~~~~~~~~~~~~~~~~







2013年4月3日 星期三

命運是否支配一生

靈異照片﹕無人嘅尖沙咀港鐵站。

命運是否支配一生

(這篇是新寫的)

Hello!大家好,我叫Charles,我係一個業餘小說作家,專寫偵探小說。我日間在報館的廣告部工作,晚間我就投入寫作。我沒有拍拖,把工餘時間都花在寫小說上,十分狂熱。到目前為止,我已經出版了兩本偵探小說,反應唔錯。現在我正忙於寫我第三本偵探小說,趕於今年七月的書展面世。

我正埋頭創作一個全新的偵探故事,寫了三份一。我有信心在截稿限期前交到貨。一切都進行如常,但自這星期開始,一些非常怪異的事情發生在我身上,不能解釋的怪異事情,令我非常困惑。

每天早上我醒來的時候,總有一些荒謬的事情發生,一些我不能接受的荒誕事情,降臨在我身上。

例如我的哥哥Benny,他有一位已經拍拖兩年的穩定女朋友,她叫Fanny,也是我的未來阿嫂。他們正籌備婚禮,我也有幫手協助。怎料星期一,我阿哥和家人竟然對我說:從來沒有Fanny這個人,這不特止,我哥哥Benny竟然是個已出櫃的同性戀者,父母已經接納了他的性取向。哥哥有一個工程師男朋友,吓!唔通我黐咗線?定係我記憶錯亂?佢哋唔似串通玩我,我好驚啊!

星期二,我在公司上班時,突然有兩位重案組警察走上來,要我返警署協助調查一宗謀殺案。我雖然行得正企得正,但唔多唔少我都有少少驚。警問我前日去過邊?做過乜?識唔識邊個咁?在差館搞咗三個鐘先走得。結果第二日(星期三),我返回公司,同事們竟然說我昨天全日在公司工作,從來沒有警察上報館帶走我!吓!我又活在幻覺中?定係我靈魂出竅呀?

星期三我放工時,在公司門口竟然有個女仔走埋嚟,話接我放工,佢叫Carmen。嘩!街頭騙案咩?我唔識!我呢生人從來未見過呀!怎料,她的電話中有大量我跟她的合照,包括家居生活照和海外旅遊合照,Photoshop都執唔到咁多咁真。Carmen說她在花店工作。我毫無印象呀我成年無拍拖,點解無端端有個女仔走出嚟自稱係我女朋友?係佢白撞?定係我撞鬼?啲合照又點解釋呢?

我不能解釋以上的怪事,我從來無濫藥,唔煙唔酒,一定唔會係幻覺。我膽去睇精神科醫生,可能我諱疾忌醫,我驚醫生會馬上把我關入青山精神病院。另一個可能性,是我中邪被鬼迷。我又唔夠膽搵司徒法正師傅驅邪。

我而家躺在床上,眼光光望著天花板,我唔知道明天早上,我又會遇上什麼怪事?我如何能控制自己的命運?是到底有無人可以告訴我發生緊什麼事啊!我眼皮很重,但是仍然睡不著….

010100011110000011010101001100100010001
001001110  0100  0 1100  01
110     01   11 0  1 
01  0 

Hello!大家好,我叫Chris,我係一個blogger,我的blog主要寫短篇小說,題材廣泛。日間我在唱片公司工作,晚間我會寫blog消磨時間。

我習慣每晚臨瞓前,都會開電腦寫吓blog。深夜時分,我的靈感零舍多。每晚我會把打好的文字存入blog的草稿中,第二晚打開草稿,繼續創作。通常花三至四日便可寫完一篇短故事。

目前我正寫緊一篇偵探故事。第一晚,我先寫「角色設定」和「故事背景」:男主角叫Charles,單身,他是一個業餘小說作家,正寫緊一本偵探小說。Charles有一個哥哥叫Benny,將於今年和女朋友Fanny結婚。第一晚,我只寫了這麼多。

第二晚,我覺得男主角的家庭背景太簡單、太悶啦。決定把哥哥女朋友Fanny這角色刪除,將Benny寫成gay,有個工程師男友添,呢條伏線,遲啲寫Benny男朋友被謀殺,Charles被人嫁禍,搞到周身蟻。

第三晚,我決定大刀闊斧咁改,寫Charles被人點錯相,懷疑佢同一宗謀殺案有關。寫重案組警員上Charles公司,帶他回警署協助調查三小時。不過寫寫吓又驚故事太公式化,Charles結局一定會脫險,仲幫警方將真正兇手繩之於法,太欠驚喜了,寫完又Delete

第四晚,我決定走輕鬆路線,加入愛情元素,為男主角加上女朋友Carmen這角色。她在花店工作的,突然收到死亡恐嚇,Charles深入調整,發現真兇原來是一個變態中學教師。

唔,有點眼睏了,今晚寫住咁多先,save入草稿,明晚再寫過,早抖。


二少爺說:如果網絡中的小說世界真的存在,他們的命運便掌握在作者手裡。

命運 - 甄妮
作曲︰顧嘉輝
填詞︰鄧偉雄

命運 是否支配一生
而我不可拒抗
當不得命運主人

不肯 絕對不肯接受命運
寧願一生與它對抗
都不許造物弄人

握我手 來為我解苦困
用你的真心愛
幫我學火裡鳳凰
衝破厄運

今生 共你一起抗拒命運
陪著你一生奮鬥
偏不許造物弄人

31 則留言:

  1. 煩請寫寫小分明日發大達吖,唔該!

    BTW,請問張相點靈異法呢?

    回覆刪除
    回覆
    1. 好呀!寫佢飛皇騰達

      你什麼時候會見到尖站一人都無?

      刪除
  2. 咁都解到,不如真係寫番嗰個偵探小說出來喇,應該幾好睇。

    回覆刪除
  3. 原來係一個故事中嘅故事,估唔到喎。

    Chris成日改來改去,次次都變化咁大,咁會玩死Charles o架喎。 :o

    回覆刪除
  4. 回覆
    1. 多謝哂!

      不過告訴你,下一篇仲好!我更喜歡

      星期六晚925

      刪除
    2. 不過我覺得好啫,可能你會柴台!

      刪除
    3. 我都要比心機,寫篇好野先得啦

      刪除
  5. 真係陰陽路? 我無睇到驚, 仲睇到會心微笑, 正呀!

    最正係010010011....010001...

    回覆刪除
  6. 大家好!明天至星期六,我回大陸, 回來再見大家。

    回覆刪除
  7. 唔通歪歪也就这样不见了?还是直咗啦?或者今晚就出现在嘿嘿不遇?

    快滴啦!

    回覆刪除
    回覆
    1. 歪歪直咗?哈哈哈哈!
      可能作者改變了他性向。

      刪除
    2. 歪歪無直咗,只係卡臣攣咗啫!10100011110000011010101001100100010001
      001001110 0100 0 1100 01
      110 01 11 0 1
      01 0

      呢篇真係要讚!

      刪除
  8. 卡臣:

    睇完這個故事,我就會問:究竟我有精神分裂症,還是你有精神分裂症,或是你我都有精神分裂症?嘻嘻!

    回覆刪除
  9. 10100011110000011010101001100100010001
    001001110 0100 0 1100 01
    110 01 11 0 1
    01 0

    BINGO! analog 排列? 答案是0咩?

    Versatile 就好啦!

    嘿嘿嘿

    回覆刪除
  10. 哈哈,我好細個時就覺得,自己可能只係一直在演有人一早已經寫好嘅故事,有時人生都真係好“估佢唔倒”。。。

    回覆刪除
    回覆
    1. btw, 你幅相咩時間影?真係幾難等到尖東/尖沙咀站冇人囉,我第一眼睇都覺得如果唔係你執走咗啲人的話,真係幾靈異呀

      刪除
    2. 絶對沒有電腦加工

      照片拍於去年除夕,警察封了某個出口,結果無人會行

      刪除
  11. 可怜那个写歪歪的作家,没您这么厉害,能玩把戏变魔术,挛直自如,说什么就什么。下一届轮到您走莫言的后尘接班?莫言能让乳房飞来飞去,您也不差! 呵呵~

    回覆刪除

LinkWithin

Blog Widget by LinkWithin