用這個消息間接地向阿輝講分手,阿輝當然領會到分開兩地的結局就是分手。
阿輝問:「其實香港都可以讀大學,點解要揀加拿大咁遠?」
阿Yan:「我想喺加拿大學好啲英文嘛!」

阿輝都知道溫哥華呢個華人埠,講廣東話都可以生存到,阿Yan怎會想去加拿大學好英文?阿Yan睇報紙,知道有好多大陸年輕女留學生,找辦法到溫哥華讀書,之後下嫁給當地的老華僑,跟著住大屋養番狗,過著舒泰的生活。阿Yan諗過嫁給一名華僑,也不失為一種即時提高生活水準的最快方法。

阿輝一人離開,心裡開始倒數阿Yan上機的日子。

8月中,阿輝在一場夜馬,中了3T贏取5萬多元!阿輝苦笑:「唔通情場失意,賭場得意?」,打算請阿Yan去酒店吃一頓豐富,算是慶祝贏馬,也算是替她餞別送行。

阿輝對食物從來無乜要求,這趟是他第一次到酒店吃大餐,戰戰兢兢;奉上熱咖啡後,
阿Yan突然向阿輝說:「你咪曾經講過,有乜嘢要需要幫手,可以揾你。」
阿輝聳一聳肩:「係呀!即管開聲。」
阿Yan:「我想問你…借5萬蚊…,其實我嘅外國生活費仲未揍夠,我返嚟香港之後,一定會還返俾你!」
阿輝諗了5秒鐘,一口答應了阿Yan。因為阿輝一向慣了兩袖清風,嗰5萬遲早盞變返賭注送返俾馬會。加上阿Yan學成歸來,一定有能力還錢,咪當由她暫代保管這筆錢吧!再者,阿Yan臨別秋波提出的唯一請求,阿輝唔想令阿Yan失望!

翌日,阿輝把5萬元過戶給阿Yan。阿Yan忙碌地張羅留學的必需品。一週後,阿輝到機場送別阿Yan。兩人沒有太大傷感,阿Yan更加是興奮地迎接新生活。臨入閘之前,阿輝挨近阿Yan耳邊細聲說:「祝福妳同Gibert以後開開心心!」
阿Yan碌大對眼望着阿輝,兩秒後掩嘴大笑!
原來阿輝的一位八卦女同事,八料俾阿輝知阿Yan跟Gibert暗中交往。阿輝自卑心作祟,阿Yan有機會同留學生一齊,梗係好過跟住自己呢個窮光蛋啦!阿輝沒有怪責過阿Yan,如果換作是自己,也會揀個有前途的大學生做男友啦!

阿Yan停止笑聲後,對阿輝說:「Gibert係gay架!」
阿Yan承認經MSN跟Gibert聯絡,不過只是詢問留學申請手續、了解溫哥華當地風土民情而已。阿輝放在心中的疑竇被解開後,笑面重現。阿輝一輪叮囑後,阿Yan夠鐘入閘;臨走時,她向阿輝細聲說:「嗰5萬蚊,我一定會還俾你!」說罷便步入禁區。

阿Yan剛抵溫哥華,Gibert協助她找住宿。當阿Yan安頓好,Gibert便離開溫哥華。因為Gibert畢業後找到一份時裝設計工作,不過集團派了他去多倫多的分公司。

剩下阿Yan孤身在溫哥華,課餘時候,她在中國餐館當侍應兼職,補貼生活費。緣份從來無得解釋,亦無得勉強迫出來,阿Yan到步一年,都碰不上富裕的華僑。她在工作地方認識了一名大陸女顧客,她叫媚姨,她從大陸來到溫哥華已五有年多;百足咁多爪。

阿Yan向媚姨透露自己想賺多點錢,媚姨用普通話跟阿Yan提議:「入股種大麻。」,有些大陸人租了當地的屋,把屋內改裝成大麻農場,再將收獲攞去提煉及發售。但是租屋和打理都需要資金,有興趣者可以集資,等大麻發售後再分一筆可觀的回報。

阿Yan見讀書未能產生即時效益,侍應薪金微薄,又搭唔上華僑,一於博一舖!種大麻就種大麻啦!阿Yan把積蓄一舖押上!媚姨遊說阿Yan買得大贏得大,介紹阿Yan向唐人街的地下財務公司借錢,結果阿Yan把那筆巨款交到媚姨手上後,媚姨沒有在阿Yan面前再出現過。

財不入急門,阿Yan好後悔、怪責自己好天真好傻!情緒跌落谷底。她現在身無分文,仲欠下財務公司一身債,債主快將臨門,阿Yan無心戀戰,把中國餐館剛發出的薪水,買一張回港機票,決定翌日逃之夭夭!

步入機倉,結束一年的留學生活,想起這一趟遭遇跟想像中的預期,徹底的南轅北轍,望着機窗外的雲海,抽泣起來。

阿Yan返回香港後,沒有通知任何朋友,她不想將痛苦的經歷再次重複一篇轉述。幾天後,阿Yan路經旺角時,被卡拉OK舊同事見到,舊同事立即通知阿輝。

阿輝半信半疑之下,打電話給阿Yan,阿Yan接聽,因為她曾經應承過阿輝會還錢。她正想找阿輝要求寬限多一段時間,如今阿輝正好自動送上門。阿輝相約阿Yan今晚在屋邨的冬菇亭前見面,食飯聚舊兼替她洗塵。阿Yan猶豫應否編一個故事呃阿輝,因為阿Yan對於過去一年所發生的事,真的想隻字不提。

阿Yan準時站在冬菇亭前等阿輝,一年不見,唔知阿輝是否仍然懶懶閒閒?吊兒郎當?突然一度強勁白光照射到阿Yan臉上,白光來自一部最新系列的寶馬四驅車的車頭燈,車窗打開,阿輝探頭出來,向阿Yan揮手。
阿Yan呆了,問:「你而家改行做司機呀?你老細部車好靚喎!」
阿輝叫阿Yan上車先講,四驅車往荃灣方向駛去。

阿輝邊駕駛邊說:這一年行大運,他跟細佬在深圳揼骨時,阿輝忽發奇想,問細佬有冇一個網頁專給網友憑弔逝世的人?供朋友留言哀悼追思?細佬答:「未有喎!不如搞番個啦!」細佬做電腦程式員,他認為有得諗。

兩兄弟左度右度之後,一個月後便整咗個網頁叫「Gravebook」。原本諗住貪得意玩玩吓,怎料大受歡迎!登記人數每日節節上升!自殺、空難、絕症、天災地震、嚴重交通意外、醫死人、奪命傳染病、運動猝死…製造了大量年輕中年至老年的死者群,網友可從friends finder翻查久未聯絡的朋友是否已經去世?如果發現有朋友離世,可以留言、post生前合照、on-line送花、燒衣、奠酒、叩頭和掃墓等。

不消一年,Gravebook已經風靡全球,獲廣告商垂青;最後被google用一筆巨款買下。至於幾多錢?阿輝也不太清楚,只知道那筆款項拿去投資財富衍生工具,便可以宣佈退休。之後,舉家搬去九肚山,買了兩部歐洲車。

阿Yan聽到目瞪口呆,自己想盡辦法改善自己及家人生活水準,卻換來舊債新愁,阿輝不學無術,卻搬進九肚山之大宅,上天跟自己開這個玩笑,真的開得太大!

車廂內的收音機,DJ突然播起許志安和車婉婉的《會過去的》,兩人一怔。阿Yan一聽到「♪ 最痛都會過去 都會散去 都會退去 我們如何 仍然能活下去…得到過 什麼 也要放下什麼 ♫」阿Yan兩行眼淚終於按捺不住流下。

四驅車停在紅燈前,阿輝左望阿Yan,她連忙拭去臉上眼淚,阿輝低聲說:「嗰5萬蚊…妳唔使還啦,如果妳唔介意…跟我姓吖…」阿Yan聽後,剛抹乾的眼睛,又再次濕潤,不過這一次,一共有四隻眼睛熱淚盈眶。

這時,擋風玻璃前的交通燈轉成綠色,
阿輝再踩油開車,兩人向前路駛去,暢通無阻。


謹祝天下有情人 元宵佳節 人圓兩團圓

-------------------------------------------------

另一結局 by市場維京人

這時,擋風玻璃前的交通燈轉成綠色, 阿輝再踩油開車,兩人向前路駛去,暢通無阻。

怎料一輛貨車突然於對面線失控,鏟過來碰撞阿輝部車,仲係直插阿 Yan 個位。阿輝為咗阿 Yan 嘅安全,把呔一扭,結果貨車直撞阿輝個位,阿輝當場死亡,而阿 Yan 則輕傷而已。

兩小口子就如此這般陰陽相隔。阿 Yan 一心以為最後可以與阿輝相愛,亦可以過一點好嘅生活。但又有誰料到阿輝最後還是為了阿 Yan,斷送了自己的性命?

現實,又是何其的殘酷?

畫面最後 zoom 到電視嘅新聞報導。記者話有關的貨車涉嫌醉酒駕駛,警方不排除會控告有關嘅貨車司機,而市民亦要求政府提高醉駕嘅刑罰云云。

47 則留言:

  1. 好多女人的梦想, 出去创完即使受尽伤害, 回来都会有好男人肯接收. 不过现实都好难发生啦.

    回覆刪除
  2. 瓶子

    >>不过现实都好难发生啦.
    只好在小說裡發生啦

    +++++

    desertfox

    多謝先~~

    祝你同coco人月兩圓

    回覆刪除
  3. 唉,好,兜了一個圈,又回來了!

    有幾多愛又可以再重來,只要有一段,也叫人暢快!

    回覆刪除
  4. 小佚

    >>結局也團圓~
    係囉
    我無呃妳架!
    happy ending!

    +++++

    校長

    >>有幾多愛又可以再重來

    有多少愛可以重來
    有多少人願意等待
    當懂得珍惜以後歸來
    卻不知那份愛會不會還在

    回覆刪除
  5. 都話d結局"估你唔到"...

    你講o個個「Gravebook」真係有得諗喎!至少我可以睇下我d仇家死得未, 點樣死, 仲可以深切慰問佢一番...唔錯唔錯!!

    回覆刪除
  6. 卡臣:你人太好啦,竟然讓阿Yan有大團圓結局。
    一個不懂珍惜眼前人的人都可以有大團圓結局!!唉!善哉!善哉!

    回覆刪除
  7. 好也啊,我最中意大團圓結局架啦~~~元宵節人月兩團圓!

    回覆刪除
  8. 自由

    妳一於搞個「Gravebook」
    一個唔覺意發咗達!
    記得我呀!

    俾返十零廿萬過我吖!

    +++++

    gwen

    其實故事抄forest gump
    forest無野心,卻有名有利
    女主角jenny想成名,結果絕症死去
    無論點
    寫個happy ending賀吓元宵節!

    +++++

    carmen

    係呀!
    月滿抱佳人
    大家向好處想!

    回覆刪除
  9. 卡臣都好熟溫哥華的情況喎。
    不過呢,個度既華人大部份都變成加燦囉。都唔喺咁舒泰咖。留喺大陸可能仲容易嫁個有錢佬。
    happy ending,唔錯!
    順祝大家元宵快樂。

    回覆刪除
  10. eric

    溫哥華...我去過一次咁大把咋!
    夏天去,無咁凍

    happy ending
    大家咁話啦!

    回覆刪除
  11. 媚姨!?你做乜鬼出我真名先?

    尋晚人月臀都圓嘛?

    回覆刪除
  12. 一點意見:

    好失望再次响呢度見到「Gibert係gay架!佢係讀fashion嗰啲乸型嚟架!」呢類嘅情節。我真係唔明咁寫法作用係乜,咁嘅撟既唔係好笑又無新意,仲用只會加深一啲不必要嘅誤解。雖然我都覺得乜都講政治正確係好悶,但係咁唔代表就有必要繼續用呢類嘅字眼。

    我認為以你嘅水平同見識,唔應該再犯呢種錯。當然,如果你心底深處真係有呢啲歧見嘅話,我會建議既然你認識咁多同性戀者,點解唔向佢哋多啲了解吓,希望之後你會有所改觀。

    回覆刪除
  13. 我只可以說,個劇情好爆,諗唔到會咁喎!

    回覆刪除
  14. 卡臣,
    劇情發展真係一啲都估唔到喎! 不過happy ending也未嘗不是好事.

    Gravebook - 攞Facebook開玩笑..... 記住句 "如有雷同, 實屬巧合"

    回覆刪除
  15. 歪歪

    講句對不起先!
    內文已改
    為此引起之不安致歉!

    回覆刪除
  16. C+

    哦!
    原來妳叫「劉家媚」!!


    人月臀<--呈橢圓咋

    ++++

    sze

    妳估唔到呢
    其實我都一樣估唔到
    我一邊扶乩一邊寫

    +++++

    不完美紳士
    >>why always happy ending?
    生命咁苦
    揾啲嘢中和一吓啦
    苦中要落糖

    回覆刪除
  17. 肥貓

    >>Gravebook - 攞Facebook開玩笑

    咦!
    妳讀computer science!
    快啲著手諗
    可能殺出一條血路!

    回覆刪除
  18. 如卡臣的Grave Book 開張我霸頭位登記!並人到禮到.

    加國,英國也大量國內同胞進注.知到這故事會團圓結局,但想出Grave Book的點子真是拍案叫絕...Barvo!

    *係呢呀強哥有冇將包橙交比你?上次探訪你不在啊!

    3 ear

    回覆刪除
  19. 『內文已改
    為此引起之不安致歉!』

    你無引起不安,只係引起不忿。刪改一句係好易,最重要係希望你真係明白我嘅出發點而去改。

    回覆刪除


  20. >>Grave Book 開張我霸頭位登記
    吓?
    死人先register架

    包橙收到
    食咗仲痾埋

    多謝妳!

    ++++++

    歪歪

    政治不正確引起你的不忿
    認真抱歉
    下次唔會啦!

    完全明白的

    回覆刪除
  21. 真係估你唔到..... 仲以為你會比阿Yan lee D 貪圖富貴既女仔一個殘酷D 既結局添~

    回覆刪除
  22. 大家都係未脫出框框啊...

    小卡,這篇我喜歡。

    不過,下次再寫衰d 丫(個女仔)
    但係,最後都要有好男人要喎!

    回覆刪除
  23. 啊...真係好, 元宵佳節,結局團圓, 人財兩得啊~~~

    回覆刪除
  24. 原來琴日係元宵佳節,我係飛機度,錯過左空中月色....

    卡,我鍾意故事呀!
    阿Yan係温哥華夢醉,巳經得到教訓。
    難得阿輝沒變、仲發左達,真係唔好睇小少年窮。
    我最愛童話式愛情故事,許多奇遇不斷上演,夢想又何妨...

    回覆刪除
  25. just curious, will yan & fai still be together if fai has not turned to a rich guy?

    回覆刪除
  26. IRIS EYE

    >>阿Yan 呢啲貪圖富貴既女仔

    等我補充一吓:
    1) 阿Yan並非拜金
    2) 她本身是讀書材料,因母親病,被迫輟學
    3) 她想用知識改變命運,唔想做一世Waiter
    4) 她出發點:賺錢改善母親生活條件
    5) 無奈財不入急門,徒勞無功

    有人性格進取,有野心
    有人性格安逸,易滿足

    無講邊種性格優勝
    只考慮是否適合自己


    妳寫多啲,期待妳的作品

    ++++++

    zoe

    其實阿yan一啲都唔衰
    只想改善家人及自己生活啫

    而阿輝乜都唔介意
    留這名好男人要返阿yan

    回覆刪除
  27. 無論 happy ending 也好 tragic ending 也好,好睇就得。

    呢篇好睇。

    如果俾我續寫,可能會係一個 tragic ending,仲會係好慘嗰隻:

    >這時,擋風玻璃前的交通燈轉成綠色,
    >阿輝再踩油開車,兩人向前路駛去,
    >暢通無阻。

    怎料一輛貨車突然於對面線失控,鏟過來碰撞阿輝部車,仲係直插阿 Yan 個位。阿輝為咗阿 Yan 嘅安全,把呔一扭,結果貨車直撞阿輝個位,阿輝當場死亡,而阿 Yan 則輕傷而已。

    兩小口子就如此這般陰陽相隔。阿 Yan 一心以為最後可以與阿輝相愛,亦可以過一點好嘅生活。但又有誰料到阿輝最後還是為了阿 Yan,斷送了自己的性命?

    現實,又是何其的殘酷?

    畫面最後 zoom 到電視嘅新聞報導。記者話有關的貨車涉嫌醉酒駕駛,警方不排除會控告有關嘅貨車司機,而市民亦要求政府提高醉駕嘅刑罰云云。

    回覆刪除
  28. JC

    係呀!
    應吓節!
    估吓花燈先

    乜嘢河一定令人暈眩?

    >>>>alcohol

    ++++++

    巴黎

    歡迎妳回港
    天氣暖過歐洲多多聲!!

    愛情童話故事
    我都鐘意睇吖!

    +++++

    nost

    如果阿輝仍是窮
    阿yan應不會跟他
    因她的人生目標仍然是:改善生活
    無論靠知識或姿色
    她不甘心跟窮的阿輝

    回覆刪除
  29. 卡臣,
    唔好「反」我啦,小弟都係過嚟踩吓場玩吓咁啫。
    :P
    多謝你呀!
    Cheers!

    回覆刪除
  30. 新結局都好慘,不過至少喺阿輝死之前都風光過,阿YAN又喺番身邊。

    回覆刪除
  31. eric

    有冇聽過
    一首舊歌
    The Smiths - There is a light that never goes out

    故事相似..

    回覆刪除
  32. 維京人個結局雖然慘, 但有劇情多d!!

    回覆刪除
  33. 命運弄人..

    小說很貼近現實, 看得在下有點激動..魂遊於辦公室內...不知不覺都帶點惘然....

    回覆刪除
  34. 數奇門

    咁惘然?

    恐怕你有類似遭遇

    回覆刪除
  35. 甘又吾關我事, 不過有時同人批算過程中. 難免聽過吾少悲歡離合之事, 跟你所說的有點雷同.

    所以覺得有時人生只不過是一幅錯縱複雜的大網吧..(笑)

    回覆刪除
  36. 最好呢:

    两个人一齐之后, 嗰男仔越来越进取, 将所有精力时间放在工作上, 但嗰女仔因为泊了好码头, 所以收心养性, 反而没了以前有主见/有个性.

    半年后, 轮到嗰男仔觉得嗰女仔变0左, 与之前佢爱的阿Yan唔同晒. 阿輝以两人性格不合, 提出分手.

    回覆刪除
  37. 數奇門

    >所以覺得有時人生只不過是一幅錯縱複雜的大網吧
    嘩!成為我最新的座右銘!

    +++++

    瓶子

    又得喎
    性格互調

    悲劇收場

    回覆刪除

LinkWithin

Blog Widget by LinkWithin