~~~~~~~~~~~~~~~~







2013年5月30日 星期四

《係要找到理想》- 上集

 

《係要找到理想》- 上集

(這篇是新寫的)

四個大學生hea在大學劇社的狹小房間內,無聊地玩電話玩ipad。房內好多雜物戲服道具,光線不足,地方舖了塵,好耐都無排過戲了。四名學生就是劇社的會長、副會長、司庫和秘書。

秘書先打破沉默,開口說:「不如我哋今年暑假去泰國玩吖!」眾人回頭,冷笑:「遊埠?我窮到燶呀!」秘書胸有成竹:「我當然有計先咁講啦,大家睇吓」秘書把手中的ipad給大家看。

ipad螢幕:「政府資助青年戲劇發展計劃」。秘書繼續解釋:政府撥錢資助小劇團搞劇場演出,只要份proposal寫得靚,批錢機會就越大、錢越多。我哋收到撥款後,先扣起泰國旅費,剩返嘅錢就將貨就價,以最低嘅成本,是但搞套hea劇出嚟,求其向藝術發展局交待,總之有錢去旅行最重要。

他們四人一年前已向商業登記處註冊一個小劇團,曾經在暑假開班教小朋友做戲賺外塊。他們以該小劇團名義寫proposal。而司庫的哥哥是「商業做假數人士」,有辦法幫人「開假單」,他們要「開大數打斧頭」,待表演完畢後,向藝發局遞交假單據,報告收支。

四人決定去馬,秘書努力寫好計劃書。司庫向哥哥搭通天地線。正、副會長開始為話劇作前期準備工作。四人分頭行事。

* * * * * *

秘書經whatsapp報來喜訊!藝發局批准了他們的申請,將會撥一筆款項給他們,但限期要兩個月內要完成編劇、排練、上演和交收支報告,其實都幾急趕。

司庫confirm銀行收了錢,先扣起每人一萬元的泰國旅行費用。餘款就用來作場租、添裝、置景、宣傳之用。為了節省演員費用,四人做演員。會長著手創作劇本。

根據秘書已遞交的proposal,這劇是一齣「心理偵探靈異校園愛情勵志音樂瘋狂喜劇」,劇名叫做:《係要找到理想 一於要站在台上》。副會長找最平的印刷公司用最平價的紙,印刷少量handbills,放在文化場所派發。在網上討論區、Facebook係咁易宣傳吓套劇,其實他們都係無心sell劇,志在乎合proposal的要求;是是但但做咗就算。

司庫經一番格價和議價後,找到一個小型劇場,繳交部分訂金,正式開票房售票。四人借用家中的傢俬作道具,省下一筆道具費。戲服也是私人便服,省下一筆服裝費。燈光用「世界燈」、音樂用流行曲CD、化妝set頭更加不會考慮。可以想像這是一齣超hea的爛戲。

會長好苦惱,劇本寫不出一隻字。唔識創作呢齣「心理偵探靈異學園愛情勵志音樂瘋狂喜劇」。四人商討後,決定「即興演出」,即是「無劇本想講乜就講乜的前衛形體音樂劇作品」。橫豎都無宣傳無人睇,四人對空櫈做乜都得啦。四人腦中只有泰國的陽光海灘與冬蔭公。

待續

二少爺說:這個故事是一半是抄彭浩翔的《AV》、另一半是改編自真人真事。


14 則留言:

  1. 呃納稅人嘅錢嚟去玩,我要告發佢哋…不過,睇埋下集先。

    「世界燈」係咩?可以解釋吓嘛?

    泰國除咗有陽光海灘與冬蔭公外,仲有陰陽人。 :p

    回覆刪除
    回覆
    1. 同好多人呃宗援一樣,呃納稅人嘅錢

      「世界燈」<---即是 working night
      把台照光,可以工作便可
      即是沒有設計的照明
      一般舞台演出有燈光設計,配合劇情

      人妖? 祝佢地好運

      刪除
    2. 明白晒,呢d專業術語,當然要請專業人士解釋一吓喇。

      呃宗援,我要報警呀,等佢哋坐花廳 :o

      人妖只可遠觀,不可......

      刪除
    3. 串錯working light添呀,sorry

      明晚睇吓呢套爛戲點收科

      刪除
    4. 會唔會無心插柳,4個人本來諗住求其做戲,點知好受歡迎。最後,4個人重燃對演戲嘅熱誠呢?

      刪除
    5. 哈哈,都話你叻,捉到我路
      差唔多啦

      刪除
    6. 好,期待佢哋4個一炮而紅喇。 :)

      刪除
  2. b movie 都有佢嘅擁躉
    呢齣劇可能大賣
    去歐遊都得

    回覆刪除
  3. 卡臣:

    佢地搵到影評人讚下佢地既製作,就會有羊群去睇,話之對白係非洲土語,無人識聽!嘻嘻!

    回覆刪除
    回覆
    1. 好嘢!果然了解香港狀況。真係有名人推下就有人睇啦。

      刪除
  4. 個頭開得好靚,下集好期待呀

    ps:無求其搵人影輯相宣傳嘅?

    回覆刪除
    回覆
    1. 下集當然要180度轉彎,


      相都唔影,用罐頭相加文字做handbill
      起低成本

      刪除

LinkWithin

Blog Widget by LinkWithin