~~~~~~~~~~~~~~~~







2012年4月4日 星期三

唔通連個天都唔鐘意我? – 上集



唔通連個天都唔鐘意我? 上集

九龍灣某甲級商業大廈內,一間具規模的金融投資公司,租用大廈39-40兩層樓。Tommy是其中一個小職員。

Tommy今年剛在城市大學經濟系畢業,考入這間公司當management trainee。四星期training後,Tommy被派往39樓某一隊sales team,跟五位teammates一起工作。

Tommysales manager是一個五十歲老叔父,愛擺款、對下屬粗聲粗氣,開工時只關心自己的股票升跌。

Sales manager介紹五位同事給Tommy,四男一女,他們都是戰鬥格的全攻型sales。同事的日常工作是出街找新客人投資,從而抽取佣金。

開始時,五位同事對Tommy都好正常,但保持一定距離,唔太親切也唔太冷淡。五位同事都肯教吓Tommy,過佢兩招。但都是那些講咗等於無講的表面簡單招數。第一個月,Tommy無生意無佣金,出糧只有那份低微的底薪。

第二個月,sales teamsales manager加大營業額,五位同事忙於call客搵錢,再無乜理TommyTommy見到五位同事日日都開單,開到手軟。但Tommy對客如老鼠拉龜,只煲「無米粥」。

五位同事各有各忙,唔再肯教Tommy,讓他自生自滅。Tommy曾經嘗試虛心向同事請教,但同事們十分忙碌,冷漠敷衍TommyTommy碰到一鼻子灰。

* * * * * * *

後來,Tommy發覺五位同事開始不喜歡自己,間中冷言冷語、單單打打。肯鬧吓Tommy都當俾面,大部分時間都當Tommy透明。Tommy想不起因何事得罪同事。

Tommy求助於sales manager,可惜反被sales manager鬧佢唔勤力,全部同事都係自己摸索出一套功夫,鬧Tommy:如果唔係懶,就係蠢囉!

五位同事中,其中一位男同事叫「阿天」。他是五人中最nice最親切那一位。最初「阿天」也教過Tommy一些工作心得。

Tommy鼓起勇氣,在pantry問「阿天」究竟自己有什麼地方得罪他們?怎料「阿天」詐聽唔到,冷笑一聲,斟完水一個閃身就走人。Tommy嘆氣:「唔通連嗰個天都唔鐘意我?

Tommy見賺唔到錢、同事關係又惡劣、上司又唔幫自己。萌生辭職的念頭。

* * * * * * *

某天Tommy39樓上40樓送內部文件,在40樓遇上大學同學JasonTommyJason屬同一學系但不同班,彼此認識但不太熟絡。兩人在影印房傾兩句;TommyJason大吐苦水。

Tommy說出他目前工作的苦惱,打算放棄,辭職算了。Jason聽後用力搭著Tommy膊頭,誠懇安慰他說:「這間投資公司在行內夠出名、前景一流、發展空間大,香港只有金融業一支獨秀,累積一些經驗,一定可以發圍。初出茅廬當然要忍耐,一於留在這公司發展自己的career path啦!」Jason講的時候,雙眼中彷彿有團烈火在燃燒,好熱血呀!

Tommy聽後,覺得「無理由Jason 我唔得架!」不能在舊同學面前示弱,Tommy唯有頂硬上,挺起胸膛點頭說:「OK!我一定得。」JasonTommy擺出一個「革命樣板戲」的堅毅姿勢,JasonTommy打氣之後離開,繼續繁忙的工作。

Tommy返回39樓,想起大家同樣學歷,同樣的起跑線,為什麼Jason充滿信心?自己就一蹶不振呢?可能Jason的上司和同事對他好呢!唯有自我安慰啦。

Sales manager突然召Tommy入房,Tommy見到Sales manager手拿著一個白信封。Tommy有不詳預兆……

待續

二少爺說:邊個咁幸運未遇過衰老細吖?(除了含住金鎖匙出世,成世人唔使打工嗰啲囉)。


擦鞋仔 - 許冠傑
作曲: 倫永亮
填詞: 黎彼得

係係係,日夜猛吠,扮下矮仔無乜計,
望清楚,擦既對象,落力擦靴講手勢,
你鬥氣,全無實際,棧得你氣壞個胃,
擦擦擦,搖頭擦髻,無謂計地位。

係係係,日夜拜跪,事業暢通講交際,
易辦事,就要虛偽,焗住要頸燈蕊咁細,
有個性,前程盡廢,個陣你喊亦無謂,
有性格,豪門自閉,咪賴時運太滯。

出力擦,分分鐘都採用心理攻識,
出力擦,分分鐘不浪費全憑造詣,
出力擦,分分鐘將樹枝變咗玉桂,
出盡力擦,求名利,償志願,
望有天一朝威威。

20 則留言:

  1. 我都遇到幾個好老細架,雖然都有衰嘅

    回覆刪除
  2. 卡臣你而家將故事分上下集,好呀,故事有懸念,等我哋心思思。

    回覆刪除
  3. 我當年真係有諗過殺死一個好變態嘅上司架
    咁當然只係諗囉~

    回覆刪除
  4. 卡臣:

    正常老闆或多或少也會顧一下公司。上司就只會睇見自己,要求下屬做teamwork,自己就做「癲work」。

    回覆刪除
  5. 冇咁易俾我地估到嘅!一定係過到probat,加佢人工!

    回覆刪除
  6. 佢間公司賣埋d結構性金融產品
    d員工涉嫌欺詐被捕
    tommy因做唔成生意
    反而無事!

    回覆刪除
  7. 卡臣,天无绝人之路,只要肯挨,总有饭吃的!

    回覆刪除

LinkWithin

Blog Widget by LinkWithin