~~~~~~~~~~~~~~~~







2013年6月10日 星期一

是你去喚醒我



是你去喚醒我


早上8時,上班上學的路人正忙著趕路。一名行政裝束男士,截停阿Sam駕駛的計程車,登車後朝尖沙咀方向駛去。阿Sam習慣一邊駕駛、一邊聽電台晨早節目,他不會喋喋不休跟乘客搭訕或吹水。

髮線開始後移、身材肥胖的阿Sam,父親是中港貨櫃車司機。阿Sam中五畢業後輟學,經父親介紹下,於一間小型運輸公司當貨車司機,一做十年,直至03年因為經濟不景,公司倒閉,阿Sam便轉行當的士司機。
 
由於負擔不起購入昂貴的的士牌照,所以便向車行租車,做自僱人士。每朝六點半開工,下午五點半收工。每日扣除了車租和石油氣費的基本開支後,收入總算能夠負擔起一家三口的生活開支。
 
Sam今年三十一歲,四年前與拍拖多年的女友結婚,兩年前還誕下了一名女兒,生活尚算融洽安樂。

Sam今天跟平日一樣,清晨六點半便到屋企樓下取車開工, 走了好幾轉,過了早上繁忙時間後,大約十時左右,阿Sam的收到太太的來電。

太太告訴阿Sam,他的母親患了急病,需要阿Sam立即趕到醫院。由於阿Sam不能放下的士不顧而去,如果把的士停泊在停車場內,當天除了沒有收入之外,還要白付車租。

他突然想起一位中學死黨:阿堅,他在金鐘一間日本公司當司機,負責駕車接送日本老闆和海外客人。上個月他剛給公司裁員解僱。如今阿堅整日待在家中,百無聊賴,打機睇波渡日。
 
於是阿Sam立即致電給阿堅,希望他能夠為自己頂替「的士更」,扣除開支後,所有收入歸阿堅所有,當是接濟吓老友,一家平宜兩家著。
 
阿堅二話不說便答應了阿Sam,有錢搵喎,阿堅立即換衫出門口。

Sam於聯合醫院外把車匙交給阿堅,並約定他五點鐘把的士交還,由於阿堅並不是職業的士司機,所以阿Sam把自己的「的士司機證」留給阿堅使用。

Sam趕去急症室後,阿堅開車做生意。而司機位左邊的車頭位置, 則豎立着「陳偉森」的「的士司機名牌」。

阿堅的車兜到觀塘偉業街時,有一名身型肥胖的中年女人截車,她左手一大袋右手一大袋成衣,很吃力地把貨物和自己擠進車廂內。上車後,她叫阿堅載她到旺角中心,似乎是送貨到商場時裝店舖。
 
阿堅從倒後鏡偷望這首位女乘客,面肉肥嘟嘟、雙下巴、眼細嘴大,手粗背厚。中女身水身汗,肥嘟嘟的手指,取出一張紙巾抹擦額角黃豆般的汗珠。

女士在車廂內,無意間望到司機證,突然驚訝地問阿堅:「司機,請問你以前係咪讀東華三院第七紀念中學架?」

阿堅嚇了一跳:「吓?」

待續

二少爺說:一個追奶粉錢的故事


24 則留言:

  1. 莫非那位女士是阿森的舊同學?

    已被吞噬的大新公司,令人想起昔日......

    回覆刪除
    回覆
    1. 中呀!

      大新公司被吞噬呀?
      仲健在吧?

      刪除
    2. 不在喇, 原舖好似開咗間S字頭電話的專門店

      刪除
    3. 原來如此,大財團吞侵小商戶生存空間。

      刪除
    4. 不好意思,報錯料,大新公司還在。

      刪除
    5. 係囉,張相我今年五月影的,仲以為咁快就無咗

      刪除
  2. 回覆
    1. 因為中年男人大走樣,這點我最清楚。

      刪除
  3. 下一集唔通係「努力才能被愛慕」,肥妹仔去減肥???

    換咗新相,差d唔認得,是劇照或造型嘛?張相仲要咁chok添,靚女都畀你chok晒去喇。 :o

    肥妹仔見阿堅外貌不錯,主動出撃。而阿堅亦認為肥「妹」不留別人田,照食無虞。一夜之後,兩人各散東西。三個月後,腹大便便的肥妹仔,透過當日偷偷拍下的司機證而找到「經手人」。阿Sam自知沒有做過,當然不會吃這隻死貓。但肥妹仔苦纏不休,更與阿Sam的太太理論,最後六國大封相收場。 :o

    回覆刪除
    回覆
    1. 好嘢! 真係「努力才能被愛慕」,你真醒!

      張相乃今年演出的宣傳照,至chok之極,希望大家唔好噓!

      你以後一於幫我寫下集,咁我就可以慳水慳力。

      明晚出下集

      刪除
    2. 呢幅相好Valjean喎,仲加埋個「悲」字添,你今次演大好人嘅角色呀?好奇心驅使下,google一下就發現咗3-10/10有好嘢睇喇。 :)

      你故事嘅上、下集條橋通常扭到唔同晒,冇跡可尋喎,好難諗到你下一步如何,點寫呀,我都係等睇故事發展喇。 :o

      刪除
    3. 好嘢! 果然有求知慾,去追尋更多真相。
      我做Jean Valjean 啊! 哈哈

      點會呢,你扭橋仲扭得勁啦,令我拍案叫絕架

      刪除
    4. 咁咪即係做主角囉,咁樣好快紅喇喎,恭喜恭喜。

      我睇吓搵唔搵到人陪先,搵到嘅話,要親身支持吓。 :)

      哈哈,下星期玩接龍有排扭喇。

      刪除
    5. 我講笑啫,做乜主角呀,大茄啫,不過都enjoy.

      多謝先,精神上支持一樣高興

      我寫好第一集啦,等我出招先

      刪除
    6. 大茄......即係第二男主角喇,enjoy最緊要,視工作於娛樂,好難得。

      等咗你出手好耐,好期待你玩咩把戲,斷估唔會用動物嚟開始啩。 :o

      刪除
    7. 第一集唔係用動物開頭,用人做主角, 請放心

      期待中

      刪除
  4. 卡臣:

    張相好抑鬱,搞乜鬼,好似就快想輕生咁!嘻嘻!

    回覆刪除

LinkWithin

Blog Widget by LinkWithin