~~~~~~~~~~~~~~~~







2013年6月28日 星期五

與妳再遇又如何 -下集


與妳再遇又如何 -下集

Derek電光火石之間諗出的IQ問題:「J – F – M – A – M – J – J – A – S – O – N – D這十二個英文字母存着什麼關係脈絡?」令他一時間得意忘形。

正當Derek想開口問同枱眾人之際,席上另一位少女已經搶白:「喂!各位,我想問一問大家:M – T – W – T – F – S – S」這七個英文字母有乜嘢關係呢?」

而發問者正是Debbie本人。
Derek暗裏驚訝:「為什麼她的想法和我這麼相似和接近?世上很難找到一位咁夾的對象,難道上天早已注定我們是一對情侶?」

Derek唔使2秒,第一時間搶答:「我知道答案:呢七個英文字母代表: MondayTuesdayWednesdayThursday、 FridaySaturdaySunday!」 眾人被他的秒速反應殺個措手不及。

眾人見Derek平日唔聲唔聲,戇居居咁,思路唔似會咁敏捷,懷疑Derek這麼快便能夠解破問題,推測Derek之前一定有聽過這條問題因而得知答案。

Derek自辯:「因為我都同一時間,諗咗一條十分相似嘅問題: 「J – F – M – A – M – J – J – A – S – O – N – D這十二個英文字母有乜嘢嘅關係?」一時間眾人啞口無言,無人識答,Derek沾沾自喜說:「答案係:英文的一月至十二月。」

Derek:「嘻!我覺得我同Debbie嘅諗法好相似。」這一句話不說出攸自可,一說出口便引來眾人一起聲討圍攻Derek

「你就想囉!」「發夢啦你!」「好似?慳啲啦你!」「你咁款就想同Debbie似?邊忽似呀?」「人叫Debbie,你就跟人叫Derek,你乜居心呀!?」

眾人化妒忌為攻擊力,齊心把Derek鬧到體無完膚,連同DebbieDerek另眼相看的感覺,也一併給群眾壓力,打致煙消雲散。

中七時的Derek口才不靈光,這時以一敵十,無半點還擊之力,只處於捱打狀態。經這圍攻後,這晚謝師宴餘下的時間,Derek再沒有說話。氣憤難平地吃到一半,Derek便借故離開酒樓。在Debbie面前丟架,成為他記憶裡謝師宴的最大污點。

Derek投身社會工作後,練得有膽量有口才。夜深人靜,Derek偶爾失眠時,望著天花板,暗自後悔謝師宴當晚沒有找緊機會,即時向Debbie講清楚那刻的巧合,替自己平反。

* * * * * *

失散數年後,能夠再次於地鐵相遇,一定是上天安排,給自己第二次機會。Derek絕對不會輕易錯過。

車廂內的Debbie,全程眼望地下,若有所思,沒有留意到站立在對面的,正是舊同學Derek

Derek鼓起勇氣,打算走上前相認之際,Debbie突然向身邊女同伴開聲講話,她面帶怒容,聲音沙啞地說:「屌你老鹵!越諗越慶!如果唔撚係俾阿蘭條八婆開槓,我就自摸八番啦!正一仆街家剷!阻頭阻勢!」

Debbie一開金口,嚇得Derek立即把踏出的腳縮回,退到原位。

以前十分淑女的Debbie,今天竟然變成這副撈女的模樣。從她的煙屎牙、沙啞聲線,推測Debbie煙酒賭皆十項全能。再睇真她們的衣著,原來是酒樓女部長的黑衫黑裙制服。

Derek急忙拿出袋中的電腦雜誌掩面,繼續偷聽她們的說話內容。言談間知道她們剛在旺角某海鮮酒家下班,Debbie埋怨今天下午4點落場打牌時,輸了一千元給收銀部阿蘭。

Derek在尖沙嘴站下車,眼尾再偷望Debbie多一眼,目送載着Debbie的列車消失在黑暗的隧道中。

數分鐘前,Derek心裡多謝那位最後登上小巴的乘客,數分鐘後,Derek用上最惡毒的說話來咒罵該乘客。

Derek後悔這次偶遇,把心目中Debbie的女神形象徹底粉碎。也許得不到、見不到、觸不到的,才叫永遠美好。活在記憶裏的女神才能永遠年輕優雅明艷。


二少爺說:但在這刻看見街角人漸散,人散去始終不再返。


27 則留言:

  1. 呢個故事,以前好似唔知邊度睇過。

    會唔會係ATV重播版?

    回覆刪除
    回覆
    1. 呢個故事我2008年寫的,現在翻叮

      這裡變成「有線電影台」,只愛重播舊片。

      刪除
  2. 作者太殘忍喇,真係唔遇好過遇呀,留番個美好嘅回憶畀Derek咪幾好。

    世純後悔看了下集,把心目中Debbie的女神形象徹底粉碎,哈哈。 :p

    只愛重post舊文,莫非你就係有跣王蛇。 :o

    回覆刪除
    回覆
    1. 不是每個重遇都是愉快經驗啊

      跣王蛇<--唔明呀

      刪除
    2. 我最初以為下集叫「可喜也可悲」,有少許幻想,睇埋下集,就記得之前讀過呢篇喇。

      「有跣王蛇」呢一隻動物你見過o架,我寫佢幾點特性出嚟你就記得o架喇。

      1. 有灰色的甲,一但與它接觸,有機會受霉菌感染
      2. 骨骼柔軟,遇危險時會縮骨
      3. 欺善怕惡,只會欺負小蛇,不但遇上同等的「有跣蛇」,性格更會變得怕事

      刪除
    3. 張學友那一首我喜歡,不過我更喜歡黃凱芹。

      有跣王蛇?
      一講就明,原來係佢,嘿嘿
      果然無人不識佢,好聞名架佢

      刪除
    4. 係咪好似相識呢。 :p

      王蛇梗係出名喇,以前我成日聽到佢嘅事o架,好似睇野生動物紀錄片咁樣。 :)

      刪除
    5. 他是我們飯桌話題,帶來無限歡樂,好彩已逃離那裡。否則我就笑唔出。

      刪除
    6. 佢係你哋嘅快樂同埋痛苦嘅源頭,恭喜你逃離野生動物園喎。

      刪除
    7. 係呀,現在工作才安定一些,出年再煩你卜流年,奉上豬扒反。

      刪除
    8. 冇問題喇,又有嘢食,我一定義不容遲,到時年尾要麻煩你提一提我喇喎。 :)

      刪除
  3. 哈哈哈~~~~你写Debbie突然爆粗口,真系好好笑!
    所以好多时,D嘢唔可以净系睇表面咯!

    回覆刪除
    回覆
    1. 係呀!人不可貌相。通常給第一印象影響。

      刪除
  4. 卡臣:

    真係人不可以貌相.滿地可新任代市長,走馬上任不到一星期,跟住去酒店開房,一次叫了兩隻雞.點知果兩隻雞認出他是代市長,坐床起價.佢唔肯比,兩隻雞又唔肯走,結果新市長報警,話比雞勒索.

    事件昨天被爆了出來,代市長被逼辭職,他上任不夠一週.

    滿地可一年裡換了三位市長,由黑社會到貪污都有,已經夠誇張.第四個竟然一上任就叫雞,仲要玩一皇雙后!

    不過咁,我覺得呢個市長值得原諒.一年裡換了三位市長,第四位一定感到壓力好大,叫雞都係為了減壓,情有可原.嘻嘻!

    回覆刪除
    回覆
    1. 香港位特首夠人氣插水,民望負數,又睇下71遊行有冇7O萬人先?

      刪除
  5. 时势造英雄,英雄造时势;是生活改造了她,亦或是本性难移?

    相见争如不见啊!

    回覆刪除
  6. 我估環境改變了她,我認識的酒樓朋友,十個中有九個都賭。

    回覆刪除
  7. 哈哈,幾現實吖!唔想咁樣,就一定要“活得比佢好”。。。真人版,今日菲菲喺街“兜口兜面”撞到 Marvin,好彩菲菲個樣見得下人,Marvin 講緊電話,冇講粗口!

    回覆刪除
    回覆
    1. 哈哈!妳就叻啦!在最佳狀態遇上Marvin. 等佢後悔下囉,可能佢揼緊心口。

      刪除
    2. 平心而論,“活得比你好”嘅唔止菲菲一個,佢保養得好好,生活同菲菲一樣咁好,咁咪另一種“大團圓”囉 :-P

      刪除
    3. 不過忍唔住都係要加多句。。。
      可能佢揼緊心口 x2 XDDD

      刪除
    4. 哈哈!咁妳小心啦,妳倆保養得咁好,男人好衰架,成日想舊夢重溫。妳電話響啦!

      刪除
    5. 今時今日冇人打電話架啦。。。

      刪除
  8. 過去就過去咯...有時啲嘢真係唔好望番轉頭-.-!

    回覆刪除

LinkWithin

Blog Widget by LinkWithin