* 爛 gag

爛 gag

我喜歡講爛 gag，
講得愈爛愈開心，
見到朋友唧都唔笑我就更開心！
在「噓聲」中長大的我，
用爛 gag來磨練鬥志。
今天我再施小技，
迎接你們的熱烈「噓聲」！

一
朋友：「喂，報紙話有一個測試，
證明7-11啲軟雪糕含菌量超標！」
卡臣：「係咩？個測試邊個做？」
朋友：「咪係Circle K做囉！」

二
朋友：「啊！噯呀 ~ 嘩！好鬼秘呀！」
卡臣：「咩事呀？邊個撞鬼呀？」
朋友：「呵冇！我跪咗喺度一個鐘，
而家我對腳好鬼痺呀！！」

三
朋友：「喂，最近有無戲做？」
卡臣：「啱啱今年一月喺文化中心做完，」
朋友：「啊！今年一月我唔喺香港，無睇到。」
卡臣：「一月唔喺香港呀？咁你去咗邊度？」
朋友：「我唔喺香港啫，我喺九龍。」

四
老公：「老婆，今日公司出咗十萬蚊bonus俾我！」
老婆：「好嘢！終於可以買車！老公你幾時睇車？」
老公：「我幾時睇車？」
老婆：「嗯！」
老公：「我過馬路前都一定會睇車！」

五
三名屋邨仔是死黨，
一晚共坐球場望住個月亮，
三人決定互相公開一個鮮為人知的秘密：
屋邨仔A：「我有舖癮，鐘意偷偷地扮女人」，
屋邨仔B：「我有舖癮，鐘意專偷肥婆衫褲」，
屋邨仔C：「我有舖癮，鐘意爆人私隱」。

六
某香港大型商場搞購物主題：地球村，
商場掛滿世界地圖、各國名勝照片、
商場大使穿上各國民族服裝、
一名操大陸口音中年男士走到女大使跟前，
用半鹹半淡的廣東話詢問大使。
男士：「妳知唔知南斯拉夫在哪裡？」
女大使心想他想考我的地理常識？
好彩我開工前商場已提供有關地理資料，
女大使回答：「南斯拉夫在東歐，」
男士：「不是，我問南斯拉夫在哪裡？」
女大使再補充：「南斯拉夫在巴爾幹半島。」
男士：「不是！不是！不是！」
此時，男士妻子走上前幫口，
妻子：「他問男士內褲在哪裡？」

七
在爆發鴉片戰爭前，
中英商賈用有限度中英文溝通。
某英國商人和某中國商人碰面交談，
英國商人用國語問：「你覺得日本的火船技術如何？」
中國商人：「乏善足陳。」
英國商人：「什麼是乏善足陳？」
中國商人用盡他的方法也不能令對方明白。 最後中國商人講到面紅耳赤，情緒激動，
大聲地重複著：「乏善足陳！乏善足陳！」
英國商人終於明白：「Oh！乏善足陳 ~ Frustrated！」

係咪好乏善足陳呢？多謝大家噓聲！