~~~~~~~~~~~~~~~~







2013年11月14日 星期四

救命!



救命!


(這篇是新寫的)

George是一名Freelancer,他在家中工作,工作時間日夜顛倒。

George的一班朋友開了一個WhatsApp群組,經常群聊吹水。這天早上十時,朋友們談論的題目是「公司怪同事」。你一言我一語,十分熱烈。唔見George搭咀,大家估George可能正在趕工、或者睡了,不以為意。

下午二時,George突然在WhatsApp中打了兩個字︰「救命!」大家大為緊張,立即在WhatsApp中追問George發生甚麼事?但George再沒有回應;大家開始擔心,議論紛紛。

「就算報警,差人都未必受理喎!」
「前排George話佢座大廈有賊佬入屋行劫喎!」
「佢屋企人又唔喺香港,搵人上佢屋企睇吓喇。」
「咁邊個最近呀?」

結果,Michael因為最近,他捱義氣去George家睇睇。George住在舊樓,沒有電梯、沒有大廈對講機、沒有大廈管理員。Michael在樓下門口鐵閘前等了一陣,隨其他住客打開鐵閘,進入大廈。

行了幾層樓梯,MichaelGeorge的門鐘,這時剛睡醒的Georg,睡眼惺忪地來開門…..

原來George昨晚通宵工作,今天黎明時才睡,下午二時醒過來去廁所,順便Check吓電話,見到今早WhatsApp中提到那些怪同事的荒誕行為,George覺得佢哋好瘋狂,寫上「救命!」兩個字作為回應,之後返回睡房再瞓過。結果引起大家誤會。

正當George開鐵閘給Michael之際,突然有兩個持刀大漢從梯間衝出來,脅持他們入屋。綁起兩人,大肆搜略。都話咗呢幢大廈近日治安唔好啦,有賊隨住客進入大廈,伺機入屋行劫。這兩名賊人就是看中了Michael為目標。

估唔到下午GeorgeWhatsApp打出「救命!」兩字,一語成韱。


二少爺說︰「救命!」真係唔好亂嗌呀!

15 則留言:

  1. 回覆
    1. 這是真事改編,我朋友在群組中講股票狂瀉,有人打「救命」兩字行開,引來大家緊張及誤會

      刪除
  2. 卡臣:

    咁,佐治和米高有冇被劫色?嘻嘻!

    回覆刪除
    回覆
    1. 佐治米高在比華利山的公廁內行為不檢,遭警方拘捕。

      刪除
  3. 為咗向你文中嘅主角「佐治、米高」致敬,我想寫多少少交代下佢哋脫險嘅故事呀。 :p

    兩名賊人隨手拿起椅子上的長袖外套,將佐治、米高綁在一起,大肆搜略後便安然離去。待賊人離開後,可憐的佐治、米高連續高聲呼救了很久也無人聽到,於是他們開始想辦法自救。

    米高先主動提議,用牙將綁在身上的長衣袖咬斷,佐治聽後大呼good idea後,兩人便起勁地狂咬衣袖,希望可以成功脫險。可惜長袖外套的物料堅韌,兩人由黃昏咬至夜深,都未能成功。

    佐治建議先找些東西吃,補充體力後再繼續「斷袖」。於是兩人像連體嬰般爬到廚房,最後在雪櫃內找來一個大桃子。由於他們十分肚餓,所以兩人不顧儀態的就地吃它,佐治咬一口,米高吃一啖般,非常享受地「分桃」。

    正當兩人吃得滋味之時,數名同事突然開門,眾人見到當時的佐治、米高,完全不懂反應。原來同事們見米高久久沒有致電報平安,擔心他和佐治真的有事,於是便一起到佐治的家中查究,到門前發現沒有上鎖,便推門而入,怎料看到這一幕斷袖分桃。

    此事發生後,佐治、米高的價值取向慢慢起了變化......

    回覆刪除
    回覆
    1. 哈哈! 好一個成語動畫廊!!

      你仲話無靈感無時間?!
      大把貨啦你

      刪除
    2. 過獎過獎,咁啱你用「佐治、米高」,我先諗到啫。

      成語動畫廊好睇呀,呢個係少數TVB製作得出色嘅節目,可惜而家冇咗喇。 :(

      刪除
    3. 係囉,成語動畫廊<---我初中有睇。熊貓博士。正~~

      刪除
    4. 世純:

      哈哈!終於被你諗到斷袖分桃的情節喇!

      刪除
  4. 由此证明,班损友都系好关心个佐治嘅!

    回覆刪除
  5. 呢個故事令我諗起幾個月前的新聞: 一名少女坐的士遇上怪司機, 佢whatsapp朋友求救. 大佬, 仲whatsapp? 打999報警啦!

    回覆刪除
  6. 咪係! 真係不分輕重,不如update 上facebook status先啊

    回覆刪除

LinkWithin

Blog Widget by LinkWithin