~~~~~~~~~~~~~~~~







2013年7月19日 星期五

搜尋器



尋器


(這篇是新寫的)

Joey到男朋友Man家,看著收費電視的電影台。正播放一套80年代的經典電影《英雄本色》。

Joey坐在沙發上,依著男友,看到這一幕:狄龍在廟中問周潤發:「你信唔信有神?」周潤發答:「信!我咪係神,神都係人啫,識得掌握自己命運嘅人,佢咪就係神。」Joey聽這對白後,嗤之以鼻,覺得好扮嘢。Man則看得十分投入。

JoeyMan拍拖一年,仍然十分親密。Joey是一名OL,沒有什麼大志,興趣就是拍拖,志願是盡快嫁人,退休唔使做,生仔做少奶奶。

* * * * * *

Joey的初戀發生在她讀中一那年。她中學時代只愛看愛情小說,她中學階段結識過幾個男朋友。愛情生活多姿多彩。中學畢業後讀不成預科,在灣仔一間辦公室做OL。她不能一日沒有男朋友,她需要一個人給她撒嬌、差遣、解悶、依靠。

Joey希望嫁得好,希望未來丈夫有少少錢之餘仲要風趣幽默,有情趣識得氹佢開心。Joey身邊的男人如走馬燈般轉換,幾個月至一年貨仔左右。現任男友叫Man

Joey一放假一放工一有時間都會找Man行街睇戲食飯女友咁黐身,唔係個個男人頂得順。最後Man另結新歡,狠飛Joey

失戀的Joey,頓失生活重心。以前一有時間就找Man見面消磨,或者講電話通whatsapp。遇上什麼事情都第一時間告訴男友、報告男友自己的行縱。如今再無人跟她分享。自己一個人好孤獨、好凍呀。

* * * * * *

好彩Joey都有一個知心女友,叫Chloe,是Joey中學同學。平時Joey忙於拍拖,好日都唔搵吓Chloe。當Joey一失戀,就立即搵Chloe尋求安慰開解Chloe都習慣咗呢個「真性情朋友」。這晚ChloeJoey吃晚飯,聽JoeyMan的壞話,Chloe唔出聲,乖乖做個聽眾。

第二晚,Joey又致電Chloe約她吃飯傾偈。Chloe邊有咁多時間應酬JoeyChloe扮有要事,在電話中提議Joey利用網上的「搜尋器」,輸入「失戀治療法」,睇吓其他失戀人士有咩方法去忘記傷痛Chloe回到家中,百無聊賴。一於上網試吓。

她在「搜尋器」瀏覽一會,找到一些提議,例如:「旅行、流浪、進修、學樂器、學外語、speed dating、飲酒、禪修」等等。Joey無意中link link吓,去咗一個小劇團的網頁。因劇團有一齣叫《失戀止蝕》的話劇快要上演了

Joey它的宣傳資料,幾吸引喎,心思思想去睇。立即打電話約Chloe陪她去看話劇Chloe:「如果妳買飛請我的話,我就去。」Joey最怕無人陪,門票都是有限錢啫,一於買票請Chloe去看。

* * * * * *

Joey在劇院門口焦急地等待Chloe,還有三分鐘《失戀止蝕》便要開演了。Chloe的電話一直打唔通Joey諗既然來了,無理由唔入場,唯有一人獨自入場觀看。這是Joey人生第一次一個人看話劇。以前她以為自己絕不能辦到的事情,其實也不是那麼困難。

《失戀止蝕》的表面包裝是愛情故事,其實內容是講社會問題:索K、援交、歧視、同性戀平權、隱蔽青年、失業、老人問題等等。Joey以前睇報紙只睇娛樂版。覺得政治好悶,唔關佢事,拍拖最緊要,困在自己的小世界裡。如今在劇場裡才知道社會而家發生緊乜嘢事,心中有點激動。

謝幕時,Joey大力拍掌。完場後設有「導演觀眾對談」,Joey留下來聽,對創作動機明白多些。嘩!原來個社會好不安定。

Joey離開劇院後,她立即致電Chloe,想告訴她《失戀止蝕》如何好睇。原來Chloe今晚在的士遺失電話,幾經波折後,經的士call台找回電話,結果令她趕不及時間,反而讓Joey學會一點獨立

Joey從此留意這小劇團的動向。她在網上得知劇團搞「演員招募」Joey記得前陣子在「搜尋器」中看過一篇文章,說排戲可以令人忘記失戀痛楚Joey立即打電話叫Chloe陪自己去試鏡Chloe表示有興趣去,因為根據「選美定律」通常陪人去嗰位先會被選中。Chloe拍心口說今次一定唔會失約。

* * * * * *

Joey在觀塘工業大廈門口等待Chloe,劇團就在這工業大廈十樓還有十分鐘便要開始試鏡了。Chloe來電說她母親突然扭傷,要陪她入急症室,又要放飛機了Joey咀咒完Chloe幾句後,雖然無人壯膽,但既然來到,唯有硬著頭皮,戰戰兢兢咁上去試鏡啦

結果Joey在幾日後收到劇團通知,她入圍了。她在劇團裡認識新朋友,忙於排戲很快Joey就唔得閒再搵ChloeChloe不知幾開心,樂得安靜其實Chloe之前向Joey說唔見電話及阿媽扭傷,全是大話,係專登放Joey飛機,逼Joey學習獨立

Joey在排戲時,因該劇講社會問題,導演安排演員們看一些新聞報導,之後討論劇本Joey方知道香港發生緊咁多事,很切身和值得關注以前只顧拍拖、吃喝玩樂、購物扮靚,認真目光狹窄。

* * * * * *

一個月後的某一晚,阿Man跟新女友乘小巴。小巴的玻璃窗貼上一張海報,宣傳一齣舞台劇《搜神記》。Man看到海報上一個熟識的女仔面孔,再看演員名字,真的沒有搞錯。阿Man心中唸出兩句電影對白:「識得掌握自己命運嘅人,佢咪係神。」心裡默默祝福她演出成功

後記
我覺得《你們的幸福》和《搜神記》兩首歌的內容有點相似,於是把兩首歌改成故事,連續放出來。


二少爺說﹕故事靈感來自以下呢首歌


搜神記 - 容祖兒
作曲:Christopher Chak
填詞:林夕

當初膚淺 得你恩寵似升仙 天有眼
當真糊塗 未曾發覺我該俯瞰南極快沒有冰山
當初專心等你燭光晚餐從沒有認識蠟燭怎樣消散
當你的光環暗過世間火柴 何用困在五指山

而神蹟失靈才知天大地大轉得快
夢幻的生涯無非拖手逛街 怪得誰
要敬拜你便沒視力漸觀世態

忘掉誰是你 記住我亦有自己見地
無論你幾高 身價亦低過青花瓷器
評核我自己 只顧投資於愛情
困在你小宇宙損失對大世界的好奇
回味誰是你 往日有甚麼品味
只要敢遠飛 亦能自創我的搜神記
磨練我自己 做人目光高過聚散分離
就憑你 相愛大不了提升演技當做戲

從前只懂情人的感動力量最珍貴
未洞悉小巷大街偏地華麗 昂起頭
看見世界我也會有我的氣勢

拋開你先識去審美往後我便有自己見地
無論愛幾高身價亦低過青花瓷器
評核我自己只顧投資於愛情
困在你小宇宙損失看大世界的福氣
回味誰是你往日有甚麼品味
只要敢遠飛亦能自創我的煙花記
仇視我自己若然目光高過聚散分離
奉承你因往日雙眼無珠不停放大你
想快樂不靠神蹟才懂創世紀

18 則留言:

  1. 卡臣:

    阿彌陀佛!女的可以演劇治失戀,男的就要看AV戲療失戀!嘻嘻!

    回覆刪除
  2. 我睇咗開頭少少,真係跟住search「失戀治療法」同埋「失戀止蝕」,都搵唔到嗰個小劇團嘅,你呃人。 :o

    當人遇上變化之後,睇嘢嘅角度就會無端端唔同咗o架喇。Joey因為呢一次失戀而突破咗自己原來嘅框框,我都恭喜佢演出成功呀。

    回覆刪除
    回覆
    1. Sorry! 呃咗你添。

      在搜尋器中,可能你會search 到" how to forget someone"

      要忘記一段感情,先要開始另一段感情。

      刪除
  3. 仲會search到"渡日月,穿山水"添。 :)

    要忘記一段感情,先要開始一段一夜情。 <-- 咁樣會唔會快捷少少呢? :p

    回覆刪除
    回覆
    1. 唉,連台妺嘅手仔都冇摸過呀。 :(

      刪除
    2. 乜都做齊哂之後,竟然發覺未拖過手,果然高手。

      刪除
  4. 掌握自己命運可以好簡單...做人"神神化化"就得架啦*.*!

    回覆刪除
    回覆
    1. 係喎,真係控制命運,不過駛去瘋狂那段路

      刪除

LinkWithin

Blog Widget by LinkWithin