~~~~~~~~~~~~~~~~







2014年9月1日 星期一

娛樂圈少年


娛樂圈少年

阿偉身穿G2000黑色西裝,手拿著公事包,晚上7:30步入旺角某酒樓的某包廳,門外豎起一個告示牌,寫著「東華三院莊嘉城紀念小學舊生晚宴」。阿偉是2000年小六畢業生,今晚應邀出席舊生紀念晚宴。

* * * * * 

阿偉很興奮,因為今晚可以見到十四年前讀小六時,最friend的五位同學:阿德、阿輝、阿麗、阿昌、阿萍,加埋阿偉自己六個人,是一班死黨。每逢老師罰學生留堂,這六人總是有份。因為大家成績都係咁差。成班考試排尾嗰十位,必有他們六人份。而且六人都住在同一個公共屋邨。六個「屋邨幫」同聲同氣。

十四年前某一夜,六人夜晚坐在屋邨球場的看台上,圍坐傾偈。一打樽裝可樂,一輪明月。各人成績強差人意,不能直升中學原校,六人暑假後會各散東西,大家一起估吓將來做什麼工作。

阿德:最叻「撻嘢」,偷錢偷模型偷零食,神不知鬼不覺,從未失過手;
阿輝:最鍾意「整蠱同學」,一小息到就玩到癲,整蠱技倆之高引來大家捧腹大笑;
阿麗:身材高大的肥妹,靚女同學身旁必有一位惡死肥妹,一有男生想借機接近,撐雞阿麗便挺身而出,鬧走狂蜂浪蝶;
阿昌:考試一定抄隔離,抄功課最拿手,抄得最有技巧,從未被老師發覺到任何抄襲的蛛絲馬跡;
阿萍:最愛講同學是非、男女同學被編坐埋一齊,就話佢哋結婚。最清楚邊個暗戀邊個、邊個討厭邊個;
阿偉:最靚仔最姿整最有戲劇細胞,曾經連續三年在學校舞台劇扮演白馬王子,很多女同學都暗戀他。

十二歲的阿德、阿輝、阿麗、阿昌、阿萍,對未來都沒有什麼抱負,估自己將來應該做些基層工作吧。五人猜測自己將來的工作,應該會幹著跟父母相同的工作:護衛、物流、清潔、廚房、司機等等。

唯獨擁有camera face的阿偉,希望自己將來可以闖入娛樂圈,做個小明星。旁人聽後,沒有撥冷水,因為他們打從心底裡,真的相信阿偉會憑這張俊臉,可以為他帶來名與利。

五人高舉起手中的可樂,衷心祝阿偉在娛樂圈闖出名堂。齊聲大嗌:「入娛樂圈!入娛樂圈!入娛樂圈!……」他朝如果阿偉成名的話,不要忘記這六個「屋邨幫」呀!一輪明月做證,阿偉笑著應承。

* * * * * 

結果呢?阿偉中五畢業後,先經模特兒公司介紹,接過一些雜誌的「硬照工作」,後勁不繼,參加電影試鏡、舞台劇試鏡、電視先生、藝員訓練班,都不能被選中或入圍。在零入收之下,阿偉只好放棄入娛樂圈的夢想,踏實地做保險經紀。一做就做了八年,但成績未見突出,仍是營營役役。

六人升到不同的中學後,當中有幾位搬離該屋邨,沒有再聯絡,各散東西,十四年後,多得小六男班長經facebook聯絡上咁多位舊同學,在酒樓搞聚舊飯局。

阿偉身穿西裝,手拿著公事包,晚上7:30步入酒樓包廳,門外豎起一個告示牌,寫著「東華三院莊嘉城紀念小學舊生晚宴」。阿偉急不及待想跟五個「屋邨幫」死黨重聚。阿德、阿輝、阿麗、阿昌、阿萍五人早已在一張圓枱,傾得興高釆烈。他們見到阿偉,立即熱烈地揮手,互相握手和擁抱,大家臉上雖然添了風霜,但五官輪廓仍可清楚認出。

六人14年後再聚首,交換彼此近況。大家尚未結婚。談到工作方面,阿偉搲一搲頭,羞怯地說自己當不成娛樂圈明星,夢想達不到,只成了保險經紀,輕輕嘆了一口氣。阿偉問他們是否真的當了護衛、物流、清潔、廚房、司機?他們逐一透露:

阿德:最叻「偷嘢、撻嘢」,如今當了電視台編劇,多套受歡迎的電視劇都是出自他手筆。他最叻偷橋,把「美劇」改成「港劇」:《24》改成《爭分奪秒》、《ER》改成《妙手仁心》、《CSI》改成《鑑證實錄》,電視台內稱阿德做「偷橋王」;

阿輝:最鍾意玩整蠱人,如今當了電視台遊戲節目的監製,藝人扔Creamwashabi跌落水的虐待式遊戲節目,都是他的idea,一直保持高企的收視率;

阿麗:保護靚女同學的「惡死肥妹」,如今當了某女明星的經理人,照顧藝人大小事務,擋駕記者的尖銳問題,打發無謂的應酬和問價,成為八面玲瓏的經理人;

阿昌:最叻「抄功課」,如今當了作曲人,很多自憐自殘的K歌,都是他的作品,他抄得有技巧,K歌的起承轉合已有一定模式,阿昌東抄西抄、改少少便出產大量K歌,阿昌用了藝名,所以大家都不知道那位幕後作曲人就是阿昌;

阿萍:最愛講同學是非,如今當了八卦雜誌的編輯,以前見男女同學坐埋一齊就話佢哋結婚,如今見男女藝人行近一啲,便寫他們「有路」;以前邊個同學得罪自己便煽動同學杯葛他,如今邊個藝人得罪自己就筆伐抹黑,玩法一樣。

阿偉聽完,搖頭苦笑,十四年前大家以為阿偉最有機會入娛樂圈,結果最後,除了自己外,其餘五人都入哂娛樂圈,從事show business

五人安慰阿偉說在娛樂圈要「靠關係」,大家會留意一吓有冇機會適合阿偉。他們都是義氣仔女,非常識做,異口同聲說:「我咁啱想買多份保險」。阿偉席間即時開了五份保單,感激之情,盡在不言中。

酒宴完結之後,各人手中拿著車匙,去停車場攞車,阿偉連車牌也沒有,雖然阿德已經搬去將軍澳,但阿德問家住屯門的阿偉:「不如順路車你返屋企?」阿偉點頭多謝。房車駛到阿偉住的公共屋邨,經過那個屋邨球場,屋邨恍惚什麼也沒有改變過。

阿偉落車後,看着阿德的汽車尾燈消失

後,抬頭望見一輪明月和一支泛黃的街燈,仿似十四年那個晚上,腦海裡迴旋著五把小孩叫聲:「入娛樂圈!入娛樂圈!入娛樂圈!」,阿偉深深嘆出一口噓唏。



二少爺說︰我中學時是「軟硬」的fans,《廣大道fans殺人事件》大碟更是廣東rap歌先驅。



18 則留言:

  1. 呢個故事笑中有哭呀,最正係寫阿德、阿輝、阿麗、阿昌、阿萍長大咗做乜,簡直充分發揮佢哋嘅優點呀。

    阿偉最可憐,夢想成空,仲要為兩餐營役,生活逼人呀,唉。

    回覆刪除
    回覆
    1. 命運作弄人啊~~

      阿偉有朋友,希望遲D有介紹,最終入到娛樂圈

      刪除
    2. 阿偉可以主動d,去蒲多d老蘭,同埋學吓人食大麻,咁咪可以埋到堆,第日娛樂圈條路易行d。 :)

      刪除
    3. 食大麻? 咁快?
      咪未入行,先學道歉

      刪除
    4. 唔洗學道歉住,畀人捉到先算喇。 :)

      最緊要學扮喊同埋扮內疚

      刪除
    5. 仲有父母都要學埋一份,有事嘅話同個仔一齊出嚟做道歉show

      刪除
    6. 咁如果要滾,阿仔應該準埋老豆嗰份囉

      刪除
    7. 孔子話:父為子隱,子為父隱,直在其中矣。

      咁父子同心,一齊瞞住阿媽老婆去滾,孔子都讚好呀。 :p

      刪除
    8. 都話你滿肚墨水啦,隨時都可以引經據典

      刪除
  2. 卡臣:

    證明每個人嘅潛質喺天生嘅。嘻嘻!

    回覆刪除
  3. 卡臣,
    吓!莊嘉城紀念小學?讀音咁似?大吉利是咩... *.*!

    回覆刪除
  4. 幾年之後,阿偉個鬚根碌竟然食啱流浪MAN味條水喎,竟然由廣告硬照開始再拍起,跟手被導演睇中,拍左套INDIE,跟住出埋國去埋歐洲影展,然後佢班小學死檔開頭諗住幫下手啫,點知搞下搞下變左間迷你電影公司出來。亞偉攞影帝個日,六個人又再次飲可樂慶功,不過如今加左啲WHISKY。

    哈哈哈。

    回覆刪除
    回覆
    1. 果然構思好,合理又感人,仲有畫面添呀!

      刪除

LinkWithin

Blog Widget by LinkWithin