~~~~~~~~~~~~~~~~







2013年4月21日 星期日

卡臣 ╳ 世純合作企劃(第三回)之「後出手篇」《天涯各處鄉》


卡臣 ╳ 世純合作企劃(第三回)之「後出手篇」

天涯各處鄉


1930年的中國,是民國初年,在河南省流傳了這一個古老的愛情故事。

一名十九歲少年,他叫郝飛,隻身由河北省承德鎮來到河南省安陽鎮。郝飛只有一隻矮馬陪他上路,由北到南,花了兩星期才來到安陽鎮,郝飛要到安陽鎮找一個男人。

郝飛來到安陽鎮,先找一間客棧落腳,休息一晚。第二朝,他入墟城找一間麵店,名字叫「慈溪麵店」。小麵店由一位六十多歲老頭兒和十八歲少女趙蓓打理。郝飛要找的,應該是店主趙老頭。

郝飛想先觀察趙老頭為人,郝飛進「慈溪麵店」吃一碗牛肉麵。郝飛觀察下,認為趙老頭是一個勤勞刻苦的老實人家,女兒趙蓓口齒伶俐,招徠食客光顧。

郝飛在安陽鎮找到一份工作,在鎮上一間「雲來飯店」做「店小二」。那飯店以霸王雞馳名。飯店有住宿供應給郝飛,他在安陽鎮安頓下來。

郝飛想了解多些趙老頭,連續兩天都光顧「慈溪麵店」,被眼利的趙蓓看穿,她主動跟郝飛搭訕。郝飛是豪爽的北方人,他唔怕醜地說笑回答唔係鍾意食你煮嘅麵,我係想見多你幾」。就由這一句戲言開始,一對年輕人就變成了情侶。

郝飛和趙蓓相處下,方知道趙老頭不是趙蓓的父親,而是父親的兄長,即是大伯。趙蓓的父母幾年前病死,留下麵店給女兒,大伯幫手一起打理麵店。郝飛知道後有點失望,因他要找的人已經死了。郝飛沒有告訴趙蓓為何要找她父親。

郝飛決定留在安陽鎮落地生根,儲錢跟趙蓓成親。怎料錢未儲到,他工作的「雲來飯店」生意越來越差,恐怕要倒閉。老闆跟伙計商量遣散事宜,郝飛認為與其倒閉,不如搏一舖。郝飛家傳有一條飼料秘方,可以令雞在兩三個時辰之內變成烏雞。那時候剛流行吃烏雞,認為烏雞的補身價值更高。郝飛到雞場提供「家傳飼料秘方」餵雞,一晚之間,雞群變成烏雞,老闆驚嘆:「逐漸變黑又得,立即變黑亦得,得咗。

這個烏雞生產法令「雲來飯店」的生意起死回生。老闆感激郝飛,給郝飛一筆獎金,並昇了他做飯店長櫃。有了錢,郝飛可以隨時向趙蓓提親,郝飛認為是適當時候跟趙蓓說出他的身細。郝飛和趙蓓走上城樓,對她細說:

兩個月前….

郝飛自幼一直住在河北省承德鎮,父親做劏雞的工作,母親幾年前因病逝世。父親年事己高,由強壯大漢變得體弱多病。有一天,郝老頭劏雞時,望刀慨嘆最鋒利嘅刀都有生銹嘅一日。跟著老人病發作,當場暈倒。郝老頭躺在床上,感到日子無多,要向兒子說出一個秘密。

郝老頭叫郝飛來到床邊,虛弱地說郝父19歲那年,跟幾位同鄉兄弟由河南省安陽鎮北上,來到河北省承德鎮闖天下碰機會。郝父在承德鎮見到一間藥材店掛了一句招親上聯,藥材店老闆為女兒招親,誰人文釆好、又跟女兒合眼緣,便可娶他的女兒。招親上聯是「人頭馬一開,好事自然來」。那時候西方文化傳入中國,藥材店老闆以西方星座「人馬座」為上聯,難到不少人。



郝父一見,立即有靈感,他記得在家鄉河南省安陽鎮的一間「慈溪麵店」曾經見過一句招親上聯,麵店趙老闆說誰人文釆好、又跟女兒合眼緣,便可娶他的女兒。招親上聯是「生命滿希望,前路由我創」。那時候孫中山推翻滿清政府及反對八股文,流行書寫白話文


郝父立即借用,以生命滿希望,前路由我創」接為下聯,喜愛西方文化的藥材店老闆大為讚好,老闆女兒見郝先生又幾靚仔,終於成親。郝父在河北省承德鎮落地生根,藥材店傳子不傳女,郝父做劏雞生意。那條「雞變烏雞」的秘方,就是由郝父發明的。

郝父最初娶了太太,感情並非一帆風順,因為郝母有嚴重體臭,影響兩人相處。好少親熱,婚後都膝下猶虛。那時代沒有兒子是一種懲罰。

郝父其實是一名發明天才,他在藥材店左溝右試後,終於研究出一條除體臭秘方,就是雞蛋六隻,糖兩茶匙,仲有啲橙皮添」。太太每日沖水服用就可以盡除體臭,但太太善忘,經常忘記服藥,郝父就每天早上都會提醒太太你今日飲咗未呀?太太最後藥到病除。

以前太太每天都塗大量西方舶來品香水除體臭,現在太太開心說而家去街,連香水都唔使搽啦!夫婦經此更加恩愛,終於晚晚相好,並成功懷孕,並誕下兒子郝飛。

郝父雖然娶得愛妻,但他一直覺得自己欺騙了妻家,盜用別人的對聯去成親。他一直想向「慈溪麵店」的趙老闆道歉。但自己一直無做,現已事日無多,他決定臨死前寫一封信,叫兒子帶去河南省安陽鎮「慈溪麵店」交給趙老闆。講完這一句,交托了心願,郝父便魂歸天國。郝飛要完成父親的遺願。

河北落河南,路程太遠,郝飛要買一隻矮馬代步,他去牧馬人那處買矮馬。牧馬人教他揀馬心德,馬的健康好壞和實力在於牙齒靚唔靚,牧馬人說在北方有句說話講嘢最緊要有牙力,睇牙梗係要揀有實力郝飛就憑馬的牙齒揀了一匹有實力的矮馬,騎牠去河南省安陽鎮,找「慈溪麵店」趙老闆。

郝飛講完故事,手中拿出郝老頭的信,交給趙蓓。趙蓓半信半疑,因為她的父親、祖父和曾祖父都是文盲,何來識寫字?何來識作對聯郝飛嚇了一跳,他決定拆開父親信件偷看。

郝老頭在信中告之一切根本「對聯招親」的故事全是虛構大話,郝老頭只希望兒能夠子像當天的自己一樣,長大後離開家鄉,向外闖一闖。

為何挑選「慈溪麵店」因為郝老頭年輕時曾經暗戀過趙老板的女兒,即是趙蓓已病逝的母親。郝老頭希望跟趙小姐雖然今世做不成夫婦,至少也可以做得成親家。(郝老頭估計兒子應該會娶趙母的女兒為妻。)

最後,郝老頭在信中說「郝氏家族的家訓,男子成年後就要四處闖蕩,記住有陽光的地方,就有姓郝的人。」郝飛看信後,沒有怪責父親欺騙自己,反而多謝父親,讓自己往外闖,靠父親飼雞秘方拯救了飯店,還娶得嬌妻。郝飛向北方的天空叩頭。

郝飛握著趙蓓的手,要她開枝散葉,待自己年老的時候,再跟兒子玩這個「尋根遊戲」,繼承父訓邊度都有陽光邊度都有姓郝的足跡」。盡顯男兒志在四方、天涯各處鄉的豪邁胸襟。


記得去世純看他的作品。

二少爺說:估唔到材料越刁鑽,難度越高,更好玩!多謝世純!

65 則留言:

  1. 落咗街買外賣,簡覆兩句先。

    睇完好感動,寫得好好,真係超水準之作。有愛情、有人生,更有教育意義。

    小弟甘拜下風,我嘅故事與你相比,簡直係巨人與侏儒呀。

    超讚!

    回覆刪除
    回覆
    1. 真係唔敢當,你的有人情味,生活細節好細膩,

      我們各有各特色

      不過,呢十句真係辡手,我第一晚零靈感
      第二天,由這兩句對聯開始了

      最滿意除體臭配方

      刪除
    2. 回家覆讀兩遍,真係好正呀。唯一問題係開頭嘅嚴飛/郝飛,手文之誤呀。

      你名符其實係寫得好喇,唔好怕羞唔認喎。

      你所講咗「生活細節」好細膩,我估你係講緊farewell party嗰一part喇,嘻嘻。 :p

      我嘅靈感係由「人頭馬」--> 落club --> 佛爺今次唔一齊玩開始。

      我都覺得除體臭呢條橋好正。

      今次比上一次難度更高,成功感更大呀,非常完滿,期待下次再玩過。

      刪除
    3. 多謝呀! 我最初改名男主角叫「嚴飛」
      後來,感到北方人的姓,應該少見啲,改了姓郝
      但忘記改第一段:p

      你的故事,遊走真假之間,我和佛爺當然看得過癮

      我寫完都好滿意,你可想像我星期六寫完時那滿足感,在有限時間內解決了一切,真爽!

      刪除
    4. 連改姓嘅細節都留意到,真係用心。

      真亦假時假亦真,的確係過癮o架,至於邊度真,邊度假,就留畀讀者自己估喇,哈哈。

      我寫完都好滿足,好似便秘幾日後,突然痾得乾乾淨淨咁呀。



      刪除
    5. 去night club一節真正,可惜的的囡囡崩牙,否則一定買佢鐘

      我用這兩句做對聯,都預咗俾人噓︿不過有喜劇效果,

      我把現代的廣告對白,放在30年代中國,所以荒誕啲,唯有當喜劇睇囉

      刪除
    6. 係呀,其實嗰一幕可以去盡D,不過為咗大家嘅形象,都係點到即止合適D。 :)

      對聯冇問題喎,「好事自然來」、「生命滿希望」,意境對到吖。仲有,「人馬座」你咁都拆到,我服晒添喇。

      30年代中國嘅人講嘢,都係口語化o架喇,所以用番廣告對白都冇問題。

      刪除
    7. 係呀,我夾硬嚟

      我度到郝老頭騙郝飛去闖一段,立即bling一聲
      星期六告訴你:我看到曙光,就是這一吓。

      因起承轉合,完整包返個故事,真舒了一口氣

      刪除
    8. 好合情理,係嗰個年代,離開出生地生活係迫於無奈嘅事。

      郝父用呢條橋,騙個仔出外闖,實在好合當時嘅人嘅想法。

      唔怪得你話找到方向喇,「郝飛決定拆開父親信件偷看。」呢段真係估你唔到。

      刪除
    9. 咁合情理,都因為「順勢而行」一句,哈哈

      故事結局:把前文一間真相推反,我抄《九死一生》呀師兄!

      刪除
    10. 叫我師兄咁抬舉,晚輩唔敢當喎,叫我師弟都勉強受得起嘅 :o

      「九死一生」睇完結局有「驚」無喜;「天涯各處鄉」睇完結局有「驚喜」。

      「九」如低級烈酒,入口辛辣,帶畀人一刻刺激感;反觀「天」如82年lafite,入口酒香馥郁,讓人回味無窮。

      刪除
    11. 嘩! 咁讚我都唔識點招架。

      我記得睇「九」結局時,一招人格分裂,角色重組,真令我拍案,令我想起一套大師級電影「凶心人」,也是玩到出神入化。

      各有各特色,如果大家是酒,我是中國北方的「五娘液」,你是本地杜魯誌的「人頭馬」

      刪除
    12. 你睇「九」,聯想到Christopher Nolan嘅成名作,我更加招架唔住喇。

      「Memento」我睇咗幾次,真係堅正,從來冇導演用咁嘅手法講故事嘅。

      我都計劃過用呢個手法寫故事,喺香港發生,唔用即影即用相機,改用手機,諗咗大綱,但放埋一邊喇。 :(

      刪除
    13. 個故事大網吸引喎,慢慢寫,好期待

      「Memento」套戲真係堅,Inception都唔無咁堅。
      兩套我都喜歡

      刪除
    14. 呢個故事與「蝴蝶效應」一樣,我放咗係床下底,希望有朝可以從見天日喇。

      講開戲,舊片the game都係正嘢,可以睇吓。

      刪除
    15. 希望佢重見天日啦

      The Game<--David Fincher 嘛,
      Michael Douglas
      看過呢
      不錯呀,局中局

      我又推薦一套 shattered (1991)

      刪除
    16. 你嗰套我未睇過,回番套經歷嘢先:

      the usual suspects

      最後一幕先係堅呀。故事中嘅Kevin Spacey簡直係我嘅偶像,佢望到乜就講D乜,如果搵佢嚟玩我哋嘅crossover,一粒鐘內就搞掂,我第一次睇時呆很咗呀。

      刪除
    17. 我都有睇呀,《非常懸疑犯》Kevin Spacey見房內物件就作故事,勁呀!

      抵Kevin Spacey憑American beauty攞影帝

      刪除
    18. 仲有佢全劇扮跛,最後一幕正常番呢。

      美麗有罪當年有睇,不過以前年少無知,剩係掛住流鼻血,而家已經唔記得晒劇情喇。 :p

      刪除
    19. 其中一名退休軍人,表面好憎恨基佬,反對個仔係基,原來呢個退休軍人本身就係基,對於我來說,震撼

      刪除
    20. 剩係記得個女同學咋。 :o

      軍人其實好慘,精神好多都扭曲,尤其是打仗時。佢哋都唔知下一刻仲有冇命,所以剩係剩低動物嘅本能,食及性。

      投名狀中,畀李連杰下軍令殺嘅兩個卒仔,演活咗呢一點。

      刪除
    21. 講起拍案叫絶的結局,韓國片「原罪犯」更是拍爛了我的手掌!

      刪除
    22. 我次次睇咗少少就頂唔順熄機,聽你咁講,睇嚟我真係要認真睇一次先得

      刪除
    23.  原罪犯?唔難項喎,結局拍案叫絕呢

      刪除
    24. 啱啱check咗email,謝謝你為我提供生命的意義。 :)

      刪除
    25. 哈哈,是我多謝都嚟唔切啦

      謝謝

      刪除
    26. 小事一件,舉手之勞啫,酒逢知己嘛。

      刪除
    27. 好喇,恭敬不如從命,你安排喇。

      另外,你答埋email嘅4條是非題,我就可以定到喇。

      刪除
  2. 久仰大名!

    古老的愛情小說加入現代廣告對白,有創意!

    回覆刪除
  3. 回覆
    1. 真心多謝你的like

      我都覺得自己short short哋

      刪除
  4. 卡臣:

    嘩!乜寫得咁文雅,唔似你的作風,以為入錯blog.不過感覺真係好似回到民初的窮鄉咁.

    回覆刪除
    回覆
    1. 哈哈,無入錯,其實我好文藝架! 哈哈
      希望吸引到文藝女生嘛


      刪除
    2. 文藝女生多為密實姑娘喎,係你杯茶乎? :p

      刪除
    3. 外表斯文,內裡open,就最啱我啦。

      刪除
    4. 卡臣:

      你呢篇由頭至尾都好合情合理,我同世純的睇法一樣,體臭果一節,諗得好絕.

      刪除
    5. 好玩啊

      下次一起玩48小時遊戲呀,鍛鍊心臟功能

      刪除
    6. 卡臣:

      我心臟耐力差過下體呀!嘻嘻!

      刪除
    7. 卡臣:

      「無入錯,其實我好文藝架!」

      我睇多一次,都以為入錯門!不知是前門或後門!嘻嘻!

      刪除
    8. 你下體強勁,所以就算心臟差過下體,也是正常。


      入錯門?咁大鑊!快用祿柚葉洗擦。

      刪除
    9. 下次佛爺一齊玩喇。

      入錯門好大鑊,變咗搞屎棍,哈哈。 :p

      刪除
    10. 佛爺有點恐同,他絕不會搞錯男女廁門口。

      刪除
    11. 入錯廁所,會畀人當咸濕佬o架,唔好亂嚟。

      另外,搭MTR都要「保護自己」,盡量遠離高尚嘅香港女子,否則隨時犯官非呀。

      刪除
    12. 前排有個女人開著電話攝錄機,周街碰撞男人,對罵,再放上網,小心啊

      刪除
    13. 呢個女人我都聽過,佢拍咗片反而對男人有利呀。不過,做咗網上男主角就慘D喇。

      刪除
    14. 好佬怕爛佬,爛佬都怕潑婦
      好無辜呀啲男士

      刪除
    15. 卡臣、世純:

      有直佬,女人前後門都深入探訪的.嘻嘻!

      刪除
    16. 卡臣:

      緊係潤滑油和凹凸避孕套喇!兼而加一隻幻彩蛋蛋,係震蛋.女人就唔會比你走架喇!嘻嘻!

      刪除
    17. 如果我係亞拉伯靚仔王子就話啫。

      刪除
    18. 前門、後門、幻彩蛋蛋...

      你哋令我諗起,旅發局為來港旅客精心計劃嘅表演項目喎。

      名為幻彩詠香「江」。 :p

      刪除
    19. 呢個「幻彩Fing香肛」,真係搞咗好多年,不過我路經見過一兩次咋

      刪除
  5. 卡臣故事寫得越來越好,讚!

    PS,原罪犯雖然重口味咗,但人性刻劃很真實,看後令人心情久久不能平伏,很震撼!

    回覆刪除
    回覆
    1. 多謝讚賞先,繼續努力

      原罪犯的佈局,真是復仇美學的極至。

      刪除
  6. 好傳奇色彩,那年代的人情,真係會咁的。

    回覆刪除
  7. 卡兄,世纯那儿有漏洞,我抓到秘闻!

    男人对男人说:“我唔係鍾意食你煮嘅麵,我係想見多你幾面” ,又是什么意义?

    这句话,很像是歪歪上身哦! 不晓得有没有内幕?

    嘎嘎嘎嘎嘎~~~


    添牙隔出想
    还角逐露文

    回覆刪除
    回覆
    1. 唔使猜,世純的女友我也認識,下周跟她們吃晚飯。直到爆!

      刪除

LinkWithin

Blog Widget by LinkWithin