~~~~~~~~~~~~~~~~







2013年4月25日 星期四

命運是你家



命運是你家

(這篇是新寫的)

我是一名高級督察,在重案組工作快三年了。這兩天的經歷是我當差生涯中最難忘的。

我正調查一宗「一樓一鳳」妓女謀殺案。連日來陸續有三名妓女遭兇徒勒死,犯案手法相似。兇手可能是一名連環殺手。從目擊者口供及閉路電視錄影,我鎖緊了一名疑兇,是一位三十歲中國藉男子,我到他工作的車房,請他回警署協助調查。他在登上警車之際,突然發難逃走,我跟他糾纏,混亂間給他逃脫。我手中留有他的頭髮。我把頭髮交給「鑑証科」,希望疑兇的頭髮DNA跟現場留下的證物吻合。「鑑証科」說24小時內有結果。已經晚上十二時,我休班回家休息。

我駕車往西貢途中,沿途交通情況正常,今晚月亮特別明亮,原來今晚是初一。我的汽車在毫無先兆下,突然在清水灣公路停低。我見四周無車無人,我下車檢查是否爆呔。突然一度猛如日頭的強光由我頭頂照下,我立即抬頭一望,嘩睜不開眼,但我隱約見到一個直徑五十米的發光圓形飛行物體,在我頭頂20米高空盤旋。但它一粒引擎雜音都無。我在它發出的紅色強光下,口乾頭暈,之後我昏倒在馬路上,失去知覺

當我再次甦醒過來的時候,是由一名路過的熱心司機叫醒我。我見到周遭一切情況回復正常。我發覺我臉部和雙臂都曬紅了,皮膚有點刺痛。證明我剛才遇上UFO應該不是幻覺。我編了一個大話,說我因為血糖不夠,所以突然暈倒。如果我告訴他目擊UFO之事,他一定會當我精神有問題。他問我需要送院檢查嗎我拒絕了。

正當我想離開現場,我見到遠處有一位交通警騎著電單車駛來。我立即跳入車廂準備離開。可惜未撻著車匙,交通警已駛至。問我發生什麼事我一望見交通警,嚇了一跳。他穿著的交通警制服,是皇家警察制服,即是1997年前才見到。

我在警校受過訓練,學會保持鎮定。對皇家警察訛稱我血糖不夠而暈倒交通警見我無事,便著我開車離開。是否我遇到UFO後,它令我回到16年前的空間

我在車廂內打開汽車收音機,OMG!晚間新聞報導:「彭定康和魯平會面商討」,我真係回到1996!點算好呢?點樣可以回到2013?我屋企是一個新落成屋苑,1996年前可能只是一片空地。我現在應該去邊呢

我嘗試打電話找女朋友,可惜電話失靈,1997年未有3G電話網絡。我決定駕車找家住大埔的女朋友,她96年起一直住在那裡。

當我的汽車穿出大老山隧道時,我高興得大叫起來我見到隧道口的大型廣告牌是電影「Iron man 3好嘢!可能我在隧道中無意中找到時空缺口,衝出返回2013年。既然無事,我又太累,身體仲曬傷咗,我決定U turn駕車回家休息。

我回到家中立即上網到天文台網站和各大討論區,是否有其他人也目擊UFO結果查出在事發的時間,廣西發生了3.2級地震。我昏迷了所以未能感到。到底兩件事有關係嗎

* * * * * *

第二天早上我回警署上班,「鑑証科」同事找我DNA報告出了。根據報告結果頭髮是屬於一名五十歲中國藉男子,他已於五年前被人謀殺逝世,兇手仍未歸案。嘩撞鬼呀我?殺妓疑兇竟然是一名死人,我全身起了雞皮。不知如何解釋之際,手提電話響起,阿頭急call我,IFC七十樓某美國投資銀行發生脅持人質事件,需要我和夥計們立即趕往現場增援。

當我在趕往IFC途中,我在警車中收到女朋友的whatsapp,她留了一句古怪說話:「你昨夜來我家留下手電。」嘩!嚇了我一跳!我昨夜那有去她屋企!我工作關係有兩部電話,一部工作用、一部私人用。我立即摸一摸褲袋,咦!我的私人電話真係唔見喎,咁我昨晚真係有去?點解我唔知?我立即call她,可惜她沒有接聽。無奈我有任務在身,唯有工作之後,才找她吧!

當我抵達現場時,銀行內有幾個激進的社運份子,因為反對資本主義的剝削,他們身纏炸藥,揚言要跟「銀行佬」同歸於盡。談判專家正努力遊說他們,形勢僵持著。我乘機從70樓辦公室的玻璃窗,欣賞吓維港景色。

突然有個夥計指著窗外大叫!我朝那方向望過去,見到一架A300空中巴士,不尋常地低飛,正由葵涌方向飛近IFC我腦海中本能地想到兩個字「恐襲」

吓!香港有恐襲?估計一分鐘內就撞埋IFC,前面那幾個疑犯又隨時引爆炸藥。我今次死梗啦唔得CutCut機!作者你使唔使玩到咁大呀!



卡臣:「今次我都唔知點收科呀!」
naruto:「係囉,玩大咗添

原來卡臣、同香港聞名天才橫溢靚仔博客narutocrossover,你寫一段,我寫一段。結果搞到個偵探故事毫無邏輯、天馬行空、鐘意點就點,而家埋唔到尾。搞到男主角急到發老脾,出嚟嗌Cut機。

兩位作者,十分之愛國愛港,都唔想香港發生大災難。但又想唔出一個合理的結局去擺平單大災難。經兩位作者商討後,達成共識如今折衷的辦法就是「擱筆」,唔再寫落去。

就由這一刻開始,故事的畫面就定格在這一幕,警察疑犯人質在辦公室內freeze。飛機在空中凝固,世界變得鴉雀無聲、靜如止水。

兩位作者暫且唔再寫下去,不需要再花腦筋去拆解故事中留下的種種謎團。省回不少腦細胞,諗落都唔錯吖。這個「擱筆」的結局,也不失是一個好結局。

完唔到

二少爺說:這篇虛構故事由虛構人物出發,最後涉及現實人物。而該兩名現實人物的合作,其實又是虛構。真真假假、虛虛實實,搞到我自己都唔知自己講緊乜。

命運是你家 - Beyond

天生你是個 不屈不撓的男子
不需修飾的面孔 都不錯
風霜撲面過 都不可吹熄烈火
幾多辛酸依由它 都經過
不管身邊始終不停有冷笑侵襲
你有你血乾 不會怕
即使瑟縮街邊依然你說你的話
哪會有妥協 命運是你家
從沒埋怨 苦與他同行
迎著狂雨 傷痛的靈魂
不經不覺裡 獨行
天生你是錯 長於水深火熱中
可惜他根本未知 只苦幹
溫馨笑面裡 太多辛苦的痕跡
今天即使他受傷 都不覺
不管身邊始終不停有冷笑侵襲
你有你血乾,不會怕
即使瑟縮街邊依然你說你的話
哪會有妥協 命運是你家
從沒埋怨 苦與他同行
迎著狂雨 傷痛的靈魂
不經不覺裡 獨行

42 則留言:

  1. 哎呀,我好認真咁睇,仲一路度諗呢個故事點拆解添,完全入晒局,畀兩位呃到,寫得好呀,仲好有趣味添。 :o

    你哋兩個嘅文筆好相似,仲以為係同一個人寫嘅添。睇到故事結尾,先發現原來如此。 :)

    回覆刪除
    回覆
    1. 都話你睇得投入,先見到很多細節

      全篇都是我作,下次我哋可以試吓玩
      作到天花龍鳳,交俾對方執手尾..
      哈哈

      刪除
    2. 一人一段呢個idea幾好喎,拆完對方上一段,又可以整個難題留畀對方拆。

      刪除
    3. 好似打桌球,set波給對手,
      可以考慮吓喎
      一共五集: ABCDE
      卡臣:A,C,E
      世純:B,D,E
      大家各自寫E埋尾

      刪除
    4. 可以諗諗喎,食飯嗰晚諗諗佢。 :)

      刪除
    5. 好呀,等我諗定多啲謎俾你拆解。

      刪除
    6. 唔好諗等太深喎,我智慧同埋eq有限。

      我驚拆解唔掂嘅話,拍枱起身「炒蝦拆蟹」呀,哈哈。 :p

      刪除
    7. 正所謂:害人終害己,
      我設下那麼多奇局,最後始終要自己寫番結局,
      自己埋尾,所以應該唔太離諳

      刪除
    8. 咁又係喎,到時拆解唔到,爛尾就唔好喇。

      呢排大家都寫「命運XXX」,不如呢次crossover嘅題目就叫做「命運接龍」喇。 :)

      刪除
    9. 係喎,呢排大家都寫命運

      命運接龍,好似太過直接喎,見面再度

      刪除
    10. 好吖,諗番個估你唔到嘅名先。 :)

      刪除
    11. 食占多打底後去gym唔做gym掛住望實公仔箱內gem同少爺占jam歌。 :)

      呢個好似去得盡咗少少。 :p

      刪除
    12. 好嘢!贏哂!太勁啦!

      我再無補充了,服哂

      刪除
    13. 有次做占睇到電視見到gem,所以咁啱諗起啫,一時好彩。 :p

      你咁早起身?難得星期六應該瞓多D嘛。

      刪除
    14. 咁我祝你贏多D,不過最好唔去何生嗰兩間喇。

      刪除
  2. 咁即係在大陸最常見嘅事情:爛尾!

    回覆刪除
  3. 我幾時比外星人捉左去寫呢篇架?

    今晚月亮特別明亮,原來今晚是初一。。。。專登架?

    天才橫溢靚仔博客naruto。。。。好客觀呀,多謝~

    要拆咪用金枝果招囉,成個故事都係伍詠薇作出嚟架咋

    回覆刪除
    回覆
    1. 初一月亮,多手寫上去咋,

      你上次話要寫你靚仔啲吖嘛,我最合作

      學金枝咁,有個講故佬自圓其說搞掂

      刪除
  4. 卡臣:

    呢篇野可以做精神分裂症的研究!嘻嘻!

    回覆刪除
  5. 初一無月,但你係咪專登搞到咁奇幻?

    回覆刪除
    回覆
    1. 唔講唔知,我仲以為初一、十五會有亮大圓月添。

      刪除
  6. 好紧张,可以留番黎第日拍出警匪科幻片。

    回覆刪除
  7. 你可能過兩日忍唔住出個下集將佢埋尾

    回覆刪除
  8. 哇,卡臣,你两个高手,搞到咁大镬,真的点收科?

    回覆刪除
  9. 正呀~

    有時無邏輯同天馬行空都唔錯

    回覆刪除
    回覆
    1. 開了謎,唔拆解╴好似好不負責任,但過癮

      刪除

LinkWithin

Blog Widget by LinkWithin