~~~~~~~~~~~~~~~~







2013年5月15日 星期三

《無聊死火令》


《無聊死火令》

(這篇是新寫的)

以下有十個無聊片段,它不是「急口令」,而是描述一個「死火處境」的「死火令」,加起來便是「無聊死火令」,跟「武林聖火令」無任何關連。

        * * * * * * * *

第一篇

居住在石崗村屋的一名老人家,他把一樽野生蜂蜜放在露台外。雖然蜂蜜樽口已經密封,但蜜糖氣味仍吸引了一群野山蜜蜂,蜂擁而至,將老人家針傷,需送院醫治。

好!故事講完了。
呢個故事叫:
密封野生蜂蜜惹野山蜜蜂聞風蜂擁

        * * * * * * * *

第二篇

一名17歲年輕網民,疑患有「虛妄症」,精神錯亂下持刀傷人被捕。警方從疑犯的電腦上網紀錄推測,疑犯結交上一名虛擬網友,令他產生幻覺,分不清楚真實和虛擬世界的分別,使生思覺失調。

好!故事講完了。
呢個故事叫:
網友證患有虛妄症因疑交虛擬網友

        * * * * * * * *

第三篇

兩名自稱「網絡狂徒」的電腦駭客,駭入政府中央電腦,輸入病毒,大肆破壞數據。期後警方查出駭客所在地,趕往追捕。駭客聞風逃跑,逃亡兩天,駭客窮途末路,最後兩人在網吧落網。

好!故事講完了。
呢個故事叫:
「兩網絡狂徒狂逃窮途末路網吧落網

        * * * * * * * *

第四篇

意大利北面山區有一座修道院,有一名年輕使徒,樣子俊朗。遭星探發掘,使徒毅然離開修道院,投身一娛樂圈,變成電影明星。期間遭政黨遊說,參加政黨,嘗試從政。最後誤入歧途,賄賂貪污,身敗名裂。

好!故事講完了。
呢個故事叫:
使徒棄星途試圖入士途終入歧途

        * * * * * * * *

第五篇

一名香港跑馬拉松選手,在香港選拔賽勝出後,代表香港到菲律賓馬尼拉參加國際跑馬拉比賽。「大會補給站」沿途派發水及馬拉糕給選手們補充體力。香港選手接過馬拉糕,咬一口後,立即吐出,發現馬拉糕有蟲,事後向大會作出投訴。

好!故事講完了。
呢個故事叫:
嚟馬尼拉跑馬拉松吃馬拉糕有蟲


二少爺說:跑!跑!跑!


41 則留言:

  1. 嘩,要由冇變有,對我嚟講好難喎,今次果然唔同。另外,多謝你預先批准我貼喺自己個blog度先 :o

    第六篇

    卡臣、世純兩人因為無聊,常在網上玩食字遊戲作樂。某天,卡臣出了一篇網誌,名為《無聊死火令》,並邀請對方一同參與創作。兩人一來一回了很多篇,並且不能自拔,過度沉迷,最後兩人更弄至神經衰弱。原來創作是會上癮的,其危險性如同玩火一樣。

    好!故事講完了。
    呢個故事叫:
    「同卡臣玩無聊聖火令令神經性無了期卡實如同玩火」

    回覆刪除
    回覆
    1. 唔好話批准,最緊要你喜歡。

      好句,情理交融,

      My turn;

      我用橫額支持用巨額請來的巨鴨

      刪除
    2. 我又跟風寫鴨鴨喇。

      和平巨鴨來維港洩氣讓一眾平和港人來海港城為它打氣

      刪除
    3. 好嘢!眼前一亮!

      有女旅客由老窩來睇漏氣鴨流淚又驚嚇

      刪除
    4. 女旅客嚇都好絕喎。 :)

      除咗睇鴨鴨,喺碼頭仲可以睇法輪功,等我轉轉話題喇。 :)

      受驚女客轉看鴨旁法輪功手轉法輪練功作法欲效法誤會是定驚之法

      刪除
    5. 好有層次感呀,又夠多元化。

      你好嘢,等我苦思一晚,明天再出招先

      早抖啦

      刪除
    6. 咁啱諗起碼頭有法輪功啫,等你聽日出絕招。 :)

      刪除
    7. 早晨呀

      諗咗成晚

      Book buffet 食到女友暴肥放上facebook報復

      刪除
    8. 暴飲暴食的女友暴肥相在臉書曝光被笑走光後暴跳如雷

      刪除
    9. 好嘢!仲有故事性

      開工先,下午再玩過

      刪除
    10. 就快午飯了,整返句先:

      書生型男人輸在輸身形好難會有型

      刪除
    11. 呢句好波喎,有意思有內涵,教人唔好做書獃子。回番句對聯畀你送飯。 講開運動,等我搭個順風車先:p

      艾美愛健美樣子甜美身型亦接近完美
      男生邊𥄫女生邊健身下半身俏俏現身

      刪除
    12. 好嘢!上下對聨,工整又對稱。

      有畫面又有生理描述,認真掂!

      我認輸了。

      刪除
    13. 你太謙喇,大家玩玩啫,下次再嚟過喇。

      刪除
    14. 放工啦!yeah !

      一名老坑站在坑口站罵人把口臭過屎坑。

      刪除
    15. 放工你就最精神喇,等我承上題先。

      厚道少年年少無知在坑口隧道出口開口叫老坑閉口早點回家抖抖

      留個伏筆,等你作埋呢位少年下場如何喇。 :)

      刪除

    16. 呢個結局....

      人品差老坑在坑口隧道被差人charge佢打柒少年

      刪除
    17. 少年畀佢打柒我深表同情呀,唯有畀佢識番個女仔補數喇。

      少年闖禍入廠因禍得福得以結識少女護士

      刪除
    18. 寫得好,你的風格是故事性很強,令劇情有推進。

      繼續發展下去啦

      刪除
  2. 本來好眼瞓,但俾這個死火令笑醒咗.

    回覆刪除
  3. 「使徒棄星途試圖入士途終入歧途」真正 ^^

    回覆刪除
  4. 我人遲鈍,剩係想讀快啲都做唔到:P

    回覆刪除
    回覆
    1. 相信你字正腔圓,無懶音,所以唔快得啫

      刪除
  5. 卡臣:

    你呢幾個無聊死火令,難讀過叫我用國語講「西施死時四十四」呀!嘻嘻!

    回覆刪除
    回覆
    1. 你用國語講:「水餃一碗幾多錢」一定標準。

      刪除
    2. 卡臣:

      你又玩我,國語好似無講「幾多錢」?我諗,應該係講「多少錢」?係咪呢?我唔敢肯定呀!

      刪除
    3. 唔重要,因這句重點在頭四個字、不是後三個字。

      刪除
    4. 卡臣:

      哦!可以免費架!甚至有錢賺!黃鴨!嘻嘻!

      刪除
    5. 你快啲返香港做鴨啦,香港現在好需要你呀!

      刪除
    6. 卡臣:

      咁大隻黃鴨都漏氣!普通鴨,無緊!嘻嘻!

      刪除
    7. 香港風水唔係,大鴨都變爉鴨。你來都驚你會廢武功。

      刪除
  6. 卡臣,
    如果D港聞版標題有您咁有創意就正啦!

    回覆刪除
    回覆
    1. 電台晨早節目會讀報,多得我唔少。

      刪除
  7. 卡臣同世纯有绝技,一来一回,好过瘾啊!
    可惜我嘅广东话麻麻地,少咗好多乐趣。:(

    回覆刪除
    回覆
    1. 妳的廣東話不錯,否則點會明白我寫的故事呢。

      刪除

LinkWithin

Blog Widget by LinkWithin