~~~~~~~~~~~~~~~~







2013年5月8日 星期三

如何又會令你親口講聲愛戀我 – 上集

 

如何又會令你親口講聲愛戀我 上集

卡拉OK房內歌聲高揚,Fanny拿着咪,充滿感情,投入地唱。她唱的歌是王馨平的想你親口說愛我》,

~~看四週一雙一雙開開心心每日在路上擦身過,為何獨要剩你獨要剩我孤孤單單得太多?看昨天一點一點清清楚楚每夜在夢內再溫過,如何又會令你親口講聲愛戀我?~~

還有五分鐘便踏入午夜12點正。

* * * * * *

Fanny於紅磡一間大學就讀工商管理學系,同班中有一位男同學叫Andy,外表俊俏,夾band攝影運動皆精,深受女同學歡迎。對他傾慕的女同學為數不少,當然包括Fanny在內。

Fannyyear one開始已經暗戀Andy,無奈自覺生得唔靚、又無身材,沒有勇氣向Andy表白。加上身邊很多比自己漂亮的女同學向Andy示愛後,都遭Andy婉轉拒絕。Fanny只好收藏起自己這份心意,離遠望吓Andy就已經心滿意足。

這一個學期,FannyAndy被編成一組做group projectFannyAndy因此開始熟絡。在一次group discussion時,Fanny終於首次目睹Andy女朋友的廬山真面目。她是一名年輕model,經常可以在雜誌上見到她亮相。Fanny自愧形穢,他們郎才女貌,才稱得上一對絕配。

* * * * * *

兩個月後,Andy和女朋友分手,原因是model女友搭上一名揸法拉利的集團太子爺。知道Andy分手消息後的女同學,施盡法寶想親近Andy,希望利用這個空檔,乘虛而入。

可惜Andy寧缺勿濫,把身邊追求者逐一拒絕。回復單身後,給自己一個假期冷靜一吓。

這個星期三是Fanny22歲生辰,星期二晚同學們與Fanny一起到卡拉OK慶祝生日。Fanny邀請Andy一起來唱KAndy無約會,也想唱K散一散心,所以一口答應Fanny

Fanny喜出望外,當晚一行13人來到卡拉OK,一邊食buffet一邊唱K

* * * * * *

卡拉OK房內歌聲高揚,Fanny拿着咪,充滿感情投入地唱,她唱的歌是王馨平的想你親口說愛我》,
~~看昨天一點一點清清楚楚每夜在夢內再溫過,如何又會令你親口講聲愛戀我?~~

Fanny想憑歌寄意,將歌詞的message發給坐在一邊飲悶酒的Andy還有五分鐘便踏入午夜12點正。

Fanny唱完這首想你親口說愛我後,電視螢光幕播出Happy Birthday》,侍應生敲門,把生日蛋糕推進房內。

大家叫Fanny許願。Fanny面對着蠟燭,心想:「呀?許乜願好呢?」Fanny眼尾看到Andy一直望著自己。

待續

二少爺說:年輕時的我,喜歡王馨平啊!

34 則留言:

  1. 那張照片好似是在澳門的爛鬼樓影的

    回覆刪除
    回覆
    1. 係呀,妳真眼利,我上兩個星期去澳門時影的。

      刪除
    2. 我也有影過那條走廊,那裏是練習影相的好地方。

      刪除
    3. 對呀,較易捕捉到氣氛

      請問它真的叫爛鬼樓?

      刪除
    4. 那裏附近有一條小巷叫「爛鬼樓巷」,因此那一帶的地方也稱爛鬼樓。

      刪除
    5. 咁另類?竟然叫爛鬼樓巷, 咁好意頭。

      刪除
  2. 唔使问阿贵,芬妮梗系想做安迪嘅女友啦!

    回覆刪除
  3. 究竟Fanny搞唔搞得掂Andy呢?好緊張喎。 :o

    不過以你風格,件事一定唔會咁簡單嘅。 :D

    回覆刪除
  4. 我一路睇, 唔係自己諗個劇情點發展...而係想捉你的思維你會點寫, 甚至估阿Andy會唔會係gay. 我投降了, 太難估, 寧願等睇下集. :)

    回覆刪除
    回覆
    1. 當然難估啦,因為上集沒有留下缐索,只是一個背境,下集就任由發揮,所以估唔到架。

      刪除
  5. Andy 唱住百佳佳之選廣告果隻.....要虐待自己?

    回覆刪除
  6. 卡臣:

    芬妮係安迪失散佐的妹妹乎?

    回覆刪除
  7. 回覆
    1. 㨂得好,呢首歌好啱,
      我諗起「卡拉永遠OK」

      刪除
  8. 會唔會Andy食得好嘢多,呢次想'清淡'小小...

    回覆刪除
  9. 有印象,還是我自己代入了 Fanny 的位置,望住個美女,有得睇冇得駛 :(

    回覆刪除

LinkWithin

Blog Widget by LinkWithin