~~~~~~~~~~~~~~~~







2013年7月23日 星期二

新聞報導 - 下集

 
新聞報導 - 下集


Kenneth對電話一口氣急口令式講:「我知道奧姆真理教放咗兩個炸彈沙田運動場,塔利班放咗三個炸彈港澳碼頭,快派人去睇!」講完馬上啪一聲cut線,但同一時間,他聽到一聲清脆的錢幣撞擊聲音。
               
?個999 call究竟有無打過出去呀?!原來Kenneth緊張到拿起電話筒,未理會到電話另一邊是否已經接通就講。此刻,他才察覺到電話機的液晶顯示一早已打出「Out of Service」。他好耐未用過公共電話,唔知道打999不用入錢、也不知道要先看電話的液晶顯示。

唉~或者這是天意。他剛才報假案時已經谷盡身上最後一口勇氣,現在全身再無勇氣致電作第二次虛報了。

擾擾攘攘,已經是下午二時。距離今晚6:30新聞尚有四個半小時,做得保險經紀的Kenneth,當然不會坐以待斃。

他立即致電找老婆:Emily,她在荃灣區工作。
Kenneth:「喂老婆呀!妳知唔知今日係乜日子呀?」
Emily是一名惡妻,粗聲粗氣:「我點知呀!講啦你!」
Kenneth:「係我哋相識第1,500日呀!不如我哋今晚出街食飯慶祝吓呀?」
Emily:「吓?你又會咁好死?突然咁好記性?你有咩嘢企圖呀!?」
Kenneth:「唔係!我有個client啱啱今日過咗身,佢臨死前勸我要『珍惜眼前人』!我突然成個人醒哂!今晚我一於嚟接妳放工,食飯睇戲直落。」
Emily:「挑!都唔知你搞邊科?..Q但啦!」
Kenneth:「好!今晚六點,喺妳公司樓下見。」

Kenneth收線後舒一口氣,他那有client今日過世呀,只是隨口亂講。Kenneth的企圖:就是要讓Emily今晚不會留在家中看電視新聞。再者,如果東窗事發,給Emily的朋友拆穿,Kenneth至少利用今夜食飯睇戲來消減Emily的怒氣,搏取減輕自己的罪行。情況類似孩童年代,考試科科唔合格,把成績表交給父母簽名前,孩子會突然主動幫手做家務,希望父母鬧少啲。全是「無事獻殷勤,非奸即盜」的心理作祟。

* * * * * *

當晚Kenneth去接Emily放工,先去尖沙嘴某酒店吃燭光晚餐。一步入酒店,Kenneth以前成日俾太太complaint出街成日講公事電話,Kenneth主動提議大家把手電關掉,不要讓其他人騷擾。

Emily其實只是把口衰啲,她扮成免為其難咁關上電話,關電話那一刻剛好是6:30分,是晚間新聞的播映時間。

晚飯期間,KennethEmily既溫柔又浪漫,加上幽默風趣的甜言蜜語,Emily很久未嘗過跟Kenneth共渡甜蜜時刻。平日惡死的Emily,其實口硬心軟,心裡渴望可以重獲愛情滋潤。不過她難於啟齒而漸漸變得脾氣暴躁。今夜終於如願以償,重溫浪漫氣氛。

晚飯後兩人去港威戲院睇9:30電影。Kenneth當然揀看最浪漫嗰套愛情喜劇。電影院內需要關掉電話。

散場後11時,Emily開啟電話,Kenneth在旁好緊張,太太是否已經收到大量告密口訊留言呢?

Emily的電話有幾個口訊,Emily聽完口訊後沒有任何異樣,換句話說︰到這一刻尚未有人發覺或告密。Kenneth暫時鬆一口氣。兩人回到佐敦的家剛好接近1130分。

Emily先去洗手間落妝和洗澡。Kenneth立即開電視睇無線晚間新聞,咦?點解文化中心段片無出街嘅?!

Kenneth不禁嗌了一聲「Wooshii~~~」出來,像足球比賽臨完場前30秒,球員射入決定性一球般興奮。Kennet如釋重負,立即雙手合十,向天跪拜。口中「喃嘸呵呢陀佛

* * * * * *

原來下午拍攝那段新聞,是報導一位政界名人病入膏肓,在深切治療部內進行搶救,隨時有性命的危險。

估不到在黃昏5時左右,該位政界耆英突然好轉並甦醒過來。他醒後第一句竟是問:「奧運聖火安全運送了嗎?」在旁的醫生護士聽到,無不肅然起敬,面前這一位咁愛國的政協人士。

因為政客甦醒,那麼中午拍下那段過氣新聞片,當然沒有播出的必要。換言之,KennethYuko在光天化日下的接吻鏡頭,將永遠埋藏在TVB新聞部的數碼倉庫中,不見天日。

Kenneth偷偷竊笑之際,Emily洗澡完畢後回房。Emily溫柔地:「早啲沖涼早啲瞓啦!」Kenneth心情愉快地答:「好!」立即半跳半跑去洗澡。

Emily因為長期缺乏丈夫的溫柔浪漫,脾氣變得暴躁,老公愈怕佢愈想保持距離,結果墜入惡性循環。她的解藥就是丈夫的體貼關懷。怎料Kenneth今天誤打誤撞,對症下藥,惡妻臭脾氣之症,藥到病除。

噩夢通常會在良辰美景、得意忘形之際發生,殺主角一個措手不及。燙手山芋的難題也可能不費吹灰之力,便化解於無形。無心的一個溫馨甜吻,結果換來一場顛簸折騰,預計一場將近來臨的暴風雨,結果換來一輪皎潔明月。

人生,大概就是這樣吧!


二少爺說︰MV有張曼玉演架。

14 則留言:

  1. 卡臣:

    近日忙整到期Groupon相簿,完全未碰過個博客,唔知你出了兩集添!不過咁,悍妻的男人,通常在外,不止一件.他們要有幾件,才可心理得以平衡!嘻嘻!

    回覆刪除
    回覆
    1. 咁講法,悍妻立即有巿場。大把男人都爭住要。

      刪除
  2. Kenneth同埋Emily就從修舊好喇,咁Yuko呢?

    回覆刪除
    回覆
    1. 雖則Kenneth和Emily修好,Kenneth繼續小心行事,機警一點

      刪除
    2. 經一事、長一智,咁就啱喇。

      以後小心行事,凡親再同yuko出街,都記得帶份寫咗yuko名嘅計劃書,咁咪安全d囉。

      刪除
    3. 都話你心思細密,真要向你好好學習。

      刪除
    4. 當然要計劃周詳喇,出咗事都有得解話嘛。 :)

      刪除
  3. 哗!戈阵时个张曼玉,真系好似一旧番薯敢!

    回覆刪除
  4. 好...今次又比Kenneth過關,睇吓下次點收科>.<!

    回覆刪除

LinkWithin

Blog Widget by LinkWithin