~~~~~~~~~~~~~~~~







2009年1月20日 星期二

向東京鐵塔呼喚愛

向東京鐵塔呼喚愛

阿me望著電腦屏幕的一張相片,「點解……會係……阿鋒!?」在旁的Rachel更瞪大眼睛:「吓!咁都得?」

* * * * * *

阿me跟阿鋒就讀同一所大學,雖然不同學系,但在final year一次大陸交流活動上,兩人初認識,繼而發展成為情侶。一年後大家大學畢業,踏進社會工作。兩人拍拖的蜜月期過後,阿me反問自己:阿鋒是否適合自己的對象呢?阿me嫌阿鋒太過木納寡言,不懂氹女友、拍拖的活動又沉悶靜態 。阿me為人活躍好動,如何能修心養性地乖乖對著內向死板的阿鋒?阿me問最老友的同學Rachel意見;Rachel和阿me阿鋒等一大伙兒出嚟玩過幾次,Rachel都覺得阿鋒比較老實沉默。

喜愛日本文化的阿me,在中學時定下一個計劃,就是修讀日語後,去一趟東京自由行。阿me提議阿鋒,工餘一起報讀日語,一年後一起到東京旅行。她誓要登上東京鐵塔。但阿鋒不想學日語,寧願下班後回家休息,阿me力勸無效,最後堅持只得自己一人,也報讀日語可也。

阿me每星期一、四晚上都會獨自去尖沙嘴上日語課。在那裡認識了一位年輕男同學叫阿傑。阿傑的外貌和談吐引起阿me的注意,阿傑搞笑的性格更是班中笑聲的泉源。阿傑主動地撩阿me放學一起宵夜。在日本餐館裡,兩人講自己的故事:阿傑得中五程度,在航空公司的票務部工作,因為愛好日本娛樂潮流文化,晚間學日文,方便睇日劇、雜誌和打機。口花花的阿傑氹得阿me笑過不停。

自這夜開始,阿me上課時跟阿傑坐在一起,一齊放學宵夜送返屋企,一週兩次,日久生情。阿me跟阿傑的嗜好接近,抵死生鬼的阿傑攻陷了阿me的芳心。阿me一腳踏兩船一個月後,決定兩個揀一個。最後選擇跟阿鋒分手。性格內歛的阿鋒,沒有太大激動,想挽留但又拙於辭令。眼白白睇著阿me離開。替這份14個月的感情劃上句號。阿me開始和阿傑展開新戀情。遊山玩水、夜夜笙歌。

一年後,阿me的大學同學Rachel上到她的家,有要事相告。Rachel思前想後,決定要向阿me揭發一事:三天前,Rachel參加一個朋友搞的遊船河,因為要揍滿足夠人數,很多朋友都是friend搭friend前來。Rachel見到一位擬似阿傑男士,叫Jet So。Rachel只在阿me的Facebook見過阿傑的相片,從未正式介紹和見過面。而阿傑則親密地拖著一名妙齡少女,叫Rosa。Rachel在船河上認識了他們,並相約在Facebook互相「add friend」。回家Add後,Rachel發現Jet So的friend list有一位mutual friend,就是阿me!確定了船河上的Jet So和阿me男友阿傑是同一人。

阿me聽後很傷心,給人背叛的滋味很難受,但諗深一層,咁花弗的男子,怎會只滿足於一個女子?阿me鐵起心腸,要跟阿傑這多情種來過一刀兩斷!

在好奇心驅使下,阿me想見一見新歡Rosa的樣貌。Rachel已add了Rosa。Rachel在電腦前打開Facebook,click開Rosa Au的Account,一名擺出V字手勢的青春少艾,打開Rosa的friend list,第一位朋友:Au Siu Fung!?再望真張相,阿me:「點解……會係……阿鋒!?」在旁的Rachel瞪大眼睛:「吓!咁都得?」 原來歐兆鋒即係阿鋒!
再睇information,阿鋒跟Rosa 的Relationship竟然是兄妹!阿me兩年前見過Rosa一次,只是鄰家妹妹。但女大十八變,Rosa如今已經婷婷玉立,阿me也認不出來。

自己前度男友的妹妹搶走了自己現任男友,真是諷刺!阿me沒有打算將事情告訴阿鋒,也沒有怪責Rosa,只怪多情不羈的阿傑。

翌日,阿me跟阿傑攤牌,阿me狠狠地鬧阿傑用情不一,阿傑沒把她挽留,更反擊阿me不夠小鳥依人,吵嚷過後,從此各行各路。第二天,阿me收到阿鋒的電話,原來多口的Rachel忍唔住口告訴給阿鋒。阿鋒在電話中要求見阿me,當作聚舊短聚什麼都好。一天後,兩人相約在海港城一越南餐廳內。阿me和阿鋒望著維港夜景,交換彼此近況。話題扯到阿傑和Rosa身上。

阿me好奇想知道他們是怎認識?阿鋒說去年12月,Rosa參加「日本語教育研究會」舉行的「日語能力考試」時,在試場內認識了阿傑,阿傑施展的溝女絕技,很快便成功一腳踏兩船。

阿me:「乜你個妹學日文呀?」
阿鋒:「係呀!其實……佢係陪我讀日文……」
「吓?你又讀日文呀?」
「係呀!同妳分手之後報讀嘅……」
「點解你又肯讀日文呢?」
「唔知呢……或者我…我……都係唔知……」
阿me心諗:你唔知?定係唔想講?
阿鋒繼續:「我啲日文都OK架!……不如……我哋一齊去東京旅行吖?東京へいきましょうか?」

阿me微笑點頭,兩人同時望向窗外的維港夜景,不約而同望向東方,眺望跟香港相距2850公里的東京市。阿me仿佛見到夜色中巍峨的東京鐵塔,在明月下閃爍著。
「嗯!今夜的星空似乎特別澄明啊!」


送給海火火女



(Photo by Chris Jan)

-----------------------------------------------------

另一結局 (Bonus Track) By 小瓶子

阿me:「乜你個妹學日文呀?」

阿鋒:「係呀!其實……佢係陪我讀日文……」

「嚇?你又讀日文呀?」

「係呀!同妳分手之後報讀嘅……」

「點解你又肯讀日文呢?」

「ei......我......我.......」

阿me心諗:你唔知?定係唔想講?

阿鋒繼續:「現在我的日文都唔差架!」

此時,有個樣子甜美的女子向他們方向走來。阿鋒表情有點愕然,隨後馬上向那女子揮手。阿鋒隨即用日文講:「玲子, 怎麽你會在這?」玲子用流利的日語答(指一指8人桌子的朋友): 「我的日本朋友來探我,剛巧約在這吃飯!」

阿鋒隨即向阿me介紹: 「這位是鈴子,是我的未婚妻,去年我一個人去東京旅行的時候在鐵塔附近認識的。」阿鋒也向玲子介紹: 「這位元是我認識多年的朋友。」鈴子甜甜一笑,然後向阿me輕輕鞠躬,說了兩句客套話,便回去她朋友的桌子。

不過吃飯時,鈴子的朋友時不時都會裝作不經意看阿鋒。

阿me知道阿鋒竟然有了未婚妻,不禁望向窗外的維港夜景,眺望跟香港相距2850公里的東京市。阿me仿佛見到夜色中巍峨的東京鐵塔,在明月下閃爍著。「嗯!今夜的星空似乎特別澄明啊!」

66 則留言:

  1. Nice story, but I would never go back. Broken glass, even if put back together, you will still see the cracks.

    回覆刪除
  2. 哇, 嗰男仔做乜甘长情?

    一如以往, 我觉得阿ME系不应该吃回头草的.

    回覆刪除
  3. 而且当初不是学不学日语的问题而分开, 而是大家性格不一样而分开, 嗰男仔就算勉强学了日文, 但他内向的性格是否可以改变? 阿ME又是否愿意忍受男朋友内向性格? 阿ME再接受嗰男仔一次, 也有可能再背叛多一次.

    回覆刪除
  4. Desertfox & 瓶子

    當初男太納悶,遭女放棄
    後來男肯自我改進
    大家咪俾個機會人啦!
    更新人士很需要大家接納

    回覆刪除
  5. 小瓶子

    >>但他内向的性格是否可以改变? 阿ME又是否愿意忍受男朋友内向性格?

    ==>因為女真的試過一個好玩得的男友
    但花心不忠,
    她自我調節後
    還是選擇一個可靠長情的男子

    回覆刪除
  6. 海港城越南餐廳...個景咁熟ge!
    give one more chance may make a happy ending,人誰無過...but just one chance no more!

    回覆刪除
  7. 火女

    >>私も東京を好きです!

    希望妳笑納

    +++++



    妳真眼利!
    間餐廳都俾妳locate到

    反兜無罪!
    再撻有理!

    回覆刪除
  8. 所以越嚟越覺得玩 facebook 好危險!
    一個連接一個,明明唔想俾人知道自己識阿邊個邊個,但最後又現咗形!小心!

    回覆刪除
  9. viking man

    係呀!
    我有些朋友開幾個facebook account
    純潔版/狂野版/正常版
    供唔同type朋友add

    +++++



    Facebook透明度太高~

    回覆刪除
  10. 我都覺得分開左, 好難再一齊. 如果再一齊, 一係呢個"婚" ,唔係就要再分!

    回覆刪除
  11. 自由

    >>一係呢個"婚" ,唔係就要再分!
    ==>偽鎮話同意!

    回覆刪除
  12. 朋友嘅朋友
    緣份沒法擋...


    facebook裡面d朋友
    我大部份都識。


    只適合做情人
    抑或夫妻
    有時唔關性格夾唔夾
    好多時
    係timing問題。

    回覆刪除
  13. 我都覺得分開左, 好難再一齊 x 3

    => 亞鋒唔改納悶既性格, 遲早又出事, 如果無rachel, 佢就永遠 "潛水" 中

    => 亞me日後難保唔會再 "見異思遷", 因為佢本身難忍亞鋒既納悶

    但係性格既野好難改......

    不如遲啲整個 part 2 啦

    回覆刪除
  14. >亞me日後難保唔會再 "見異思遷", 因為佢本身難忍亞鋒既納悶

    同意! 但唔係無可能, 性格會隨著年紀改變.

    回覆刪除
  15. 巴黎

    果然詩意
    留言都份外有韻味

    timing問題...玩死天下有情人

    我都睇緊obama
    ...今天只有殘留的軀殼,迎接光輝歲月

    ++++++

    肥貓

    >不如遲啲整個 part 2 啦
    ==>分開,復合,分開,求婚,離婚,再婚

    ++++

    自由

    >>但唔係無可能, 性格會隨著年紀改變.
    ==>同意!正如我已經愛晨運及聽粵曲

    回覆刪除
  16. 係呀!
    愛情故事就是分開,復合,分開,求婚,離婚,再婚的N次方

    回覆刪除
  17. 自由

    >>仲有飲早荼同食盅頭飯做早餐!

    ...風濕痛,驗血壓,象棋

    回覆刪除
  18. 肥貓

    絲絲點點計算
    偏偏相差太遠
    兜兜轉轉
    化作段段塵緣

    回覆刪除
  19. "哇, 嗰男仔做乜甘长情?"

    咦,長情唔好咩?

    "Broken glass, even if put back together, you will still see the cracks."

    我覺得佢哋唔喺破碎嘅玻璃咁嚴重,至多只是蒙了塵脫了色。


    我都認為要俾機會,試一吓又何妨。

    回覆刪除
  20. 我覺得呢, 回頭草, 好食又唔怕食丫.

    加上市面上好o野買少見少的時候......

    回覆刪除
  21. 要甘樣每個卜架都寫一個..咪寫到手都軟?

    回覆刪除
  22. eric

    >>我都認為要俾機會,試一吓又何妨。
    ==>係呀
    如果唔得,都可以讓彼此更清楚
    試過唔得都服氣

    ++++

    素顏

    >>加上市面上好o野買少見少的時候......
    ==>難道真係Hopeless?

    ++++++

    henry
    >>要甘樣每個卜架都寫一個..咪寫到手都軟?

    咁又唔使擔心
    尚餘最後兩個
    請忍耐一下

    回覆刪除
  23. 卡臣寫到學日文=媾女聖地!
    我都要學日文識番個妹妹仔先得!

    回覆刪除
  24. 希望真有時間報讀下日文,再去東京!

    回覆刪除
  25. 不完美紳士

    >>我都要學日文識番個妹妹仔先得!
    ==>但係喺美國果面,學日文只能夠識到仔
    sorry~~

    +++++++

    篤篤篤撐
    >>好彩我唔玩facebook~~~
    ==>弊在你衰多口話俾老婆聽你撞到你的ex!

    ++++++

    Shania

    >>希望真有時間報讀下日文,再去東京!
    嘩!咁橋?
    故事情節...
    妳一定happy ending~~

    回覆刪除
  26. 有无看过杨千华及Eason的每当变幻时? 那种失去了的惆怅, 更浪漫写实.
    -----------------------------------
    如果给我改写结局:

    阿me:「乜你個妹學日文呀?」
    阿鋒:「係呀!其實……佢係陪我讀日文……」
    「吓?你又讀日文呀?」
    「係呀!同妳分手之後報讀嘅……」
    「點解你又肯讀日文呢?」
    「ei……我…我…………」
    阿me心諗:你唔知?定係唔想講?
    阿鋒繼續:「现在我的日文都唔差架!」

    此时, 有个样子甜美的女子向他们方向走来. 阿鋒表情有点愕然, 随后马上向那女子挥手.

    阿鋒随即用日文讲:「玲子, 怎么你会在这?」
    玲子用流利的日语答(指一指8人桌子的朋友): 「我的日本朋友来探我, 刚巧约在这吃饭!」
    阿鋒随即向阿me介绍: 「这位是铃子, 是我的未婚妻, 去年我一个人去東京旅行的时候在鐵塔附近认识的.」
    阿鋒也向玲子介绍: 「这位是我认识多年的朋友.」
    铃子甜甜一笑, 然后向阿me轻轻鞠躬, 说了两句客套话, 便回去她朋友的桌子.

    不过吃饭时, 铃子的朋友时不时都会装作不经意看阿鋒.

    阿me知道阿鋒竟然有了未婚妻, 不禁望向窗外的維港夜景,眺望跟香港相距2850公里的東京市。阿me仿佛見到夜色中巍峨的東京鐵塔,在明月下閃爍著。
    「嗯!今夜的星空似乎特別澄明啊!」

    回覆刪除
  27. 小瓶

    結局正喎
    post埋出嚟先!

    +++++

    火女

    >>你真係樂觀!
    送故事給妳
    最好happy ending啦
    新年流流!

    回覆刪除
  28. > 仲有最後兩個

    期待期待.我想Special Request 亞強得唔得呀?好掛住佢呀!

    回覆刪除
  29. 我喜歡小瓶子你的結局!

    阿me跟阿鋒, 是沒甚可能的了...

    我都想寫下, 得唔得呢~?

    回覆刪除
  30. 我都好掛住亞強, 佢近來好嗎??
    佢仲有無遇上"不幸"事件???
    祝亞強色魔遠離佢!!

    回覆刪除
  31. haha..第一次留言..

    我都係喜歡小瓶子的結局多一點.

    回覆刪除
  32. c+ & 自由行小姐

    多謝妳們關心,
    我現在去了北京旅行兼避年,
    我二月初會回來跟大家拜年!

    等我呀!

    回覆刪除
  33. 火女

    妳續寫結局
    當然歡迎
    我必將它post出嚟

    +++++

    sze

    妳好!
    喜歡小瓶結局!
    好呀!愈多變化愈好!
    多謝留言先

    回覆刪除
  34. 弊在你衰多口話俾老婆聽你撞到你的ex!
    >>係佢撞到唔係我ar,
    話時話, 真係曾經撞過ex, 當時唔敢上去打招呼tim,
    做人, 真係唔好對唔住人ar~~~

    回覆刪除
  35. bottle結局催向現實化,警世作用變了心就是完了,性格好難改,相處到的是生活日伴侶反之會令我窒息,我個人不會為了怕孤獨而人有我有,戀愛不是生命的全部,當妳巳寄居塵世一千年!

    回覆刪除
  36. 我都鐘意小瓶子個結局多o的,
    阿 Me 同 阿峰 都唔夾,
    at this case 各自有新發展都係好事丫.

    回覆刪除
  37. 少年聽雨歌樓上,紅燭昏羅帳;壯年聽雨客舟中,江闊雲低,斷雁叫西風;而今聽雨僧廬下,鬢已星星也;悲歡離合總無情,一任階前,點滴到天明。

    我說是:「悲歡離合總是情!」

    回覆刪除
  38. 流浪:

    ==>你看到「悲歡離合總是情」
    因心裡有愛。


    ==>覺得故事的結局
    也隨着
    各人的期望而演變

    復合後可能再分
    也可能開花結果。

    回覆刪除
  39. this is actually your "mind chicken soup" series.

    回覆刪除
  40. 家下睇卡臣嘅 post 要成日翻兜, 因為有時個 title 同內容會改,有時又有 bonus track。一文可以多睇。

    小瓶子個結局我都鐘意。令人回味嘅愛情故事通常都係唔能夠好 perfect。亦證明咗如果想學好日文,最好搵番個㗎妹做女朋友!
    :P

    回覆刪除
  41. 篤撐

    >>話時話, 真係曾經撞過ex, 當時唔敢上去打招呼tim,
    ==>好似...我都試過...


    +++++++


    >>當妳巳寄居塵世一千年!
    ==>嘩!相對論都解釋唔到~~

    ++++++

    素顏

    睇怕妳試過一間餐廳唔滿意
    返頭再幫襯的機會=0

    回覆刪除
  42. 校長 + 巴黎

    嘩!你兩位一吟詩
    詩意盎然
    我真係搭唔到咀
    鼓掌!鼓掌!

    +++++

    nost

    >>心靈雞湯?
    ==>我想係心靈雞精喎
    白蘭氏添呀!


    +++++

    維京人

    >>有時個 title 同內容會改,有時又有 bonus track。一文可以多睇。
    ==>梗係啦
    你都幫過我續寫架!

    >>亦證明咗如果想學好日文,最好搵番個架妹做女朋友!
    ==>支持!援交呀!

    回覆刪除
  43. 卡臣
    謝謝你啊!明晚年夜飯後會盡早上來...
    好緊張,驚今晚訓吾著...從沒收過這樣特別的禮物!
    千年3耳.

    回覆刪除
  44. 卡臣,

    冇錯,所以喺度真係要多謝你呀!
    好好玩。

    援交好,而且通常都好嫩口。

    回覆刪除
  45. 3耳

    明晚925
    大家都唔係度
    無人駕駛

    ++++

    viking

    揾日你再續寫呀
    大門常開

    回覆刪除
  46. >>明晚大家食住等
    ==>唔使等我同聶架啦
    攤涷我會叮番熱!

    回覆刪除
  47. 太夜的話會順便帶埋燒夜比大家
    卡怪係主筆會私人整多碗一哥杏汁燕窩給潤筆!

    回覆刪除


  48. 咁客氣呀
    又係cyber糖水?

    ++++

    eric

    我私人整碗墨汁燕窩給你嘆!

    回覆刪除
  49. 卡sir:

    想問一個低b問題, 你點樣link up 人地條link 落文章? (我在撰寫文章裡找到"連結"..之後點攪?)

    謝謝!!

    回覆刪除
  50. 卡臣:
    long time no see ar!
    wa~有好多文章要追返來睇啊!

    回覆刪除
  51. 自由 + 聶

    sorry
    下午3時外出
    晚上跟朋友吃飯
    11:30才回家上網
    遲覆妳:

    >>你點樣link up 人地條link 落文章? (我在撰寫文章裡找到"連結"..之後點攪?)

    1) 先打中文 eg 卡臣
    2) 用mouse highlight卡臣
    3) click"連結"icon
    4) 出現box: fill in "hyperlink"
    5) confirm 即可

    ++++++

    佚名

    妳未考完試果喎!
    努力加油!
    我啲文, 慢慢先睇啦

    回覆刪除
  52. 小佚

    考完試啦
    祝成功過關

    如果妳考完
    咁快啲睇故事啦

    回覆刪除

LinkWithin

Blog Widget by LinkWithin