~~~~~~~~~~~~~~~~







2013年11月1日 星期五

無仇不成兄弟




無仇不成兄弟

Bowie在哥哥的婚宴上,在接待處擔任迎賓,收過來賓的禮金後,告訴來賓的就坐枱號。845分,燈光變暗,結婚進行曲響起,哥哥攜著新娘,步入宴會廳,接受大家的祝福。Bowie腦海中,卻想起三個月前的一個寒冬晚上…….

        * * * * *

三個月前的一個寒冬晚上,Bowie的父母出門,去一趟大陸短線旅行,有兩晚不在家。家中只剩下Bowie和他哥哥David兩人。DavidBowie都有女朋友,終於等到父母不在家,仲唔作反咩?DavidBowie趁家中無王管,各自約了女友回家玩。

只得兩晚時間,哥哥David要第一晚、弟弟Bowie要第二晚。David和他女友早已發生關係,Bowie識做,第一晚到朋友家渡宿,David就跟女友在家中happy

第二晚輪到Bowie,但Bowie女友Jean是虔誠教徒,思想十分保守,自幼家教十分嚴厲。所以Bowie仍未跟Jean有婚前性行為。Bowie只能邀請Jean回家玩「煮飯仔」,晚上11時便要送Jean回她的香閨。

David是一個「時裝精」,願意把成份薪水花在購買時裝上。Bowie就比較願意花錢在電子器材上。兩兄弟會把自己的東西借給對方使用,一物兩份用。舉例:Bowie去朋友生日party時,會問DavidDior Homme窄身西裝穿;David幫女友影靚相時,會問Bowie借部高質素數碼相機。

David最近入手的新衣,是一件幾千元的「猿人迷彩軍褸」。第一晚David穿起這伴猿人軍褸見女友,Bowie望見心中羨慕。第二天,BowieDavid借穿該件潮服見JeanDavid沒有托手踭。

        * * * * *

第二天傍晚時份,穿著「猿人迷彩軍褸」的Bowie走在旺角行人專用區,以潮人自居,藐視擦過身邊穿平貨貨的MK仔,沾沾自喜。Bowie在旺角影音店買了一隻宮崎駿的《崖上的波兒》DVD。他知道Jean想看《崖上的波兒》很久,Bowie打算今晚在家中一齊看這套動畫。他把《崖上的波兒》DVD放進軍褸的外袋裡。跟著去旺角港鐵站接Jean

會面後,BowieJean到屋企附近的超級市場買餸,再回家玩「煮飯仔」。買了兩大袋餸菜後,兩人步行返家途中,Bowie顯出Gentlemen風度,一人拎哂兩袋食物,不捨得讓Jean辛苦。

香港天文台已經預報:傍晚氣溫將會驟降,但Jean沒有留意,衣物單薄,冷風一刮,她打了個冷震。Bowie立即察覺到,為了特顯他的Gentlemen風度,Bowie馬上把身上猿人軍褸脫下,叫Jean穿上它。Jean感到Bowie很鍚自己,報以一個甜蜜的微笑。兩人繼續並肩前行。

快將步回大廈門口時,Jean有點靦腆,對Bowie說:「我肯上你屋企唔代表我會咩呀….
Bowie點頭微笑,明白嘅。
Jean:「食完飯,等我幫你洗碗啦!」
Bowie:「我點捨得妳去洗碗呀?食完飯,我已經安排咗節目俾妳。」
Jean:「安排咗節目俾我?咩嚟架?」
Bowie:「唔講住,妳一定鐘意!」
Jean輕皺眉頭,好想知道答案,
Bowie因為雙手拎著兩袋餸菜,沒有閒手去攞出DVD,只好叫:「好啦!妳自己伸手入軍褸外袋,自己攞出嚟睇啦!」
Bowie靜候Jean拿出《崖上的波兒》DVD時,會大讚自己細心週到。

Jean伸手入軍褸內一摸,取出來一看,暴跳如雷!
尖聲大嗌:「林保賢!你黐線架!你當我係咩嘢人呀!」

Bowie見到Jean手中拿著一個金色錫紙包裝的安全套,
Bowie:「吓?點解會咁架?妳聽我解釋吖…..
Bowie 正想走上前,Jean大嗌「非禮呀!」Bowie手足無措。
Jean把軍褸脫下,掉在地上,截停一部Taxi,絕塵而去。

Bowie立即打電話給JeanBowie正想解釋,便給Jean一輪嘴打斷,鬧到他狗血淋頭。Bowie只有挨鬧的份兒,變成「挨鬧的Bowie」。 Jean cut線後,從此她再沒有接聽過Bowie的電話。

Bowie呆立在街上,他發覺軍褸的左袋內有《崖上的波兒》DVD、右袋內有安全套,應該是哥哥David昨夜用剩的安全套。穿著軍褸的Jean,自己伸手入袋摷禮物,究竟她先摷左邊袋?還是先右邊袋?便足以改變了這對情侶的命運。

Bowie貪靚問哥哥借潮服穿,不能埋怨別人,但又氣憤難平。Bowie回家後用針在安全套中央拮穿一小孔後,把安全套放回軍褸的右袋內,歸還軍褸給哥哥。

三個月後,David跟父母商量要跟女友結婚,是「奉子成婚」。Bowie聽到消息後,知道自己今次玩大咗,但都已經米已成炊,自首都無謂,不如繼續把這個秘密藏於心底。

        * * * * *

哥哥和新娘子舉杯向各位來賓祝酒,Bowie坐在主家席,乾了半杯紅酒。那晚被挨鬧的情景又湧現。他失去了Jean,但多了一個阿嫂和一個侄仔,失一得二,點都叫做有著數啦。



二少爺說︰兩兄弟嘅嘢,在心中啦

20 則留言:

  1. Jean 一手推開 Bowie 個 body, 變成捱碰的 body.

    回覆刪除
  2. 呢篇記得睇過喇,Bowie用另類嘅「身體力行」,為林家帶來新生命,呢個兄弟真係唔話得喇。

    呢個故事教訓我哋:戴安全套時同時檢查安全套是否全套安全。

    回覆刪除
    回覆
    1. 但是點check 呀?唔通盛水後唔滴先用咩?

      刪除
    2. 起碼睇吓有冇過期、個鍚紙包裝唔妥。

      我諗如果個domdom穿咗個窿,因為氣壓嘅原故,戴落去嘅時候感覺應該有d唔同。

      刪除
    3. 講得有道理,果然是過內人:)

      刪除
  3. 卡臣:

    點解安全套叫林保賢?唔明?

    不過咁,好少炮王,身上得一個安全套。嘻嘻!

    回覆刪除
    回覆
    1. Jean伸手入軍褸內一摸,取出來一看,暴跳如雷!
      尖聲大嗌:「林保賢!你黐線架!你當我係咩嘢人呀!」

      林保賢即是Bowie Lam,男朋友全名,通常男女嗌交,會叫對方全名。

      身上得一個安全套? 一盒三個,用剩一個咋

      刪除
  4. 哈哈,重以為聽 David Bowie 添!

    原來所有家人都有仇嘅,真係幾生至修到,我冇兄弟姊妹,即係冇乜仇家啦 ^_^

    回覆刪除
    回覆
    1. 我真係想點David Bowie架!!

      你得四個仇家: 父、母、夫、子

      刪除
  5. 这样都有?很戏剧化呢!(真实不会有吧?)

    回覆刪除
    回覆
    1. (真实不会有吧?)

      很多情婦有這一招迫使男人離婚,做老豆去了

      刪除
  6. 哈哈哈哈~~~~阿强的故事真系好笑鬼马夹抵死!

    回覆刪除
    回覆
    1. 香港人口老化,政府鼓勵生多些小朋友

      刪除
  7. 會唔會係David原先驚Bowie有不時之需, 點知好心做壞事...

    回覆刪除

LinkWithin

Blog Widget by LinkWithin