~~~~~~~~~~~~~~~~







2011年10月5日 星期三

阿強與女皇頭


阿強與女皇頭

Hello!大家好,又係我阿強。

對於在英國殖民地出生及長大的我來說,英女皇的頭像,富有特殊意義。

我記得我大約在五六歲的時候,跟父母回大陸探親。離開羅湖橋踏入中國境內,見到大陸公安、毛澤東肖像時,真係好驚呀!幾天後離開大陸,回到羅湖橋。入到英境,見到英女皇的頭像,我成個人立即定哂,是一種安全感和歸屬感。喂!你咪噓我崇洋媚外先,當然97之後就時移勢逆啦。

英女皇(俗稱:事頭婆)的頭像,一頂皇冠,給予她威嚴和權力,象徵整個「大不列顛帝國」。小時候手中拿著的零用錢,一枚枚貨幣上的女皇頭,教我如何不愛它?

我慶幸香港曾是英國殖民地,否則香港早已淪為南中國的一個唔起眼的小城市。吓!就算你話我崇洋都好,我都係咁話。

好啦!花園遊完,今次講「女皇頭」,台灣基隆市的「女皇頭」。

我早上從台北市坐巴士去基隆市,再轉車,中午前便抵達「野柳風景區」。嘩!我中學讀地理科,見過好多被風化侵蝕的岩石的圖片,如今可以親眼見到及觸摸到這些怪岩奇石,好興奮呀。


離遠見到「女皇頭」,怎麼一點也不像個女皇?原來角度唔啱,兜個彎之後,嘩!成個「女皇頭」就展現在眼前,立即跟女皇合照先。當天下微雨,岩石好滑,差啲跣親添呀。

在基隆市聽到好多人講「閩南話」,一講起閩南話,就想起侯孝賢的鄉土電影。如今侯導演變得少產。最愛他的《風櫃來的人》和《戀戀風塵》。而「台劇」就唔啱我睇啦,啲台灣青春偶像,邊個打邊個我都分唔出。

喜歡台灣地道美食,好有獨特性格,在台灣「掃街」一定有驚喜。不像香港集團連鎖食店的千篇一律。香港的小食店怎能承擔昂貴租金?另一方面,台灣的閱讀風氣好,搭車的乘客愛看書,不像香港乘客只打機和玩電話。嗱!證明我唔係盲目祟洋啦,台灣有好嘢,我就要讚!


二少爺說:一講起台灣,就想起一位在台灣發蹟的香港藝人:王傑。一講起王傑,就想起電單車、皮褸、皺眉、哭嗓、浪子呀!呢個80年代的王傑MV,就見到王傑在野柳的女皇頭取景。一噸重的滄桑、漂泊和孤獨呀!


人在風雨中 - 王傑
作曲:陳志遠
填詞:潘偉源

誰人曾蔽起天空 卻怨天意作弄
誰人曾放了火種 卻高呼不必太衝動
終於今日已看清你面容 卻恨真的結果換來劇痛
深宵衝入冷冷暴雨 投入不息的猛風 Woo~~

茫茫然兩手空空 理智失去作用
還迷糊與你緊擁 卻只可緊擁破的夢
讓陣陣風雨翻飛 吹亂往日那思念
讓陣陣暴雨撲下 沖掉往日那影蹤

風雨中 仍然懷念你 風雨中 回頭尋覓你
風雨中 叫喊你彷彿已瘋 風雨中 情狂全為你
風雨中 情狂難自控 風雨中 圍繞我是片惡夢

33 則留言:

  1. 英女皇、台灣、王傑,我全部都鐘意~

    回覆刪除
  2. largeheadboy

    英國的Queen樂隊
    我好喜歡
    王傑呢.首兩張大碟我都like

    回覆刪除
  3. 英女皇、王傑,都是97前的珍貴回憶。

    回覆刪除
  4. 講起王傑就慘, 唱歌咁好聽, 而家好似痴咗線咁

    嘩, 呢個女王頭景點好靚喎, 下次去台灣去睇下先

    回覆刪除
  5. 我愛女皇頭大銀,
    我未去過台灣女皇頭,又真係唔算好恨去喎

    回覆刪除
  6. Eben

    王傑標記九十年代
    英女皇伴我成長

    ////

    30

    王傑痴咗呀?
    咁慘?!唉

    野柳的自然景象區
    值得一看呀

    ////

    Naruto

    我細個專儲男頭大銀

    野柳區影相一流呀
    諗諗佢

    回覆刪除
  7. 我仲儲著一豬仔錢箱英女皇錢幣。

    回覆刪除
  8. laulong

    女皇頭斷了?

    壞消息呀!
    好彩我去過

    ////

    coffee

    我儲過
    不過搬離娘家後
    不知所縱

    回覆刪除
  9. 當年我都有買王傑既音樂帶

    自由

    回覆刪除
  10. 阿強:

    你的頭有型過女皇頭呀!嘻嘻!

    回覆刪除
  11. 阿强背后个女皇头仲几完整,旧年我系野柳见到个女皇头已经嘞头嘞髻,迟早“日本大邮船”咯!佢地已经造左一个代替品,摆系野柳公园个度。

    以前我好钟意英女皇,后来读左Leuren Moret写的一篇 The Queen's Death Star,惨哉咯!原来我喜欢的偶像背后,系满手鲜血,收买人命发大财架!

    回覆刪除
  12. 自由

    王傑隻「一場遊戲一場夢」
    真心鐘意,好聽

    ////

    佛爺

    阿強個乜頭仲有型!
    嘜頭呀

    ///

    Helloninie

    女皇頭未斷,好嘢!
    未去快去啦

    英女皇的崛起
    自古政府都是汚穢

    回覆刪除
  13. 阿強,你做乜擰住條白色手巾仔嘅?係咪台灣女生嘅定情信物嚟㗎?

    回覆刪除
  14. 歪歪

    等我講出真相
    那時1992年4月(19年前)
    我到台灣沒有帶雨傘
    遇上雨天
    偷偷拿了酒店的毛巾去抹雨水

    又俾你見到踢爆

    回覆刪除
  15. 野柳的女皇头,喜欢!
    可是那时太冷,风又大,拍得很不好看!
    很想再去一趟。。。

    回覆刪除
  16. 吓,乜原來係你唔想濕身,真相竟然反高潮。

    回覆刪除
  17. 又唔駛咁激,我以為阿強會有浪漫回憶啫。

    回覆刪除
  18. 歪歪

    毛巾的浪漫事,交給佛爺一定寫很多

    回覆刪除
  19. 阿強:

    以你的名義來寫香艷手巾仔,唔好喇!我驚你的處男形象被淫蕩化呀!嘻嘻!

    回覆刪除
  20. 我阿強不想晚節不保
    甜故交俾佛爺寫好了

    回覆刪除
  21. 你交得俾佛爺去寫,又點止會係浪漫咁簡單,阿強實破處啦。

    回覆刪除
  22. 聽你咁講,我更加想睇喎!

    回覆刪除
  23. 卡臣:

    你想唔想破處呀?等我將你的女皇頭加手巾仔,寫成四仔!你只要話:「好呀!」我即係落筆!我已經搵到女主角架喇!

    回覆刪除
  24. 卡臣:

    你咪咁口響!我睇你到時,要用條白色手巾仔抹眼淚!嘻嘻!

    回覆刪除

LinkWithin

Blog Widget by LinkWithin