~~~~~~~~~~~~~~~~







2013年7月22日 星期一

新聞報導 - 上集

新聞報導 - 上集



(本故事寫於2008年舉行中國奧運前夕)

星期五下午115分,陽光普照。KennethYuko在尖沙咀文化中心對開的海濱長廊,兩人情不自禁地,閉目輕吻。
突然聽到背後有人嗌一聲:「cutgood take!」

* * * * * *

已婚的Kenneth,當保險經紀,他跟自己客戶Yuko發展婚外情,關係已維持了三個月。KennethYuko都在尖沙咀區工作,男的經常需要外出見客,女的工作也需要經常巡視集團附屬的零售店,有時候,他們會相約一起乘天星小輪渡海到中環,在船上偷取片刻的相聚和歡愉。

Kenneth今季保險業績彪炳,公司將送他去泰國開會。開會為名、渡假為實,公司會定期獎賞表現出色的員工。

Kenneth今天又約了Yuko一起渡海。他倆行到文化中心對開,Kenneth把一個白信封交給YukoYuko拆開信封,內裏是一張印有Yuko Lam名字的泰航機票。Kenneth背着妻子,買了張機票請Yuko一起去泰國渡假偷歡。

Yuko見到機票,說不出的興奮!感激地望著Kenneth。兩人情不自禁地,閉目輕吻。突然聽到背後一聲:「cutgood take!」

Kenneth睜開雙眼,發覺他倆站在的地方,正是攝影機的正面。原來無線電視台的一支新聞攝製隊,於文化中心外進行錄影。大家都記得在收看電視新聞時,間中會看到一位記者站在鬧市街道上,以熙來攘往的途人做人肉佈景,報導當日某一段新聞。

剛才Yuko折開信封發現是機票時,興奮得立即蹬起腳跟Kenneth親吻,而他們站在的地方剛好就是新聞記者身後的幾尺位置。因此KennethYuko的溫馨景緻,便無意被攝入鏡頭。而最攞命的就是那一take仲係good take,即是今晚6:30新聞一定會播出來。

Kenneth知道片段經電視播出來,事情一定會鬧大。他諗有什麼方法能夠令這段新聞今夜不被播出來?

他向Yuko藉詞有急事要回公司,叫Yuko先自行過海,然後自己留在現場善後。Kenneth 立即call他的好朋友David,向他說出事情經過,求他給予意見。

David在公司正忙得不可開交,帶講笑口吻敷衍Kenneth說:「嗱!你而家做單大嘢,要勁過記者頭先報嗰單料,咁今晚咪播你嗰單料,唔播佢嗰單囉!係咪?喂!我老細叫我!唔同你傾啦!自己搞掂啦!拜!」

Kenneth掛線後,因他的老婆乃標準一名惡妻。Kenneth平日十分之怕老婆,而家當然越諗越驚,千萬不能被老婆或她的朋友家人同事見到這節新聞,否則死梗!

最後Kenneth終於鑽入牛角尖,決定要落手做單大嘢!他現在正猶豫諗緊:應該做單什麼勁嘢呢?

此時,一名巡警剛巧「行咇」經過,Kenneth雙眼不自禁地望着巡警的鎗袋,心裡產生「上前搶鎗」的霎時衝動。但自己平日少運動,加上自己著緊西裝黑皮鞋,搶鎗後未必夠差人跑!如果搶完鎗又最終被差人捉到,則只會淪為一樁普通案件而已,未必夠震撼!

此時,Kenneth聽到兩名自由行的大陸遊客剛好行過,其中一人用普通話說:「今天可以在這裡看到奧運聖火。」

Kenneth腦中「叮」一聲。他醒起今日奧運聖火到達香港第一站。如果奧運聖火炬被人搶走或整熄,咪即刻可以成為國際大新聞囉。論轟動程度,一定可以勁過今日任何一單新聞料。

Kenneth記起新聞中,火炬手前後左右都有聖火護衛隊護航,又有鐵馬、警車重重包圍,犀利過對付韓農示威,如臨大敵。自己連警察支配鎗都唔夠膽搶,守衛深嚴嘅聖火火炬又點可以埋到身吖?

遙望星光大道,突然想起某套電影的情節。好!一於虛報傳送聖火終點站有恐怖襲擊。Kenneth打算call 999,虛報話有幾個炸彈已經裝咗喺沙田運動場同港澳碼頭。他預見到啲嘉賓疏散的混亂情況,今夜晚間新聞一定會全力報導。

Kenneth當然唔會蠢到用自己手提電話打999,他走到天星碼頭的公共電話亭,在褲袋取出一元硬幣。凝望公共電話,呆望幾分鐘,問自己應否臨崖勒馬?有沒有其他更佳辦法或選擇?最後答案都係:非做不可。

因為報案中心可以追蹤電話來源,所以他要限自己7秒內講完,並立即離開現場。他對着電話筒,一手望錶,試講一次。唔!OK啦!3秒講完,都幾滿意。

好!Kenneth拿起電話筒,投下一元,按999後,不理一切,向電話筒一口氣急口令式講:「我知道奧姆真理教放咗兩個炸彈沙田運動場,塔利班放咗三個炸彈港澳碼頭,快派人去睇!」講完馬上啪一聲cut線,但全身仍在顫抖

待續

二少爺說︰達明一派的《恐佈份子》,人類就是「最恐佈的恐佈份子」。

恐佈份子 - 達明一派
關起眼睛 光陰沒了 關起耳朵 彷彿可以 不知不想不用歎氣不理 只管欣賞 虛假的戲 一張笑臉戲中掛 悠然望你說你好嗎 一起呼吸這一口 虛的美

關起眼睛 光陰沒了 關起耳朵 可不可以 不花不草不亮世界不暗 水侵沙土 點點的滲 一張笑臉眼中掛 仍然問你愛我好嗎 一起呼吸這黑色 空的氣

雪降不休 在赤熱裡浮游 你卻握著匕首 讓血在暗地流 一張碎臉眼中掛 惶然問你你吃驚嗎 終不會見到的血 誰懼怕

張開眼睛 始終沒了 張開耳朵 可不可以 天崩風吹不斷喊叫兇殺 枯乾的手 脫了的發 一張笑臉鏡中掛 惶然望你說你好嗎 可不可一起安心 一起安葬 

14 則留言:

  1. 我略略記得呢個故事,當時睇完之後笑咗出嚟。

    Kenneth報假案咁大膽,佢真係好怕老婆喎。下次偷情時,記得留意附近嘅環境喇,或者考慮搭船去離島,起碼人少d嘛,情到濃時仲可以即刻租番間渡假屋添。 :)

    回覆刪除
    回覆
    1. 古龍又話︰越危險嘅地方就係最安全嘅地方。

      回到了? 「威襟空!」

      刪除
  2. 最安全嘅地方應該係自己屋企喎,哈哈。 :p

    「威襟空!」 <-- 諗咗好耐,我終於諗到你講咩喇,原來係welcome home。 :)

    回覆刪除
    回覆
    1. 自己屋企?

      通常老婆在最無可能時間殺回家

      對呀
      成功破解了

      刪除
    2. Kenneth係sell保險o架嘛,如果佢老婆番嚟,佢可以話sell緊個客買保險套......餐。 :p

      刪除
    3. 執生王搵唔到錢,接生王先賺到笑呀,你睇吓私家醫院婦產科幾full就知喇。 :)

      刪除
    4. 好嘢! 又俾你食到字!

      我只識做花生王,等睇戲

      刪除
    5. 講睇戲,梗係唔可以錯過「指環王」喇。

      刪除
    6. Lord of the Ring?
      好睇呀!

      我要介紹:鋼條人

      刪除

LinkWithin

Blog Widget by LinkWithin