~~~~~~~~~~~~~~~~







2010年2月12日 星期五

三失情人節

Photo by Clinton

三失情人節

Jesse把剛收到Manson的電話短訊,轉發給Hurley,自己被人拒絕,也拒絕了別人。Jesse想起初中「經濟及公共事務」課文,提到「轉口港Entrepot」,貨物左手來右手去。

* * * * * 

中文大學翻譯學系,有一位萬人迷叫Manson,他樣貌有少少似金城武,身高六尺,肌肉均勻,專長攝影、wakeboard、鋼琴八級、結他、駕駛、寫詩、整甜品、變魔魔、捽碟打碟,總之一切冧女的技能都是攞滿分。班中暗戀Manson的女生,多不勝數。Manson在Year 2時跟另一學系一名美少女拍拖,但數月後便分手,至今仍然是單身狀態。下個月十四日便是情人節,班中女生紛紛暗自約Manson共渡情人節。Manson都一一婉轉拒絕,說早已預留了那一晚給某人。

Jesse是迷戀Manson眾多女生的其中一位。樣子精緻的她,性格主動積極,抱著「不試過不心息」的做人態度,經facebook、email、MSN、plurk、twitter等途徑約Manson。不出所料,同樣遭到Manson委婉拒絕。

Jesse仍然不死心,希望Manson情人節那晚,盡可能抽出少少時間見自己,那管是30分鐘還是15分鐘,都已心滿意足。Manson回覆要睇當晚情況。雖然Jesse知道Manson好可能在敷衍自己,但就算只有百份之一的機會,她都願意耐心地等候奇蹟出現。

Jesse剛發出短訊給Manson說願意等待之後,她的電話同時間收到另一條短訊,Jesse一看發件人,眉頭一皺。發件人是同班一名叫Hurley的肥仔。Jesse覺得很宿命,自己如何苦苦追求Manson,Hurley便如何苦苦追求自己,力度有多無減。Hurley相約Jesse在情人節晚相見,那怕是十五分鐘都好!

Jesse對肥仔零興趣,甚至有畸反感。她很冷淡地叫Hurley自己鐘意等就自己等到夠!Jesse不自覺地把在Manson身上受到的冤屈氣,轉嫁到Hurley身上發洩,但Hurley仍然保持微笑、祥和態度,他希望終有一天能夠打動到Jesse。

轉眼間已是2月14日的晚上,Jesse一人留在大學宿舍裡,穿上她覺得最漂亮的服飾,化個靚妝。她望著電話,希望Manson會網開一面,告訴Jesse可以相見半小時,等呀等、等呀等,隨著時間一分一秒流逝。電話仍毫無動靜。

已經晚上十時了,Jesse很失望:又一年的情人節要自己孤身渡過。猜想Manson正攬著另一名美少女溫馨地親熱;心中隱隱作痛。

在男生宿舍裡,Hurley的感受和Jesse一模一樣,他穿上最醒目的戰衣,弄好頭髮,等待Jesse的電話,已經晚上十時了,Hurley很失望:又一年的情人節要自己孤身渡過。猜想Jesse正被一名高大俊男抱著親熱;心中隱隱作痛。

Jesse覺得不能這樣被動地等下去,發出短訊給Manson問今夜可否相見?五分鐘後,Manson冷冷回覆:「今夜真的沒空!」一盆冷水,朝Jesse頭淋下。

一分鐘後,Jesse收到Hurley的短訊,問她今夜可否相見?Jesse把剛收到Manson的拒絕短訊,轉發給Hurley,自己被人拒絕,也拒絕了別人。Jesse想起初中「經濟及公共事務」課文,提到「轉口港Entrepot」,貨物左手來右手去。

Jesse望一望手錶,已經是10:15,她連晚飯也未吃,不如到宿舍的canteen找點吃。Jesse垂下頭,雙眼盯著自己的腳尖,一步一步行向canteen的售賣counter。

Jesse發覺視線範圍內,自己鞋尖的左面和右面,出現了兩對男裝鞋,為免撞到別人,Jesse急停步,抬頭一望,嘩!竟然是垂頭喪氣的Manson和Hurley,同時出現在面前的左方和右方,三人尷尬萬分!吓?Manson在情人節也是孤身隻影?

原來Manson話早已預留了這晚給某人,而某人就是Hurley!同性戀的Manson喜歡肥Bear Bear,Hurley正是Manson的心儀對像。Manson在Year 2拍拖那女孩,只是cover而已!那少女能獲得跟萬人迷拍拖的虛榮感,甘心做Manson幾個月的cover。Manson用千方百計約Hurley共渡情人節,「直到爆」的Hurley怎會理睬Manson的邀請?堅決斷言拒絕。

Manson遭Hurley拒絕後,一人傷心到canteen吃晚飯、
Hurley遭Jesse拒絕後,一人傷心到canteen吃晚飯、
Jesse遭Manson拒絕後,一人傷心到canteen吃晚飯。

三人面面相覷,dead air了十秒,最後還是由Manson先開腔:「不如我哋一齊食飯吖?」

Jesse立即答應,因她終可跟Manson吃一頓情人節晚餐、
Hurley立即答應,因她終可跟Jesse吃一頓情人節晚餐、
Manson當然高興,因她終可跟Hurley吃一頓情人節晚餐。

就這樣,他們這晚吃得很開心,有傾有講。大部分時間,Manson凝望著Hurley、Hurley凝望著Jesse、Jesse凝望著Manson。他們重新發現:原來大家的側面比正面更加迷人。

自這一晚後,他們仨成為好朋友,大家一起食飯玩樂做功課,最終三人沒有發展成任何情侶關係,大抵他們都懂得珍惜大家,相信「沒有一世的情人,卻有一世的朋友」。



故事靈感來自的Twins的《雙失情人節》,祝願天下有情人,終成眷屬。

雙失情人節 - Twins
曲:伍樂城 M詞:黃偉文

這一位 扮繁忙 未說過
二月裡 這一天 預備抽空見我
但我喜歡等 不管最後如何
早清楚他當我什麼

這一位 早已經 預約我
我奉勸 他歸家 等結果
若我這一天 竟然 和他一起過
亦是 坎坷

今晚我愛的人 在散心 可惜我太不幸
沒有份 而他此際可能和情人擁吻
人在慶節我卻箭穿心
偏偏愛我的人沒有等
彷彿那個丘比特是有心
何解我約的人 突然全部都躲開我
搾不出一滴吻

這一位 不理啋 但我愛
就像我喜歡他 是為他不理我
受過我幾多苦 始終滿面詳
這苦心 改變過 什麼
這一位不夠好 但愛我
我耐性 比起他 怎算多
若覺 得孤單 走回頭等他親我
份外 淒楚

今晚我愛的人 在散心 可惜我太不幸
沒有份 而他此際可能和情人擁吻
人在慶節我卻箭穿心
偏偏愛我的人沒有等
彷彿那個丘比特是有心
何解我約的人 突然全部都躲開我
搾不出一滴吻

何解他要等 等不到我
而他不等我 又在苦等

今晚我愛的人 在散心
可惜我太不幸 沒有份
如果佳節不能 和情人擁吻
情願這晚快過快熄燈
偏偏愛我的人 沒有等
彷彿那個邱比特 是有心
人揀我 我揀人 突然全部都不揀我
讓今晚 隔外暗

65 則留言:

  1. 這個故事好有現代感。不過咁,個結局太過消極,應該寫佢地玩3P,咁就大團圓結局,兼而佳偶天成。嘻嘻!

    回覆刪除
  2. 佛爺

    佢地玩3P?
    咁正?

    唉!
    因我的性經驗貧乏
    我寫啲Love scene 無你寫得咁細膩
    看你的故事,文字活靈活現
    身歷其境

    免得貢醜
    所以我故事無love scene囉

    回覆刪除
  3. Kenny T

    包剪揼關係 = 鬥獸棋中:獅/象/鼠
    的追逐關係

    雖拍不成拖, 但可能做到一世朋友呢

    回覆刪除
  4. 有d悲喎, 不過都happy ending, yeah~
    仲有啊, 點解靚仔(兼有才華)的總是gay >.<

    回覆刪除
  5. phyllis

    「點解靚仔(兼有才華)的總是gay?」
    我都好想知點解呀!
    唔怪得我係異性戀者啦

    回覆刪除
  6. 我又估唔到個結局la.

    不過我幾中意個ending wor, 雖然得唔到,但有得一齊情人節渡過已然心滿意足!

    最好係3個主角都寧缺勿濫呀

    P.S.HAPPY LUNAR NEW YEAR !

    KELLY

    回覆刪除
  7. Kelly

    因為性取向唔同
    無計啦

    知道妳喜歡睇愛情故事
    向妳推介以下blog
    純屬虛構

    作者middle的描寫細膩
    唔似我粗枝大葉架

    祝妳新年開心愉快!

    回覆刪除
  8. 原來你都有睇佢個blog呀.我之前link下link下都睇過^^

    有一篇我覺得勁好笑加應景:

    http://mid810.mysinablog.com/index.php?op=ViewArticle&articleId=690146

    唔係氹你,我唔係個個blog都成日update的(好似carson的blog就唔同la)


    kelly

    回覆刪除
  9. kelly

    我立即睇
    嘩! 果然好笑又真實
    好到肉呀

    妳成日睇我blog?
    多謝支持先!

    妳呢番鼓勵是最佳的新年禮物
    感動~

    回覆刪除
  10. 在挪威, 这个星期天也是母亲节, 刚好让人多一个选择, 没伴的话, 就做个孝顺仔囖.

    回覆刪除
  11. 沙漠狐

    原來挪威的母親節咁早
    妳太太快做媽媽了

    祝你一家平安
    一家三口生活愉快

    回覆刪除
  12. 卡臣:

    恭賀新禧!虎年虎虎生威!無食虎鞭都好夠力!嘻嘻!

    因我的性經驗貧乏
    佛爺食齋的,只因佛口色心,睇得日本AV片多,所以就 ..... 你明格喇,唔駛我多講。嘻嘻!

    回覆刪除
  13. phyllis 提到...

    有d悲喎, 不過都happy ending, yeah~
    仲有啊, 點解靚仔(兼有才華)的總是gay


    西方同性戀是源於古希臘的知識份子階層,後來基督教義興起,才把他們壓下去。

    在古希臘,年長的學者和年輕的男性發生關係,是一種知識的傳遞。

    工業革命後,教會權力受削,同性戀又再抬頭。

    二次大戰後,同性戀像雨後春筍般氾濫,社會學家和心理學家也無法找出一致的原因去解釋!

    回覆刪除
  14. 还早, 估计是七月中左右. 下星期再去照超声波, 可以确定性别, 期待中.

    回覆刪除
  15. 佛爺

    尊稱你做AV達人!
    佩服佩服

    你博學多聞
    多謝你對同性戀的補充
    我又學到嘢

    ++++

    沙漠狐

    記得話聲我聽是男是女呀
    祝你榮升老竇

    回覆刪除
  16. 原來係咁, 感謝佛爺的資訊! 你真係博學多才!

    回覆刪除
  17. 卡臣和Phyllis:

    我不是博學,只是以前讀過一科性學,才知道的。不要誇獎我,我是一條大懶蟲!嘻嘻!

    回覆刪除
  18. 佛爺

    相信「性學」呢一科
    你一定成績過人
    攞埋PHD

    你怎會是一條大懶蟲?
    一條龍就真

    回覆刪除
  19. 卡臣:

    咁我又唔係性學博士。我讀科性學都唔明,最後要睇日本AV女優片來補習,才剛好合格。嘻嘻!

    一條龍?我唔係開按摩院架喎!無一條龍服務架!嘻嘻!

    回覆刪除
  20. 友情可以長久過愛情。所以呢個結果都唔喺咁慘嘅。

    回覆刪除
  21. eric

    對呀
    做唔成情人咪做知己
    跌咗個橙執番個桔

    回覆刪除
  22. 都話 BEAR BEAR 大 MARKET 啦! 見到D好野對BEAR BEAR流哂口水, 真難明!
    朱朋

    回覆刪除
  23. 朱朋

    bear bear 好好攬架!
    有啲又多毛
    成日笑,開心果咁

    都是一個大市場呀

    回覆刪除
  24. 每當我睇見一對戀人,夫妻,甚至係自己父母,佢哋企喺條街度鬧交,又或者聽到家庭暴力嘅新聞,我覺得好心酸 :{

    真係有感情,未必代表一生一世㗎! 既然係咁,我就想要多一點尊嚴囉!

    其實,就算係一個人,都可以開心,精彩地過日子㗎!

    祝大家有一個快樂嘅情人節。

    情人節,umm.... 我會點 比天下有情人聽。

    咩話? 唔好話我攞景啦!係真㗎!問你化未?

    回覆刪除
  25. "情人節,umm.... 我會點"相愛很難"比天下有情人聽"

    回覆刪除
  26. 這些微妙的三角關係,永遠都叫人那麼唏噓~

    今年希望大家都有個快樂的情人節!

    回覆刪除
  27. 快樂人

    憑字面看,你現在似乎是單身狀態。
    不過就唔稀罕愛情。
    自己一個都好開心,
    所以你是「只是一個快樂人」

    個人選擇啫,適合自己生活方式最重要。

    ++++

    largeheadboy

    祝你生日快樂暨的情人節快樂!

    回覆刪除
  28. 卡臣

    無錯呀!我仍然係單身㗎!

    我睇見我身邊嘅男性親戚朋友,結婚之後,好多怨言。

    仲記得...有個舊同事,部電腦個Screen Saver有佢同啲仔女影嘅家庭相,我仲以為佢係好好先生。

    但係,老婆一打電話嚟,佢就悔悔氣氣講兩句。一轉身,嘩,精神哂! 打電話比個"女朋友"就溫溫柔柔,講多兩句都未夠喉。

    我好多朋友同事婚後,滾嘅去滾,離嘅就離。

    See? 仲邊有人相信愛情㗎? OUT左好耐喇!

    回覆刪除
  29. 快樂人:

    二十世紀最偉大的女心理學家「凱倫.霍妮」,對你的「衝突」心態,有十分詳盡的解釋。她雖然是佛洛伊德派,認同人有潛意識,但卻認為人的性格和行為是受社會環境所做成,與生理無關。她也被認定是社會心理學的創始人之一。

    霍妮一生坎坷。父母離異,自己的丈夫又神經質,唯一的弟弟在肺炎中離世。她患有嚴重抑鬱症,想過自殺。

    她離婚後,帶同三名女兒從德國移居美國,成立精神分析學院,著書立說,成一家之言。

    「See?仲邊有人相信愛情㗎? OUT左好耐喇!」
    霍妮對你的心態,早有解釋。她在1952已經辭世。所以,你的想法,並不新鮮。

    回覆刪除
  30. 快樂人

    明白嘅
    正所謂:「別離沒有對錯 要走也解釋不多 現代說永遠已經很傻」

    唔相信愛情,還有親情和友情啩?

    +++

    佛爺

    多謝資料提供
    又學到嘢

    「所以,你的想法,並不新鮮。」
    佛爺,你又唔好咁講
    快樂人只是講出他同事的行徑和他的感受啫
    好難講啲前人從未講過嘅觀點喎
    係咪?

    如有冒犯,我講聲梳妮。

    回覆刪除
  31. 佛爺 & 卡臣

    好多謝你哋嘅資料同心靈雞湯呀!

    我有個舊男同事,多年前買了九龍站上蓋嘅一個住宅,準備結婚。

    佢添好哂廚具,諗住婚後有住家飯食。點知老婆唔鍾意煮飯,男同事就供左架車,放工後,車埋老婆返佢外家食晚飯。週末就車老婆返自己爸媽家食飯。我覺得男同事好偉大呀!

    又有一次,我問一個上左年紀嘅女性朋友(單身母親),點解佢鍾意睇啲打鬥片,多過愛情片㗎? 佢話仲邊會信有愛情㗎,傻仔!

    我腦海立即又"叮"左一聲。唔怪得亞媽鍾意睇暴力片啦!不過我鍾意睇愛情片,因為明知都無可能發生嘅野,幻想吓都幾開心㗎。

    睇嚟我都可以拍返集,"愛情星期日檔案"囉!

    總之就 Happy Valentine's Day 啦!只係慶祝一日啫,好快就過㗎喇,哈哈!

    回覆刪除
  32. 其實快樂人你講嘅見聞都幾發人深省。

    我就覺得情人節對單身嘅人嚟講,壓力應該唔及對拍緊拖嘅,因為有好多一對對嘅戀人都會為咗呢日搞到好煩,咁其實係咪真係有得煩好過無得煩呢?

    佛爺,我想問港大開嘅AV班,係咪由你講課?

    回覆刪除
  33. 歪歪

    我都好有同感呀!

    琴日仲有個小妹妹問我, 情人節買咩比個男朋友好添。

    死未!

    回覆刪除
  34. 卡臣:

    「所以,你的想法,並不新鮮。」

    我也覺得自己用句不當,你的批評十分恰當!謝謝你的指點!

    我應該是說,不少前人已經有這種想法。

    回覆刪除
  35. 快樂人:

    凱倫.霍妮認為,人是需要感情生活的,但遇上障礙時,會被壓抑或轉移,而這種障礙,不一定是來自自身的經驗,可以是受社會環境所影響。所以,單身母親不看愛情片,看武打片是正常的轉移。

    霍妮戀上有婦之夫,下嫁了他,跟隨他的姓氏。

    她晚年與一名精神分析學大師相戀,但沒有再婚。

    她多次在雜誌撰文,大肆批評當時德高望重的佛洛伊德不了解女人。認為佛氏的女人有的「陰莖妒忌」是指權力,不是生殖器。

    她提出男人有「子宮妒嫉」,認為男人沒有生育能力,才要子女跟他們姓氏。然而,霍妮直到離世,也保留前夫的姓氏!奇哉?

    回覆刪除
  36. 歪歪:

    我日本AV片就有好多。若果我開講座,播放AV片已經足夠,唔駛講野,D觀眾都會HIGH到暈架!嘻嘻!

    回覆刪除
  37. 快樂人

    咦...我好鍾意睇黑社會片,證明什麼呢?

    情人節...對於我說:只是一個商業社會就消費主意帶動的賺錢黃金機會。舖天蓋地的宣傳,勾勒出假浪漫主義,再賺取情侶袋中的錢。消費過後,如一個氣泡破了,留下帳單而已。

    +++

    歪歪

    如果兩人真心相愛的話,過這天不煩,有期望有計算的話,就勁煩‧

    +++

    佛爺

    唔好講指點
    大家咪咁客氣

    你教AV班? 大把人上堂

    回覆刪除
  38. 佛爺

    那個女性朋友,同我講過,佢曾經因為感情上嘅問題,喊到連淚腺都塞埋。

    我覺得,一個人可以為愛情犧牲自己分工,自己啲錢,但犧牲自己嘅健康,就一啲都唔值囉。

    但係,當局者迷,所謂 "Love is Blind"。幾時知道可以放,又幾時知道要收丫。

    我有個朋友,佢老婆係護士,佢自己又無咩成就。老婆當佢病人咁管。連食甚麼也管,我覺得佢好慘。

    我有啲80後男性朋友,同女朋友分手之後,女朋友剩低比佢哋嘅,只係條卡數。

    所以,我都係覺得單身比較幸福,鍾意做咩就做咩。沒有欠人甚麼,唔洗時時要照顧另一個人嘅感受。自己蝕極都係有限。


    卡臣

    鍾意睇黑社會片? Umm...我估你想當輔警啫!

    係呀!我覺得情人節,又係班商家佬,出嚟搵人錢兼搵人笨嘅日子。

    講講吓,2月14日到!

    回覆刪除
  39. 快樂人

    輔警? 哈哈哈!
    可能係呀!

    班商家佬應該搞埋
    夫妻節/婚外情節/暗戀節/求婚節...
    賺到最多。哈哈!

    2月14日了
    To us, just an ordinary day.

    回覆刪除
  40. 卡臣

    Yeah! To us, just an ordinary day.

    回覆刪除
  41. 快樂人:

    所以凱倫.霍妮比佛洛伊德優勝之處,是她看到社會環境決定人的行為,並不需要自己親身經歷。

    你看見女性朋友為情所累,男性朋友被前度女友碌爆卡,有朋友被護士妻子當仔咁管,就會對你做成影響。

    凱倫.霍妮提出她的理念後,被佛洛伊德派一同投票,把她趕出了精神分析學院。今天看來,她的不少見解是合時宜的。

    回覆刪除
  42. 卡臣:

    我就唔睇文藝片,只睇動作片,最好由頭打到落尾果種。我都唔知點解自己會係咁既囉!

    我聖誕節前買了部索尼MP3,因為大減價。點知而家減得仲勁,我條氣認真唔順!被班商家佬,襯節日,搵笨賊!唉!

    回覆刪除
  43. 佛爺

    我仲以為你愛看床上動作片添呀

    商家佬...點同佢鬥吖?
    我諗住耕田種菜捉魚,自給自足

    回覆刪除
  44. 佛爺

    睇嚟我都要投凱倫.霍妮一票喇!

    BTW, 我有個已婚舊男同事,佢話我聽,佢識親啲女朋友都係叫Karen㗎!

    我諗佢都會投凱倫一票:)

    回覆刪除
  45. 快樂人:

    同你開一個玩笑,精神分析大師「卡爾.榮格」話,人的精神是雌雄同體,集體潛意識裡的另一性別,就是一個人現實中的異性伴侶。你朋友潛意識裡的另一性別,就叫做Karen。

    回覆刪除
  46. 佛爺

    多謝你嘅資料。

    等我問吓其他同事,佢哋啲舊男/女朋友係咩名先。

    回覆刪除
  47. 快樂人

    就一般而言:
    佢哋啲舊男朋友叫「死佬」或「仆街」
    佢哋啲舊女朋友叫「衰婆」或「賤人」

    回覆刪除
  48. 多謝卡臣提醒先至知道加唔到link,所以上面寫成咁。

    回覆刪除
  49. 歪歪

    首歌正喎!
    將網上嗌交的videoclips輯錄而成
    呢啲場面比人一放上網
    就是歷史!就是一世!
    無法delete/隱瞞
    懷念以前low tech時代

    回覆刪除
  50. 吓?post 連線唔得,就算凈係網址都唔得?

    算啦,以下係本來嘅留言:

    『如果兩人真心相愛的話,過這天不煩,有期望有計算的話,就勁煩‧』

    我諗呢啲都要一齊咗一段時間先可以做到,因為如果啱啱一齊就好難唔煩。

    咁啱响今日情人節睇到C Allstar段新聞片,都唔知係攞景定增興,原來真係唔知幾多對持續愛到幾多歲,反而係令我諗起youtube度聽過『顛雞』呢首歌。

    祝大家情人節快樂!

    回覆刪除
  51. 卡臣,其實我都想問下依家係咪出街好擔心會畀人影,就算唔係嗌交,只係食嘢嘅醜態,搭車瞌眼瞓,所以要長期打醒二百分精神?

    回覆刪除
  52. 歪歪

    如果唔係名人,都唔會被人偷拍

    如果你行為騎呢/大吵大鬧/郁手郁腳
    咁就算平常人 都一定影

    回覆刪除
  53. 卡臣

    所以話呢....我唔相信有啲人話"分手之後,仍然可以做都朋友"㗎:{

    回覆刪除
  54. 快樂人

    "分手之後,仍然可以做都朋友"
    視乎對方 有無錢/有無著數攞啦

    回覆刪除
  55. 『如果你行為騎呢/大吵大鬧/郁手郁腳
    咁就算平常人 都一定影』

    咁都幾驚㗎喎,我點知出到街啲人會唔會當我係異類嚟影㗎?

    咁你認為條新聞片入面個女仔歇斯底理嘅失控反應,係咪香港並非常見所以被拍,抑或因為男方係娛樂圈人?我睇咗條片幾次,好驚,從未見過有情侶會咁癲。

    回覆刪除
  56. 歪歪

    「條新聞片入面個女仔歇斯底理嘅失控反應」
    而家香港好常見呢啲情景啦!
    香港戾氣愈來愈盛
    郁啲就打架!
    平常男女拉扯, 周街都有
    唉~~你還是留在他邦好了

    回覆刪除
  57. 佢哋啲舊男朋友叫「死佬」或「仆街」
    佢哋啲舊女朋友叫「衰婆」或「賤人」

    卡臣:

    笑到我肚痛,不過好合邏輯!

    回覆刪除
  58. 『平常男女拉扯, 周街都有』

    咁我真係對依家嘅香港好陌生。據講嗰條所謂新聞片只係拍攝緊佢哋拍劇,咁都無咁驚,我差啲被嚇到唔咁返嚟。

    回覆刪除
  59. 都鍾意呢個故事,最鍾意長情又執着的角色,因為現實裡找不到.

    重有,呢度又係 comment 更精彩!今次識埋凱倫.霍妮,唔該呀佛爺.

    回覆刪除
  60. 歪歪

    奉勸一句:
    網上睇見的未為真
    都係他鄉無咁緊張壓迫

    ++++

    單無雙

    小說勝在唔現實

    佛爺好鬼叻
    間唔中講吓心理學

    回覆刪除
  61. 卡臣,你講得啱,我平時都好小心,今次以為娛樂版咁寫都會去查証下先爆出嚟,佢依家將劇情講到係真事,我以後連報紙都唔敢信。

    回覆刪除
  62. 歪歪

    咪當小說故事咁睇囉
    娛樂一吓

    回覆刪除

LinkWithin

Blog Widget by LinkWithin