~~~~~~~~~~~~~~~~







2012年4月2日 星期一

阿強飲盧雲堡啤酒


阿強飲盧雲堡啤酒

大家好!又我係阿強,今次講吓我飲啤酒。

我自問酒量好淺,飲少少都已經面紅。前排睇新聞先知道「飲酒快面紅」是身體不好的徵兆。無法啦,自己身體一向虧吖嘛。

紅酒白酒香檳一撞酒,我就好快上腦,好快被KO。啤酒仲可以飲多少少,尤其是打邊爐嗰陣,一邊吃火鍋一邊飲啤酒,無咁熱氣添。咁我最鐘意飲邊隻啤酒呢?答案是:青島菠蘿啤酒,貪佢甜甜哋易入口囉。

中學時代我睇電視廣告,其中有一隻啤酒牌子叫:盧雲堡 (Löwenbräu)。有一次我跟同學去酒廊,剛巧那時盧雲堡做特價推介,同學們便貪平叫了半打。嘩!味道好苦澀呀,我跟自己說:我發誓以後不再order盧雲堡。在我印象中,盧雲堡是產自盧森堡。這是我「有斷估,無痛苦」的性格所致。

好,遊完花園,今次講我遊盧森堡Luxembourg)。

我們步出火車站,踏進盧森堡境內。相比之下,這個歐洲國家並沒有什麼出名的建築物或名勝。我們翻完本旅遊書,既然沒有什麼特別地方很想去,不如用腳周圍行吓就算啦。


相片中,我背後那條圓拱橋,名叫亞道爾夫橋 Pont Adolf這是一度沒有支柱的圓拱橋,高約五十六米,寬約八十四米,長約二百一十一米。建造於19001903年,就是以當時盧森堡大公國的君主亞道爾夫公爵而命名的。我坐在石壆上留影,叫做到此一遊啦。

行到咁上下,我突然問同行朋友:「盧雲堡啤酒係咪產自盧森堡?」立即被朋友們群起嘲笑我,他們教曉我:原來盧雲堡啤酒不是產自盧森堡,而是產自德國慕尼黑。

因為在我的字典裡:青島啤酒產自青島、哈爾濱啤酒產自哈爾濱。如此類推,盧雲堡啤酒應該產自盧森堡。吓?係「雲」字唔係「森」字喎!又係噃,咁算啦,那時候知道都唔遲呀,遲知好過唔知呀!

都係青島菠蘿啤酒最啱我口味,可惜歐洲無菠蘿啤酒賣。否則我一定會立即「啪」返一罐,告訴歐洲人知道:中國啤酒係得嘅!


二少爺說:懷舊廣告一則,後生的你未必睇過。

24 則留言:

  1. 阿强,我只会饮香槟补酒,不识饮啤酒;比苦瓜还苦的啤酒,好饮咩?

    回覆刪除
  2. 菠蘿啤, 你真識飲...同我一樣咁有taste.

    回覆刪除
  3. 卡臣:

    阿道夫,我以為與希特勒有關。希特勒的全名叫Adolf Hitler。盧森堡是鋼鐵王國,靠鐵礦生存。而青鳥啤酒是德國在二十世紀前後興建的釀酒廠,其實是德國啤酒的A貨而已!

    回覆刪除
    回覆
    1. 原來如此,我又上多一課,中國多A貨。

      刪除
    2. 卡臣:

      清朝末年,山東幾乎是德國的租借區,所以德國才在青島興建釀酒廠。第一次世界大戰結束,德國是戰敗國,但山東的德國勢力範圍卻交了給日本,結果爆發五四運動。所以青島啤酒廠,應該在清朝已建成。

      刪除
    3. 原來青島啤咁耐歷史,你唔講我唔知,謝謝啊

      刪除
  4. 又係慢幾拍而家先回應。
    啤酒飲得多成日要上"一號"
    我鍾意紅白酒多d ,香檳更正。
    盧森堡小國真係無乜特別
    一日遊巳足夠。

    回覆刪除
    回覆
    1. 我愛咖啡酒,怕苦貪甜。
      香檳易醉啊

      刪除

LinkWithin

Blog Widget by LinkWithin