~~~~~~~~~~~~~~~~







2013年4月12日 星期五

睇到「咇」一聲的留言 (下集)



睇到「咇」一聲的留言 (下集)

繼上集玩過《普羅米修斯》之外,也有跟naruto玩過《伊索寓言》。尋找《姨索預言》的多樣可能性。

* * * * * *

卡臣一個姨媽,佢索K之後,見到很多晝面。還逐一實現,佢寫成預言書。最後佢預見佢自己索K死咗。
呢個故事叫:《姨索預言》,是政府反吸毒短片。

naruto阿姨同阿媽係孿胎。但小時侯婆婆為照顧發燒的媽媽而忽略姨姨。姨姨意外跌落街死了。死前最後一句係唔甘心,佢預言自己會再返嚟報仇。十八年後,阿姨返嚟向媽媽一家索命。
呢個故事叫:《姨索預言》,是一套3D鬼片 (3D效果在婆婆餵藥時打瀉咗,水花濺埋觀眾度)

卡臣有一個55歲的阿姨,叫Maria,跟丈夫Joseph未能懷孕。阿姨每天虔誠禱告,一天突然有孕,仲一索得男。她十分高興。到男孩懂說話的時候,男孩說他是耶穌version 2.0。他還預言judgment day is coming。阿姨Maria「升呢」做了聖母。
呢個故事叫:《姨索預言》,這是一齣宗教福音電影。

naruto
時裝界姨級大師Vivienne Westwood預言2012年秋冬女裝重點在於「索一隻特大蝴蝶結於頭上」。
此為時裝界《姨索預言》,這是Fashion TV的節目專題。

卡臣有樂壇「大姨媽」之稱的英國殿堂級歌手Elton John,遭其中一名「小白臉」勒索。威脅Elton John會公開他們的性愛短片。Elton John唔就範,「小白臉」預言今晚12時正會upload短片上youtube,全世界都十分關注,結果網上大塞車。
呢個故事叫:《姨索預言》,這是英國樂壇醜聞。

naruto
美琪姨表演拉丁舞意外跌咗個胸出嚟,覺得丟架,帶埋長興去索馬里渡假散心。並預言下年在「星光耀保良」會更出錢出力,好索咁跳,跌夠兩個胸出嚟。
呢個故事叫:《姨索預言》。此為雜誌副刋,名媛帶你漫遊索馬里專輯。

卡臣東南亞柬埔寨出現一個巫師,專用「姨媽巾」去索血,憑血跡形象去預言該年農村會豐收或是失收
呢個故事叫:《姨索預言》,這是司徒法正在J2的靈異節目。

naruto
憑住E級導彈嘅紀香姨,日前秘密來港。雖然離咗婚,但仲索過舊時。佢向記者預言會再度攻城,想愛火重燃喎?黛琳有咩回應密切留意
呢個故事叫:《姨索預言》,是電視節目《東張西望》的Headline

卡臣已踏入花甲之齡的「好姨」,拍攝無線電視旅遊節目,去南極冰天雪地進
行探索。大量事前預備功夫做到足。連遺言都寫在平安紙上,好姨拍一吓心口, 向南極上路去。
呢個故事叫:《姨索預言》,是無記《向世界出發》的節目介紹。

naruto
相學大師「玲玲姨」兔年運程已經出版啦而家答中問題就可索取一本;想知佢出年有乜嘢預言,就要快啲打「滙應通」,每小時第一個答中嘅觀眾,除咗得到兔年運程一本,仲可以索取玲玲姨纖體成功後又靚又索的postcard一張,送完即止。
呢個故事叫:《姨索預言》,是玲玲姨新運程書的廣告。

卡臣品姨出名問米,「陳總」近排麻煩纏身,「陳總」找品姨幫手。一問米之下,原來惡鬼索命,並預言必死無疑。最後品姨施法,「陳總」唔使死,不過都一身蟻。
呢個故事叫:《姨索預言》,ICAC的廣告片。

naruto
我小時侯寄住阿婆屋企,我有四個阿姨,食飯時總會嚇我話個碗食得唔乾淨,第日個老婆就唔索,一定係個「豆皮婆」。我而家無老婆,所以預言無成真。
呢個故事叫:《姨索預言》,naruto拎自己嚟講嘅故事。

卡臣我阿姨有個15歲的女,即是我的..是但啦...總之就係親戚。某個暑假,阿姨和囡囡去泰國旅行,路經一條「鐵索橋」。阿姨對囡囡說如果妳鼓起勇氣行得過去,妳就可以讀預科,阿女順利行過「鐵索橋」。阿姨說現在教署已改了三三四學制,一定可以讀中六,阿女雖然被媽媽的戲言呃到,但她學會了有勇氣。
呢個故事叫:《姨索預言》,是教育局宣傳片。


二少爺說:保羅……也令我想起Paul Young

51 則留言:

  1. 卡臣:

    姨索寓言為何沒人留言?全部人去哂阿姨到索.嘻嘻!

    回覆刪除
  2. 卡臣:

    昨天竟然落大雪,今次真係姨索寓言:大姨媽隨時會到.嘻嘻!

    回覆刪除
    回覆
    1. 卡臣:

      唔係搞笑,今日真係想去酒吧,搵果四個200磅重的肥婆圍住來保暖呀!嘻嘻!

      刪除
    2. 卡臣:

      有冇搞錯!藍鯨吞拿魚咁矜貴,你搵來同果800磅豬油榚比較!嘻嘻!

      刪除
    3. 800磅豬油,用嚟撈飯,可以撈三年。

      刪除
  3. 我鍾意呢個多D呀,夠癲~

    ps:但有無人記得邊個係美琪姨呢?

    回覆刪除
  4. 我都喜歡這個多啲,所以放下集壓軸。這集多元化

    美琪姨是鞋王的情婦

    陳總是無記前總經理。

    回覆刪除
  5. 啱啱睇番個自己blog條link先睇到原來出咗下集。 :o

    姨索預言比普羅米修斯更精彩有趣,唔怪得放係下集做壓軸喇。

    小弟都獻吓醜支持吓喇。 :p

    有個醫生好鐘意唱歌表演,但每次上台表演前例必索一索先,令自己可以唱得放d,達至忘我嘅境界。

    有一次,唔知係咪索多咗,差錯腳跌咗落台,撞親蛋蛋。事後,佢同記者朋友講,不但話自己冇事,仲預言好快會有得生添。過咗幾年後,真係生咗一粒健康嘅提子。

    呢個故事叫:《醫索預言》,是真人真事改編而成。

    回覆刪除
    回覆
    1. 果然有創意,相信你已病好了。

      請問那傳聞,那醫生生了一粒「毒倉」?

      數碼世代降臨,是e世代,人人用數碼語言溝通。呢個叫「e數語言」

      刪除
    2. 好番好多喇,如果唔係點寫到嘢喎。 :)

      佢有冇生到毒倉我又唔知喎。我剩係知呢個醫生娶咗個自認係好潮嘅老婆,隨時都好型o架,仲有呀,佢老婆喺洗錢方面都好有心得。 :p

      回番一個故事畀你。

      伊索本來係一個不事生產、冇出色嘅男人。直至到有一日,佢遇上佢生命中嘅另一半。伊索經過佢賢內助嘅支持同埋鼓勵,成個人脫胎換骨,仲寫成咗「伊索寓言」一書,名留千古。

      呢個故事叫:《伊索遇賢》,是小弟亂作出嚟,大家唔好信似為真呀。 :D

      刪除
    3. 噢!唔怪得那醫生唱歌咁忘我啦!

      身體好番就好、h7N9咁肆虐。

      你的「遇賢」故事好有哲理,賢內助很重要。

      危地馬拉有個監獄,有個政治犯想逃獄,他撬鬆了鐵窗花之後,把衣服變成繩索,爬下之時,繩索遇上火炎,斷了,政治犯跌死。
      呢個故事叫「衣索遇炎」。

      刪除
    4. 講開病,我又有題材喇,本來諗咗一個鹽花故事,但係你嘅讀者咁多,有大人又有細路,所以都係改一改好D。 :)

      某日突然出現一個神秘嘅病,最初患者會發燒,之後身體的器官會接二連三發炎,患者由發病至死亡,不超過一星期,存活率等於零,實在非常可怕,全城恐慌。

      各國的病理學家日以繼夜的研究,追尋到病源來自兩個人,他們分別來自伊斯坦布爾和索馬里。從這一方向繼續研究,最後發現到他們曾食用過當地的奶類製品。

      於是,他們將這一可怕的疾病命名為「伊索乳炎」。

      刪除
    5. 好嘢!你狀態回勇了

      我想唔到鹽花牌會點?唔通同「乳交漆」有關?


      有個阿姨同阿嫂,因有孕而有乳液。但太多用唔晒,兩人用人乳煮了一餐給大家吃。
      呢個叫「姨嫂乳宴」

      刪除
    6. 哈哈,的確靈感番來了。 :p

      鹽花版本大致係講與陌生人玩洗臉奶而受感染。 :p

      再嚟一個先:)

      打麻雀大家都玩過喇,而家嘅「一索」咪係一隻雀嚟嘅。原來最初嘅設計係九隻「索子」分別用唔同嘅雀嚟表示,但後來玩嘅人覺得好複雜,成日搞錯,導致食「咋」糊,所以最後將「二索」至「九索」改為而家咁嘅樣。

      咁而家考考你,你知唔知最初「二索」係用咩雀嚟代表呢?

      答案就係「二索如燕」喇。

      呢個故事超無聊,係吹水嘢嚟嘅,千祈唔好當真呀。

      刪除
    7. 果然有水準! 你愈寫愈勁
      可能麻雀歷史真係咁喎

      我阿二哥的老婆,即是我二嫂,突然人間蒸發,如一縷輕煙消失。
      呢個故事叫「二嫂如煙」

      刪除
    8. 哈哈,你都唔弱吖。

      講番醫生先。 :)

      醫生終於知道索嘢嘅禍害,佢為下一代嘅著想,終於下定決心介甩佢。但係你知喇,介呢味嘢好難,所以佢用食煙嚟代替。不過,好奇怪,無論佢索完嘢或者係索完煙都會好high同埋癲晒咁。

      呢個故事叫:「菸索完癲」。

      刪除
    9. 講得好啊!情理相融

      等我大膽啲,去盡佢先

      歌手E神雖然賺到錢,但佢老婆大使,搞時裝生意又蝕錢,E神苦不堪言。

      呢個故事叫:「E神怨言」。

      刪除
    10. 嘩,你果然去得好盡喎,我都要披肝露膽先得。 :p

      既然講開偽人,咁我又講吓D偽消息喇。

      早前掌門結束愛情長跑,嫁咗畀曾經「引咎分手」嘅人兄,本來諗住安心做人兒夫人喇。可惜人兒先生除咗識玩貓影裸照、溝女同埋講嘢之外,就冇咩建樹喇。

      於是,掌門趁住出道25年,開番個記念演嘢會搵吓真銀。雖然佢都去到不惑之年,但係勝在保養了得,喺演嘢會上,又袒胸又露腿,大show美好身段。

      一眾fans睇完之後,大呼好索,仲話同當年一樣咁正喎。

      不過,才子對咗咁耐又食咗咁耐,習慣成自然,感受當然冇fans咁深喇。但係為咗支持老婆,佢好幽默咁發揮才子嘅本色,題咗四個大字。

      呢四個字係:「姨索如前」。

      刪除
    11. 果然好嘢! 做了小茵姐,大爆娛樂圈秘史

      我當年也喜歡周小姐,玉女派i like!

      輪到我,有個姨級女藝人,為了出show,地獄式減肥,變成索女,身輕如燕。
      呢個故事叫:「姨索如燕」。

      刪除
    12. 哈哈,講完愚落圈,不如講吓術數喇。

      中國術數其實可以分為幾大類,分別係算命、風水同埋卜卦,每一類嘅功能同埋適用範圍都有分別,好難話學咗一樣就乜都識做。

      今次先講卜卦,呢一門術數係好講觸機,即係天人感應,小弟就唔識喇。大部份人用嘅道具係三個銅錢加一個龜殼。

      卜卦嘅方法係先喺心裡面誠心默念問題,再將銅錢放入龜殼,搖幾次之後倒出嚟,睇吓銅錢嘅正反面,決定起咗咩卦,再根據卦理,代入剛才嘅問題度,解讀出答案。

      而有一個師傅,佢反傳統反潮流,用幾條打咗結同埋冇打結嘅繩索,代替銅錢,用布袋代替龜殼,進行卜卦。

      佢經過精心包裝之後,將呢門絕學命名為「以索預言」,話自己係九代單傳,仲做埋一代宗師。佢而家嘅客人門庭若市,財源滾滾。

      呢個都係吹水嘢,坊間應該未有一個咁嘅師傅,卡臣你有興趣嘅話,嗱嗱聲去學卜卦,再用呢條橋喎,應該都係一條財路嚟。 :p

      刪除
    13. 多謝咁詳盡的資料,又學多啲
      你替我卜卦,原來過程是這樣
      我學卜卦?應該吹水多於一切,實唔準

      輪到我講中國歷史
      魏晉梁朝的梁武帝篤信佛教,興建佛寺之餘,依歸佛門,終生吃素。
      呢個故事叫:「依素御宴」。

      刪除
    14. 我只識算命同埋風水,至於卜卦方面,我已經冇心神再好鑽研lu。之前為你做嘅係算命,所以要問你時辰。

      上一篇講咗卜卦,呢一篇就講算命喇。

      其實點解叫「算」命呢,因為包含咗運算在內,同埋需要問命者嘅出生年月日時先可以做到。目前流行嘅算命工具有兩種,分別係子平八字同埋紫微斗數,而小弟略懂嘅係後者。

      我認為一個合格嘅師傅會向問命者索取生辰,在紙上或心中排出八字盤或斗數盤。先從中抽出幾件合數而發生咗嘅往事,向問命者確認,用以確定問命者提供的時辰準確無誤後,再開始論命。

      之後,觀察盤中嘅五行生尅制化,及大運各時嘅起承轉合,代入問命者嘅現況,從而掌握問命者嘅一生脈絡。最後,再依此數說與問命者,並提出一些趨避及意見。

      呢個過程小弟叫佢做:「依數與言」。

      刪除
    15. 好嘢! 又上一課
      我覺得好準喎,紫微斗數的功力非凡。
      替我找到人生出路,唔該哂

      又到我,呢個故事勁啦:

      古希臘有一個男人,將一些民間故事結集成一本寓言書。這部寓言膾炙人口,對歐洲的寓言文學影響很大,編寫人叫伊索。
      呢本書叫:《伊索寓言》

      勁呢...我無貨啦陰公

      刪除
    16. 有方向係好事吖,祝你早日理想達成。

      唔好客氣,我都要唔該番你呀,係同你玩今次接龍,令我諗起術數,再令我諗到寫乜,啱啱先寫好,趕得切5點出post。 :p

      哈哈,今次好玩呀,你呢個的確係最勁嘅。將「伊索寓言」呢4個字發揮得淋漓盡致呀。

      刪除
    17. 好玩呢,你都搞番篇,我一定過來串門子。
      這篇互動仲刺激你思維,太好了!

      命運奇妙呢,強求不來,不求又來。

      易學數術真是中國瑰寶,有料到!
      真是「易數預言」。

      刪除
    18. 哈哈,我遲D冇貨,可唔可以喺你呢度抄番D留言當係新post先? :p

      所以命運呢家嘢,我哋都係坐喺度等運到喇。 :)

      刪除
    19. 當然可以,這是我們共同創作,你當然有權使用喇。

      命運呢家嘢,我相信好心有好報,唔改多都可以改少。

      刪除
    20. 卡臣你份人真係易話為,我一問你就話應允喇,不得不度番句出嚟呀。

      呢件事件叫做:「易索汝言」呀。

      刪除
    21. 哈哈!果然欲罷不能,都要整返句

      其實是你的創作,你索回你的創作啫。

      呢個叫:「汝索汝言」。

      刪除
    22. 世純:

      你直頭可以抄回留言去開新帖,講得好精采,連我唔信風水命理,都睇得好入神.

      刪除
    23. 卡臣:

      既然玩得咁high,咁我嚟個變奏先。

      「與汝語言」,十分高興。

      佛爺:

      我諗我會喇,因為就快冇貨lu。 :p

      刪除
    24. 「與汝語言」? 都幾難喎

      新年祝人﹕如意如願

      刪除
    25. 咁我都祝番你心想事成,如漁(夫)得魚喇。 :)

      刪除
    26. 咁我勸大家恩怨要看化,正所謂:「恩怨如湮」吖嘛。

      刪除
  6. 哇!你地D姨素二素真系好犀利,好似玩杂技抛波仔甘,两边飞黎飞去,佩服佩服!

    回覆刪除
    回覆
    1. 世純和naruto都是玩得之人,創意無窮。

      刪除
  7. 卡臣:

    昨晚出了去食飯,一碟龍蝦放落黎,已經斬件.食完之後,突然好奇:唉!點解得一隻龍蝦頭?有人回答,這碟不是雙龍蝦.下!乜龍蝦都變了200磅肥婆!嘻嘻!

    回覆刪除
    回覆
    1. 分分鐘豬都打孖上。膽固醇超標!

      刪除
    2. 卡臣:

      近幾年龍蝦價格很低,不少漁民寧願不出海,因賣了龍蝦的錢,不夠付漁船的柴油費.

      刪除
    3. 原來如此,蝕錢就唔好做啦

      即是肉金唔夠交租,搵鬼做妓女咯 (除非性沉溺患者)

      刪除
  8. “膽固醇超標!”

    于是赶紧找律师做了“亦说遗言”!

    呵呵~

    回覆刪除
    回覆
    1. 你長命百歲,那會咁快死,不要愚弄我們

      亦說愚言。

      刪除
  9. 嘩好睇呀兩位創作高手!
    畢加索 風流多情
    第一次遇見 伊娃 便打得火熱
    呢個故事叫做
    伊 索 易燃

    回覆刪除
    回覆
    1. 好嘢!妳也玩埋一份,果然是藝術史愛好者。

      佛洛伊德,遭人勒索,幸而遇上警員,破案。

      伊索遇員。

      刪除
  10. 去泰国旅游,免不了看“老虎秀”(ThaiGirl Show = Tiger Show),日本仔最兴,而且,愈看愈热,甚至观众自己下装上阵,来个助性助兴表演!

    慾骚慾演!

    回覆刪除
  11. 講得好!

    耶穌出世時是個男嬰

    耶穌如嬰

    回覆刪除

LinkWithin

Blog Widget by LinkWithin