~~~~~~~~~~~~~~~~







2009年1月14日 星期三

五月花.六月開

五月花.六月開

Patricia讀完那個email後,內心充滿疑問!自問自己是一等一良民,過馬路連紅綠燈都唔衝,點解警方會邀請自己去警署協助調查呢?難道警方追查到她曾經用電腦BT劇集?還是,呢個email是朋友的大整蠱呢?

* * * * * * * *

一年前,六月的一個晚上,Patricia和Colin到了一間位於中環的「May Flower.五月花餐廳」,他們訂了一張於露台的二人枱,除了可以仰望頭上一片星空之外,還可以方便抽煙。晚飯氣氛相當愉快,言談甚歡,Colin開了一支2001年的紅酒。Patricia有寫blog的習慣,每當侍應送上一度菜到枱上,她都用相機拍低,做紀錄和評語,整理後再將相片和食評,張貼到blog上跟朋友分享。這個「美食拍照習慣」,幾年來風雨不改。

晚飯後Colin送Patricia回家,之後Colin再乘的士返回自己的住所。Patricia洗澡後check email,電話響起,是警署打來。原來Colin乘搭的計程車,深宵於高速公路跟亡命小巴相撞,送往急症室搶救!

就這樣,Colin在毫無先兆之下,永遠離開了Patricia。死訊來得這般突然,Patricia難以接受這事實。Patricia曾夢見Colin親自來道別,並應承在她餘生,會以另一種形式繼續愛她。醒過來的Patricia,眼眶沒有再乾涸過。

* * * * * * * *

一年後,Patricia總算叫從傷痛中走出來,日子總要過,不如過得舒懷一點吧!她學會放下心理包袱,開始習慣回復單身的生活。六月某天就是Patricia的生日。她的朋友們相約她吃晚飯慶祝。其中一位朋友做搞手,看食飲雜誌的推介後,在Facebook的event中提議大家到May Flower餐廳吃飯慶祝。列明時間地點人數,問大家有否異議?搞手當然不知道Patricia和前度就是於一年前,在這間五月花餐廳吃最後晚餐。

Patricia聳一聳肩,回覆「it’s nice!」因她知道這度傷口應該已經癒合;不妨再去那間餐廳一趟,試煉一吓自己的堅強程度。Patricia慶生那夜,跟一大班男女朋友們歡渡,沒有愛情,至少也有友情相隨。Patricia照舊把每度菜色用相機拍下,製作她今年「慶生晚餐」的網誌系列。

翌日早上,她把生辰晚餐相片整理後,張貼於自己網誌中。當天晚上,她在yahoo news看到一宗本港突發大新聞!標題:「獨行殺手,中環餐廳槍殺商人」!再細閱詳細內文。「吓?是May Flower!噚晚我哋仲坐喺入面食晚飯呀!」現場滿地鮮血、場面混亂、食客受驚。Patricia慶幸自己不在現場,逃過一劫!電話響起,朋友紛紛致電,向Patricia報告此單震撼全城的大新聞!

第二天下午,Patricia在辦公室收到一封email,打開後內心充滿疑問。自己是一等一良民,點解警方會邀請自己去警署協助調查呢?她鼓起勇氣,按email留下的電話打去,一把好磁性的男聲接電話:「Inspector Wong speaking,」Patricia查詢之下,原來警方要求Patricia到警署協助調查昨晚中環餐廳槍殺案,叫Patricia把那夜在餐廳拍攝的所有照片,帶去中環警署找重案組黃督察。收線後,Patricia詢問朋友意見,朋友說市民有責任「警民合作」,但忠告她如果要單獨進入「認人室」,就一定要找女警陪同。

翌日,Patricia到中環警署找重案組黃督察,她被帶到黃督察的辦公室。嘩!原來黃督察是一名留有鬚根的六尺高大隻佬,雖然穿了西裝,但難掩西裝下的澎湃肌肉。一股男性剛陽味隔空傾湧過來。黃督察解釋:估計殺手在落手前會再到現場,作最後考察,Patricia的相片可能會無意間拍低殺手的容貌。Patricia好奇問黃督察,點解喺人海茫茫中會找到她呢?黃督察解釋在互聯網搜尋器,打入key word「May Flower」,結果找到Patricia的網誌。

網誌中張貼介紹May Flower餐廳設計裝修的相片,時間是案發前一晚。相片中還拍到其他食客的容貌。黃督察不會放過任何線索,循網誌的email聯絡上Patricia。Patricia把光碟交給黃督察。內面載有當晚拍低的所有相片。餐廳裝修相片有十幾張之多,她只從中挑選一張來張貼。Patricia留下聯絡電話後,離開了警署,完成了她的公民責任。

一天後,黃督察致電找Patricia,說光碟中找不到適合的線索,但都多謝Patricia的協助。其實這只是黃督察打開話題的引子,約Patricia吃晚飯才是主題。Patricia對黃督察第一印象非常之好,一於俾個機會黃督察,樂意應約。

晚飯傾偈時,黃督察跟Patricia的口味很相似,Patricia對黃督察加了不少分數!Patricia問黃督察愛吃什麼?愛玩什麼?愛看什麼?討厭什麼?黃督察的答案跟Patricia心裡的答案十分相似,心裡默默認定他是下一位男朋友。一對新情侶需要時間去磨合、揣摩對方喜惡、自我調節遷就,才可稱為「合拍」,怎料面前這位認識不夠幾天的黃督察,竟有一見如故的感覺!Patricia覺得他很像一位熟識已久的朋友,但一時間又說不出口是誰?

黃督察送Patricia回家,臨轉身離開前的微笑,竟然跟Colin一模一樣!Patricia終於醒起黃督察似誰:答案是Colin!Patricia腦中閃過一個念頭:黃督察是Colin靈魂的化身,繼續來愛錫自己。

黃督察回到家中,第一件事就是打開電腦,看Patricia的網誌,其實黃督察那會是Colin從天上轉投人世?!黃督察半年前在網上click吓click吓,無意間發現到Patricia的Blog,嘩!驚為天人。黃督察花了一整天,把Patricia的Blog由頭到尾細讀一遍,對Patricia產生好感和傾慕。

半年後,多得那個殺手做案,黃督察終於遇上這個黃金機會,立即聯絡Patricia,並假公濟私認識了她。黃督察看過Patricia每篇網誌文章,當然對她的生活喜好嫌惡、品味習慣,瞭如指掌。

一週後,他們在一間意大利餐廳晚餐,黃督察向Patricia解釋:自金融海嘯後,殺手大幅劈價,加上很多商業罪案被揭發,有人願意聘用殺手去剷除污點証人。

黃督察握著Patricia的手,繼續說:「殺手嚟自越南......」話口未完「嘭」一聲巨響!一名男食客中槍,應聲倒在血泊之中!全場食客紛紛惶恐尖叫!黃督察立即拉Patricia入枱底。

真係日頭唔好講人,夜晚唔好講乜呀!黃督察情報非常準確!又有殺手當眾犯案,仲要喺正佢哋面前添!黃督察拉Patricia躲入枱底,確保她安全後,
黃督察說:「我要做嘢啦!睇怕今晚餐飯食唔成!」
Patricia答:「唔緊要!我煮定宵夜等你!」
黃督察回以一個微笑之後,轉身衝出去,朝殺手逃走方向跑去!

有人說:「喺邊度跌低,就要喺邊度起返身」,一段感情在五月花凋謝,一年後,在六月天再萌芽開花。愛情這東西,從來都是無法捉摸和解釋。

送給素顏天使

-----------------------------------

素顏天使回應:

早前我跟卡臣閒聊,我話不如你給我寫個故事啦,那時候心情真的很不好,常哭。然後他就真的給我寫了這個叫《五月花.六月開》的故事 (雖然排期排了好久才輪到我......),何止是 tailor-made,直情是 couture 的級數呀! 超感動,真的。除了因為故事本身集合槍戰/殺手/愛情/未忘人/疑似黃德斌(?)這些強勁原素之外呢,還有就是在這個故事內給我的祝福寄語。得o架啦,收到晒呀巴打。

Thanks a lot Carson, and for the really pleasant afternoon. :)

66 則留言:

  1. 峰迴路轉!但呢個黃督察...唔係好信得過!

    回覆刪除
  2. 第三!

    哇~~~~~~!!!多謝你呀卡卡~~~
    好鐘意個故仔呀!

    我一路睇一路卡卡聲笑
    黃督察呢o的 type 我 buy 喎,
    咁佢溝女溝得o黎有做過功課丫起碼!

    不過呢 噓 我個舊男友呀 Colin 佢未死喎! XD

    回覆刪除
  3. 「喺邊度跌低,就要喺邊度起返身」...講得好**!

    回覆刪除
  4. wa, 卡卡咒人死?

    但故事写的好好. 我都会buy. 有这么多追女桥段, 卡卡果然是情场高手.

    回覆刪除
  5. 小瓶子

    >>女仔一定中意....
    女仔希望有人可以保護自己嘛
    安全感

    +++++++++

    c+

    >>黃督察唔係好信得過!
    佢向patricia攞光碟找線索
    出發點都係正確嘅
    不過順便識埋人啫

    回覆刪除
  6. 素顏

    >>好鐘意個故仔呀!
    妳鐘意就好啦

    >>我個舊男友呀 Colin 佢未死喎!
    本故事純粹虛構
    如有雷同,實屬巧合
    並祝長命百歲

    +++++

    不完美紳士
    >>黃督察似邊個藝人先?
    似「黃得賓」呱

    ++++++

    denzel

    >>「喺邊度跌低,就要喺邊度起返身」.
    我好似喺杜其峰的「柔道龍虎榜」聽到

    回覆刪除
  7. 個故事好黑色童話,標題又夠思意...卡怪有做功課知到素顏鐘意黃德斌...


    題外話:亡命飛車又幾亡命喎..ha ha

    回覆刪除


  8. >標題又夠思意...
    多謝先


    >>亡命飛車又幾亡命喎
    不過妳大命吖嗎!
    無有怕!

    回覆刪除
  9. 卡臣,
    又一佳作!
    你睇幾多留言, 又咁受歡迎, 點會無「神奇又有魅力的」溝通能力呢?

    回覆刪除
  10. 卡叔望真D你blog的照片好似貝理雅...

    回覆刪除
  11. 老卡:

    >愛情這東西,從來都是無法捉摸和解釋。
    無野講, 中晒!!

    回覆刪除
  12. 肥貓

    >>你睇幾多留言,
    ==>都係多得妳支持啫
    謝謝

    +++++

    逍遙小妹

    >>引人入勝?
    哈哈
    咁過癮?

    +++++



    belair?
    好呀
    Prime Minister
    我最鐘意睇「little britian」
    每次都笑死我架

    回覆刪除
  13. 自由

    >上司這東西,從來都是無法捉摸和解釋。
    中嗎?

    回覆刪除
  14. 男人這東西,從來都是無法捉摸和解釋。
    女人這東西,從來都是無法捉摸和解釋。
    人生這東西,從來都是無法捉摸和解釋。

    唔好打頭!

    回覆刪除
  15. 老卡:

    >上司這東西,從來都是無法捉摸和解釋。
    你連我心入面o個句都講埋..我..都係無野講!

    話時話, 呢句都幾百搭. 老婆又得,老板又得.

    回覆刪除
  16. C+

    網友的留言,從來都是無法捉摸和解釋。

    唔好打面!


    +++++

    自由

    >>呢句都幾百搭. 老婆又得,老板又得.
    老虎蟹都得

    sorry!忍唔住

    回覆刪除
  17. 似曾相識的感覺
    或許因為人有相似
    或許特別投緣
    更多時候
    是無法解釋的印象

    再去愛
    是忘記傷痛的方法

    喜歡這故事啊!

    回覆刪除
  18. 亡命小巴
    今晚開得很慢呀!
    全程沒聽到超速響號!

    回覆刪除
  19. 卡臣,
    little british 好野泥...識貸.笑甩棚牙,但英式幽默吾係個個識欣賞!
    我比較低B還是上上mr men的site打打波子機笑下.

    回覆刪除
  20. 巴黎小姐...
    晚上好.安全到步便好了。

    回覆刪除
  21. 巴黎

    day揸夫!

    >>再去愛,是忘記傷痛的方法
    或者可能仲傷,
    不過我地向好處看!!

    >今晚開得很慢呀!
    好嘢!
    妳好可能會中六合彩

    回覆刪除


  22. 一講Little Britian
    必提:I'm the only gay in village
    笑死我

    mr bean....型體多啲
    都睇到我碌地

    回覆刪除
  23. "五月花.六月開"

    七月結果,八月收割。

    回覆刪除
  24. nice one~ So many different possibilities in this story... tried to guess what is going to happen next but you always have a new angle to that!

    回覆刪除
  25. eric

    >月花.六月開。

    七月結果,八月收割。

    九月釀製,十月上市。

    +++++

    iris眼

    妳謙啦
    我知妳一早估到哂嘅~~

    ps..妳啲新作呢?

    回覆刪除
  26. 我懷疑黃督察睇咗Patricia嘅Facebook event知道佢會响五月花同朋友食飯,於是使用黑白兩道嘅交情,製造一場「獨行殺手,中環餐廳槍殺商人」,然後借機聯絡Patricia睇相之餘,仲安排首次約會食食吓飯,上演一幕英雄救美,雖然犧牲咗兩個無辜嘅人,但係贏得美人歸。如果有人迷戀一個人到咁嘅地步,當事人知道咗都咪話唔驚。以上只係我嘅白日夢。

    講真啦,呢個故事令我想起電影P.S. I love you,唔好誤會,唔係話你抄襲,只係同樣講另一半離世,而最後都揾到新嘅戀愛對象,而新嘅對象係有前者嘅影子。咁算係「愛的替身」?定係「我只鍾意呢一type」?

    回覆刪除
  27. 歪歪 > 如果能夠費咁大氣力去喜歡一個人,我諗我會感動到死,即刻以身相許就地正法......當然大前題係果個人係黃德斌咁上下造型,唔係o的肥仔電車毒男啦!

    回覆刪除
  28. >>上司這東西,從來都是無法捉摸和解釋。

    係呀-_-

    回覆刪除
  29. 歪歪

    哈哈
    你果然好嘢
    咁都俾你度到
    下次幫我做劇本編審!
    (義工咋)haha!

    咁不顧後果咁愛一個人
    都幾得人驚
    好似前排
    女子提出分手
    男士不能接受
    隊冧女友
    嘩!愛的反面是毀滅!!

    >>咁算係「愛的替身」?定係「我只鍾意呢一type」?

    我諗係「只鍾意揾呢一type嘅人嚟做愛的替身」

    ++++

    素顏

    >>如果妳面前嗰位係黃德斌咁上下造型,相信佢唔使為妳做乜感動嘅嘢,妳都即刻以身相許或就地正法喇!
    (我估啫......)


    +++

    zoe

    火女

    >五月花.六月開 : 浪漫的名字~

    咁「五時花.六時變」呢?

    回覆刪除
  30. 素顏天使:

    你嘅「大前題」(果個人係黃德斌咁上下造型)顧名思義即係最先決條件,真係要早講,唔係啲「肥仔電車毒男」睇咗上半未睇下半,就走咗去殺人嚟博你歡心,咁就死得人多喇!我驚第日無人敢出街。

    我同意卡臣嘅講法之餘,仲覺得咁好條件嘅男人,通常會認為唔駛去追人,自然會有人追上門。

    ---------------------

    卡臣 提到...

    『下次幫我做劇本編審!
    (義工咋)haha!』

    你叫到就算赴湯蹈火都無問題。

    『我諗係「只鍾意揾呢一type嘅人嚟做愛的替身」』

    一石二鳥,答得好!

    回覆刪除
  31. 歪歪

    >>唔係啲「肥仔電車毒男」睇咗上半未睇下半,就走咗去殺人嚟博你歡心,咁就死得人多喇
    ==>嘩!我都話歪歪你心思細密
    好彩你作此呼籲
    否則網絡大塞車

    >>仲覺得咁好條件嘅男人,通常會認為唔駛去追人,自然會有人追上門。
    ==>但係送上門嘅,通常唔係自己杯茶,唔鐘意!

    >>『我諗係「只鍾意揾呢一type嘅人嚟做愛的替身」』一石二鳥,答得好!

    ==>好似Miss HK俾阿叻問問題咁
    我咁答,可否入五強呀? 志偉哥?

    回覆刪除
  32. 我有個舊同事, OFFICE失竊,
    個督察黎查案,
    (失竊案點解要INSOECTOR出馬呢?)
    查查下, 真係溝左, 結埋婚TIM.


    個督察好似姓黃.....

    回覆刪除
  33. 篤篤

    多謝你的提供
    根據各方情報
    馮親姓黃的督察:都是直
    和會假公濟私溝女
    大家電視機旁邊嘅觀眾小心啲

    警訊節目播放完畢

    回覆刪除
  34. Hana

    妳OK 我OK

    校長喎
    梗係勁
    無返咁上下點做校長呀!

    回覆刪除
  35. 我用蜆牌工人皂
    正!

    好似未聽過呢個牌子...整古我?

    回覆刪除
  36. 蜆牌工人皂

    有冇老人家聽過?
    support吓我?

    回覆刪除
  37. 蜆殼石油氣呀?
    緊係聽過啦!

    回覆刪除
  38. 老人家

    er....er....我無嘢講啦!

    都多謝你回應先

    回覆刪除
  39. nost

    槍戰,殺手,愛情,未忘人
    ...電影元素

    回覆刪除
  40. 『但係送上門嘅,通常唔係自己杯茶,唔鐘意!』

    哦,你响度呻緊好多狂蜂浪蝶撲埋你身,但係唔係你杯茶。

    『好似Miss HK俾阿叻問問題咁
    我咁答,可否入五強呀? 志偉哥?』

    志偉:「你咁強,樣靚身材正之外,仲美貌與智慧並重,直情攞冠軍啦,快啲坐上寶座接受加冕,然後拎著枝權杖繞場一周!我想早啲收工去食宵夜。」

    回覆刪除
  41. 歪歪

    >>好多狂蜂浪蝶??
    揾隻烏蠅睇吓都無喎!!

    ++++

    志偉哥
    多謝哂!
    我已繞場一周
    可以去慶功宴啦
    幾時可以拍劇?做司儀呀?

    回覆刪除
  42. 揾隻烏蠅睇吓都無喎!!
    ==>不過有
    麻雀、
    飛蟻、
    蟋蟀、
    螢火蟲...

    回覆刪除
  43. 巴黎

    妳同老爺今晚有

    紅酒
    魚子醬
    音樂
    肉扖
    暖和的手

    回覆刪除
  44. 卡,

    你同家人聽晚有

    冬姑
    髮菜
    雞鴨
    魚翅
    温馨嘅親情

    回覆刪除
  45. 巴黎

    妳去倫敦就有

    郵筒
    兩層巴
    歌劇
    紅茶
    灰灰的天

    回覆刪除


  46. 你係香港就有

    7 Eleven
    亡命小巴
    楝篤笑
    普洱
    湮霞遍遍

    回覆刪除
  47. 巴黎

    你的回憶就有

    覺士道公園
    法國文化協會
    倫敦戲院
    澳洲燉奶
    芳蹤處處

    回覆刪除
  48. 再繼續對

    應該可以對到年三十晚!

    而家要去family day
    à ce soir!

    回覆刪除
  49. 『幾時可以拍劇?做司儀呀?』

    6叔:咁就睇你乖唔乖喇,你聽教聽話就俾個「視后」你做,如果唔係你就做梗「歡樂小姐」囉。

    回覆刪除
  50. 黃督察咁似呀colin,都唔知係好事定唔好事~可能會成日勾返起以前同colin的回憶~

    hi carson,近來可好?

    回覆刪除
  51. 巴黎

    family day?
    好呀!
    問候咁多位

    +++++



    >>英國電影
    run fat boy run
    走得麼新郎哥

    +++++

    歪歪

    吓?六叔
    咁睇怕我都係做
    電視劇過鏡茄呢啡

    +++++

    mona

    妳點呀?
    差點報警尋人!

    多點出現啊!

    我? 如舊憨居居囉!

    回覆刪除
  52. 『吓?六叔
    咁睇怕我都係做
    電視劇過鏡茄呢啡』

    同6叔 say No,
    唔駛响TVD 撈!

    回覆刪除
  53. 歪歪

    >>同6叔 say No,
    唔駛响TVD 撈!

    =>唯有過亞視撈
    鵬哥,我嚟啦!

    回覆刪除
  54. 小瓶子,"WAH, 呢嗰故仔女仔一定中意...."
    Yes, I agree.

    回覆刪除
  55. Michelle

    有一個男人咁為自己
    梗開心啦!

    回覆刪除

LinkWithin

Blog Widget by LinkWithin