~~~~~~~~~~~~~~~~







2013年7月12日 星期五

范特西約會

范特西約會

(這篇是新寫的)

大家好!我係二少爺。


通常由卡臣寫故事,由我負責點歌,今次終於輪到我試吓寫故事。我獻醜啦︰

星期日早上,我睡眼惺忪醒過來,突然記起今天是假期,我早已安排好約會。我經電話的「交友apps」認識一位「陳小姐」。之前跟她chat過,幾啱傾喎,幾啱channel喎。約她今早到公園見面。之前大家素未謀面,只看過profile picture,樣貌端正。大家約好在公園門口等。我已經睡過龍,遲大到了!我心急又興奮之下趕快換衫梳洗。當我臨出門前,照鏡才驚覺自己仍穿底衫,鞋也左右調轉穿錯,我心急成咁,自己也不禁傻笑了起來。

當我抵達公園門口時,見到陳小姐已經站在門口。嘩!好身材又靚女,天使樣貌、魔鬼身材。靚過profile picture千萬倍!不如等我扮有外國人作風,跟她來個擁抱先講。上前一抱之下,她立即反手摑了我一巴掌。噢!我認錯人。當街被女人掌摑,我只好say sorry,解釋認錯人囉,跟著唯有自我苦笑解嘲啦!

我站在公園門口等陳小姐,由早上等到中午。就算我點好脾氣都難免等到一肚氣!中午12時,陳小姐才怱怱趕到公園門口。無論我點有紳士風度都難免要質問她因乜遲大到?當我望真陳小姐,見她的衣服都未整理好,陳小姐回答:因為她急於趕來赴約,所以衣履未整理好便一仆一碌趕過來。哈哈,她跟我一樣咁緊張咁烏龍,一想到我倆未拍拖已經咁夾,我又傻笑了起來。

我們到coffee shop傾偈,共渡了一個愉快的下午。約會臨結束的時候,我跟她說:「拜拜陳小姐!」她驚訝地問我:「吓!你係趙先生嗎?」我嚇了一跳:「我不是姓趙啊!」原來這位蕭小姐,約了趙先生在公園見面。我把蕭小姐當作陳小姐、蕭小姐把我當作趙先生。這個烏龍擺得實在太大了,我跟她相望,咔咔聲大笑起來!

* * * * * *

故事講完了。是否似曾相識呢?係咪好似粵語長片的舊橋段呢。

無錯,呢個故事便是1969(即是44年前)台灣歌手洪鐘的《奇妙的約會》。我細細個有聽過這歌,印象最深便是那三段笑聲。那時候不知道歌詞講什麼?及後才知道歌詞咁有故事性,好嘢!

2005年,蔡明亮執導的《天邊一朵雲》The Wayward Cloud),在香港只在電影節播放,也有出版DVD。我是蔡明亮的粉絲,當然有捧場呀。戲中用了《奇妙的約會》為插曲,大呼過癮!

大家就看看男主角李康生如何演繹這首44年前的《奇妙的約會》。





奇妙的約會 - 洪鐘
作曲:Billy Grey
作詞:洪鐘

我清早起床睡意濃 睡意尚迷濛
我忽然想起今日是 假日好時光
打電話約了密斯陳 在公園碰頭
誰知我身上穿汗衫 左鞋右腳套 
...............

我匆匆趕到公園口 見她已來到
你看她身材多窈窕 臉兒比花嬌
我有心表示對她好 上前就擁抱
她轉身賞我一耳光 原來認錯了 
...............

我等到紅日當頭照 她姍姍來到
我氣在心頭向她問 為何要遲到
就看她衣裙穿顛倒  拖鞋沒換掉
她說為了約會心急燥 跟我一樣妙
...............

我和她甜甜又蜜蜜 同渡好春宵
又同游共舞一整天 咖啡廳裡泡
到臨別時候那一招 情形更可笑
她不姓陳來是姓蕭 我也不姓趙
...............

30 則留言:

  1. 又會咁啱得咁橋嘅,咁都識到,真係有緣呀。仲要咁啱傾,兩人可以發展吓喎,麻煩二少爺寫個下集吖。

    回覆刪除
    回覆
    1. 「我和她甜甜又蜜蜜 同渡好春宵」 <- 我認真睇番歌詞,似乎上床嘅事,上集已經發生咗喇喎。 :p

      刪除
    2. 又係喎,44年前的歌詞也很意識強。

      不過搞完先飲咖啡傾計,又幾另類。

      刪除
    3. 唔係另類喇,係44年前嘅洪鐘填詞時有遠見,同埋思想前衛啫。

      睇吓近年老蘭附近間翠華,一大清早時,好多pair唔係咁熟嘅男女一齊食早餐就知喇。 :p

      刪除
    4. (天真腔):乜真係架?!

      我少去夜蒲,真的不知,好彩你話我知咋。

      刪除
    5. 我都少去,酒精唔係太啱我呀,我都係聽日講o架咋。

      刪除
    6. 我都係聽朋友個朋友個朋友講咋,老蘭我以為拍蘭芳茶餐廳呀

      刪除
  2. 卡臣:

    上錯床,男女也反串!嘻嘻!

    回覆刪除
  3. 個故仔好好笑, 呢排無跟開你的故仔, 大把post要追番.

    話時話, 《天邊一朵雲》我只記得攞個西瓜來拍鹹片, 好奇情.

    回覆刪除
    回覆
    1. 你忙完啦?太好了!

      我看了蔡明亮的「臉」和「行者」。

      不知你有看否?

      刪除
    2. 未忙完, 不過吊頸都要抖吓氣. 睇完你D故仔真係relaxed咗, 嘻嘻.

      刪除
    3. 噢! 又要投入工作喇? 咁努力啦

      等你再回來。

      刪除
  4. 回覆
    1. 大文Sir

      唔好笑我喎,范特西乃抄自周杰倫大碟之名。

      刪除
  5. 那些年台灣歌手好似仲有"姚蘇蓉"x.x!

    回覆刪除

LinkWithin

Blog Widget by LinkWithin