~~~~~~~~~~~~~~~~







2009年12月6日 星期日

藍妹啤酒

藍妹啤酒

七十五歲的「廣伯」,身體肥胖有170磅,每天早上到屋企附近的公園睇吓報紙,做吓簡單甩手操。他獨居在深水埗一間50尺的板間房,沒有妻兒。包租公將一個400尺唐樓單位,再分租給幾名獨身老人。廣伯退休前當裝修工人,沒有積蓄,每月靠政府千幾元綜援作交租及生活費。他花每一元都要左度右度,晚年過着清貧的生活。

廣伯前日曾經在街上接過傳單,是10蚊雲吞麵店的「兩元優惠卷」,廣伯因此吃麵時慳返兩元,十分高興。這天早上,廣伯路經大南街時,見到有人派傳單,食髓知味,廣伯立即上前索取。

廣伯用老花眼鏡細睇之下,原來是女性時裝店的宣傳單章,對自己無用處。廣伯用手一揸,把傳單扼成一團廢紙。碰巧他正路經一大排檔,檔主擺了幾張枱在行人路上,方便食客吸煙。廣伯順手把手中廢紙,丟棄在一張食客剛幫襯完而未執拾碗碟的枱面上。金毛紋身伙計見到,立即向廣伯大喝:「喂!死老坑!我張枱做生意,唔係俾你做圾垃筒呀!」
廣伯反駁:「你都會執枱架啦,順便同我掉埋有幾難?!」
金毛紋身伙計扯火:「死老坑!你執唔執返佢呀?」
廣伯好漢不吃眼前虧,死死地氣執返張廢紙。

廣伯行多兩個街口後,遇到兩名妙齡少女,手持10元慈善獎券向廣伯兜售,少女落嘴頭讚廣伯又健碩又英偉。被靚女迷惑之下,廣伯豪氣地買下兩張獎券。頭獎是超市10,000元禮券,明天喺報紙公佈得獎者名單;廣伯當係買個希望。

* * * * * *

中午回到板間房,鄰房的「華叔」正由廁所出來。華叔是一個瘦削的排骨精。華叔見到廣伯回來:「喂!阿廣,我前日借咗10蚊俾你買六合彩,你仲未還俾我呀!」廣伯見有兩張獎券喺褲袋,攞出嚟向華叔講:「嗱!10蚊就無啦!不過我俾張獎券你,等你以小摶大,頭獎係百佳10,000蚊獎券,有你著數呀!」華叔被一萬元所吸引,同意「錢債券償」,但廣伯手中有兩張獎券:A013同A014,唔知俾邊張好,華叔隨意一抽,抽中A013後,華叔便回房。

廣伯回房後,心裡籮籮攣:如果一個唔覺意,俾華叔攞咗張A013獎券會中頭獎,自己咪好唔抵?!廣伯越諗越唔妥,決定以身犯險,去偷回華叔的A013獎券。

正午,廣伯到樓下的粥麵店,用5蚊買了一碗白粥,自己先吃一半,再用滾水把餘下半碗粥沖滿一碗。廣伯拿著稀白粥到華叔房間:「阿華,我買多咗碗白粥,你食唔食呀?」華叔不妨有詐,接過白粥坐下之際,廣伯手急眼快把華叔放在櫃上的A013獎券放入自己褲袋,並放回A014獎券在櫃頂後,便告辭回房。華叔吃過白粥,暖洋洋便睡過午覺。

傍晚時分,華叔午睡後醒過來,剛才在夢境中,華叔夢到死去的太太,報夢話廣伯手中的獎券一定中頭獎,仲夢見廣伯一人在超市內,亢奮地狂掃架上林林總總的貨品。華叔瞓醒後,為了一萬元,決定要去廣伯的房間,偷偷調換獎券。

瘦削的華叔花了24元買了兩支藍妹啤酒加一包花生,晚上9時到廣伯房間請他飲啤酒。華叔退休前當海員,早已訓練一身好酒量。兩支藍妹已將肥胖的廣伯隊冧,爛醉如泥。華叔搜查獎券所在,終於在抽屜找到那張A013獎券,跟自己的A014獎券對換後,讓廣伯繼續倒頭大睡,自己拿着獎券回房。

第二朝是獎券抽獎的公佈日期,華叔一早7時拿着獎券去報攤買報紙對中獎號碼。廣伯昨夜宿醉未過,仍倒在床上呼呼大睡。華叔心急地向報販買了一份報紙,東翻西掀,但翻閱整份報紙也找不到獎券抽獎的公佈結果。

華叔見到一名中學生路過,他問:「後生仔,幫我睇吓張獎券,係咪今日公佈結果?」中學生接過獎券,望了一眼便答:「阿叔,邊度有『伸手挫人協會』架?你俾人呃咗啦!」

華叔醒起警訊確實報導過近日有「假獎券黨」出沒於深水埗區,專呃老人家。唉~邊個咁無陰功,連老人家啲棺材本都呃呀!

華叔十分激氣,廣伯欠下的10蚊收唔返,仲蝕咗24蚊買兩支藍妹啤酒加花生。偷雞唔到蝕把米,望見手中的假獎券就扯火!

華叔右手用力一揸,把獎券扼成一團廢紙。碰巧華叔路經一大排檔,見到一張食客剛幫襯完而未執拾碗碟的枱面,見到枱面上有兩支藍妹啤酒空樽,華叔眼火爆,把手中廢紙丟棄在枱面上。金毛紋身伙計見到,立即向華叔大喝:「喂!死老坑!我張枱做生意,唔係俾你做圾垃筒呀!」 華叔瞠目結舌。




藍雨 - 張學友
作曲:德永英明
填詞:林振強

灰灰的天 空空的街 千串細雨點
用斜紋交織出一張冷面
微涼的風中 街中一把遭棄置的破傘
像說怎麼過這一天

曾很喜歡 陰陰天 因我愛看雨點
在微涼風中洒向妳輕吻妳面
然而今天 空空的街中 飄飄雨內
沒有妳 陰的天 極討厭

冷冷雨 Wo...... 沒焦點因找上到妳
冷冷雨低泣彷彿要等妳經過
我說冷雨求求停吧 別追憶泡影一個
忘掉雨裡過去有愛侶走過

雨點上清楚 妳已拋低我
仍共疾風東奔西走的找妳
彷彿上知上再會有結果
妳永上清楚 妳那天經過
留下萬千追憶一生封鎖我
今天可否會想起我

14 則留言:

  1. 卡臣:
    哈哈,好有趣
    廣伯同華叔好洩啊!

    回覆刪除
  2. 卡臣︰早晨﹗
    你的小品總能讓人會心微笑!

    回覆刪除
  3. the8

    鐘意就好
    仲有兩個嚟緊


    +++++

    佚名

    廣伯同華叔為了錢
    各出奇謀
    結果都係個桔

    +++++

    coffee

    午安

    晨早笑一笑咪好囉

    回覆刪除
  4. Eric

    劉以鬯?

    嘩!往我臉上貼金!!
    我聽到四周噓聲四起

    回覆刪除
  5. 沒有令人心跳加速既情節,但卻令人回心微笑!
    真係偷雞唔到蝕渣米呀!

    回覆刪除
  6. 卡臣,
    細緻寫實,令人會心微笑的小品^^!

    回覆刪除
  7. denzel

    我諗係兩張藍色相
    幫到成件事

    thank you

    回覆刪除
  8. 卡臣,
    你客氣啦^^!
    睇睇下你的文章...除左劉以鬯...其實仲似舒巷城!!

    回覆刪除
  9. Denzel

    我立即google舒巷城
    嘩~~
    舒巷城來頭咁勁!!
    我邊可能跟他相比?

    我都係似「新港城」多啲

    回覆刪除
  10. 反映現實小人物生活,
    卡卡故事題材真多元化!

    我覺得你似「新之城」。

    回覆刪除
  11. 巴黎

    多謝先

    我似「新之城」?
    我似「深圳城」多啲喎

    回覆刪除

LinkWithin

Blog Widget by LinkWithin