~~~~~~~~~~~~~~~~







2007年9月15日 星期六

* 爛 gag

爛 gag

我喜歡講爛 gag,
講得愈爛愈開心,
見到朋友唧都唔笑我就更開心!
在「噓聲」中長大的我,

用爛 gag來磨練鬥志。
今天我再施小技,
迎接你們的熱烈「噓聲」!


朋友:「喂,報紙話有一個測試,
證明7-11啲軟雪糕含菌量超標!」
卡臣:「係咩?個測試邊個做?」
朋友:「咪係Circle K做囉!」


朋友:「啊!噯呀 ~ 嘩!好鬼秘呀!」
卡臣:「咩事呀?邊個撞鬼呀?」
朋友:「呵冇!我跪咗喺度一個鐘,
而家我對腳好鬼痺呀!!」


朋友:「喂,最近有無戲做?」
卡臣:「啱啱今年一月喺文化中心做完,」
朋友:「啊!今年一月我唔喺香港,無睇到。」
卡臣:「一月唔喺香港呀?咁你去咗邊度?」
朋友:「我唔喺香港啫,我喺九龍。」


老公:「老婆,今日公司出咗十萬蚊bonus俾我!」
老婆:「好嘢!終於可以買車!老公你幾時睇車?」
老公:「我幾時睇車?」
老婆:「嗯!」
老公:「我過馬路前都一定會睇車!」


三名屋邨仔是死黨,
一晚共坐球場望住個月亮,
三人決定互相公開一個鮮為人知的秘密:
屋邨仔A:「我有舖癮,鐘意偷偷地扮女人」,
屋邨仔B:「我有舖癮,鐘意專偷肥婆衫褲」,
屋邨仔C:「我有舖癮,鐘意爆人私隱」。


某香港大型商場搞購物主題:地球村,
商場掛滿世界地圖、各國名勝照片、
商場大使穿上各國民族服裝、
一名操大陸口音中年男士走到女大使跟前,
用半鹹半淡的廣東話詢問大使。
男士:「妳知唔知南斯拉夫在哪裡?」
女大使心想他想考我的地理常識?
好彩我開工前商場已提供有關地理資料,
女大使回答:「南斯拉夫在東歐,」
男士:「不是,我問南斯拉夫在哪裡?」
女大使再補充:「南斯拉夫在巴爾幹半島。」
男士:「不是!不是!不是!」
此時,男士妻子走上前幫口,
妻子:「他問男士內褲在哪裡?」


在爆發鴉片戰爭前,
中英商賈用有限度中英文溝通。
某英國商人和某中國商人碰面交談,
英國商人用國語問:「你覺得日本的火船技術如何?」
中國商人:「乏善足陳。」
英國商人:「什麼是乏善足陳?」
中國商人用盡他的方法也不能令對方明白。
最後中國商人講到面紅耳赤,情緒激動,
大聲地重複著:「乏善足陳!乏善足陳!」
英國商人終於明白:「Oh!乏善足陳 ~ Frustrated!」

係咪好乏善足陳呢?多謝大家噓聲!

11 則留言:

  1. 遇到煩人煩事時,我用這個gag來幽自己一默:

    我: 我要搬去"雲喜道"住.
    友人: 幾好環境噃,是否近"雲景道"?
    我: 附近吧!不過我是"暈咗起道".

    回覆刪除
  2. CC,
    thank you for not frustrated by the trash joke

    回覆刪除
  3. I should see this earlier, this really cheers me up!!!

    回覆刪除
  4. Sava,
    "I should see this earlier,"
    you're unhappy recently?
    i will tell u more trash joke next time.

    回覆刪除
  5. 多謝你的gag,可惜略厭不夠爛!

    與某大電視台的新晉才子主持在某問答遊戲節目中所講的爛gag相比,對不起,你的實在相形見拙。

    請繼續努力多寫些爛gag,否則你這爛gag王的寶座就要退位讓賢啦!

    回覆刪除
  6. 賢,
    好!我要閉門鐨研出絕世爛gag,
    等我呀!

    回覆刪除

LinkWithin

Blog Widget by LinkWithin